اۆتونوميالى رايوندىق حالىق قۇرىلتايى تۇراقتى كوميتەتى ۇگىت، ۇگىت لەكسيا نەگىزگى تاقىرىپتىق قيمىل جونىندە اتتانىسقا كەلتىرۋ، باۋلۋ ٴماجىلىسىن اشتى
جۇڭحۋا ۇلتى ورتاق تۇلعا تانىمىن بەرىك ورناتۋعا حالىق قۇرىلتايىنىڭ ۇلەسىن قوسۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي 4 ـ ايدىڭ 30 ـ كۇنى ۇرىمجىدەن حابارلايدى. 4 ـ ايدىڭ 30 ـ كۇنى، اۆتونوميالى رايوندىق حالىق قۇرىلتايى تۇراقتى كوميتەتى ”جۇڭحۋا ۇلتى ورتاق تۇلعا تانىمىن بەرىك ورناتۋ ● 10 مىڭ ۋاكىل 10 مىڭ وتباسىنا بارۋ“ ۇگىت، ۇگىت لەكسيا نەگىزگى تاقىرىپتىق قيمىل جونىندە اتتانىسقا كەلتىرۋ، باۋلۋ ٴماجىلىسىن اشىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى ماڭىزدى بايىمداۋىن ۇيرەنىپ، دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون ٴبىرىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى تاقىرىپ ەتىپ، كەڭ كولەمدە ۇگىت، ۇگىت لەكسيا ورىستەتىپ، ٴار ۇلت بۇقاراسىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى ـ تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا تاربيەلەپ، جەتەكتەپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭ قۇرۋعا ٴتىپتى دە ويداعىداي ۇلەس قوسۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: بۇكىل رايونداعى ٴار دارەجەلى حالىق قۇرىلتايى ۋاكىلدەرى ”ەكىنى تۇراقتاندىرۋدى“ تاباندىلىقپەن قولدايتىن، ”ەكىنى قورعاۋدى“ باتىل ورىندايتىن ساياسي بيىكتىكتە تۇرىپ، باس شۋجي شي جينپيڭنىڭ جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، جەتە ٴتۇسىنىپ، شىنايى تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ٴتۇرلى قىزمەتتەردىڭ باستان ـ اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك.
ٴماجىلىس مىنالاردى باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋ _ شينجياڭنىڭ ۇلتتار ىنتىماعى، العاباسارلىعى مەن باياندى تىنىشتىعىنا ساياتىن كەلەلى ساياسي ماسەلە. ٴبىز ساياسي جاۋاپكەرشىلىكتى باتىل ارقالاپ، ماڭىزدى پرينسيپتى ايقىنداپ، قابىلەتتى، دەڭگەيدى جوعارىلاتىپ، جۇڭحۋا ۇلتى ورتاق تۇلعا تانىمىن بەرىك ورناتۋداعى شينجياڭ امالياتىن ىلگەرىلەتۋدىڭ شەشۋشى ٴتۇيىنى مەن كۇش سالۋ ٴتۇيىنىن مىقتاپ يگەرىپ، كورەگەندىكپەن وي جۇگىرتۋدى، جالپى جاعداي سيپاتتى جوسپارلاۋدى، جالپى تۇلعالىق ىلگەرىلەتۋدى كۇشەيتىپ، ٴتۇرلى قىزمەتتەردە نەگىزگى جەلىنى تىعىز ارقاۋ ەتۋگە، ونان تيتتەي دە اۋىتقىماۋعا شىنايى كەپىلدىك ەتىپ، ”ناقتى“ بولۋ جاعىنا دەن قويىپ، ”جاندى“ بولۋ جاعىنا كوڭىل ٴبولىپ، ”ٴونىمدى“ بولۋ جاعىنا كۇش سالىپ، ٴتۇرلى مىندەتتەردى جوعارى ساپامەن ورىنداۋىمىز كەرەك.
ٴماجىلىس مىنالاردى باسا دارىپتەدى: ٴار دارەجەلى حالىق قۇرىلتايى ۋاكىلدەرىنىڭ ەرەكشەلىگىن، باسىمدىعىن تولىق ساۋلەلەندىرىپ، نەگىزگى ساتىعا ىشكەرىلەي بارىپ، بۇقارانى بەتكە الىپ، يدەيا، ساياسات، جاعداي، زاڭ، تاريح، مادەنيەت، ۇلگىلى تيپتەر جانە مەملەكەتتە ٴبىر تۇتاس قولدانىلاتىن ٴتىل ـ جازۋ سياقتى نەگىزگى تۇيىندەردى ارقاۋ ەتە وتىرىپ ۇگىت، ۇگىت لەكسيا جاساپ، نەگىزگى تاقىرىپتىق قيمىلدىڭ ونىمدىلىگىن ٴار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋدە ايگىلەۋ، جۇڭحۋا ۇلتى ورتاق تۇلعا تانىمىنىڭ اناعۇرلىم كۇشەيۋىندە ايگىلەۋ، قوعام ورنىقتىلىعىن ساقتاۋدا، ەكونوميكانىڭ دامۋىن ىلگەرىلەتۋدە، حالىق تۇرمىسىن ٴونىمدى جاقسارتۋدا ايگىلەۋ، جاڭا داۋىردەگى حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋدە ايگىلەۋ كەرەك.
ٴماجىلىس مىنالاردى تالاپ ەتتى: ۇيىمدىق قامتاماسىزداندىرۋدى كۇشەيتىپ، باسىمدىقتى ساۋلەلەندىرۋگە باسا ٴمان بەرىپ، ۇگىت لەكسيا ٴتاسىلىن بايىتىپ، فورماشىلدىقتى باتىل تيىپ، قىزمەتتە ناقتى ونىمدىلىككە جەتۋدى دارىپتەپ، ۇگىتتەۋدى، جەتەكتەۋدى كۇشەيتىپ، نەگىزگى تاقىرىپتىق قيمىلدىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.
ۋاڭ ميڭشان ٴماجىلىستى باسقاردى، لي نيڭپيڭ، توحتى ياقۇپ، پيڭ شينلاي، ۋاڭ گوحى، ٴمامتىمىن قادىر ماجىلىسكە قاتىناستى. ٴماجىلىس بەينە ەكران فورماسىندا ٴارقايسى ايماق ـ وبلىس ـ قالالاردىڭ، توتە قاراستى اۋدان دارەجەلى قالالىق حالىق قۇرىلتايلارىنا دەيىن اشىلدى.
