اۆتونوميالى رايوننىڭ ساپادا قۋاتتى رايون قىزمەتى باسشىلىق گرۋپپاسى جالپى ٴماجىلىس اشتى
ساپا جانە ٴبىلىم مەنشىگى ۇقىعى بيىگىن كۇش سالا تۇلعالاۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 5 ـ ايدىڭ 1 ـ كۇنى ۇرىمجىدەن حابارلايدى. 4 ـ ايدىڭ 30 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوننىڭ ساپادا قۋاتتى رايون قىزمەتى باسشىلىق گرۋپپاسىنىڭ 2024 ـ جىلعى ٴبىرىنشى جالپى ٴماجىلىسىن باسقارىپ اشتى. ٴماجىلىس باس شۋجي شي جينپيڭنىڭ ساپادا قۋاتتى ەل قۇرىلىسىن جەدەلدەتۋ جانە ٴبىلىم مەنشىگى ۇقىعىن قورعاۋ جونىندەگى ماڭىزدى بايىمداۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، قاتىستى حۇجاتتاردى اقىلداسىپ قاراپ، رايونىمىزدىڭ ساپا جانە ٴبىلىم مەنشىگى ۇقىعى قىزمەتىن قورىتىندىلاپ، بيىلعى ٴتۇيىندى مىندەتتەردى ورنالاستىردى.
ٴماجىلىس مىنالاردى اتاپ كورسەتتى: جەر ـ جەر، ورىندار ساپا مەن جاڭالىق اشۋ تانىمىن بەرىك ورناتىپ، ساپا ارقىلى جەڭىسكە قول جەتكىزۋ، جاڭالىق اشا دامۋ جولىمەن جۇرۋگە تاباندى بولىپ، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن جەدەلدەتىپ، ساپادا قۋاتتى رايون، ٴبىلىم مەنشىگى ۇقىعىندا قۋاتتى رايون قۇرۋدا اناعۇرلىم كوپ تىڭ ىلگەرىلەۋشىلىككە قول جەتكىزۋدى بار كۇشپەن ىلگەرىلەتىپ، شينجياڭدى جىبەك جولى ەكونوميكالىق بەلدەۋى وزەكتى رايونىنىڭ ساپا بيىگى، ٴبىلىم مەنشىگى ۇقىعى بيىگى ەتىپ شىنايى تۇلعالاۋ كەرەك.
ٴماجىلىس مىنالاردى باسا دارىپتەدى: اناعۇرلىم ۇيلەسىمدى ساپامەن قامداۋ جۇيەسىن قۇرىپ، ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتە وتىرىپ، ساپاسى ۇزدىك، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن تۇلعالاۋ؛ ساپادا قۋاتتى ٴبىر توپ تىزبەك قالىپتاستىرىپ، ساپادا قۋاتتى ٴبىر توپ كاسىپورىن جەتىلدىرىپ، ساپادا قۋاتتى ٴبىر توپ اۋدان تۇلعالاۋ؛ ٴونىمنىڭ، ينجەنەريانىڭ، قىزمەت وتەۋدىڭ ساپاسىن جان ـ جاقتى جوعارىلاتىپ، ٴونىم حاۋىپسىزدىگىن، قىزمەت وتەۋ ساپا ـ ٴونىم قۇرىلىسىن كۇشەيتىپ، ساپانىڭ دارەجەسىن ٴوسىرۋ ارقىلى تۇتىنۋدىڭ دارەجەسىن ٴوسىرۋدى ىلگەرىلەتۋ كەرەك. جوعارى دەڭگەيدەگى ساپالى نەگىزدىك قۇرىلعى جۇيەسىن قۇرىپ، ساپاعا تەحنيكالىق قىزمەت وتەۋ قۇرىلىمىن ۇيلەسىمدى ورنالاستىرىپ، كاسىپ سالاسى تىزبەگىنىڭ شەشۋشى بۋىن، شەشۋشى سالا، شەشۋشى ٴونىم ولشەمىن جەدەل جاساپ، قوعامدا الەۋمەتتىك ولشەۋ ولشەمى قۇرىلىسىن كۇشەيتىپ، تەكسەرۋ، تەكسەرۋ ـ ولشەۋ قۇرىلىمىن بازارلاندىرۋ رەفورماسىن تەرەڭدەتىپ، شاعىن، ۇساق كاسىپورىنداردىڭ ساپا باسقارۋ جۇيەسىن كۋالاندىرۋ دەڭگەيىن جوعارىلاتۋ ارەكەتىن ورىستەتۋ كەرەك. وسىزاماندانعان ساپا باسقارۋ جۇيەسىن قۇرىپ، ساپانى زاڭمەن باسقارۋ قۇرىلىسىن كۇشەيتىپ، ساپاداعى زاڭعا قايشى ارەكەتتەرگە قاتاڭ سوققى بەرىپ، ساپا ساناعىن باقىلاۋ ـ ولشەۋ، قارجى قۇراپ سەنىمدىلىكتى ارتتىرۋ جۇيەسىن ورناتىپ، كەمەلدەندىرىپ، سەنىمدىلىك ارقىلى باقىلاپ ـ باسقارۋدى، زەردەلى باقىلاپ ـ باسقارۋدى تىرەك ەتكەن وسى زامانعى ساپانى باقىلاۋ ـ باسقارۋ جۇيەسىن قۇرۋ كەرەك.
ٴماجىلىس مىنالاردى تالاپ ەتتى: ٴبىلىم مەنشىگى ۇقىعىن قورعاۋ تەبىنىن ارتتىرىپ، اكىمشىلىك جاقتان قورعاۋ مەن ٴادىليالىق قورعاۋدى ۇشتاستىرۋ مەحانيزمىن اقاۋسىزداندىرىپ، پاتەنت ۇقىعىنا سۇعاناقتىق جاساۋ داۋ ـ شارىنا اكىمشىلىك كەسىم شىعارۋ، دەلو ٴبىتىرۋ قىزمەتىنىڭ ساپاسىن، ونىمدىلىگىن جوعارىلاتىپ، شەتەلدەگى داۋ ـ شارعا توتەپ بەرۋگە جەتەكشىلىك ەتۋگە قىزمەت وتەۋدى كۇشەيتىپ، ٴبىلىم مەنشىگى ۇقىعىن ” قاتاڭ قورعاۋ، جاپپاي قورعاۋ، تەز قورعاۋ، تەڭ قورعاۋ“ قىزمەت ارناسىن قۇرۋدى ىلگەرىلەتۋ كەرەك. پاتەنتتى كادەگە جاراتۋ، پايدالانۋ ارناۋلى ارەكەتىن ىشكەرىلەي اتقارىپ، جوعارى قۇندى پاتەنتتى كاسىپورىنمەن دالمە ـ ٴدال ٴتۇيىلىستىرۋدى ىلگەرىلەتىپ، ناقتى وندىرگىش كۇشكە جەدەل اينالدىرۋ كەرەك. قىزمەت وتەۋ ونىمدىلىگىن جوعارىلاتىپ، ٴبىلىم مەنشىگى ۇقىعىنىڭ الەۋمەتتىك قىزمەت وتەۋ، جالپىعا ٴتيىمدى بولۋ ينجەنەرياسىن ىشكەرىلەي اتقارىپ، تاۋار بەلگىسى، ايگىلى ماركا ارقىلى شارۋالاردى بايىتۋدى، پاتەنت تەحنيكاسى ارقىلى اۋىل شارۋاشىلىعىن كۇشەيتۋدى، جاعراپيالىق بەلگى ارقىلى اۋىل شارۋاشىلىعىن گۇلدەندىرۋدى ورگانيكالى توعىستىرۋدى ىلگەرىلەتىپ، ەرەكشە اۋىل شارۋاشىلىعى ونىمدەرىنىڭ قۇنىن جوعارىلاتۋ كەرەك.
ٴماجىلىس مىنالاردى تالاپ ەتتى: زاڭمەن باسقارۋدى نەگىز ەتكەن، ۇكىمەت جەتەكشىلىك ەتكەن، قوعامنىڭ ٴارقايسى جاقتارى ات سالىسقان كوپ نەگىزدى باسقارۋ مەحانيزمىن اقاۋسىزداندىرۋ كەرەك. كاسىپورىنداردىڭ تۇلعالىق رولىن ساۋلەلەندىرىپ، ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىنداردى ساپا قاسيەتىنە جانە پاتەنت تەحنيكاسىنا سۇيەنىپ كەمەلدەنۋگە، زورايۋعا جىگەرلەندىرۋ كەرەك. مامانداردىڭ اقىل ـ پاراسات قامباسى رولىن ساۋلەلەندىرىپ، ۇگىت تەبىنىن ارتتىرىپ، قوعام ارداقتايتىن، كاسىپورىن تالپىناتىن، جۇرتتىڭ ٴبارى كوڭىل بولەتىن تاماشا راي قالىپتاستىرۋ كەرەك.
ٴماجىلىس مىنالاردى باسا دارىپتەدى: پارتكوم باسشىلىق ەتۋ، ۇكىمەت جەتەكشىلىك ەتۋ، تاراۋلار بىرلەسۋ، كاسىپورىن نەگىزگى جاۋاپكەرشىلىك ارقالاۋ، قوعام ات سالىسۋ سىندى ٴارقايسى جاقتىڭ جاۋاپكەرشىلىگىن جاپپاي تياناقتاندىرىپ، نازاردى كاسىپورىن مەن بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىنە شوعىرلاندىرىپ، قىزمەت تەبىنىن كۇشەيتىپ، تياناقتانىپ ونىمدىلىك كورسەتۋىن ىلگەرىلەتۋ كەرەك.
چىن ۋيجۇن، ٴيۇسۇپجان مامەت ماجىلىسكە قاتىناستى.
