شينجياڭنىڭ 1060 ارناۋلى زايوم نىسانى ماقۇلداندى
ساياتىن قارجى 100 ميلليارد يۋاننان استى
انار بۇلت \ شينجياڭ گازەتىنىڭ ٴتىلشىسى ران حۋ 5 ـ ايدىڭ 1 ـ كۇنى ۇرىمجىدەن حابارلايدى. تاياۋدا مەملەكەتتىك دامۋ جانە رەفورما كوميتەتى، قازىنا مينيسترلىگى 2024 ـ جىلعى جەرگىلىكتى ۇكىمەتتەردىڭ ارناۋلى زايوم نىساندارىن سارالاۋ قىزمەتىن بىرگە ورىندادى. مۇنىڭ ىشىندە شينجياڭنىڭ 1060 ارناۋلى زايوم نىسانى ماقۇلدانىپ، ساياتىن قارجى قاجەتى 100 ميلليارد يۋاننان استى، بۇل بيىل شينجياڭنىڭ جاڭادان قوسىلعان ارناۋلى زايومدى تاراتۋىنا، پايدالانۋىنا بەرىك نەگىز قالادى.
پارتيا ورتالىق كوميتەتى، مەملەكەتتىك كەڭەس ايقىنداعان جەرگىلىكتى ۇكىمەتتەردىڭ ارناۋلى زايوم قىزمەتى مەحانيزمى مەن مىندەت ٴبولىسى بويىنشا، مەملەكەتتىك دامۋ جانە رەفورما كوميتەتى نىساندارعا ساياتىن قارجى سالۋ سالاسى، الدىڭعى مەرزىمدىك قىزمەت سياقتىلاردى تەكسەرىپ بەكىتۋ وتكەلىن، قازىنا مينيسترلىگى نىساننىڭ قارجى قۇراۋ پايداسىن تەڭگەرۋ سياقتىلاردى تەكسەرىپ بەكىتۋ وتكەلىن يگەردى.
2024 ـ جىلى شينجياڭ جىبەك جولى ەكونوميكالىق بەلدەۋى وزەكتى رايونى، ”سەگىز ٴىرى كاسىپ سالاسى شوعىرى“، جۇڭگو (شينجياڭ) ەركىن ساۋدا سىناق رايونى سياقتى سالالارداعى كەلەلى نىساندار قۇرىلىسىنىڭ قارجى قاجەتىن ارقاۋ ەتىپ، ايماق، وبلىس، قالالاردى جاڭادان ارتقان ارناۋلى زايوم نىساندارىن مۇقيات جوسپارلاۋعا، عىلمي دالەلدەۋگە، بەلسەنە ٴوتىنىش ەتۋگە ۇيىمداستىردى.
وسى رەتكى جەرگىلىكتى ۇكىمەتتەردىڭ ارناۋلى زايوم نىسانىن تەكسەرۋدە ىلە قازاق اۆتونوميالى وبلىسىنىڭ، قاشقار ايماعىنىڭ، بايىنعولين موڭعۇل اۆتونوميالى وبلىسىنىڭ ماقۇلدانعان نىساندارىنىڭ قارجى قاجەتى تۇگەلدەي 13 ميلليارد يۋاننان استى.
ۇعىسۋىمىزشا، 2024 ـ جىلى جەرگىلىكتى ۇكىمەتتەردىڭ ارناۋلى زايومىن قولداۋ كولەمىنە دەربەس، جاڭاشا ەنەرگيا ساقتاۋ، ٴتۇيىندى اعارلاردىڭ سۋ ورتاسىن جان ـ جاقتى وڭاۋ سياقتى سالالار قوسىلعان. اۆتونوميالى رايون ايماق، وبلىس، قالالاردى ارناۋلى زايوم قارجىسىنان پايدالانىپ، مەملەكەت دارەجەلى كاسىپ سالاسى باقشا رايوندارىنىڭ نەگىزدىك قۇرىلعىلارى، 5G توعىسپالى قولدانىلمالى قۇرىلعىلارى، قالا ىشىندەگى قىستاقتاردى جاڭالاۋ، قامتاماسىزداندىرۋ سيپاتتى تۇرعىن ٴۇي، ادەتتەگى جوعارى مەكتەپ وقۋشىلارىنىڭ جاتاعى سياقتىلاردى قولداۋ تەبىنىن ارتتىرۋعا جەتەكتەيدى.
شينجياڭ جەرگىلىكتى ۇكىمەتتەردىڭ جاڭادان قوسىلعان ارناۋلى زايومىن تاراتۋ، پايدالانۋ قىزمەتىن ۇزدىكسىز ويداعىداي ىستەپ، ارناۋلى زايومنىڭ ارتۋدى ورنىقتىرۋ، ىشكى سۇرانىستى كەڭەيتۋ، ولقىلىقتاردى تولىقتاۋ ماڭىزدى رولىن تولىق ساۋلەلەندىرەدى. اۆتونوميالى رايوندىق قازىنا مەڭگەرمەسى ايماق، وبلىس، قالالاردى نىسان ساپاسىن قاتاڭ مەڭگەرۋگە ٴتۇيىندى تۇردە قۋزاپ، جەتەكشىلىك ەتىپ، نىسانداردى اتقارۋ جانە قارجىنى پايدالانۋ اياق الىسىن شىنايى جەدەلدەتىپ، ناقتى قىزمەت مولشەرىن ەرتەرەك قالىپتاستىرىپ، ٴونىمدى قارجى قوسۋدى شىنايى كەڭەيتىپ، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرەدى.
