ەڭبەك ارقىلى جۇڭگو ۇلگىسىندەگى وسىزامانداندىرۋدىڭ تارتىمدى شينجياڭ تاراۋىن جازايىق
□ گازەتىمىزدىڭ شولۋشىسى
داڭق ەڭبەكشىلەرگە ٴتان، باقىت ەڭبەكشىلەرگە ٴتان. ”1 ـ مامىر“ حالىقارالىق ەڭبەكشىلەر مەرەكەسى قارساڭىندا، جۇڭحۋا مەملەكەتتىك باس جۇمىسشى ۇيىمى ماداقتاۋ ـ سيلاۋ جينالىسىن اشتى، شينجياڭنان 6 كوللەكتيۆ داڭقتى تۇردە مەملەكەتتىك 1 ـ مامىر ەڭبەك سيلىعىنا، 24 جەكە داڭقتى تۇردە مەملەكەتتىك 1 ـ مامىر ەڭبەك مەدالىنا، 31 كوللەكتيۆ داڭقتى تۇردە مەملەكەتتىك جۇمىسشى اۆانگاردى اتاعىنا يە بولدى. ەڭبەكتى القايتىن، ەڭبەكشىلەردى قۇرمەتتەيتىن وسى مەرەكەدە ٴبىر ـ بىرلەگەن داڭقتار بەينە جەلبىرەگەن شۇعىلالى تۋعا ۇقسادى، تيانشان الابىنداعى ٴار ۇلت ەڭبەكشىلەرىنىڭ قايراتتانا العا ۇمتىلعان مىعىم اياق ىزدەرىن بەلگى ەتىپ، ٴار سالا، ٴار كاسىپتەگى، ٴار شەپتەگى ٴار ۇلت ەڭبەكشىلەرىن قۇلشىنا جاڭالىق اشىپ، باتىلدىقپەن كۇرەس جۇرگىزىپ، قاجىرلى ەڭبەكتەرى ارقىلى جۇڭگو ۇلگىسىندەگى وسىزامانداندىرۋدىڭ تارتىمدى شينجياڭ تاراۋىن جازۋعا اناعۇرلىم ىنتالاندىردى.
ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم، ەڭبەك بارلىق باقىتتىڭ قاينارى. ەجەلدەن بەرى قالىڭ ەڭبەكشى بۇقارا پارتيامەن تىلەكتەس بولىپ، پارتياعا ىلەسىپ كۇرەس جۇرگىزىپ، قاجىرلىلىقپەن ەڭبەك ىستەپ، قالتقىسىز ۇلەس قوسىپ، اقىل ـ پاراساتى مەن ماڭداي تەرى ارقىلى پارتيا مەن مەملەكەت ىستەرىنىڭ دامۋىنا ماڭىزدى ۇلەس قوستى. سوتسياليزم ىستەۋمەن كەلگەن، جاڭا ٴداۋىر كۇرەسپەن كەلگەن. ەڭبەك جۇڭحۋا ۇلتىن جاراتتى، جۇڭحۋا ۇلتىنىڭ شۇعىلالى تاريحىن جاراتتى، سونداي ـ اق جۇڭحۋا ۇلتىنىڭ نۇرلى بولاشاعىن جاراتاتىنى دا داۋسىز.
جاڭا ٴداۋىر كۇرەسكەرلەردىڭ ٴداۋىرى. ٴار شەپتەن توپ ـ توبىمەن اعالاپ العا شىققان ەڭبەك ەرلەرى، وزات قىزمەتكەرلەر، مەملەكەتتىك جۇمىسشى اۆانگاردتارى ٴوز باستارىنان ونەگە كورسەتىپ، بىزگە تاباندىلىقپەن ەڭبەك ەتىپ، قۇلشىنا ەڭبەك ەتسە بولعانى، قاراپايىم قىزمەت ورنىندا دا كەرەمەت ناتيجە جاراتا الاتىندىعىن ۇعىندىردى؛ ٴداۋىر وزگەرسە دە، قىزمەت ورنى ۇقساماسا دا، جەكەنىڭ كۇرەسىن قوعام ٴۇشىن، وتان ٴۇشىن، حالىق ٴۇشىن اناعۇرلىم كوپ ۇلەس قوسۋمەن توعىستىرعاندا عانا، جەكە ادامنىڭ قۇنى تولىق جۇزەگە اسادى. مەيلى مال فەرماسىندا باستاماشىلدىقپەن سەلبەستىك كووپەراتيۆىن قۇرىپ، بۇقارانى بايۋعا جەتەكشىلىك ەتۋدە بولسىن، الدە ەنەرگيا كاسىپورىندارىندا تەحنيكالىق تىرەكتى رەتىندە قامال الىپ، قيىنشىلىقتاردى جەڭۋدە بولسىن؛ مەيلى شينجياڭنىڭ جەمىس ـ جيدەكتەرىنىڭ قايتكەندە اناعۇرلىم ٴتاتتى، جوعارى ٴونىم الۋىنا بولاتىندىعىن قاجىرلىلىقپەن زەرتتەۋدە بولسىن، الدە شينجياڭنىڭ باعالى سۋ بايلىعىنان قايتكەندە اناعۇرلىم جوعارى ٴونىمدى پايدالانۋعا بولاتىندىعىن بارلاۋدا، وعان تالداۋ جاساۋدا بولسىن... وسى ۇلگىلەردىڭ بويىنان ەڭبەك ەرى رۋحىنىڭ، ەڭبەك رۋحىنىڭ، ۇستا رۋحىنىڭ نۇر ـ شۇعىلاسى توگىلەدى، ولار شينجياڭنىڭ رەفورما، دامۋ، ورنىقتىلىق جەتىستىكتەرىنىڭ قالاي قولعا كەلگەندىگىنە ٴىس جۇزىندىك ارەكەتتەرى ارقىلى جاۋاپ بەرىپ، ٴار ۇلت ەڭبەكشىلەرىنىڭ ەڭبەك ىنتاسىن ونان ارى تاسقىنداتىپ، جاسامپازدىق كومەسكى كۇشىن اشىپ، ەڭبەك ارقىلى اناعۇرلىم تاماشا تۇرمىس جاراتۋعا شابىتتاندىردى.
شينجياڭ كۇرەس جۇرگىزەتىن ىرىستى مەكەن. مەملەكەتتىڭ كەلەلى جاعدايىنداعى شينجياڭنىڭ ستراتەگيالىق ورنىن تياناق ەتىپ، جاڭا داۋىردە باتىس بولىكتى قاۋىرت اشۋدى ىلگەرىلەتۋ دابىلى ٴار ۇلت تيانشان پەرزەنتتەرىن تولقىن جارا العا ىلگەرىلەۋگە شاقىرۋدا، ” 5 ۇلكەن ستراتەگيالىق ورىننىڭ“ بورىشى مەن ماڭىزدى تاپسىرماسى، جوعارى ساپالى دامۋدى ۇزدىكسىز ىشكەرىلەي ىلگەرىلەتۋدەي ٴداۋىردىڭ اۋىر مىندەتى، ”ٴبىر بەلدەۋ، ٴبىر جول“ وزەكتى رايونىن جەدەل قۇرۋداي تاريحي وراي كۇرەسكەرلەردىڭ ەرلىكپەن العا باسۋىن قاجەت ەتۋدە. جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ بارىسىندا، قايراتتى تاسقىنداتىپ، قۇلشىنا العا ۇمتىلعان شينجياڭ ەڭبەكشىلەردىڭ ارمانى مەن تالپىنىسىن جۇزەگە اسىرۋىنا بۇرىن بولماعان وراي جانە شەكسىز كەڭ ساحنا ازىرلەپ، ٴار ۇلت ەڭبەكشىلەرىن كەڭ ورىستە ٴوز ونەرلەرىن مەيلىنشە ايگىلەۋگە شاقىرۋدا. بۇكىل رايونىمىزداعى ٴار دارەجەلى پارتكومدار مەن ۇكىمەتتەر دە ەڭبەككە قۇرمەت ەتۋ، بىلىمگە قۇرمەت ەتۋ، دارىندىلارعا قۇرمەت ەتۋ، جاسامپازدىققا قۇرمەت ەتۋ سىندى كەلەلى باعىتتى، ٴسوز جوق، اناعۇرلىم ويداعىداي دايەكتىلەندىرىپ، تياناقتاندىرىپ، قالىڭ ەڭبەكشى بۇقاراعا كوڭىل ٴبولىپ، ولاردى ايالاپ، ەڭبەكشىلەردىڭ زاڭدى ۇقىق ـ مۇددەسىن شىن مانىندە ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، قالىڭ ەڭبەكشى بۇقارانى قاجىرلى ەڭبەك، ادال ەڭبەك ىستەۋ، جاسامپاز ەڭبەك بارىسىندا ارمانعا جەتۋگە ىنتالاندىرىپ، تۇتاس قوعامدا ەڭبەكتى قاستەرلەيتىن، ەڭبەكشىلەردى قۇرمەتتەيتىن تاماشا رايدى ىشكەرىلەي قالىپتاستىرۋدى ىلگەرىلەتىپ، ەڭبەككە بولعان قىزۋ ىنتانى جارىسا قاۋلاتىپ، جاسامپاز ومىرشەڭدىك كۇشىن تولىق تاسقىنداتۋ كەرەك.
ەڭبەك ٴداۋىر داستانىن جازادى، كۇرەس كوركەم بولاشاق جاراتادى.ٴبىز ەڭبەك ەرى رۋحىن، ەڭبەك رۋحىن، ۇستا رۋحىن بارىنشا اسقاقتاتىپ، قىزمەت ورنىن ٴسۇيىپ، كاسىپتى قادىرلەپ، جاڭالىق اشىپ، جاسامپازدىق جاراتىپ، جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جالىندى امالياتىنا بەلسەنە ات سالىسىپ، بىرگە كۇرەس جۇرگىزۋ بارىسىندا جۇڭحۋا ۇلتى ورتاق تۇلعا تانىمىن ونان ارى بەرىك ورناتىپ، ەڭبەك ارقىلى ايبىندى كۇش توپتاپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرايىق.
