انار بۇلت \ شينجياڭ گازەتىنىڭ ٴتىلشىسى يان شياۋتيان، پراكتيكانت ياڭ يانيۇي 4 ـ ايدىڭ 29 ـ كۇنى ۇرىمجىدەن حابارلايدى. 4 ـ ايدىڭ 29 ـ كۇنى 4 ـ مامىر جاستار مەرەكەسى كەلۋ قارساڭىندا، كوممۋنيستىك جاستار وداعى ورتالىق كوميتەتى، مەملەكەتتىك جاستار بىرلەستىگى 28 ـ كەزەكتى ”جۇڭگو جاستار 4 ـ مامىر مەدالىن“ تاراتتى. مۇندا شينجياڭنان ٴبىر جەكە، ٴبىر كوللەكتيۆ سيلىققا يە بولدى، ولار جەكە ـ جەكە: شينجياڭ ٴوندىرىس ـ قۇرىلىس بيڭتۋانى 170 ـ تۋانى جىبەك جولى شىرعاناق بيو عىلىم ـ تەحنيكا شەكتى سەرىكتەستىگىنىڭ باس ديرەكتورى ۋاڭ جۇنياڭ، جۇڭگو عىلىم اكادەمياسى شينجياڭ فيزيكا ـ حيميا تەحنيكاسىن زەرتتەۋ ورنى فوتو ەلەكتر يقۋاتتىق كريستال ماتەريالىندا جاڭالىق اشۋ ۇجىمى.
1986 ـ جىلى 12 ـ ايدا دۇنيە ەسىگىن اشقان ۋاڭ جۇنياڭ 2009 ـ جىلى تارىم داشۋەسىنەن وقۋ تاۋىسقاننان كەيىن، جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارىنا تىزىمدەلىپ، بيڭتۋان 9 ـ شىسىنداعى قىزمەتى ەڭ جاپالى 170 ـ تۋانعا بارىپ قىزمەت ىستەۋدى ىرىقتىلىقپەن تاڭدادى. ۋاڭ جۇنياڭنىڭ باستاماشىلدىعىندا شىرعاناق كاسىپ سالاسىنا سۇيەنىپ، سەلبەستىك كووپەراتيۆىندەگى 167 وتباسىنداعى جۇمىسشى ـ قىزمەتشىنىڭ جىلدىق ورتاشا كىرىسى 2019 ـ جىلعى 45 مىڭ يۋاننان 2023 ـ جىلى 120 مىڭ يۋانعا ارتىپ، 3 ەسەگە تاياۋ ارتتى، شىرعاناق 170 ـ تۋانداعى جۇمىسشى ـ قىزمەتشىلەردىڭ كىرىستى ارتتىرىپ بايۋىنداعى ”التىن بۇرشاققا“ اينالدى.
جۇڭگو عىلىم اكادەمياسى شينجياڭ فيزيكا ـ حيميا تەحنيكاسىن زەرتتەۋ ورنىنىڭ فوتو ەلەكتر يقۋاتتىق كريستال ماتەريالىندا جاڭالىق جاراتۋ ۇيىرمەسىندە قازىر 143 ادام بار، ورتاشا جاس شاماسى 29 جاس، 35 جاستان تومەنگى عىلمي زەرتتەۋ قىزمەتكەرلەرى %86تى ۇستايدى. شينجياڭعا تامىر تارتقان 17 جىلدان بەرى، وسى ۇجىمداعىلار لازەر نۇرى تەحنيكاسىمەن جارىق، ەلەكتر يقۋاتىندىق كريستال دەنە ” 1 _ 0“ باستاپقى جاسامپازدىعىن جانە قولدانىلۋىن زەرتتەۋدى ورىستەتىپ، حالىقارادا تۇتاس تولقىن بولىگىنە ٴوزارا سايكەس كەلەتىن جاڭا ۇعىمدى تۇڭعىش رەت ورتاعا قويىپ، 160.5 نانومەتر تەرەڭدىكتەگى كۇلگىن ساۋلە شىعارۋدى جۇزەگە اسىرىپ، تىكە ەسەلەنگەن تولقىن ۇزىندىعى ەڭ قىسقا الەمدىك رەكوردتى جاڭالاپ، ەلىمىزدىڭ تەرەڭ ۋلترا كۇلگىن ساۋلە بۇكىلدەي قاتتى كۇيدەگى لازەر نۇرى تەحنيكاسىنىڭ حالىقارادا ۇزدىكسىز جول باستاۋىن، تەرەڭ ۋلترا كۇلگىن ساۋلە لازەر نۇرى تەحنيكاسىن قولدانۋدىڭ بيىك تۇرعىسىن يەلەۋىن شەشۋشى ماتەريالمەن جانە بولشەكپەن قامدادى.
”جۇڭگو جاستار 4 ـ مامىر مەدالى“ _ كوممۋنيستىك جاستار وداعى ورتالىق كوميتەتىنىڭ، مەملەكەتتىك جاستار بىرلەستىگىنىڭ جۇڭگوداعى تاڭداۋلى جاستارعا بەرەتىن ەڭ جوعارى اتاعى، ساياسيدا العاباسار، ٴمورالى اسقاق، ۇلەسى كورنەكتى بولعان تاڭداۋلى جاستاردىڭ تيپتەرىن ورناتىپ، قازىرگى زامان جاستارىنىڭ رۋحاني قاسيەتى مەن قۇن تالپىنىسىن بەينەلەۋدى ماقسات ەتكەن.
