_ 2024 ـ جىلعى ”حانزۋ ٴتىلى كوپىرى“ شاڭحاي سەلبەستىك ۇيىمىنا مۇشە ەلدەر جاس وقۋشىلار كوكتەمگى لاگەرىنىڭ مۇشەلەرى شينجياڭ قازىنا ـ ەكونوميكا داشۋەسىنە باردى
□ انار بۇلت \ شينجياڭ گازەتىنىڭ ٴتىلشىسى لي لين
وڭ قولىنا قايشى الىپ، سول قولىمەن بۇكتەلگەن قىزىل قاعازدى قىسا ۇستاپ، قارىنداشپەن سىزىپ قويعان ورنەك بويىنشا قيا باستادى، شات مەرەيدى بەينەلەيتىن جۇڭگو تۇيىنشەگى 5 مينۋتتا اينىتپاي ٴتۇسىرىلدى. 4 ـ ايدىڭ 22 ـ كۇنى تۇستەن بۇرىن شينجياڭ قازىنا ـ ەكونوميكا داشۋەسى جۇڭگو ٴتىل ـ مادەنيەت شۋەيۋانىنىڭ وتاندىق ٴىلىم كلاسىندا وقىتۋشى ۋاڭ فاڭنىڭ قاعاز ويمادان ۇلگى كورسەتۋى 2024 ـ جىلعى ”حانزۋ ٴتىلى كوپىرى“ شاڭحاي سەلبەستىك ۇيىمىنا مۇشە ەلدەر جاس وقۋشىلار كوكتەمگى لاگەرىنە قاتىناسقان قازاقستاندىق لاگەر مۇشەلەرىن سىناپ كورۋگە ىنتىقتىردى.
قازاقستاننىڭ جۇبانوۆ داشۋەسى كۇڭزى شۋەيۋانىنان كەلگەن لۋنارا مۇعالىمنىڭ ۇلگىسىنەن ۇيرەنىپ، 10 مينۋتتا ٴوزىنىڭ تۇڭعىش قاعاز ويما تۋىندىسى _ جۇڭگو تۇيىنشەگىن تامامدادى. ٴبي كاسىبىن ۇيرەنگەن ول جۇڭگو مادەنيەتىن قىزۋ سۇيەدى. لۋنارا جۇڭگونىڭ كلاسسيك ٴبيىن ۇناتىپ كورەدى، بۇرالا بيگە باسقاندا ۇزىن جەڭدەر قالىقتاپ، بەينە اسپانعا ۇشىپ بارا جاتقانداي ادامدى وزىنە باۋرايدى؛ تىلمەن بەينەلەپ جەتكىزە المايتىن سول ٴبىر كوڭىل كۇي بۇلعاقتاعان جەلپۋىش ارقىلى تولىق ايگىلەنەدى. ”داشۋەدەگى كەزىمدە اۋىسىپ وقيتىن وقۋشى سالاۋاتىممەن جۇڭگوعا كەلىپ ۇزدىكسىز ۇيرەنبەكشىمىن“، لۋنارا بىلاي دەدى: وسى رەتكى كوكتەمگى لاگەر مەنى جۇڭگوعا كەلىپ ٴبىلىم اسىرۋعا بەكىندىردى.
4 ـ ايدىڭ 14 ـ كۇنىنەن بەرى قازاقستاننان، رەسەيدەن، ٴۇندىستاننان كەلگەن لاگەر مۇشەلەرى ىركەس ـ تىركەس شينجياڭ قازىنا ـ ەكونوميكا داشۋەسىنە بارىپ، وسى ارادان جۇڭگو مادەنيەتىنىڭ باۋرامدىلىعىن سەزىندى.
شينجياڭ قازىنا ـ ەكونوميكا داشۋەسىنىڭ شەتەلدىك وقۋشىلار جاتاق عيماراتى كاريدورىنا شەتەلدىك وقۋشىلاردىڭ حاتكەرلىك، قاعاز ويما، سۋرەت سياقتى تۋىندىلارى ىلىنگەن. 4 ـ ايدىڭ 15 ـ كۇنى ٴۇندىستاننىڭ نەھرو داشۋەسىنەن كەلگەن پۇراشانت حاتكەرلىك تۋىندىسىنىڭ الدىندا ايالداپ تۇرىپ، تىك تىزىلگەن ٴبىر شۋماق ولەڭدى كوردى، ول ەرىكسىزدەن: ”باسىلىپ جاۋعان جاڭبىر بارا ـ بارا، ساي ٴىشى شومعان تەگىس تىنىشتىقتا، اشادى سارى كۇزدە سارايىڭدى، تۇندەگى جاڭبىردان سوڭ جاعىمدى اۋا“، ـ دەپ داۋىستاپ وقي جونەلدى. پۇراشانت اسپيرانت، جۇڭگونىڭ ادەبي تۋىندىلارى ونى وزىنە باۋراپ العان، ول كەزىندە ”كۇڭزى عاقىليالارىن“، ميڭ، چيڭ اڭگىمەلەرىن وقىعان، ول تاگوردىڭ جۇڭگودا ساپاردا بولعاندىعىنىڭ 100 جىلدىعى ساتىندە، كوكتەمگى لاگەر فورماسىمەن جۇڭگونىڭ شينجياڭىنا كەلىپ، جۇڭگو مادەنيەتىن جاقىننان سەزىنۋدىڭ ٴمانى زور دەپ قارادى.
”ۇستەلشەنىڭ الدىندا تىك وتىرىپ، قولىما قىل قالام الىپ، سابىرلىلىقپەن جازۋ جازعان سەزىم مەنى جۇڭگونىڭ ەرتە زامانىندا وتىرعانداي كۇيگە بولەدى، قالامدى ەركىن كوسىلتكەندەي كوڭىلىمدى سەرگىتتى“. قازاقستان جۇبانوۆ داشۋەسىنىڭ 2 ـ جىلدىق وقۋشىسى نۇرايا باشبايەۆا وسى رەتكى كوكتەمگى لاگەردىڭ وزىنە جۇڭگو مادەنيەتىن ەلىتە سەزىندىرگەنىن، 2 ساعاتتىق حاتكەرلىك ساباعىن وقىعاننان كەيىن جۇڭگو حاتكەرلىگىن ەرەكشە ۇناتقانىن ايتتى، شينجياڭ مۇراجايىن ەكسكۋرسيالاعان كەزدە ەسكەرتكىش جازۋىن، كوشىرمە نۇسقانى كورگەندە، ول تاعى سۋرەتكە ٴتۇسىرىپ، ونى كەيىن ەلىكتەپ سىزۋدىڭ ۇلگىسى ەتپەك بولدى.
4 ـ ايدىڭ 21 ـ كۇنگى «جۇڭگو (شينجياڭ) ەركىن ساۋدا سىناق رايونى قۇرىلىسى مەن جۇڭگو _ قازاقستان قارىم ـ قاتىناسىنىڭ بولاشاعى» دەگەن تاقىرىپتاعى لەكسيا قازاقستان جۇبانوۆ داشۋەسىنىڭ دوكتورانتى ايباتقا جۇڭگو _ قازاقستان ەكونوميكا ـ ساۋدا سەلبەستىگىنىڭ جارقىن بولاشاعىن كورسەتتى. ول بىلاي دەدى: لەكسيا تىڭداۋ، جۇڭگونىڭ جوعارى، جاڭا تەحنيكا كاسىپورىندارى مەن سىرتقى ساۋدا كاسىپورىندارىن ەكسكۋرسيالاۋ ارقىلى قازاقستاننىڭ جۇڭگونىڭ ورتا ازياداعى نەگىزگى ەكونوميكا ـ ساۋدا سەرىگىنە اينالعاندىعىن، بولاشاقتا ٴتىپتى دە كوپ سەلبەستىك ورايى بار ەكەندىگىن سەزىندىم. ول دوكتورلىق وقۋدان بۇرىن داشۋە وقىتۋشىسى بولعان، ول ەكى ەلدىڭ قارىم ـ قاتىناس جاساۋىندا، تىلدەسۋىندە كوپىرلىك رول اتقارىپ، اناعۇرلىم كوپ قازاقستان ستۋدەنتتەرىن جۇڭگو العا قويعان ”ٴبىر بەلدەۋ، ٴبىر جولدى“ بىرگە قۇرۋ باستاماسىنا ات سالىسۋعا جەبەۋدى قالايدى ەكەن.
”وتىرىپ ٴبىراز تىنىعىپ الىڭىز، وسى بىرنەشە كۇندە جاپا شەكتىڭىز“. ٴۇرىمجى مادەنيەت ورتالىعىن ەكسكۋرسيالاعان كەزدە، قازاقستان جۇبانوۆ داشۋەسىنىڭ وقۋشىسى اسەمگۇل شينجياڭ قازىنا ـ ەكونوميكا داشۋەسىنىڭ ستۋدەنت ەرىكتىسى ابدۇسالام ميربۇللانىڭ ٴبىراز قالجىراعانىن كورىپ، وعان ىرىقتىلىقپەن ورىن بەردى. بىرنەشە كۇندىك بارىس ـ كەلىس، اۋىس ـ كۇيىس ارقىلى لاگەر مۇشەلەرى شينجياڭ قازىنا ـ ەكونوميكا داشۋەسىندەگى وقۋشىلارمەن تەرەڭ دوستىق ورناتتى.
وسى بىرنەشە كۇندە قازاقستاننىڭ جۇبانوۆ داشۋەسىنىڭ دوكتورى رايىمبەك ساعاتوۆ ەرىكتىلەردەن قورشاما دويبى ويناۋدى ۇيرەندى. ول تاعى قورشاما دويبىعا قاتىستى كىتاپتاردى دا ساتىپ الىپ، ونى شاحماتپەن سالىستىرىپ زەرتتەمەكشى بولدى. ”بۇل اراداعى ادامداردىڭ ىقىلاستى، قوناعۋار، كەڭ پەيىلدىلىگى ماعان كوپ نەگىزدى مادەنيەتتىڭ باۋرامدىلىعىن سەزىندىردى.“ 14 كۇنگە جالعاسقان كوكتەمگى لاگەر اياقتاۋعا تايادى، ٴبىراق مەنىڭ جۇڭگو مادەنيەتى جونىندەگى تۇسىنىگىم ەندى عانا باستالدى، ـ دەدى رايىمبەك.
