ساياحاتشىلارعا ”شينجياڭ اسەرىن“ قالدىرايىق
□ يۋە يانيۇن
وسى ” 1 ـ مامىر“ دەمالىسىندا شينجياڭنىڭ ساياحاتى قانشالىقتى تەبىندەدى؟ مەيتۋان ساندى مالىمەتىندە كورسەتىلۋىنشە، شينجياڭنىڭ ” 1 ـ مامىر“ دەمالىسى كەزىندەگى مادەنيەت ـ ساياحاتقا الدىن الا تاپسىرىس بەرۋ مولشەرى (كورىنىس ٴوڭىرى، جاتاق، قاتىناس سياقتىلاردى قامتيدى) سول اپتاداعى ۇقساس مەزگىلمەن سالىستىرعاندا %260 ارتقان، شينجياڭعا ساياحاتتاي كەلگەن ساياحاتشىلار، نەگىزىنەن، شي ـ ان، چىڭدۋ، شينيڭ، بەيجيڭدەردەن كەلگەن. ساياحات ورلەۋى قىزمەت وتەۋدىڭ ەڭ سىننان وتەتىن كەزى. قازىر ساياحاتشىلار جابال كەلدى، ٴبىز ولاردى قابىلداپ قانا قويماي، ولاردىڭ كوڭىلدى ساياحاتتاپ قايتۋىنا مۇمكىندىك جاساۋىمىز كەرەك؛ سونداي ـ اق، ساياحاتشىلاردىڭ قايتا اينالىپ كەلۋى ٴۇشىن، ولاردى جاقسى قابىلداۋىمىز كەرەك.
قازىر ساياحاتشىلاردىڭ قاجەتى قاراماققا بارعان سايىن ٴار الۋاندانىپ، دارالىققا يە بولعانىمەن، الايدا قىزمەت وتەۋ اۋەلگى ٴمانى وزگەرمەيدى، تاعى دا ”ساياحاتشىلاردىڭ ويلاعانىن ويلاپ، ساياحاتشىلاردىڭ اسىققانىنا اسىعۋدان ارى بارمايدى“، بىلايشا ايتقاندا، ساياحاتشىلاردى رازى ەتۋ كەرەك. بۇكىل ەلدىڭ جەر ـ جەرى ىركەس ـ تىركەس الۋان ٴتۇرلى شارا شىعارىپ، ساياحاتشىلاردى رازى ەتتى، تاياۋ جىلداردان بەرگى مادەنيەت، ساياحات جوعارى ٴنومىر جاۋاپناماسى، مەيلى زىبو، الدە ”ىربين“ بولسىن، الدە قازىرگى تەبىنى كۇشتى تيانشۇي بولسىن، ولاردىڭ ساياحاتشىلاردىڭ كوڭىلىنەن ورىن الۋىنداعى سەبەپ، ولاردىڭ بارلىعى ”رازى ەتۋ“ دەگەن سوزدەن ايرىلا المايدى. ونىڭ ۇستىنە اماليات ساياحاتشىلاردى كىم رازى ەتسە، سونىڭ ساياحات بازارىندا قارسى الىناتىندىعىن دالەلدەدى. شينجياڭنىڭ ساياحاتى دا ”ساياحاتشىلاردى رازى ەتۋ“ ۇلگىسىن باستاپ، سول ارقىلى ”شينجياڭ جاقسى جەر“ اتاعىن بارىنشا جوعارىلاتتى. ”ساياحاتشىلاردى رازى ەتۋدىڭ“ سىرى، قىزمەت وتەۋ جاعىندا ايرىقشا كۇش سالىپ، كوكىرەك كەرنەگەن ادال نيەتپەن ساياحاتشىلارعا بارىنشا تاماشا اسەر قالدىرۋ.
ساياحاتشىلاردىڭ ٴبىر جەرگە ساياحاتتاي بارعاندا العان اسەرىنىڭ جاقسى بولعان ـ بولماعاندىعى ٴبىر جەردىڭ ساياحات كاسىبى دامۋىنىڭ باياندى بولۋ ـ بولماۋىن تىكەلەي بەلگىلەيدى. جاقسى اسەر بىردەن ونعا، وننان جۇزگە تارالۋ ارقىلى ەڭ جاندى ساياحات ۇگىتىنە اينالادى. ساياحاتشىلار سانى قاۋىرت ارتقان دەمالىس كەزى ”شينجياڭ اسەرىن“ كۇشەيتۋدىڭ تاماشا ورايى. جەر ـ جەر جەرگىلىكتى جاعدايعا قاراي ىستەپ، ساياحاتشىلارعا قىزمەت وتەۋدىڭ اناعۇرلىم كوپ جاقسى ٴادىسىن ورتاعا قويۋى، اسىرەسە، نازىك بۋىنداردان باستاپ كىرىسىپ، وتباسىنداعىلارعا قامقورلىق جاساعانداي ساياحاتشىلارعا شىنايى سۇيىسپەنشىلىكپەن مامىلە جاساۋى كەرەك، ساياحاتشىلار سىندى شاعىن قاۋىمنىڭ تىلەك ـ تالاپتارى ۇيلەسىمدى بولسا بولعانى دەن قويا شەشۋ كەرەك، تەك وسىلاي بولعاندا عانا، كورىكتى شينجياڭنىڭ ساياحاتتاعى باۋراۋ قۋاتى بارعان سايىن كۇشەيەدى.
(”لەپتى لەبىز“ ماقالا جولداۋ حات ساندىعى xjrbplb@126.com)
