ەڭبەك ارقىلى جاڭا ٴداۋىردىڭ ”باقىت جىرىن“ جازدى
_ شينجياڭ ەڭبەكشىلەرىنىڭ جارقىن بەينەسى
□ انار بۇلت \ شينجياڭ گازەتىنىڭ ٴتىلشىسى گو ليڭ
4 ـ ايدىڭ 30 ـ كۇنى جۇمىسشىلار حۋياڭحى قالاسى جۇمىسشى ـ قىزمەتكەرلەر مادەنيەت، دەنە تاربيە ورتالىعىنىڭ قۇرىلىس ورنىندا جۇمىس جۇرگىزۋدە. بۇل نىساندى جياڭسۋ ولكەسى حۋاي ـ ان قالاسى كومەكتەسىپ سالعان، ول ۇلكەن تەاترحانا، مادەنيەت كىتاپحاناسى، ورتالىق اۋىس ـ كۇيىس تۇعىرى سياقتى 5 فۋنكتسيالىق اۋماقتى قامتيدى. نىسان سالىنىپ بولعاننان كەيىن، جۇمىسشى ـ قىزمەتكەرلەر قاۋىمىنىڭ مادەني تۇرمىسىن ونان ارى بايىتادى.
□ سۋرەتتى جاڭ شي ـ ان تۇسىرگەن
ەڭبەك ٴداۋىر داستانىن جازادى، كۇرەس كوركەم بولاشاق جاراتادى.
” 1 ـ مامىر“ حالىقارالىق ەڭبەكشىلەر مەرەكەسى قارساڭىندا، 2024 ـ جىلعى مەملەكەتتىك 1 ـ مامىر ەڭبەك سيلىعى مەن مەملەكەتتىك جۇمىسشى اۆانگاردىن باعالاۋ ناتيجەسى جاريالاندى، شينجياڭنان 6 كوللەكتيۆ مەملەكەتتىك 1 ـ مامىر ەڭبەك سيلىعىن، 24 ادام مەملەكەتتىك 1 ـ مامىر ەڭبەك مەدالىن، 31 كوللەكتيۆ مەملەكەتتىك جۇمىسشى اۆانگاردى داڭقىن ەنشىلەدى، ولار ٴار سالا، ٴار كاسىپتەن كەلگەن مايتالماندار، ونان دا ماڭىزدىسى، شينجياڭ ەڭبەكشىلەرىنىڭ تاڭداۋلى ۋاكىلدەرى.
پارتيا 18 ـ قۇرىلتايىنان بەرى، باس شۋجي شي جينپيڭ باستان ـ اياق ەڭبەكشىلەرمەن تىلەكتەس بولىپ، ماڭىزدى ماجىلىستەردە، ماڭىزدى ورىنداردا ەڭبەكتى قاستەرلەۋ، ەڭبەكتى قىزۋ ٴسۇيۋ، ەڭبەكشىلەردىڭ زاڭدى ۇقىق ـ مۇددەسىن قورعاۋ سياقتىلاردى ارقاۋ ەتە وتىرىپ تالاي رەت ماڭىزدى ٴسوز سويلەپ، ەڭبەك ەرلەرىن وسكەلەڭ قۇرمەتپەن سيلاپ، ەڭبەك ەرلەرىنە قۇرمەت بىلدىرەتىن، وزاتتاردان، ونەگەلەردەن ۇيرەنەتىن تاماشا راي قالىپتاستىردى.
تيانشان الابىنداعى ٴار سالا، ٴار كاسىپتەگى ەڭبەكشىلەر باس شۋجي شي جينپيڭنىڭ تاپسىرماسىن باستان ـ اياق ەستە بەرىك ساقتاپ، ەڭبەك ەرى رۋحىن، ەڭبەك رۋحىن بار كۇشپەن اسقاقتاتىپ، ەكپىندەي ىلگەرىلەيتىن كۇش ـ قۋاتتى تاسقىنداتىپ، قوجايىندىق جاۋاپكەرشىلىك سەزىممەن قاراپايىم قىزمەت ورنىندا نۇر ـ شۇعىلا شاشىپ، مەيىر جەتكىزىپ، باقىتتى تۇرمىستىڭ ٴتىپتى دە ٴتاتتى، ٴتىپتى دە كوركەم بولۋىنا مۇمكىندىك جاسادى.
عىلىم ـ تەحنيكادا جاڭالىق اشۋ باسەكەلەسە شۇعىلا شاشتى
قازىر تيانشان الابىندا كوكتەمگى ەگىس ٴوندىرىسى قاۋىرت جۇرىلۋدە. 4 ـ ايدىڭ 30 ـ كۇنى شاعانتوعاي اۋدانى يۇيتىڭ ەگىن، مال شارۋاشىلىعى ماشينا جابدىقتارىن جاساۋ شەكتى سەرىكتەستىگىنىڭ ٴوندىرىس سەحى قاربالاستىققا ٴتۇستى، مەملەكەتتىك جۇمىسشى اۆانگاردى داڭقىنا يە بولۋدىڭ شابىتتاندىرۋىندا، كوپشىلىكتىڭ قايراتى تاسقىنداپ، جاڭادان زەرتتەپ جاسالعان وجاۋقاباق ۇرىعىن كەپتىرۋ ماشيناسىن وندىرىسكە سەپتەۋ ٴىسىن كۇن تارتىپكە ەنگىزۋدى اقىلداستى. ”سەحىمىزداعى 46 ادامنىڭ بارلىعى شارۋا، وسى داڭققا يە بولىپ، بەيجيڭگە بارىپ سيلىق العانىما ەرەكشە اسەرلەندىم“، ـ دەدى بەيجيڭنەن سيلىق الىپ قايتىپ كەلگەن سەح مەڭگەرۋشىسى جياۋ شيڭۋاڭ قۋانىشىن باسا الماي.
50 جاسقا تاياعان جياۋ شيڭۋاڭ سول جەردەگى جالپاق جۇرت تەگىس بىلەتىن ”ديقان تاپقىرلىق يەسى“، اۋىل شارۋاشىلىعى ماشينالارى مەن اۋىل شارۋاشىلىق تەحنيكاسىن ۇشتاستىرۋ جولى جونىندە ىزدەنىس جاساپ، اۋىل شارۋاشىلىعىنىڭ تولىق اۆتوماتتى جۇمىس ماشينالارىن زەرتتەپ اشۋعا تاباندى بولىپ، ىلگەرىندى ـ كەيىندى 14 ٴتۇرلى مەملەكەتتىك تاپقىرلىق پاتەنتىنە جانە قولدانىلمالى جاڭا تيپ پاتەنتىنە يە بولدى. ال ول جەتەكشىلىك ەتىپ زەرتتەپ اشقان كوپتەگەن تەحنيكا قىستاق تۇرعىندارىنىڭ قۇپتاۋىنا يە بولىپ، ەگىس داقىلدارىنىڭ ٴونىم مولشەرىن دە كورنەكتى جوعارىلاتتى.
”ٴبىز يدەيادا بۇرىلىس جاساپ، باتىلدىقپەن الدا ٴجۇرىپ، وسى زامانعى اۋىل شارۋاشىلىعىنىڭ دامۋ اياق الىسىنا ىلەسىپ، اۋىل شارۋاشىلىعى ٴوندىرىسىنىڭ ونىمدىلىگىن جوعارىلاتۋ جاعىندا ۇزدىكسىز جاڭالىق اشىپ، وندىرگىش كۇشتەردى جوعارىلاتۋىمىز كەرەك“. ول بىلاي دەدى: ٴبىز جاڭالىق اشۋ جەتىستىكتەرىمىزدىڭ اتىزدا شۇعىلا شاشۋىنا مۇمكىندىك جاساۋىمىز كەرەك.
«شينجياڭنىڭ ماشينامەن جينالاتىن جوعارى ساپالى ماقتاسىن ٴوندىرۋ ٴتاسىلى»، «ماشينامەن جينالاتىن ماقتانى شيكىزات ەتكەن سۋلياۋ جارعاقتىڭ لاستاۋىنسىز ماقتا ٴجىپتى ٴوندىرۋ ٴتاسىلى»، «مەحانيكالىق زاقىمداۋى تومەن ماشينامەن ماقتا جيناۋ، وڭدەۋ ٴوندىرىس ٴتاسىلى»... تالايلاعان مەملەكەتتىك تاپقىرلىق پاتەنت كۋالىگى، سيلىق كۋالىگى، مەدالى شينجياڭ اۋىل شارۋاشىلىق عىلىم اكادەمياسىنىڭ اعا زەرتتەۋشىسى تيان لي ـ ۋىننىڭ قىزمەت ۇستەلىندە تۇر.
”ۇزدىكسىز جاڭالىق اشقاندا عانا، شينجياڭنىڭ ماقتا كاسىپ سالاسىن ٴداستۇرلى ەكونوميكالىق ارتۋ تاسىلىنەن ارىلتۋعا بولادى“، ـ دەدى تيان لي ـ ۋىن. 30 جىلدان بەرى ول ماقتا ەگەتىن شارۋالاردىڭ قاجەتىن شىعار ٴتۇيىن ەتۋگە باستان ـ اياق تاباندى بولىپ، ماقتا وندىرىسىندە ٴدوپ كەلگەن ٴتۇرلى قيىن ماسەلەلەردى ۇزدىكسىز شەشتى، كوپ ٴتۇرلى زەرتتەۋ جەتىستىكتەرى شينجياڭنىڭ ماقتا وندىرىسىندەگى كەرەمەتتەردى جاراتىپ، حالىقارالىق اقتاڭداقتى تولتىردى.
كەزەكتە تيان لي ـ ۋىن جانە ونىڭ ۇجىمى تۇقىم سورتىن سۇرىپتاپ جەتىلدىرۋدەن، ماقتا اتىزىن باسقارۋدان تەرۋگە، وڭدەۋگە، ونان ٴجىپ يىرۋگە دەيىنگى ماشينامەن ماقتا تەرۋ، ٴوندىرۋ، وڭدەۋ تۇتاس كاسىپ سالاسى تىزبەگىنىڭ تەحنيكالىق جۇيەسىن قالىپتاستىردى. ”مەملەكەتتىك 1 ـ مامىر ەڭبەك مەدالىنا يە بولىپ، بۇكىل قوعامنىڭ عىلىم ـ تەحنيكا قىزمەتكەرلەرىنە ٴمان بەرگەندىگىن سەزىندىم، بۇل ماعان اناعۇرلىم زور قوزعاۋشى كۇش ۇستەدى“. تيان لي ـ ۋىن بىلاي دەدى: بولاشاقتا اۋىل شارۋاشىلىعى سالاسىنداعى عىلىم ـ تەحنيكادا جاڭالىق اشۋعا بۇرىنعىداي ات سالىسىپ، شارۋالاردىڭ قاجەتىن باستان ـ اياق ٴبىرىنشى ورىنعا قويامىن.
قىزمەت ورنىن ٴسۇيىپ، كاسىپتى قادىرلەپ، ۇلگىلەردىڭ كۇش ـ قۋاتىن جەتكىزدى
جۇمىستى تىڭعىلىقتى تىندىرۋ، بار ىنتا ـ پەيىلىمەن قىزمەت ىستەۋ كەرەك. قالىڭ ەڭبەكشىلەر قاراپايىم قىزمەت ورنىندا ٴۇن ـ ٴتۇنسىز بوداۋ بەرىپ، ەڭبەك پەن كۇرەستى ٴداۋىردىڭ وزگەرمەس كۇشتى ۇنىنە اينالدىرىپ، ەڭبەك ەرلەرىنىڭ رۋحىن ۇرپاقتان ـ ۇرپاققا جالعاستىردى.
”تەمىر جول جولاۋشى تاسىمال قىزمەتىمەن شۇعىلدانعانىما 20 جىل بولدى، ٴار رەتكى ساپارداعى قىزمەت وتەۋدى ويداعىداي ىستەۋگە بار كۇشىمدى سالدىم، بۇل جولى بەيجيڭگە بارىپ سيلىق الۋىم، مەن ٴۇشىن العاندا، ەڭبەگىمنىڭ تانىلعاندىعى، ونان دا ماڭىزدىسى، شابىتتاندىرۋ بولدى“. جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگى كورلا جولاۋشى تاسىمال ۋچاستيكاسىنىڭ باستىعى ميھىربان ايىت تەبىرەنە بىلاي دەدى: وسى داڭق پەن تۇراقتاندىرۋدى قىزمەتتىڭ قوزعاۋشى كۇشىنە اينالدىرىپ، بۇكىل ەلدەن، ٴتىپتى، دۇنيە جۇزىنەن كەلگەن جولاۋشىلارعا ۇزدىكسىز ويداعىداي قىزمەت وتەيمىن.
44 جاستاعى ميھىربان جولاۋشى تاسىمالىنىڭ ٴبىرىنشى شەبىندە باستان ـ اياق تاپجىلمادى. 2017 ـ جىلى 3 ـ ايدىڭ 25 ـ كۇنى ۇرىمجىدەن حوتانعا باراتىن ”ۇلتتار ىنتىماعىنىڭ بەرەكەلى شاڭىراعى“ اتتى ەرەكشە جۇردەك پويەز قاتىنادى، ول قىزمەتتەستەرىمەن بىرگە بۇل پويەزدى جىلجىمالى ۇلتتار ىنتىماعى شەبى دەپ ٴبىلىپ، ۇلتتار ىنتىماعىنىڭ اسەرلى حيكايالارىن بايانداۋمەن بىرگە، شارۋالارعا كومەكتەسۋ، شارۋالارعا جاردەمدەسۋ كوپىرىن سالدى.
2020 ـ جىلى جەلى بويىنداعى قىستاق تۇرعىندارىنىڭ ۇيىندەگى جاڭعاقتىڭ ساتىلماي قالعانىن بىلگەن ميھىربان پويەزدە ”جىلجىمالى بازار“ اشتى. پويەز سوڭعى بەكەتكە جەتپەي جاتىپ، جاڭعاق ساتىلىپ بولدى، كەيبىرەۋلەرى ۇزاق ۋاقىتتىق ساتىپ الۋ ـ ساتۋ توقتامىنا قول قويىستى... ونىڭ اۋىل ـ قىستاقتى گۇلدەندىرۋگە دەم بەرگەن حيكاياسى ”باقىتتى التىن پويەز“ اتتى ٴان ـ ٴبي تەاترىنا ەنگىزىلىپ، بەيجيڭ، ٴۇرىمجى سياقتى جەرلەردە قويىلدى. ”اناعۇرلىم كوپ بۇقارا ٴۇشىن شامام كەلەتىن ىستەردى ىستەي العانىما ٴدان ريزامىن“، ـ دەدى ميھىربان.
جاڭا ٴداۋىر، ٴسوز جوق، بولاشاعى زور ٴداۋىر. مەيلى اۋىل ـ قىستاقتى گۇلدەندىرۋدىڭ اتىز باسى، قاتاڭ دا ٴتارتىپتى عىلمي زەرتتەۋ اكادەميا ـ ورىندارى بولسىن، الدە ”اۆتوكولىك قاتىناۋ“ الدىنداعى مايتاۋ ـ كۇشار تاس جولى بولسىن... بارلىق جەردەن جاندى دا جالىندى ەڭبەك كورىنىسى مەن مۇندالايدى.
4 ـ ايدىڭ 30 ـ كۇنى ساعات 8 مولشەرىندە ىلە تاس جول باسقارۋ مەكەمەسى نىلقى بولىمشە مەكەمەسىنىڭ تاس جول كۇتىمدەۋشىسى تۇرسۇنجان تۇراحۇن دايىن كەسپەسى مەن تەرموسىن كوتەرىپ قار تازالاۋ ماشيناسىنا شىقتى، ”تۇستە بارىپ ـ كەلىپ تاماقتانۋعا كوپ ۋاقىت كەتەدى، كۇن ىسي باستادى، كوپشىلىك وسى جولدا اۆتوكولىك قاتىناۋدى اڭساپ وتىر، ٴبىز كۇش ۇستىنە كۇش قوسۋىمىز كەرەك“. مەملەكەتتىك 1 ـ مامىر ەڭبەك مەدالىنا يە بولعان تۇرسۇنجان تۇراحۇننىڭ قايراتى تاسقىنداي ٴتۇستى.
ٴار جىلى 5 ـ ايدا تۇرسۇنجان مەن قىزمەتتەستەرى 50 كيلومەتردەن استام جەردەگى قار تازالاۋ اۋىر مىندەتىنە، سونداي ـ اق تەڭىز دەڭگەيىنەن 3500 مەتر بيىكتىكتەگى ەرىگەن قابىرشاق مۇز اعاتىن جول بولىگىندەگى مۇز تازالاۋ اۋىر مىندەتىنە ٴدوپ كەلدى. قار تازالاۋ، مۇز تازالاۋ مىندەتى ورىندالعاندا عانا، مايتاۋ _ كۇشار تاس جولى ەڭ كوركەم بەينەمەن شار تاراپتان كەلگەن ساياحاتشىلاردى قارسى الادى. ”جول تازالانىپ بولا بەرگەندە قار تاعى جاۋدى، ٴبىز جالعاستىرىپ ىستەپ كەتتىك“. تۇرسۇنجاننان كەيىگەندىك بايقالمايدى.
قارلى بوراندا قاسات قار باسىپ قالعان جول بولىكتەرىن اشىپ، قامالىپ قالعان ساياحاتشىلاردى قۇتقاردى، قاسات قاردى اشىپ، جەرگىلىكتى مالشىلارعا قاجەتتى زاتتاردى جەتكىزىپ بەردى، قيىنشىلىعى بارلارعا جىلۋ اتادى... وسى جولدا تۇرسۇنجان جونىندەگى حيكايالار وتە كوپ. ”ەڭبەكشىلەر ەڭ داڭقتى، جاڭا ٴداۋىر ەڭبەكشىلەردىڭ ٴۇمىتىن اقتايدى، دۇنيەدەگى بارلىق باقىت جاپالى ەڭبەكتەن كەلەدى“، ـ دەدى تۇرسۇنجان.
بىرىككەن كۇش ۇيىستىرىپ، دامۋدىڭ قۇنارلى توپىراعىن جەتىلدىردى
4 ـ ايدىڭ 30 ـ كۇنى جۇڭگو مۇنايى تارىم مۇناي الابىن بارلاۋ ـ اشۋدى زەرتتەۋ ورنىندا مەملەكەتتىك 1 ـ مامىر ەڭبەك مەدالىنىڭ يەگەرى جاڭ يىنتاۋ فۋمان مۇناي الابىنا قاتىستى قىزمەتتەردى زەرتتەۋدى ۇيىمداستىرىپ ورىستەتىپ جاتتى. ”عىلمي زەرتتەۋ قىزمەتىندە جەڭىلىسكە مويىنسال بولمايتىن باتىلدىق بولۋ، ۇزاق ۋاقىت قور توپتاۋ جانە وي جۇگىرتۋ كەرەك، بۇل دا كوللەكتيۆتىڭ اقىل ـ پاراساتىنا سۇيەنەدى“، ـ دەدى جاڭ يىنتاۋ.
2023 ـ جىلى 5 ـ ايدىڭ 30 ـ كۇنى ەلىمىزدىڭ تۇڭعىش 10 مىڭ مەترلىك تەرەڭ قۇدىق تاكى 1 ـ قۇدىعى فۋمان مۇناي الابىندا بۇرعىلانىپ، تەرەڭگە جورىق جاساۋدىڭ اتوي دابىلىن قاقتى. 38 جاستاعى جاڭ يىنتاۋ مەن ونىڭ ۇجىمى تەرەڭ جەر عىلمي ىزدەنىسىنىڭ جاڭا نىساناسىن تۇراقتاندىرىپ، ەنەرگيا ارقىلى وتان ٴۇمىتىن اقتاۋدىڭ جاڭا جارىس جولىنا ٴتۇستى.
جاڭ يىنتاۋ ورتاشا جاسى 29 جاستاعى عىلمي زەرتتەۋ ۇجىمىن باستاپ ٴبىرىنشى شەپكە تامىر تارتىپ، ەرەكشە تەرەڭ قاباتتاعى بارلاۋ، اشۋدىڭ دۇنيە جۇزىلىك قيىن ماسەلەسىنە سايىس جاريالاپ، باعىتتى وپىرىلما قاباتتا زاپاس مولشەردى مەڭگەرۋ، زاپاس ساقتاۋ قاباتى گەولوگيالىق نازارياسىن جاسامپازدىقپەن دامىتىپ، وپىرىلما قاباتتا زاپاس مولشەردى مەڭگەرۋدى بايانداۋ تەحنيكاسىنان قامال الىپ، ەرەكشە تەرەڭ وپىرىلما مەڭگەرۋ قاباتىنداعى، كومىر قىشقىل تۇز جىنىسى مۇناي ـ تابيعي گازىن بارلاۋ، اشۋ جەلىلەس تەحنيكالىق قيىن ماسەلەلەرىن شەشىپ، كوپ ٴتۇرلى تەحنيكالىق تابىستارعا قول جەتكىزىپ، ٴبىر قىدىرۋ كەلەلى بايقاۋلارعا يە بولدى.
قىزمەت كەڭسەسىن قۇرۋ، عىلمي زەرتتەۋ ۇجىمىن قۇرۋ... ٴارقايسى ورىنداردىڭ، كاسىپورىنداردىڭ ەڭبەك ەرلەرىن جەتىلدىرۋدەگى، ەڭبەك ەرلەرى رۋحىن اسقاقتاتۋداعى، ەڭبەك ەرلەرىنىڭ رولىن ساۋلەلەندىرۋدەگى، قالىڭ ەڭبەكشىلەردىڭ جاڭالىق اشا دامۋىنا جەتەكشىلىك ەتۋدەگى ٴونىمدى تۇعىرى.
چۇڭچيڭ مەن شىنجىنداعى ٴىسساپارىندا ۋاڭ جىن ٴوزىنىڭ مەملەكەتتىك 1 ـ مامىر ەڭبەك مەدالىنا يە بولعاندىعىن ەستىپ قاباعات قۋاندى. بىرنەشە كۇننەن بەرى ول ٴتۇرلى ماجىلىستەر مەن اڭگىمە كەڭەستەرگە قاتىناسىپ، قاتىستى ماماندارمەن قاتتى كۇيدەگى ليتي باتارەياسىن كاسىپ سالالاندىرۋدىڭ ەڭ جاڭا زەرتتەۋ اياق الىسى جونىندە پىكىر اۋىستىرۋدا.
شينجياڭ ٴتۇستى مەتال زەرتتەۋ ورنىنىڭ اعا ينجەنەرى رەتىندە، ۋاڭ جىن ۇزاق ۋاقىت ٴبىرىنشى شەپتەگى عىلمي زەرتتەۋ قىزمەتىمەن شۇعىلدانىپ، ليتيدى ٴبولىپ الۋ جانە جاڭا ەنەرگيا ماتەريالدارىن زەرتتەۋ بەتالىسى ەتىپ، دەربەس قۇرعاتۋ ٴتاسىلىن قولدانىپ، ٴونىمنىڭ سۋ قۇرامى تىم جوعارى بولۋ جانە ماتەريالداردى ىدىراتۋ سياقتى قيىن ماسەلەلەردى شەشىپ، ليتي باتارەياسىنىڭ ەلەكتروليت جاڭا ماتەريالى _ سۋسىز يودتى ليتي كولەمدەنگەن ٴوندىرىسىن جۇزەگە اسىرىپ، ەلىمىزدىڭ وسى ٴونىىمدى ٴوندىرۋ اقتاڭداعىن تولتىردى.
2022 ـ جىلى شينجياڭ ٴتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگى ليتي قىزمەت كەڭسەسىن قۇرىپ، ۋاڭ جىن مەن ونىڭ تاقىرىپتىق گرۋپپاسىنىڭ ليتي يزوتوپتارى، ليتي باتارەياسىنىڭ قاتتى كۇيدەگى ەلەكتروليت جاڭا ماتەريالدارى، ليتيدى شىلاۋدان شىققان قوقىر ـ قوقسىقتاردى زالالسىزداندىرۋ جانە بايلىققا اينالدىرىپ پايدالانۋ سياقتى جاقتارداعى زەرتتەۋدى ۇزدىكسىز ورىستەتۋىن قولدادى. قازىر ولاردىڭ سۋسىز يودتى ليتي ونىمدەرى بازاردا قاجەتتى قاناعاتتاندىرا الماي وتىر، ەل ٴىشى بازارىن قامداۋدان سىرت، جاپونيا، ٴۇندىستان سياقتى ەلدەرگە دە ساتىلۋدا. ول: ”ۇجىممەن بىرگە قۇلشىنىپ، شينجياڭنىڭ ابزال بايلىعىنىڭ ساپالى دامۋدىڭ قوزعالىس قۋاتىنا اينالۋىن ىلگەرىلەتۋ كەرەك“، ـ دەدى.
ەڭبەك تاماشا تۇرمىستى جاراتادى، ەڭبەك باقىتتى بولاشاققا جول اشادى. بۇگىنگى تاڭدا، تيانشان الابىنداعى ٴار سالادا، ٴار كاسىپتە ەڭبەك ەرلەرى توپ ـ توبىمەن جارىققا شىعىپ، جۇلدىزداي جارقىرادى، ولاردىڭ اراسىندا ماماندار، زەرتتەۋشىلەر، ينجەنەرلەر بار، تاس جول كۇتىمدەۋشىلەرى، پويەز قىزمەتكەرلەرى دە بار... تۇرلىشە شەپتەن كەلگەن وسى ەڭبەكشىلەر قاراپايىم قىزمەت ورنىندا ەرەكشە ناتيجە جاراتىپ، ەڭبەك ەرى رۋحىن، ەڭبەك رۋحىن، ۇستا رۋحىن جاندى تۇردە شەشىپ ٴتۇسىندىردى.
