انار بۇلت \ شينجياڭ گازەتىنىڭ ٴتىلشىسى گو ليڭ 4 ـ ايدىڭ 28 ـ كۇنى ۇرىمجىدەن حابارلايدى. 4 ـ ايدىڭ 28 ـ كۇنى 2024 ـ جىلعى ” 1 ـ مامىر“ حالىقارالىق ەڭبەكشىلەر مەرەكەسىن قۇتتىقتاۋ جانە مەملەكەتتىك 1 ـ مامىر ەڭبەك سيلىعى مەن مەملەكەتتىك جۇمىسشى اۆانگاردتارىن ماداقتاۋ ـ سيلاۋ جينالىسى بەيجيڭ حالىق سارايىندا وتكىزىلدى، 255 كوللەكتيۆ پەن 1088 جەكە مەملەكەتتىك 1 ـ مامىر ەڭبەك سيلىعىنا، مەدالىنا، 1034 كوللەكتيۆ مەملەكەتتىك جۇمىسشى اۆانگاردى اتاعىنا جەكە ـ جەكە يە بولدى. شينجياڭنان 5 كوللەكتيۆ مەملەكەتتىك 1 ـ مامىر ەڭبەك سيلىعىن، 23 جەكە مەملەكەتتىك 1 ـ مامىر ەڭبەك مەدالىنا، 27 كوللەكتيۆ مەملەكەتتىك جۇمىسشى اۆانگاردى اتاعىنا يە بولدى.
شينجياڭنان ماداقتالىپ ـ سيلانعان وزات كوللەكتيۆتەر مەن جەكەلەر: قورعاس جين ـ ي حالىقارالىق ساۋدا (توبى) شەكتى سەرىكتەستىگى، شينجياڭ قابا اشىلى مىس كاسىبى جارنا شەكتى سەرىكتەستىگى، شينجياڭ ٴوندىرىس ـ قۇرىلىس بيڭتۋانى 2 ـ شى حۋاشان ورتا مەكتەبى سياقتى 5 كوللەكتيۆ مەملەكەتتىك 1 ـ مامىر ەڭبەك سيلىعىن الدى؛ شينتى ەنەرگيا شەكتى جارنا سەرىكتەستىگى قالپىنا كەلتىرۋ سەحىنىڭ مەڭگەرۋشىسى ليۋ داندان، جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگى كورلا جولاۋشى تاسىمال ۋچاستيكاسىنىڭ باستىعى ميھىربان ايىت، شينجياڭ ٴتۇستى مەتال زەرتتەۋ ورنى شەكتى سەرىكتەستىگىنىڭ ورىنباسار باس ينجەنەرى ۋاڭ جىن قاتارلى 23 ادام مەملەكەتتىك 1 ـ مامىر ەڭبەك مەدالىن الدى؛ ٴۇرىمجى چۋاڭبو ورتا تازالىعى شەكتى سەرىكتەستىگىنىڭ ماشينامەن جۇمىس ىستەيتىن اۆتوموبيل اترەتى، شينجياڭ حۋاشۋ توقىماشىلىق عىلىم ـ تەحنيكا شەكتى سەرىكتەستىگى ارتقى توقىماشىلىق سەحى جىڭىشكە ٴجىپ ٴيىرۋ ٴبانىنىڭ 3 ـ كەزەكتەسۋ ٴبانى، شاعانتوعاي اۋدانى يۇيتىڭ ەگىن، مال شارۋاشىلىعى ماشينا جابدىقتارىن جاساۋ شەكتى سەرىكتەستىگىنىڭ ٴوندىرىس سەحى سياقتى 27 كوللەكتيۆ مەملەكەتتىك جۇمىسشى اۆانگاردى اتاعىنا يە بولدى.
