ەڭبەك جاسامپازدىعىنا سۇيەنىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتەيىك
”1 ـ مامىر“ حالىقارالىق ەڭبەكشىلەر مەرەكەسى بايلانىسىمەن
حالىق گازەتى باسماقالاسى
داڭق ەڭبەكشىلەرگە ٴتان، باقىت ەڭبەكشىلەرگە ٴتان. جۇڭگو ۇلگىسىندەگى وسىزامانداندىرۋدى ىلگەرىلەتۋدەگى قاجىماي ـ تالماي كۇرەس جۇرگىزۋ بارىسىندا سان ميلليونداعان حالىق ” 1 ـ مامىر“ سىندى ەڭبەكتى القايتىن، ەڭبەكشىلەرگە قۇرمەت بىلدىرەتىن وسى مەرەكەنى قارسى الدى.
”1 ـ مامىر“ حالىقارالىق ەڭبەكشىلەر مەرەكەسى قارساڭىندا باس شۋجي شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەڭبەكشى بۇقارانىڭ مەرەكەسىن قۇتتىقتاپ جانە ولاردان شىنايى حال سۇراپ، ”قالىڭ ەڭبەكشى بۇقارا پارتيامەن تىلەكتەس بولىپ، پارتياعا ىلەسىپ كۇرەس جۇرگىزىپ، قاجىرلىلىقپەن ەڭبەك ەتىپ، قالتقىسىز ۇلەس قوسىپ، اقىل ـ پاراساتى مەن ماڭداي تەرى ارقىلى پارتيا مەن مەملەكەت ىستەرىنىڭ دامۋىنا ماڭىزدى ۇلەس قوستى“ دەپ تەرەڭ اتاپ كورسەتىپ، ”قالىڭ ەڭبەكشى قاۋىمدى ەڭبەك ەرى رۋحىن، ەڭبەك رۋحىن، ۇستا رۋحىن بارىنشا كۇشپەن اسقاقتاتىپ، قىزمەت ورنىن ٴسۇيىپ، كاسىپتى قادىرلەپ، جاڭالىق اشىپ، جاسامپازدىق جاراتىپ، جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جالىندى امالياتىنا بەلسەنە ات سالىسىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا قاجىماي ـ تالماي كۇرەس جۇرگىزۋگە“ ىنتالاندىردى.
بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ٴبىز ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە، الدىمەن قۇرىپ، ونان سوڭ كۇشىنەن قالدىرۋعا تاباندى بولىپ، مەجەنى ورنىقتىرۋ، ارتۋدى ورنىقتىرۋ، جۇمىستانۋدى ورنىقتىرۋ قىزمەتىن كورنەكتى ويداعىداي ىستەدىك، ٴبىرىنشى ماۋسىمدا ىشكى ٴوندىرىس جالپى ٴونىم قۇنى سايكەس مەزگىلدەگىدەن %5.3 ارتىپ، جاڭاشا وندىرگىش كۇشتىڭ دامۋى جاڭا تابىستاردى ايگىلەپ، حالىق شارۋاشىلىعى ٴۇرتىس جاقسارىپ، باستاماسى تاماشا بولىپ، تۇتاس جىلدىق نىسانا ـ مىندەتتەردى جۇزەگە اسىرۋعا ٴبىرشاما تاماشا نەگىز قالادىق. اسا كۇردەلى حالىقارالىق ورتا مەن جاپالى دا اۋىر رەفورما، دامۋ، ورنىقتىلىق مىندەتى الدىندا ٴار كاسىپ، ٴار سالا بارلىق ٴتيىمدى ورايدى يگەرىپ، بارلىق ٴتيىمدى شارت ـ جاعدايدان پايدالانىپ، ٴداپ باسقاندارىن قاۋىرت ىستەپ، كەلەلى ستراتەگيالاردى، كەلەلى ينجەنەريالاردى، كەلەلى نىسانداردى، ٴتۇيىندى كاسىپ سالالارىن ىلگەرىلەتۋ بارىسىندا قيىندىقتان قامال الىپ، ايانباي ۇلەس قوسىپ، حالىق تۇرمىسىنا ساياتىن قيىن ماسەلەلەردى شەشۋدە، حالىق تۇرمىسىنا ساياتىن ناقتى ىستەردى ويداعىداي ىستەۋدە شىن پەيىلىمەن، كوپ ٴتۇرلى شارانى قاتار قولدانىپ، سانسىز قايىق جارىسا جەلكەن كوتەرگەن ەكونوميكالىق قۇرىلىس كوشىندە ٴىس تىندىرىپ، ناتيجە شىعارىپ، ەكپىندەي العا ۇمتىلىپ، ەڭبەك داڭق، جاسامپازدىق ۇلى دەيتىن ٴداۋىردىڭ كۇشتى ٴۇنىن جاڭعىرتتى.
حالىق _ تاريحتى جاراتۋشى، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ەڭ مىعىم نەگىزى، ەڭ مىعىم كۇشى. داعدارىستى جويىپ، قيىن وتكەلدەردى بۇزىپ، وزگەرىستەرگە توتەپ بەردى، جاڭا داۋىرگە قادام تاستاعاننان بەرى پارتيامىز حالىققا تىعىز ارقا سۇيەي تۇرىپ سىرتتىڭ قىسىمىنا توتەپ بەرىپ، ىشكى قيىنشىلىقتاردى جەڭىپ، جاڭا ورايلاردى جاراتىپ، ستراتەگيالىق ىرىقتىلىققا قول جەتكىزدى. ەلىمىزدەگى جۇمىسشى تابى مەن قالىڭ ەڭبەكشى قاۋىمى پارتيامەن تىلەكتەس بولىپ، پارتياعا ىلەسىپ كۇرەس جۇرگىزىپ، جۇڭگو ارمانىن جۇزەگە اسىرۋدىڭ ۇلى ۇردىسىندە ايانباي كۇرەس جۇرگىزىپ، ۇزدىك بولۋعا ۇمتىلىپ، اسقار شىڭعا باتىلدىقپەن شىعىپ، باتىلدىقپەن قيان ـ كەسكى شايقاس جۇرگىزەتىن، اۋىر مىندەتتى باتىلدىقپەن ارقالايتىن ٴداۋىر كەلبەتىن ايگىلەدى. اماليات سوتسياليزمنىڭ ىستەۋمەن كەلگەندىگىن، جاڭا ٴداۋىردىڭ كۇرەسپەن كەلگەندىگىن تولىق كورسەتتى. ەڭبەك شۇعىلالى تاريحتى جاراتتى ٴارى نۇرلى بولاشاقتى جاراتاتىندىعى دا داۋسىز.
بيىل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانا ـ مىندەتتەردى جۇزەگە اسىرۋداعى شەشۋشى جىل. ٴبىز ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ورنىقتىلىق بارىسىندا ىلگەرىلەۋ، ىلگەرىلەۋ ارقىلى ورنىقتىلىقتى جەبەۋ، الدىمەن قۇرىپ، ونان سوڭ كۇشىنەن قالدىرۋ تالابىن دايەكتىلەندىرىپ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ، رەفورما جاساۋدى، ەسىك اشۋدى جاپپاي تەرەڭدەتۋ، جوعارى دەڭگەيلى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋ، اۋىل ـ قىستاقتى گۇلدەندىرۋدى جاپپاي ىلگەرىلەتۋ سياقتى جاقتاردا اناعۇرلىم زور ىلگەرىلەۋشىلىكتەرگە قول جەتكىزۋگە قۇلشىنىپ، ەكونوميكانىڭ ومىرشەڭدىك كۇشىن شىن مانىندە كۇشەيتىپ، حاۋىپ ـ قاتەرلەردەن ساقتانىپ جانە ونى جويىپ، قوعامدىق مەجەنى جاقسارتىپ، ەكونوميكانىڭ قايتا ورلەپ جاقسارۋعا بەت الۋ جاعدايىن ۇزدىكسىز بەكەمدەۋىمىز جانە نىعايتۋىمىز كەرەك. قازىر ەلىمىز دامۋىندا ٴدوپ كەلگەن ٴتيىمدى شارت ـ جاعدايلار ٴتيىمسىز فاكتورلاردان باسىم تۇرادى، سەنىم مەن نەگىزدى كۇشەيتىپ، ٴار جاقتىڭ كۇش ـ قايراتىن ۇيىستىرىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا تاراۋىن بىرگە جازۋىمىز كەرەك.
جۇڭگو ۇلگىسىندەگى وسىزامانداندىرۋدى ىلگەرىلەتۋ، تۇپتەپ كەلگەندە، ەڭبەككە سۇيەنەدى، ەڭبەكشىلەردىڭ جاسامپازدىعىنا سۇيەنەدى. باس شۋجي شي جينپيڭ ”جۇمىسشى تابى ەلىمىزدىڭ باسشى تابى، وزىق وندىرگىش كۇش پەن وندىرىستىك قاتىناستىڭ ۋاكىلى، جۇڭگوشا سوتسياليزگە تاباندى بولۋدىڭ جانە ونى دامىتۋدىڭ نەگىزگى كۇشى“ دەپ باسا دارىپتەدى. ەلىمىزدەگى جۇمىسشى تابى جانە قالىڭ ەڭبەكشى قاۋىم ەڭبەك ەرى رۋحىن، ەڭبەك رۋحىن، ۇستا رۋحىن بار كۇشپەن اسقاقتاتىپ، ادال ەڭبەك ەتىپ، قۇلشىنا قىزمەت ىستەپ، قايراتتانا جاڭالىق اشىپ، جۇرت الدىنا جۇرەكتىلىكپەن شىعىپ، ەڭبەك جاسامپازدىعىنا سۇيەنىپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا نەگىزگى قوسىندىق رولىن تولىق ساۋلەلەندىرۋى كەرەك. جۇڭگو ۇلگىسىندەگى وسىزامانداندىرۋ تۇتاس حالىقتىڭ ورتاق ٴىسى، دامۋداعى ماسەلەلەردى رەفورما جاساپ، ەسىك اشۋ سىندى وسى شەشۋشى شارانى قولدانىپ شەشۋگە تاباندى بولىپ، العا باسۋ جولىمىزداعى حاۋىپ ـ قاتەرلەرگە، سىن ـ سايىستارعا توتەپ بەرىپ، حالىق بۇقاراسىنىڭ نەگىزگى تۇلعالىق ورنىنا جانە ٴتول جاسامپازدىق رۋحىنا قۇرمەت ەتىپ، حالىق اراسىنداعى سارقىلماس اقىل ـ پاراسات پەن كۇش ـ قۋاتتى ۇيىستىرۋ كەرەك. قالىڭ ەڭبەكشى قاۋىمنىڭ ەڭبەك قىزعىندىلىعى مەن جاڭالىق اشۋ، جاسامپازدىق ومىرشەڭدىك كۇشىن تولىق قاۋلاتىپ، قالىڭ ەڭبەكشى قاۋىمنىڭ زاڭدى ۇقىق ـ مۇددەسىن شىن مانىندە قامتاماسىز ەتىپ، قالىڭ ەڭبەكشى قاۋىمنىڭ ۋايىمنان ارىلىپ، قيىنشىلىعىن شەشۋىنە دەن قويا، سۇيىسپەنشىلىكپەن كومەكتەسىپ، تۇتاس قوعامدا ەڭبەكتى قادىرلەيتىن، ەڭبەكشىلەرگە قۇرمەت ەتەتىن تاماشا رايدى ونان ارى قالىپتاستىرۋدى ىلگەرىلەتۋ كەرەك.
ەڭبەك باقىت جاراتادى، كۇرەس جۇرگىزۋ ارقىلى ۇلى ىستەر سومدالادى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، قاجىرلى ەڭبەك، ادال ەڭبەك، جاسامپاز ەڭبەك بارىسىندا ارمانعا جەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اقىل ـ پاراساتىمىز بەن كۇش ـ قۋاتىمىزدى ارناپ، جاڭا داڭق جاراتايىق.
(شينحۋا اگەنتتىگىنىڭ 4 ـ ايدىڭ 30 ـ كۇنى بەيجيڭنەن بەرگەن حابارى)
