انار بۇلت \ شينجياڭ گازەتىنىڭ ٴتىلشىسى حي حۇڭۋي 5 ـ ايدىڭ 1 ـ كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، ٴبىرىنشى ماۋسىمدا بۇكىل رايوندا 1351 ساۋداگەر شاقىرىپ قارجى ەنگىزۋ نىسانى تياناقتاندىرىلىپ اتقارىلىپ، رايون سىرتىنان ەنگىزىلىپ تياناقتاندىرىلعان قارجى 132 ميلليارد 924 ميلليون يۋان بولعان.
بۇكىل رايونداعى 14 ايماقتىڭ (وبلىس، قالا) ىشىندە ىلە قازاق اۆتونوميالى وبلىسىنىڭ، ٴۇرىمجى قالاسىنىڭ، سانجى حۇيزۋ اۆتونوميالى وبلىسىنىڭ رايون سىرتىنان ەنگىزىپ تياناقتاندىرعان قارجىسى تۇگەلدەي 20 ميلليارد يۋاننان اسقان، ٴۇش ايماق، وبلىس، قالانىڭ تياناقتاندىرعان قارجىسى جيىنى 65 ميلليارد 544 ميلليون يۋان بولىپ، بۇكىل رايوننىڭ تياناقتاندىرعان قارجىسىنىڭ %49.3ىن يەلەگەن.
وڭىرلەر بويىنشا قاراعاندا، سولتۇستىك شينجياڭ ٴوڭىرىنىڭ رايون سىرتىنان ەنگىزىپ تياناقتاندىرعان قارجىسى 82 ميلليارد 26 ميلليون يۋان، وڭتۇستىك شينجياڭ ٴوڭىرىنىڭ رايون سىرتىنان ەنگىزىپ تياناقتاندىرعان قارجىسى 50 ميلليارد 898 ميلليون يۋان بولعان.
تياناقتاندىرىلعان قارجىنىڭ ارتۋىنا قوسقان ۇلەسىنەن قاراعاندا، ىلە قازاق اۆتونوميالى وبلىسىنىڭ، قارامايلى قالاسىنىڭ، قاشقار ايماعىنىڭ، سانجى حۇيزۋ اۆتونوميالى وبلىسىنىڭ تۇتاس رايوندا تياناقتاندىرىلعان قارجىنىڭ ارتۋىنا قوسقان ۇلەس سالىستىرماسى تۇگەلدەي %100تەن اسىپ، قوسقان ۇلەسى ٴبىرشاما كورنەكتى بولعان.
كاسىپ سالاسى قۇرىلىمى جاعدايىنان قاراعاندا، ٴبىرىنشى ماۋسىمدا 2 ـ كاسىپتىڭ تياناقتاندىرىپ، اتقارعان نىسانى 867، تياناقتاندىرعان قارجىسى 103 ميلليارد 838 ميلليون يۋان بولىپ، سايكەس مەزگىلدەگىدەن %24.17 ارتقان. 3 كاسىپ سالاسىنىڭ تياناقتاندىرعان قارجى قۇرىلىمى 2023 ـ جىلعى ٴبىرىنشى ماۋسىمداعى2.54:63.54:33.92نان1.01:78.12:20.87گە رەتتەلىپ، 2 ـ كاسىپ سالاسىنىڭ تياناقتاندىرىلعان قارجىسىنىڭ ۇستايتىن سالىستىرماسى اناعۇرلىم كەڭەيدى. ”سەگىز ٴىرى كاسىپ سالاسى شوعىرى“ ساۋداگەر شاقىرىپ قارجى ەنگىزۋ نىسانىنان 906سىن تياناقتاندىرىپ اتقارىپ، تياناقتاندىرعان قارجىسى 108 ميلليارد 953 ميلليون يۋان بولىپ، سايكەس مەزگىلدەگىدەن %29.97 ارتقان. جۇڭگو (شينجياڭ) ەركىن ساۋدا سىناق رايونىندا 36 نىساننىڭ تياناقتاندىرعان قارجىسى 5 ميلليارد 327 ميلليون يۋان بولعان.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، 1 ـ دارەجەلى شارلاۋشى جۋ حىشياڭ مىنالاردى ٴبىلدىردى: شينجياڭ شارۋاشىلىق ـ ساۋدا ورتاسىن ساپالىلاندىرۋ قىزمەتىن ۇزدىكسىز اتقارىپ، ”ىسكەر ۇكىمەت“ پەن ”ٴونىمدى بازاردىڭ“ اناعۇرلىم ويداعىداي ۇشتاسۋىن ۇزدىكسىز جەبەپ، كوپشىلىكتىڭ شينجياڭدا الاڭسىز قارجى قوسىپ، جايلى تۇرمىس كەشىرىپ، ويداعىداي دامۋىنا مۇمكىندىك جاسايدى.
