ما شيڭرۇي اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ ماجىلىسىندە بىلاي دەپ باسا دارىپتەدى
شي جينپيڭ زاڭمەن باسقارۋ يدەياسىن ىشكەرىلەي ۇيرەنۋگە، جەتە تۇسىنۋگە ۇزدىكسىز كۇش سالىپ، شىنايى يگەرىپ ناقتى ىستەپ، شينجياڭدى جاپپاي زاڭمەن باسقارۋدىڭ ۇزدىكسىز تەرەڭدەۋىن ىلگەرىلەتۋ كەرەك
ەركىن تۇنياز، ٴزۇمىرات وبۇل، لي يفي، حى جۇڭيوۋ، جاڭ جۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 24 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شينجياڭدى جاپپاي زاڭمەن باسقارۋ كوميتەتى 4 ـ ايدىڭ 24 ـ كۇنى ٴماجىلىس اشىپ، شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، ورتالىق كوميتەت مەملەكەتتى جاپپاي زاڭمەن باسقارۋ كوميتەتىنىڭ قاتىستى ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، 2023 ـ جىلعى شينجياڭدى جاپپاي زاڭمەن باسقارۋ قىزمەتىن قورىتىندىلادى، ٴتۇيىندى مىندەتتەردى ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ مەڭگەرۋشىسى ما شيڭرۇي ٴماجىلىستى باسقاردى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى حى جۇڭيوۋ، جاڭ جۋ ماجىلىسكە قاتىناستى.
ٴماجىلىس اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ زاڭ اتقارۋدى سايكەستىرۋ گرۋپپاسىنىڭ، زاڭعا بويسۇنىپ، زاڭدى جالپىلاستىرۋدى سايكەستىرۋ گرۋپپاسىنىڭ، ٴادىليالىق سايكەستىرۋ گرۋپپاسىنىڭ، زاڭ ەرەجە شىعارۋدى سايكەستىرۋ گرۋپپاسىنىڭ جانە كەڭسەسىنىڭ 2023 ـ جىلعى قىزمەت مالىمەتىن تىڭدادى، 2024 ـ جىلعى قىزمەتتەگى ماڭىزدى تۇيىندەردى اقىلداستى، قارادى.
ما شيڭرۇي بىلاي دەپ اتاپ كورسەتتى: بىلتىردان بەرى اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ ٴارقايسى سايكەستىرۋ گرۋپپالارى، جەر ـ جەر، تاراۋلار شي جينپيڭ زاڭمەن باسقارۋ يدەياسىن ىشكەرىلەي امالياتتا ايگىلەپ، شينجياڭدى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى ٴبىر تۇتاس جوسپارلاپ ىلگەرىلەتىپ، زاڭمەن باسقارىلاتىن شينجياڭ قۇرىلىسىندا تىڭ قادام تاستالدى. ول بىلاي دەپ باسا دارىپتەدى: شينجياڭدى جاپپاي زاڭمەن باسقارۋ _ ۇزاق ۋاقىتتىق مىندەت، جاۋاپكەرشىلىك اۋىر، جول ۇزاق، ٴبىز بىرەۋى ارقىلى ٴبارىن اتتانىسقا كەلتىرەتىن ماڭىزدى سالالاردى، شەشۋشى بۋىنداردى مىقتى يگەرىپ، ۇزدىكسىز كۇش سالۋمەن بىرگە، ىشكەرىلەي ىستەۋگە، ەگجەي ـ تەگجەيلى ىستەۋگە، ناقتى ىستەۋگە دە كۇش سالۋىمىز كەرەك. شي جينپيڭ زاڭمەن باسقارۋ يدەياسىن ۇزدىكسىز ىشكەرىلەي ۇيرەنىپ، جەتە ٴتۇسىنىپ، سەنىمدى بەكەمدەپ، نىسانانى كوزدەپ، شىنايى يگەرىپ ناقتى ىستەپ، شينجياڭدى جاپپاي زاڭمەن باسقارۋداعى ٴتۇيىندى مىندەتتەردە ۇزدىكسىز تىڭ تابىستارعا قول جەتكىزۋدى نىسانالى تۇردە ىلگەرىلەتۋىمىز، زاڭمەن باسقارىلاتىن شينجياڭ قۇرىلىسىنىڭ ۇزدىكسىز تەرەڭدەۋىن ىلگەرىلەتۋىمىز كەرەك.
ما شيڭرۇي بىلاي دەپ باسا دارىپتەدى: نازاردى لاڭكەستىككە قارسى تۇرۋدىڭ، ورنىقتىلىقتى قورعاۋدىڭ زاڭمەن باسقارىلۋىنا، ۇدايىلانۋىنا شوعىرلاندىرىپ، شينجياڭدى زاڭمەن باسقارۋدى ۇزدىكسىز تەرەڭدەتىپ، ورنىقتىلىقتىڭ زاڭمەن باسقارۋ نەگىزىن ۇزدىكسىز بەكەمدەۋ كەرەك. ورنىقتىلىقتى مىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاۋدى، ۇشتاستىرۋدى ونان ارى كۇشەيتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ساياسات، زاڭ ەرەجەلەر جۇيەسىن اقاۋسىزداندىرىپ، لاڭكەستىككە قارسى تۇرۋدى، ورنىقتىلىقتى قورعاۋدى زاڭمەن باسقارۋداعى، ۇدايىلاندىرۋداعى ٴتۇرلى قىزمەت شارالارىن تياناقتاندىرىپ، شەتەلگە ساياتىن زاڭمەن باسقارۋ قۇرىلىسىن كۇشەيتىپ، شينجياڭنىڭ قوعامدىق كەلەلى جاعدايىنىڭ باياندى ورنىقتىلىعىن باتىل ساقتاۋ كەرەك. نازاردى جوعارى ساپالى دامۋعا شوعىرلاندىرىپ، شينجياڭدى زاڭمەن باسقارۋدى ۇزدىكسىز تەرەڭدەتىپ، زاڭمەن باسقارۋدىڭ ەكونوميكالىق، قوعامدىق دامۋعا قىزمەت وتەۋدەگى ساپاسىن، ونىمدىلىگىن ۇزدىكسىز جوعارىلاتۋ كەرەك. زاڭمەن باسقارۋ ارقىلى ەكونوميكالىق، قوعامدىق دامۋعا دەم بەرۋگە تاباندى بولىپ، عىلىم ـ تەحنيكادا جاڭالىق اشۋ، ەرەكشە كاسىپ سالالارىن دامىتۋ سياقتى سالالاردى ارقاۋ ەتىپ، زاڭ ەرەجە شىعارۋ قامتاماسىزدىعىن كۇشەيتۋ كەرەك. جوعارى دەڭگەيدەگى ەسىك اشۋعا سايكەسەتىن زاڭمەن باسقارۋ جۇيەسىن قۇرۋدى جەدەلدەتىپ، جىبەك جولى ەكونوميكالىق بەلدەۋى زاڭ ىستەرى اۋماعىن قۇرىپ، بۇكىل ەلدىڭ ٴبىر تۇتاس ٴىرى بازارىمەن توعىسۋدى جەدەلدەتۋ كەرەك. شينجياڭنىڭ زاڭمەن باسقارىلاتىن شارۋاشىلىق ـ ساۋدا ورتاسى قۇرىلىسىنداعى كورنەكتى ماسەلەلەردى زاڭ بويىنشا، زاڭ ەرەجە بويىنشا شەشىپ، شينجياڭنىڭ ەكونوميكاسى مەن قوعامىنىڭ جوعارى ساپالى دامۋىنا اناعۇرلىم ويداعىداي قىزمەت وتەۋ جانە ونى قامتاماسىز ەتۋ كەرەك. نازاردى زاڭمەن باسقارۋدى حالىق ٴۇشىن جۇرگىزۋگە شوعىرلاندىرىپ، شينجياڭدى زاڭمەن باسقارۋدى ۇزدىكسىز تەرەڭدەتىپ، ٴار ۇلت بۇقاراسىنىڭ زاڭمەن باسقارۋداعى تابىس سەزىمىن ۇزدىكسىز كۇشەيتۋ كەرەك. زاڭمەن باسقارىلاتىن قوعام قۇرىلىسىن تەرەڭدەتىپ، زاڭمەن باسقارۋ ۇگىت ـ تاربيەسىن ىشكەرىلەي ورىستەتىپ، تۇتاس قوعامنىڭ زاڭمەن باسقارۋ تانىمى مەن زاڭدىق ساپاسىن كۇشەيتۋ كەرەك. زاڭدى ٴادىل، وركەنيەتتى اتقارۋدى قاتاڭ ارناعا ٴتۇسىرىپ، بۇقارانىڭ اڭىسى كۇشتى بولىپ وتىرعان زاڭ اتقارۋ سالاسىنداعى ماسەلەلەردى قاتاڭ تەكسەرىپ ٴبىر جاقتى ەتىپ، ٴادىليانىڭ الەۋمەتتىك سەنىمدىلىگىن جوعارىلاتۋ، ٴار ۇلت بۇقاراسىنا ٴاربىر ٴادىليالىق دەلودان ادىلدىكتى جانە ادىلەتتىلىكتى شىنايى سەزىندىرۋ كەرەك. نازاردى زاڭمەن باسقارىلاتىن ۇكىمەت قۇرىلىسىنا شوعىرلاندىرىپ، شينجياڭدى زاڭمەن باسقارۋدى ۇزدىكسىز تەرەڭدەتىپ، اكىمشىلىكتى زاڭ بويىنشا جۇرگىزۋ ورەسىن ۇزدىكسىز جوعارىلاتۋ كەرەك. كەلەلى اكىمشىلىك شەشىم جاساۋ ٴتارتىپ، بەلگىلەمەلەرىن قاتاڭ تياناقتاندىرىپ، شەشىمنىڭ عىلميلانۋىن، جۇيەلىلەنۋىن ىلگەرىلەتۋ كەرەك. اكىمشىلىك زاڭ اتقارۋدى باقىلاۋ جۇيەسى قۇرىلىسىن كۇشەيتىپ، اكىمشىلىك زاڭ اتقارۋ قىزمەتىن جان ـ جاقتى، جالپى بارىستىق، ۇدايىلانعان، ۇزاق ٴونىمدى باقىلاۋدى كۇشەيتۋ كەرەك. نەگىزگى ساتىنى باسقارۋدىڭ زاڭمەن باسقارىلۋىن تىڭعىلىقتى ىلگەرىلەتىپ، زاڭمەن باسقارۋ سالاسىنداعى تاڭداۋلى كادر ـ دارىندىلاردىڭ نەگىزگى ساتىعا، اسىرەسە، وڭتۇستىك شينجياڭداعى نەگىزگى ساتىعا قاراي ويىسۋىن ۇزدىكسىز ىلگەرىلەتۋ، نەگىزگى ساتىنى باسقارۋ قابىلەتىن ۇزدىكسىز جوعارىلاتۋ كەرەك.
چىن ۋيجۇن، چىن ميڭگو، ۋاڭ جيانشين، ەلزات احمەتجان، قادەن كابەن، شينجياڭ اسكەري رايونىنىڭ، بيڭتۋاننىڭ قاتىستى باسشىلارى جانە اۆتونوميالى رايوندىق حالىق سوتى مەكەمەسىنىڭ، پروكۋراتۋرانىڭ نەگىزگى جاۋاپتى جولداستارى، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ مۇشەلەرى جانە ٴارقايسى مۇشە ورىنداردىڭ، ٴارقايسى سايكەستىرۋ گرۋپپالارىنىڭ جاۋاپتى جولداستارى ماجىلىسكە قاتىناستى.
