شي جينپيڭ قۇرلىق ارمياسى اسكەري مەديتسينا داشۋەسىن كوزدەن كەشىرگەندە بىلاي دەپ باسا دارىپتەدى
سوعىس مايدانىن، اسكەري ٴبولىمدى، بولاشاقتى بەتكە الىپ، دۇنيە جۇزىندە بىرەگەي اسكەري مەديتسينا داشۋەسىن قۇلشىنا قۇرۋ كەرەك
4 ـ ايدىڭ 23 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قۇرلىق ارمياسى اسكەري مەديتسينا داشۋەسىن كوزدەن كەشىردى. سۋرەتتە: شي جينپيڭ سوعىستا جارالانعانداردى شۇعىل قۇتقارۋ جابدىق ـ ماتەريالدارىن جانە كۋرسانتتاردىڭ مەڭگەرىپ كورسەتۋىن كوزدەن كەشىرۋدە.
□ سۋرەتتى شينحۋا اگەنتتىگىنىڭ ٴتىلشىسى لي گاڭ تۇسىرگەن
شينحۋا اگەنتتىگىنىڭ 4 ـ ايدىڭ 25 ـ كۇنى چۇڭچيڭنەن بەرگەن حابارى (ٴتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 4 ـ ايدىڭ 23 ـ كۇنى قۇرلىق ارمياسى اسكەري مەديتسينا داشۋەسىن كوزدەن كەشىرىپ، بىلاي دەپ باسا دارىپتەدى: جاڭا داۋىردەگى ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر اعارتۋى باعىتىن جاپپاي تياناقتاندىرىپ، سوعىس مايدانىن، اسكەري ٴبولىمدى، بولاشاقتى بەتكە الىپ، وقىتۋ جۇرگىزىپ، ادام تاربيەلەۋ ورەسى مەن دەنساۋلىق ساقتاۋ كومەگى بويىنشا قامتاماسىزداندىرۋ قابىلەتىن جوعارىلاتىپ، دۇنيە جۇزىندە بىرەگەي اسكەري مەديتسينا داشۋەسىن قۇلشىنا قۇرۋ كەرەك.
تۇستەن بۇرىن ساعات 9دان 45 مينۋت مولشەرىندە شي جينپيڭ قۇرلىق ارمياسى اسكەري مەديتسينا داشۋەسىنە كەلىپ، ەڭ الدىمەن داشۋەنىڭ نەگىزگى احۋالىن جانە سوعىس مايدانىنداعى مەديتسينالىق قۇتقارۋ ـ ەمدەۋ ٴتۇيىندى ٴپان احۋالىن ۇعىسىپ، سوعىستا جارالانعانداردى شۇعىل قۇتقارۋ جابدىق ـ ماتەريالدارىن جانە كۋرسانتتاردىڭ مەڭگەرىپ كورسەتۋىن كوزدەن كەشىردى. قۇرلىق ارمياسى اسكەري مەديتسينا داشۋەسىنىڭ داڭقتى تاريحي ٴداستۇرى بار، ۇزاق ۋاقىتتىق وقىتۋ جۇرگىزۋ امالياتى بارىسىندا ٴۇستىرت اسكەري ىستەر مەديتسيناسى، سوعىس جاراقاتى مەديتسيناسى، كۇيىك جاراقاتى مەديتسيناسى سياقتى ايقىن ەرەكشەلىك جانە باسىمدىق قالىپتاستىرعان. 2017 ـ جىلى رەتتەلىپ قۇرىلعاننان بەرى داشۋە ارميانىڭ سوعىس ٴۇشىن بولۋىنا تاباندى بولىپ، جاڭالىق اشا دامۋدى ىلگەرىلەتىپ، اسكەري كۇرەستەگى دەنساۋلىق ساقتاۋ كومەگى بويىنشا قامتاماسىزداندىرۋ، جاڭا تيپتى ايدارشا ۆيرۋس ىندەتىنەن ساقتانۋ ـ تىزگىندەۋ سياقتى ٴبىر قىدىرۋ كەلەلى مىندەتتەردى ايتا قالارلىقتاي ورىندادى. شي جينپيڭ قۇرلىق ارمياسى اسكەري مەديتسينا داشۋەسىنىڭ قۇرىلىس جانە مىندەتتى ورىنداۋ احۋالىن تۇراقتاندىردى.
قىزۋ شاپالاق ٴۇنى ىشىندە شي جينپيڭ قۇرلىق ارمياسى اسكەري مەديتسينا داشۋەسىندەگى وفيتسەر ـ اسكەرلەر ۋاكىلدەرىن ىقىلاسپەن قابىلدادى ٴارى كوپشىلىكپەن بىرگە ەستەلىك سۋرەتكە ٴتۇستى.
شي جينپيڭ بىلاي دەپ باسا دارىپتەدى: قۇرلىق ارمياسى اسكەري مەديتسينا داشۋەسى ارميامىزدىڭ مەديتسينا تۇرىندەگى جوعارى دارەجەلى وقۋ ـ اعارتۋ شۋەيۋانى، بۇكىل ارميانىڭ دەنساۋلىق ساقتاۋ كومەك كۇشى جۇيەسىنىڭ ماڭىزدى قۇرامداس بولىگى. ٴمورال ارقىلى ادام تاربيەلەۋگە، سوعىس ٴۇشىن ادام تاربيەلەۋگە تاباندى بولىپ، وقۋ ـ اعارتۋ، وقىتۋ رەفورماسىن تەرەڭدەتىپ، ٴمورالدى دا دارىندى جاڭا ٴداۋىر قىزىل اسكەري شيپاگەرلەردى جەتىلدىرۋ كەرەك. ەرەكشەلىككە يە مەديتسينا عىلمي زەرتتەۋىندە جاڭالىق اشۋدى زور كۇشپەن ىلگەرىلەتىپ، ٴداستۇرلى باسىمدىقتى بەكەمدەپ، دامۋدىڭ الدىڭعى لەگىن يەلەپ، اسكەري ىستەر مەديتسيناسىنىڭ بيىك شىڭىنا ەرلىكپەن شىعۋ كەرەك. دەنساۋلىق ساقتاۋ كومەگى بويىنشا قامتاماسىزداندىرۋ قۇرىلىستارىن كۇشەيتىپ، اسكەري ٴبولىمنىڭ جاۋىنگەرلىك قۋاتىنا پارمەندى قىزمەت كورسەتىپ، وفيتسەر ـ اسكەرلەردىڭ دەنە جانە پسيحيكالىق اقاۋسىزدىعىنا قىزمەت كورسەتۋ كەرەك.
شي جينپيڭ بىلاي دەپ باسا دارىپتەدى: پارتيانى جاپپاي قاتاڭ باسقارۋ تالابىن تياناقتاندىرىپ، پارتيانىڭ جاڭالىق اشۋ نازارياسىمەن قارۋلانۋدى كۇشەيتىپ، پارتيا ٴتارتىبىن ۇيرەنۋ تاربيەسىن ويداعىداي يگەرىپ، ەمدەۋ ـ دەنساۋلىق ساقتاۋ سالاسىنداعى رەتتەۋدى، وڭاۋدى ۇزدىكسىز تەرەڭدەتىپ، داشۋەنىڭ جوعارى دەڭگەيدە ورتالىقتانعان ٴبىر تۇتاستىعى مەن كىرشىكسىزدىگىنە، بەكەمدەلۋىنە شىنايى كەپىلدىك ەتۋ كەرەك. مەكتەپتى زاڭ بويىنشا باسقارۋدى مىقتى يگەرىپ، مەكتەپتى قاتاڭ باسقارىپ، وقۋ ـ اعارتۋدى باسقارۋدى قاتايتىپ، نەگىزگى ساتىنى يگەرۋ، نەگىز قالاۋ قىزمەتىن ويداعىداي ىستەپ، بۇكىل مەكتەپتەگى وقىتۋشى ـ وقۋشىلاردىڭ، قىزمەتكەرلەردىڭ ٴىس تىندىرىپ، ناتيجە شىعارۋ بەلسەندىلىگىن قاۋلاتىپ، داشۋە قۇرىلىسىنىڭ جاڭا جاعدايىن ٴبىر نيەتپەن سەلبەسىپ اشۋ كەرەك.
حى ۋيدۇڭ قاتارلىلار قيمىلعا قاتىناستى.
