«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
سان ميلليونداعان جۇمىسشى ـ قىزمەتكەردى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ىسىنە بەلسەنە ات سالىسۋعا ۇيىمداستىرۋ، جۇمىلدىرۋ كەرەك
شينحۋا اگەنتتىگىنىڭ 4 ـ ايدىڭ 30 ـ كۇنى بەيجيڭنەن بەرگەن حابارى. 5 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 9 ـ سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «سان ميلليونداعان جۇمىسشى ـ قىزمەتكەردى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ىسىنە بەلسەنە ات سالىسۋعا ۇيىمداستىرۋ، جۇمىلدىرۋ كەرەك» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: پارتيا 18 ـ قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا ەلىمىزدىڭ جۇمىسشى تابى پارتيا مەن مەملەكەت ىستەرىنىڭ دامۋىندا نەگىزگى قوسىندىق رولىن ساۋلەلەندىردى، جۇمىسشىلار قوزعالىسى ىستەرى تاريحي تابىستارعا قول جەتكىزدى، جۇمىسشى ۇيىمى قىزمەتى جان ـ جاقتى العا باستى. قالىڭ جۇمىسشى ـ قىزمەتكەر قاۋىمى پارتيامەن ٴبىر نيەتتە بولىپ، پارتياعا ىلەسىپ كۇرەس جۇرگىزىپ، ەكونوميكالىق قۇرىلىس، عىلىم ـ تەحنيكادا جاڭالىق اشۋ، كەدەيلىكتەن ارىلتۋدان قامال الۋ، اۋىل ـ قىستاقتى گۇلدەندىرۋ، ىندەتتەن ساقتانۋ جانە ونى تىزگىندەۋ، قاتەردەن اراشالاۋ، اپاتتان قۇتقارۋ سياقتى كەلەلى قىزمەتتەردە باتىلدىقپەن قاتاڭ شايقاس جۇرگىزەتىن، ەرلىكپەن اۋىر جۇك ارقالايتىن ٴداۋىر كەلبەتىن ايگىلەدى.
الداعى ٴبىر مەزگىلدەگى جۇمىسشى ۇيىمى قىزمەتى جونىندە ماقالادا مىنالار باسا دارىپتەلدى: ٴبىرىنشى، پارتيانىڭ جۇمىسشى ۇيىمىنا جالپى بەتتىك باسشىلىعىنا تاباندى بولۋ كەرەك. ەلىمىزدىڭ جۇمىسشىلار قوزعالىسى ىستەرى پارتيانىڭ باسشىلىعىندا دامىعان، جۇمىسشى ۇيىمى _ پارتيانىڭ باسشىلىعىنداعى جۇمىسشى تابىنىڭ بۇقارالىق ۇيىمى. پارتيانىڭ جۇمىسشى ۇيىمىنا جالپى بەتتىك باسشىلىعىنا تاباندى بولۋدان ٴارقانداي ۋاقىتتا، ٴارقانداي جاعدايدا اۋىتقۋعا بولمايدى، اۋساي كەتۋگە بولمايدى. پارتيانىڭ باسشىلىعىنا تاباندى بولۋدى، ٴسوز جوق، جۇمىسشى ۇيىمى قىزمەتىنىڭ جالپى بارىسىندا جانە ٴارقايسى جاعىندا جان ـ جاقتى، ٴونىمدى دايەكتىلەندىرۋ، تياناقتاندىرۋ كەرەك. پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداۋدان بۇلجىماۋ، ”مەملەكەتتىڭ زور ٴىسىن“ ەستە بەرىك ساقتاپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ جۇمىسشى ۇيىمى جۇيەسىندە ناقتى تياناقتانۋىن ىلگەرىلەتۋ كەرەك. يدەيا ـ ساياسي جاقتان جەتەكشىلىك ەتۋدى كۇشەيتىپ، قالىڭ جۇمىسشى ـ قىزمەتكەرلەردى بۇلجىماي پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەۋ، جەتەكتەۋ كەرەك. ەكىنشى، سان ميلليونداعان جۇمىسشى ـ قىزمەتكەردى جاڭا جورىقتا ەكپىندەي ىلگەرىلەۋگە، جاڭا داۋىردە ۇلەس قوسۋعا ۇيىمداستىرۋ، جۇمىلدىرۋ كەرەك. جۇمىسشى ۇيىمى قىزمەتى سان سالانى قامتيدى، ەڭ ٴتۇبىرلى سالاسىنىڭ ٴبىرى _ قالىڭ جۇمىسشى ـ قىزمەتكەر قاۋىمىن پارتيانىڭ توڭىرەگىنە تىعىز ىنتىماقتاستىرىپ، پارتيانىڭ وزەكتى مىندەتىن جۇزەگە اسىرۋ ٴۇشىن ىنتىماقتاسا كۇرەس جۇرگىزۋ. بۇكىل ىنتا ـ پەيىلىمەن جۇمىسشى تابىنا سۇيەنۋ ٴتۇبىرلى باعىتىنا تاباندى بولىپ، قالىڭ جۇمىسشى ـ قىزمەتكەر قاۋىمىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە بەلسەنە ات سالىسۋ كەرەك. ەڭبەك ەرى رۋحىن، ەڭبەك رۋحىن، ۇستا رۋحىن كۇش سالا اسقاقتاتۋ كەرەك. ٴۇشىنشى، ۇقىقتى قورعاۋعا قىزمەت وتەۋ قىزمەتىن دەن قويا، سۇيىسپەنشىلىكپەن، ويداعىداي ىستەۋ كەرەك. جالپى حالىقتىڭ ورتاق بايۋىنىڭ اناعۇرلىم كورنەكتى ماندىك ىلگەرىلەۋشىلىككە قول جەتكىزۋىن جەبەۋ، ەڭ الدىمەن، سان ميلليونداعان ەڭبەكشىنىڭ بويىندا بەينەلەنۋى كەرەك. جۇمىسشى ۇيىمى جۇمىسشى ـ قىزمەتكەرلەر مۇددەسىنىڭ ۋاكىلى جانە قورعاۋشىسى رەتىندە، جۇمىسشى ـ قىزمەتكەر قاۋىمىنىڭ ٴتول مۇددەسىنە ساياتىن ٴىس جۇزىندىك ماسەلەلەردى كۇش سالا شەشۋى، وتە ـ موتە، جاڭا جۇمىستانۋ فورماتسياسىنداعى ەڭبەكشىلەردىڭ زاڭدى ۇقىق ـ مۇددەسىن ويداعىداي قورعاۋعا باسا ٴمان بەرۋى كەرەك. جۇمىسشى ـ قىزمەتكەرلەردى مۇددەلىك تالاپ ـ تىلەكتەرىن زاڭ بويىنشا، اقىلدىلىقپەن، تارتىپپەن بىلدىرۋگە، ٴوز ۇقىق ـ مۇددەسىن قورعاۋعا جەتەكتەپ، جاراسىمدى ەڭبەك قاتىناسىن ورناتۋدى ىلگەرىلەتۋ كەرەك.
ماقالادا مىنالار باسا دارىپتەلدى: جۇمىسشى ۇيىمى _ جۇمىسشى ـ قىزمەتشىلەردىڭ ٴۇيى، جۇمىسشى ۇيىمى كادرلارى جۇمىسشى ـ قىزمەتشىلەردىڭ ”توركىنى“. جۇمىسشى ۇيىمى رەفورماسى مەن قۇرىلىسىن ۇزدىكسىز تەرەڭدەتىپ، نەگىزگى ساتىنى مىقتى يگەرۋ ايقىن باعدارىن بەرىك ورناتىپ، نەگىزگى ساتى جۇمىسشى ۇيىمىنىڭ جەتەكشىلىك ەتۋ قابىلەتىن، ۇيىمداستىرۋ قابىلەتىن، قىزمەت وتەۋ قابىلەتىن ۇزدىكسىز نىعايتۋ، ٴار دارەجەلى پارتكومدار (پارتيا باسشىلىق گرۋپپاسى) جۇمىسشى ۇيىمىنا جانە جۇمىسشى ۇيىمى قىزمەتىنە باسشىلىقتى كۇشەيتۋى ٴتيىس. ٴار دارەجەلى ۇكىمەت جۇمىسشى ۇيىمىنىڭ جۇمىسشى ـ قىزمەتكەر قاۋىمىنىڭ ٴىس جۇزىندىك قيىنشىلىعى مەن ماسەلەسىن شەشۋىنە بەلسەنە كومەكتەسۋى كەرەك.
