جۇڭگو ۇلگىسىندەگى وسىزامانداندىرۋدىڭ جالىندى امالياتىنا بەلسەنە ات سالىسامىز
_ باس شۋجي شي جينپيڭنىڭ بۇكىل ەلدەگى قالىڭ ەڭبەكشى بۇقارانىڭ مەرەكەسىن قۇتتىقتاۋى جانە ولاردان شىنايى حال سۇراۋى شينجياڭدا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
ەڭبەك ٴداۋىر داستانىن جازادى، كۇرەس كوركەم بولاشاق جاراتادى. ” 1 ـ مامىر“ حالىقارالىق ەڭبەكشىلەر مەرەكەسى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەڭبەكشى بۇقارانىڭ مەرەكەسىن قۇتتىقتادى ٴارى ولاردان شىنايى حال سۇرادى، بۇل شينجياڭداعى قالىڭ ەڭبەكشىلەر اراسىندا قىزۋ اڭىس قوزعادى.
كوپشىلىك جابال مىنالاردى ٴبىلدىردى: باس شۋجي شي جينپيڭنىڭ ىقىلاستى قامقورلىعىن ايانباي كۇرەس جۇرگىزۋدىڭ قۋاتتى قوزعاۋشى كۇشىنە اينالدىرىپ، ەڭبەك ەرى رۋحىن، ەڭبەك رۋحىن، ۇستا رۋحىن بارىنشا اسقاقتاتىپ، قىزمەت ورنىمىزدى ٴسۇيىپ، كاسىپتى قادىرلەپ، جاڭالىق اشىپ، جاسامپازدىق جاراتىپ، جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جالىندى امالياتىنا بەلسەنە ات سالىسىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرامىز.
باس شۋجي شي جينپيڭ بىلاي دەپ اتاپ كورسەتتى: قالىڭ ەڭبەكشى بۇقارا پارتيامەن تىلەكتەس بولىپ، پارتياعا ىلەسىپ كۇرەس جۇرگىزىپ، قاجىرلىلىقپەن ەڭبەك ەتىپ، قالتقىسىز ۇلەس قوسىپ، اقىل ـ پاراساتى مەن ماڭداي تەرى ارقىلى پارتيا مەن مەملەكەت ىستەرىنىڭ دامۋىنا ماڭىزدى ۇلەس قوستى.
”ەرەكشە شابىت الىپ، ايرىقشا جەلپىندىك! ەڭبەكشى بولۋدىڭ داڭقى مەن ماقتانىشىن شىنايى سەزىندىك!“ مەملەكەتتىك 1 ـ مامىر ەڭبەك مەدالىنىڭ يەگەرى، شينجياڭ تيانشان ٴجۇن توقىماشىلىعى شەكتى جارنا سەرىكتەستىگى ٴجۇن توقىما فابريكاسىنىڭ ورىنباسار باستىعى جۋ كايلي بىلاي دەدى: اناعۇرلىم تاسقىنداعان قىزمەت ىنتاسىمەن دەن قويا زەرتتەپ، توقىماشىلىق كاسىبىنىڭ جاڭا تەحنيكا قولدانىپ تيپ وزگەرتىپ، دارەجەسىن جوعارىلاتۋ سەرپىنىن ارتتىرىپ، زاۆودتاعى بارلىق جۇمىسشى ـ قىزمەتكەرمەن بىرگە ەڭبەك بارىسىندا ارمانعا جەتىپ، باس شۋجي شي جينپيڭنىڭ ىقىلاستى تىلەگىن جاڭالىق اشۋدىڭ، جاسامپازدىق جاراتۋدىڭ ٴىس جۇزىندىك ارەكەتىنە شىن مانىندە اينالدىرامىز.
جاڭا عانا ”مەملەكەتتىك جۇمىسشى اۆانگاردى اتاعىنا“ يە بولعان شينجياڭ كىتاپحاناسىنىڭ تەحنيكا ٴبولىمى وسى بىرنەشە جىلدا سيفرلى بايلىقتى ۇزدىكسىز مولايتۋ ارقىلى ”بۇلتتىق كىتاپحانا“ قۇرىپ، وقىرمانداردىڭ دارالانعان، كوپ نەگىزدى وقۋ قاجەتىن قاناعاتتاندىردى. سونىمەن بىرگە حالىققا قولايلى بولۋدى، ٴتيىمدى بولۋدى كوزدەي وتىرىپ، قوعامدىق قامسىزداندىرۋ كارتچكاسىنىڭ ەكىلىگىن سكانەرلەۋ ارقىلى وقىرمان كىناشقاسىن ٴبىتىرۋ قىزمەت وتەۋ ٴتۇرىن اشتى.
”باس شۋجيدىڭ ىنتالاندىرۋى كوپشىلىكتىڭ قىزمەت ىستەۋ قايراتىن تاسقىنداتتى“. شينجياڭ كىتاپحاناسى تەحنيكا ٴبولىمىنىڭ مەڭگەرۋشىسى يۇي جىمين بىلاي دەدى: ۇجىم مۇشەلەرى داڭقتى قوزعاۋشى كۇشكە اينالدىرىپ، تىنباي جاڭالىق اشىپ، الەۋمەتتىك كىتاپحانانىڭ قىزمەت وتەۋ ونىمدىلىگىن قۇلشىنا جوعارىلاتىپ، الەۋمەتتىك مادەنيەت قىزمەت وتەۋ قابىلەتىن جوعارىلاتىپ، وقىرمانداردىڭ اناعۇرلىم جوعارى ٴونىمدى، قولايلى كىتاپ وقۋ اسەرىنەن يگىلىكتەنۋىنە مۇمكىندىك جاسايمىز.
”باس شۋجي باستان ـ اياق نەگىزگى ساتىداعى ەڭبەكشىلەرمەن تىلەكتەس بولدى. قالىڭ ەڭبەكشى بۇقارانىڭ مەرەكەسى قارساڭىندا شابىتتاندىرىپ جانە حال سۇراپ، ٴبىزدى ايرىقشا مەيىرگە بولەدى“. شينجياڭداعى ەڭ ارداقتى ەڭبەكشى، شينجياڭ شۇنفىڭ جەدەل تاسىمال شەكتى سەرىكتەستىگى قارامايلى چاۋياڭ بولىمشە سەرىكتەستىگىنىڭ جەدەل جەتكىزۋشىسى ماۋ فۋشىڭ بىلاي دەدى: ٴار ونەردىڭ ەگەيى بولادى، ٴار كاسىپتىڭ شەبەرى بولادى، مەن بار ىنتا ـ پەيىلىممەن قىزمەت ىستەپ، قاريدارلارعا ساپالى، جوعارى ٴونىمدى جولداما جەتكىزۋ قىزمەت وتەۋىن ازىرلەپ، قاراپايىم قىزمەت ورنىمدا كەرەمەت ناتيجە جاراتۋعا قۇلشىنامىن.
بيىل _ جاڭا جۇڭگو قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى جىل. باس شۋجي شي جينپيڭنىڭ مەرەكەلىك قۇتتىقتاۋى جانە شىن ىقىلاستى حال سۇراۋى تيانشان الابىنداعى قاجىرلىلىقپەن قايراتتانا ۇمتىلاتىن ەڭبەكشىلەردى قوس قولدارىمەن جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا جىگەرلەندىردى.
5 ـ ايدىڭ 1 ـ كۇنى اقتاۋ اۋدانى ٴپىلال اۋىلى دوندۇرا قىستاعىنداعى ٴبىر ەگىنجايدا قىزىلسۋ قىرعىز اۆتونوميالى وبلىستىق اۋىل شارۋاشىلىق تەحنيكالارىن جالپىلاستىرۋ ورتالىعىنىڭ اعا اگرونومى اسەنجان سايدىن 20 نەشە وتباسىنداعى ەگىنشىگە ەگىمشىلىك تەحنيكاسىن ٴتۇسىندىرىپ جاتتى. كوكتەمگى ەگىستەن كۇزگى جيىن ـ تەرىنگە دەيىن ەگىس قاربالاستىعى مەزگىلىنىڭ بارىندە ول اۋىل شارۋاشىلىعى تەحنيكتەرىن باستاپ اتىز باسىنا بارىپ قىزمەت وتەيدى. ”باس شۋجيدىڭ مەرەكەلىك قۇتتىقتاۋىندا جانە شىن ىقىلاستى حال سۇراۋىندا سان ميلليونداعان ەڭبەكشى بۇقاراعا دەگەن ىقىلاستى ٴۇمىتى قامتىلعان“. اسەنجان بىلاي دەدى: ٴبىز ٴۇمىتتى اقتاپ، اۋىل شارۋاشىلىعى ٴوندىرىسى ٴبىرىنشى شەبىنە بارىپ، ەڭ ناقتى احۋالدى كورىپ، ەڭ ٴونىمدى ادىسپەن شارۋالاردىڭ كىرىسىن ارتتىرۋىنا كومەكتەسىپ، شينجياڭنىڭ اۋىل شارۋاشىلىعىن وسىزامانداندىرۋ قۇرىلىسى ٴۇشىن جاۋاپكەرشىلىگىمىزدى ادا ەتىپ، كۇش قوسۋىمىز كەرەك.
سول كۇنى باتىس سولتۇستىك مۇناي الابى مۇناي الۋ 1 ـ زاۆودى مۇناي ـ تابيعي گازدى ٴبىر جاقتى ەتۋ ٴبولىمىنىڭ سۋ تولتىرۋ جۇمىس ورنىنىڭ قىزمەتكەرى تۇرعۇن قۇربان مەن قىزمەتتەستەرى سۋ تاسىمالداۋ ماشيناسىنا سۋ تولتىرۋمەن ابىگەر بولىپ جاتتى، بۇل مۇناي الابىنداعى ٴبىر جاقتى ەتىلۋى تولىمدى بولعان سۋ ٴوندىرىس الاڭىنا تاسىمالدانىپ، قىسىمدى ۇڭعىما جۇمىسى، مۇناي ۇڭعىماسىنا سۋ قۇيۋ سياقتى جاقتارداعى قاجەتتى قاناعاتتاندىرادى. باس شۋجي شي جينپيڭنىڭ مەرەكەلىك حال سۇراۋى كوپشىلىكتىڭ جىگەرىن جانىپ، قايراتتارىن تاسقىنداتتى. قىزمەت ورنىمىزدى تياناق ەتىپ، ماڭايىمىزداعى ەڭبەك ەرلەرىنەن جانە وزاتتاردان ۇيرەنىپ، مۇناي رۋحىن ۇزدىكسىز اسقاقتاتىپ، بار ىنتا ـ پەيىلىمىزبەن قىزمەت ىستەپ، ”ەنەرگيا كەسەسىن مىقتاپ ۇستاۋعا“ كۇش قوسامىز.
”ەڭبەكشىلەردىڭ زاڭدى ۇقىق ـ مۇددەسىن شىن مانىندە ويداعىداي جۇزەگە اسىرىپ، قورعاپ، دامىتىپ، قالىڭ ەڭبەكشى بۇقارانى قاجىرلى ەڭبەك، ادال ەڭبەك، جاسامپاز ەڭبەك بارىسىندا ارمانعا جەتۋگە ىنتالاندىرۋ ”توركىندەگىلەردىڭ“ مىندەت جاۋاپكەرشىلىگى. اقسۋ ايماقتىق جۇمىسشى ۇيىمى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى لو جۋان بىلاي دەدى: ٴبىز باستان ـ اياق پارتيانىڭ جۇمىسشى ۇيىمىنا جالپى بەتتىك باسشىلىعىنا تاباندى بولىپ، باس شۋجي شي جينپيڭنىڭ تالابى بويىنشا جۇمىسشى ـ قىزمەتشىلەردىڭ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىپ، مادەنيەت، دەنە تاربيە قيمىلى، ەڭبەك شەبەرلىگى باسەكەسى سياقتىلاردى ورىستەتۋ ارقىلى قالىڭ جۇمىسشى ـ قىزمەتشىلەردىڭ ەڭبەك ىنتاسى مەن جاسامپازدىق كومەسكى قابىلەتىن تولىق قاۋلاتىپ، جۇمىلدىرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن قاجىماي كۇرەس جۇرگىزەمىز.
(ٴتىلشى جاڭ يانفاڭ، قاتىناسقان تىلشىلەر فان چيۇڭيان، لي جيا ـ ني، جاڭ جىلي، سۇڭ ۋيگو، يۇي جياڭيان، ەرىكتى تىلشىلەر پۋ يحىڭ، تاڭ جيڭ)
