قازىنالىق مەجە ەسەپتىڭ اتقارىلۋىن كۇشەيتۋ سياقتىلاردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 25 ـ كۇنى ۇرىمجىدەن حابارلايدى. 4 ـ ايدىڭ 25 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشىپ، باس شۋجي شي جينپيڭنىڭ جۋىقتاعى ماڭىزدى سوزدەرىنىڭ رۋحىن جەتكىزدى، ۇيرەندى، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، قازىنالىق مەجە ەسەپتىڭ اتقارىلۋىن كۇشەيتۋ، ٴوندىرىس حاۋىپسىزدىگى سياقتى قىزمەتتەردى اقىلداستى.
ٴماجىلىس مىنالاردى اتاپ كورسەتتى: باتىس بولىكتى قاۋىرت اشۋدى ىلگەرىلەتۋدە جاڭا جاعداي قالىپتاستىرۋ _ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل ٴىشى، حالىقارا سىندى ەكى كەلەلى جاعدايدى ٴبىر تۇتاس جوسپارلاپ جاساعان كەلەلى شەشىمى جانە ورنالاستىرۋى. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭنىڭ ”بەس ۇلكەن ستراتەگيالىق ورنىن“ كوزدەپ، كەلەلى تاريحي ورايدى مىقتاپ يگەرىپ، باتىس بولىكتى قاۋىرت اشۋدىڭ جاڭا تاراۋىن جازۋدا اناعۇرلىم ۇلكەن جاۋاپكەرشىلىك، ىسكەرلىك كورسەتۋ كەرەك. ”سەگىز ٴىرى كاسىپ سالاسى شوعىرى“ سياقتى ەرەكشە، باسىمدىققا يە كاسىپ سالالارىن دامىتۋدى ىشكەرىلەي ىلگەرىلەتىپ، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدى تەرەڭدەي توعىستىرۋدى كۇشەيتىپ، حۋايروۋ تاجىريبەحاناسى شينجياڭ بازاسى (شينجياڭ اكادەمياسى) سياقتى جوعارى دارەجەلى جاڭالىق اشۋ تۇعىرلارىنىڭ رولىن تولىق ساۋلەلەندىرىپ، جاڭاشا وندىرگىش كۇشتى جەرگىلىكتى جاعدايعا قاراي جەتىلدىرۋ جانە دامىتۋ كەرەك. مەملەكەت جەرى كەڭىستىگىن اشۋ، قورعاۋ جۇلگەسىن ساپالىلاندىرىپ، ەكولوگيالىق ورتانى رايوندارعا ٴبولىپ باسقارۋ ـ مەڭگەرۋدى كۇشەيتىپ، ”ٴۇرىمجى _ سانجى _ شىحىزى“ سياقتى ٴتۇيىندى وڭىرلەردىڭ اتموسفەرا ورتاسىن وڭاۋدى بۇلجىتپاي اتقارىپ، تاكلاماكان ٴشول جيەگى توسقاۋىل شايقاسىن كۇش سالا ويداعىداي جۇرگىزىپ، قالالاردى جاسىلداندىرۋ قىزمەتىن ويداعىداي ىستەۋ كەرەك. ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن، اسىرەسە، ورتا ازياداعى بەس ەلمەن ناقتى ىستەر سەلبەستىگىن كۇشەيتىپ، شىعىس، ورتا بولىكپەن، شىعىس سولتۇستىك وڭىرمەن ناقتى ىستەر سەلبەستىگىن تەرەڭدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن تۇلعالاۋ كەرەك. رايونىمىزدىڭ ەنەرگيا بايلىعى باسىمدىعىن ساۋلەلەندىرىپ، جاڭا ەنەرگيانى ٴتۇيىن ەتكەن جاڭا تيپتەگى ەلەكتر جۇيەسىن جەدەل قۇرىپ، ”باتىستىڭ ەلەكترىن شىعىسقا جەتكىزۋ“ قۋاتىن جوعارىلاتۋ كەرەك. ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەسىن ۇيرەنىپ جانە ونى قولدانىپ، وڭتۇستىك شينجياڭدى ٴتۇيىن ەتىپ، اۋىل ـ قىستاقتى گۇلدەندىرۋ ستراتەگياسىن ىشكەرىلەي اتقارىپ، وزىندىك ەرەكشەلىككە يە اۋدان ٴوڭىرى ەكونوميكاسىن دامىتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، اۆتونوميالى رايوندىق 10 ـ كەزەكتى پارتكوم ون ٴبىرىنشى جالپى ٴماجىلىسىنىڭ ورنالاستىرۋى بويىنشا، شينجياڭدى مادەنيەتپەن نارلەندىرۋدى ىشكەرىلەي ورىستەتىپ، ٴار ۇلت بۇقاراسىنىڭ كەڭىنەن ارالاسۋىن، ىشتەسۋىن، توعىسۋىن ىلگەرىلەتۋ كەرەك.
ٴماجىلىس «شينجياڭ ۇيعۇر اۆتونوميالى رايوندىق حالىق ۇكىمەتىنىڭ 2024 ـ جىلعى زاڭ ەرەجە شىعارۋ جوسپارىن» اقىلداسىپ، مىنالاردى باسا دارىپتەدى: پارتيانىڭ زاڭ شىعارۋ قىزمەتىنە جاپپاي باسشىلىعىنا تاباندى بولىپ، زاڭ شىعارۋدى، وزگەرىس ەنگىزۋدى، كۇشىنەن قالدىرۋدى، ٴتۇسىندىرۋدى ٴبىر تۇتاس جوسپارلاپ ورنالاستىرىپ، زاڭ ەرەجە شىعارۋ جوسپارىنىڭ اتقارىلۋىن ويداعىداي يگەرىپ، زاڭ ەرەجە شىعارۋ قىزمەتىنىڭ جۇيەلى سيپاتىنا، عىلمي سيپاتىنا، ولشەمدى سيپاتىنا شىنايى كەپىلدىك ەتۋ كەرەك. زاڭ ەرەجە شىعارۋ ٴتارتىبىن قاتاڭداستىرىپ، قىزمەت ٴتۇيىنىن ناقتى ونىمدىلىكتى جوعارىلاتۋعا، ەرەكشەلىكتى كورنەكتىلەندىرۋگە، ماسەلەنى شەشۋگە شوعىرلاندىرىپ، زاڭ ەرەجە شىعارۋ مىندەتىن ۋاقىتىندا ساپاعا كەپىلدىك ەتە ورىنداۋعا شىنايى كەپىلدىك ەتۋ كەرەك. اۆتونوميالى رايوندىق حالىق قۇرىلتايى تۇراقتى كوميتەتى زاڭ قىزمەتى كوميتەتى سياقتىلارمەن بايلانىس جاساۋدى، بىرلەسىپ قيمىلداۋدى كۇشەيتىپ، اشىق زاڭ ەرەجە شىعارۋعا تاباندى بولىپ، قوعامداعى ٴار سالانى كەڭىنەن قاتىسۋعا جەتەكتەۋ كەرەك.
ٴماجىلىس مىنالاردى باسا دارىپتەدى: ٴارقايسى ايماق، وبلىس، قالالاردىڭ قازىنالىق مەجە ەسەبىنىڭ اتقارىلۋ قىزمەتىن ورنالاستىرۋدى، قۋزاۋدى، وعان جەتەكشىلىك ەتۋدى كۇشەيتىپ، باقىلاۋ ـ قۋزاۋ قىزمەتىن ۇدايىلاندىرۋدىڭ ونىمدىلىگىن جوعارىلاتىپ، بايقالعان ٴتۇرلى ماسەلەلەردى دەر كەزىندە اقىلداسىپ تۇجىرىم جاساپ، شەشۋ شارالارىن العا قويۋ كەرەك. ”ۇنەمشىلدىكپەن تۇرمىس كەشىرۋ“ يدەياسىن بەرىك ورناتىپ، نەگىزگى ساتىنىڭ ”ٴۇشتى قامتاماسىز ەتۋ“ اينالىمىن باقىلاۋدى كۇشەيتىپ، مەجە ەسەپتىڭ اتقارىلۋىنا شەكتەمە قويۋدى كۇشەيتىپ، قازىنالىق قارجىنىڭ حاۋىپسىز، ولشەمدى ىستەتىلۋىنە شىنايى كەپىلدىك ەتۋ كەرەك.
ٴماجىلىس مىنالاردى اتاپ كورسەتتى: ”1 ـ مامىر“ دەمالىسى تاياپ قالدى، كومىر كەن، كومىرگە جاتپايتىن كەن، قاتەرلى حيميالىق بۇيىمدار، جول قاتىناس، قۇرىلىس جۇرگىزۋ، ساياحات كورىنىس ٴوڭىرى سياقتى ٴتۇيىندى سالالار مەن الاڭ ورىندارداعى حاۋىپسىزدىكتى باقىلاۋ ـ باسقارۋدى جانە حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋ، جونگە سالۋدى ۇزدىكسىز ويداعىداي يگەرىپ، ماندىك حاۋىپسىزدىك دەڭگەيىن ۇزدىكسىز جوعارىلاتۋ كەرەك. جايما ەكونوميكاسىن، كەشكى بازار ەكونوميكاسىن زور كۇشپەن دامىتىپ، تاڭەرتەڭگى بازار، كەشكى بازارلاردى اشىپ، قالانىڭ ”قويۋ تۇرمىستىق لەبىن“ كۇشەيتىپ، بۇقارانى يكەمدى جۇمىستانۋعا، شارۋاشىلىق قۇرۋعا باستاۋ كەرەك.
ٴماجىلىس باسقا دا ىستەردى اقىلداستى.
