دەمالىس كەزىندەگى تۇتىنۋ بازارى پارمەندى ارتتى
انار بۇلت \ شينجياڭ گازەتىنىڭ ٴتىلشىسى حي حۇڭۋي
دەمالىس كەزىندەگى تۇتىنۋ _ ەكونوميكانىڭ ومىرشەڭدىك كۇشىن باعامدايتىن تەرەزە.
قىزۋ قارسى الىناتىن كورىنىس وڭىرىندە ساياحاتشى قايشالىستى، تاڭداۋلى حالىقتىق تۇسەلحانادا ٴۇي قالمادى، كونەسىن جاڭاسىنا اۋىستىرۋ دابىرالى جۇرگىزىلدى... وسى رەتكى ” 1 ـ مامىر“ دەمالىسىندا جۇرتشىلىقتىڭ ساياحاتتاۋ تىلەگى كۇشەيىپ، تۇتىنۋ ىنتاسى جوعارىلادى، شينجياڭنىڭ تۇتىنۋ بازارى جان ـ جاقتى ارتۋدا.
ساياسات جاعىنان كۇش سالدى
ىشكى سۇرانىستىڭ ٴۇرتىس كەڭەيۋ تەبىنىن ارتتىردى
5 ـ ايدىڭ 1 ـ كۇنى ٴۇرىمجى قالاسى تيانشان ۋانكى الاڭىندا ەرەكشە اس ـ سۋ، زاماناۋي ونىمدەردى بولشەك ساتۋ سياقتى اۋماقتاردا جۇرتشىلىق ٴيىن تىرەسىپ، كوپتەگەن تۇتىنۋشى زات ساتىپ الدى، باس قوسىپ تاماقتاندى.
ٴۇرىمجى تيانشان ۋانكى الاڭىنىڭ جوسپارلاۋعا جاۋاپتى قىزمەتكەرى ٴساھيدا افيردىن بىلاي دەپ تانىستىردى: دەمالىستى قارسى الۋ ٴۇشىن ساۋدا سارايىمىز ٴبىر قىدىرۋ بەلگىلى سوماعا تولسا ارزانداتۋ، تيىمدىلىك بەلەتىن تاراتۋ سياقتى ساتۋدى جەبەۋ قيمىلدارىن وتكىزدى، ماركالى كيىم ـ كەشەكتەر مەن اس ـ سۋ تۇرلەرىنىڭ ساتىلۋ ٴونىمى ٴبىرشاما جاقسى بولدى.
” 1ـ مامىر“ دەمالىسى تۇتاس جىلدىق تۇتىنۋدىڭ ماڭىزدى ٴتۇيىنى. تەبىندى تۇتىنۋ سۇرانىسى الدىندا ۇكىمەت تۇعىر ازىرلەپ، ساياسات جاعىنان كۇش سالدى، ”تۇتىنۋدى جەبەۋ جىلى“ جاعدايىندا شينجياڭنىڭ جەر ـ جەرى بار كۇشىن سالىپ، تۇتىنۋ بازارىنىڭ تەز قالپىنا كەلۋىن بىرگە ىلگەرىلەتتى.
دۋماندى قالالارعا بارىپ قۇماردان شىققانشا ٴىشىپ ـ جەۋ سىندى ”ٴدام تاتۋ“ ساياحاتى جاستاردىڭ دەمالىس كەزىندەگى ٴجۇرىس ـ تۇرىسىنىڭ قىزۋ تالعامىنا اينالدى. مەيتۋان تۇعىرى ”ۇرىمجىدە، ٴسوز جوق، ٴدام تاتۋعا ٴتيىستى تاعامدار ٴتىزىمىن“ العا قويدى، انار قىزاردى، پاڭ لاۋحان، ۋۋزى قوزى ەتى، كروران قۇپيا قاقتاماسى، قايسار سامساسى سياقتىلاردىڭ بارلىعى ٴتىزىم تورىنەن ورىن الدى.
كروران قۇپيا قاقتاماسى اس ـ سۋ باسقارۋ شەكتى سەرىكتەستىگىنىڭ جاۋاپتىسى ما شۋاي: بيىل ”1 ـ مامىر“ دەمالىسىنداعى الدىن الا تاپسىرىس بەرۋ مولشەرى بۇرىنعى جىلدارداعىدان اسىپ ٴتۇستى، ـ دەدى.
بازاردىڭ ومىرشەڭدىك كۇشىن ۇزدىكسىز قاۋلاتۋ ٴۇشىن شينجياڭ ىشكى سۇرانىسىتى كەڭەيتۋدى، تۇتىنۋدى جەبەۋدى ورنىقتى ىلگەرىلەتتى. بيىل اۆتونوميالى رايوندىق ساۋدا ىستەرى مەڭگەرمەسى 14 ايماق، وبلىس، قالانى ٴبىر تۇتاس جوسپارلاپ، بىرگە ارەكەتتەندىرىپ ” 2024 تۇتىنۋدى جەبەۋ جىلى“ قيمىلىن ٴبىر ۋاقىتتا باستادى، بۇكىل شينجياڭنىڭ جەر ـ جەرى كوپ ٴتۇرلى فورماداعى، كوپ سالاداعى تۇتىنۋ قوسىمشا قاراجاتى قيمىلىن جابال وتكىزىپ، تۇتىنۋ بازارىنىڭ ومىرشەڭدىك كۇشى تاسقىندادى.
” 1ـ مامىر“ دەمالىسىندا سانجى حۇيزۋ اۆتونوميالى وبلىسىنىڭ كوپ ٴتۇرلى تۇتىنۋدى جەبەۋ قيمىلدارى ٴجيى جاڭالانىپ وتكىزىلدى، ”تۇتىنۋدان ٴلاززات الۋ · باقىتتى سانجى“ جەلىلەس تۇتىنۋدى جەبەۋ قيمىلدارى ۇزدىكسىز ورىستەتىلىپ، سانجى قالاسىنداعى شەكتى نورمادان جوعارى ٴتۇيىندى كاسىپورىنداردا تۇتىنعاندا كورىنىس وڭىرلەرىن تەگىن ساياحاتتاۋ قيمىلىن ۇسىنادى، 5 ـ ايدىڭ 1 ـ كۇنىنەن 5 ـ كۇنىنە دەيىنگى قيمىل كەزىندە تيانشان بوعدا كولى، جانبۇلاق سياقتى كورىنىس وڭىرلەرىندە 40 مىڭ ەسىك بەلەتى تاراتىلادى.
تۇتىنۋدى جەبەيتىن ٴبىر قىدىرۋ ساياساتتىڭ جاسالىپ، جاريالانۋىنا بايلانىستى، ونىمدىلىگى بىرتىندەپ كورنەكتىلەنىپ، شينجياڭنىڭ تۇتىنۋ بازارى ۇزدىكسىز جانداندى.
”تۇتىنۋ _ حالىق تۇرمىسىن جاقسارتۋدىڭ ماڭىزدى مازمۇنى ٴارى ەكونوميكالىق ارتۋدىڭ قۋاتتى قوزعالىس قۋاتى“. شينجياڭ داشۋەسى ەكونوميكا جانە باسقارۋ شۋەيۋانىنىڭ پروفەسسورى دىڭ فىڭ بىلاي دەدى: تۇتىنۋدى جەبەۋ ساياساتىنىڭ شىعارىلۋى بۇقارانىڭ تۇتىنۋ سەنىمىنە دەم بەردى، سونىمەن بىرگە كاسىپتەنۋ جاعدايى ۇزدىكسىز جاقسارىپ، تۇرعىنداردىڭ كىرىسى ارتىپ، تۇتىنۋ قۇرىلىمدارىنىڭ دارەجەسى جەدەل جوعارىلاپ، تۇتىنۋدىڭ ەكونوميكانىڭ ارتۋىن جەبەۋ رولى بىرتىندەپ كۇشەيدى.
كونەسىن جاڭاسىنا اۋىستىردى
جاسىل قوزعالتقىش اناعۇرلىم كۇشەيدى
” 1 ـ مامىر“ دەمالىسىندا ٴۇرىمجى قالاسىنىڭ تۇرعىنى جاڭ شۋانلي اۋا رەتتەگىش جانە زەردەلى كىر جۋعىش سياقتى ٴۇي ەلەكتر جابدىقتارىن تولىقتادى. ”كونەسىن جاڭاسىنا اۋىستىرۋ قيمىلى وتە ٴتيىمدى، باعاسىن ارزانداتۋ سياقتى قيمىلداردان سىرت، تاعى 1000 يۋان ۇنەمدەۋگە بولادى ەكەن“، ـ دەدى ول.
جاسىل تۇتىنۋ ٴارى تۇتىنۋدى سەرپىلتۋدىڭ جاڭا قوزعاۋشى كۇشى، ٴارى ٴوندىرىس، تۇرمىس ٴتاسىلىنىڭ جاسىلعا، تومەن كومىر قىشقىل گازدى بولۋعا قاراي بۇرىلىس جاساۋىنا قاتىستى شەشۋشى بۋىن. بيىل 2024 ـ جىلعى شينجياڭنىڭ ٴۇي ەلەكتر جابدىقتارىن، ٴۇي جاساۋلارىن سارالاندىرۋ، زەردەلىلەندىرۋ، جايناتۋ، جاڭالاۋ مەرەكەسى بۇكىل شينجياڭداعى 14 ايماق، وبلىس، قالادا ٴبىر ۋاقىتتا ورىستەتىلدى. كونەسىن جاڭاسىنا اۋىستىرۋ ساياساتىنىڭ تۇرتكىسىندە، شينجياڭنىڭ جەر ـ جەرىندەگى ٴۇي ەلەكتر جابدىقتارى بازارلارىندا جاسىل تۇتىنۋدىڭ شاعىن تولقىنى كوتەرىلدى. وسى رەتكى دەمالىس ”جاڭاعا اۋىستىرۋ مەزگىلىنە“ تۋرا كەلدى، كونەسىن جاڭاسىنا اۋىستىرۋ تۇتىنۋ بازارىنىڭ ”مازداتقىشىنا“ اينالدى.
”قازىر اۋا رەتتەگىش، توڭازىتقىش سياقتى ٴۇي ەلەكتر جابدىقتارىنىڭ ساتىلۋ مولشەرى ەڭ جوعارى“. شينجياڭ جيۋحۇي ليانشىڭ حاي ـ ىر ارناۋلى ساتۋ دۇكەنىنىڭ جاۋاپتىسى سۋ فييان بىلاي دەپ تانىستىردى: تۇتىنۋشىلار بەلگىلەنگەن تيپتەگى ونىمدەردى ساتىپ العاندا، %13تىك كونەسىن جاڭاسىنا اۋىستىرۋ قوسىمشا قاراجاتىنان يگىلىكتەنە الادى، دۇكەن تۇتىنۋشىلارعا اقىسىز ورناتۋ، 24 ساعات شەكتى ۋاقىتتا ورناتۋ، جاڭاسىن جەتكىزىپ بەرىپ، كونەسىن الا كەتۋ سياقتى جاقتاردا قىزمەت وتەيدى.
دىڭ فىڭ بىلاي دەپ قارادى: كونەسىن جاڭاسىنا اۋىستىرۋ ساياساتى تۇرعىنداردىڭ تۇتىنۋ دارەجەسىن جوعارىلاتۋ قاجەتىنە ۇيلەسەدى، تۇرعىنداردىڭ كومەسكى قاجەتىنىڭ جارىققا شىعۋىن جەبەپ، جوعارى ساپالى، شىدامدى تۇتىنۋ بۇيىمدارىنىڭ تۇرعىنداردىڭ تۇرمىسىنا اناعۇرلىم كوپ كىرۋىنە مۇمكىندىك جاسايدى.
ساتىلۋ مولشەرى ۇزدىكسىز جوعارىلاعان جاڭا ەنەرگيالى اۆتوكولىكتەر دە جاسىل ”جاڭا“ قوزعالىس قۋاتىن جارىققا شىعاردى.
5 ـ ايدىڭ 1 ـ كۇنى تۇڭعىش كەزەكتى ٴۇرىمجى حالىقارالىق اۆتوكولىك كورمەسى جانە 12 ـ كەزەكتى ”1 ـ مامىر“ حالىقارالىق اۆتوكولىك كورمەسى شينجياڭ حالىقارالىق ٴماجىلىس ـ كورمە ورتالىعىندا باستالدى.
جاڭا ەنەرگيالى اۆتوكولىك اۆتوكولىك كورمەسىندەگى جارقىن ٴتۇيىن، اۆتوكولىك كاسىپورىندارى، اۆتوكولىك جاسايتىن جاڭا كۇشتەر، تەحنيكامەن قامداۋشى ساۋداگەرلەر جاڭا ەنەرگيالى اۆتوكولىك بازارى سىندى وسى اعىن ەسىگىنە تالاسۋ ٴۇشىن داعدىنى ىركەس ـ تىركەس بۇزىپ، جاڭا تەحنيكالاردى ۇزدىكسىز ۇسىنىپ، اۆتوكولىك جاساۋدىڭ جاڭا قوزعالىس قۋاتىن تاسقىنداتتى.
بييادي حايياڭ جەلىلەس اۆتوكولىكتەرىنەن كورمەگە ساپا، باعا سالىستىرماسى ٴبىرشاما جوعارى ٴۇش ٴتۇرلى جاڭا ەنەرگيالى اۆتوكولىك قويىلدى. شينجياڭ ياڭدي اۆتوكولىك ساتۋعا قىزمەت وتەۋ شەكتى سەرىكتەستىگىنىڭ ساتۋ ديرەكتورى جاۋ اچىڭ بىلاي دەپ تانىستىردى: بۇل اۆتوكولىكتەردىڭ قۇرىلىمى جوعارى، باعاسى ٴتيىمدى، اۆتوكولىك ساتىپ الساڭىز 2000 يۋاننان 9000 يۋانعا دەيىنگى كونەسىن جاڭاسىنا اۋىستىرۋ قوسىمشا قاراجاتىنان يگىلىكتەنۋگە بولادى.
”مەن اۆتوكولىكتىڭ زەردەلىلەنۋ يقۋاتىنا ٴتىپتى دە ٴمان بەرەمىن“. ٴۇرىمجى قالاسىنىڭ تۇرعىنى گاۋ يفان ٴوزىنىڭ جاڭا ەنەرگيالى اۆتوكولىك ساتىپ الماقشى ەكەندىگىن ايتتى.
اۆتوكولىك كورمەسى كۇنى ادام سانى 30 مىڭ ادامنان (رەت) اسىپ، 1218 اۆتوكولىك ساتىلدى، مۇنىڭ ىشىندە جاڭا ەنەرگيالى اۆتوكولىك 352 بولىپ، تۇتىنۋشىلاردىڭ جاڭا ەنەرگيالى اۆتوكولىك تۇتىنۋىنا بولعان قاجەتى كۇن سايىن ارتتى.
كومەسكى كۇشتى ىشكەرىلەي اشتى
جاڭا كورىنىس، جاڭا ۇلگى جەدەل جارىققا شىقتى
تاڭ ٴداۋىرىنىڭ بايىرعى قۇرىلىس ستيلى، سىپايى دا جاعىمدى بايىرعى كيىم ـ كەشەكپەن ويىن كورسەتۋ، مومىندىعى ايقىن اڭعارىلىپ تۇراتىن تاڭ ەلەمەنتى مادەنيەت جاسامپازدىعى، وزگەشە ەرەكشەلىككە يە قارعالداق گۇلدى شىراعى... 5 ـ ايدىڭ 1 ـ كۇنى ٴۇرىمجى تيانشان ميڭيۋە قالاشىعىندا قالىڭ ادام قايشالىستى، العاشقى كۇنى 53 مىڭ ساياحاتشى (رەت) قابىلدادى.
ناقتى زات تاۋارلارىنان تۇرمىستىق قىزمەت وتەۋگە دەيىن، ينتەرنەت جەلىسىندە زات ساتىپ الۋدان جەلىدەن تىسقارى ساۋدا سارايلارىنا دەيىن وسى رەتكى ”1 ـ مامىر“ دەمالىسىندا تۇتىنۋ بازارىنىڭ جاڭا كورىنىسى، جاڭا كەشىرمەلەرى جارىققا شىعىپ، ادامداردىڭ جاڭا تۇتىنۋ تىلەگىن قوزعادى، سونداي ـ اق تۇتىنۋ بازارىنا تىڭ ومىرشەڭدىك كۇش ۇستەدى.
ٴۇرىمجى CCMALL ٴداۋىر الاڭىندا X11 اعىمداعى ايگىلى ماركالار شوعىرلى دۇكەنىنىڭ، چىنرى جيحى بالكۇلشە، بولكا پىسىرۋ دۇكەنىنىڭ، سونداي ـ اق ينتەرنەتتە تانىمال ٴىشىنارا سۋسىن دۇكەندەرىنىڭ ساۋداسى كۇسەت بولدى.
”تۇتىنۋشىلاردىڭ جاڭا سۇرانىسىنا جاناسۋ، ۇيلەسۋ ٴۇشىن، ٴسوز جوق، اناعۇرلىم كوپ نەگىزدى، جاڭا ’تۇرمىس الاڭىن‘ قالىپتاستىرۋ كەرەك“. ٴۇرىمجى ٴداۋىر الاڭىنىڭ باس ديرەكتور كەڭسەسىنىڭ باس باقىلاۋشىسى سۋ يانني بىلاي دەپ تانىستىردى: بيىل ساۋدا سارايىمىز كاسىپ كۇيىن ونان ارى بايىتىپ، كەيبىر ”العاشقى دۇكەندەردى“ ەنگىزەدى، اس ـ سۋ تۇرلەرى، سەزىنۋ تۇرلەرى، بالالارعا قاجەتتى تۇرلەر تۇگەلدەي بوي كورسەتەدى.
ساياحاتقا شىعۋ دەمالىس كەزىندەگى ەكونوميكانىڭ ەڭ ماڭىزدى قوزعاۋشى كۇشىنىڭ ٴبىرى، ينتەرنەت جەلىسىندەگى كوپتەگەن ساياحات تۇعىرى ”1 ـ مامىر“ دەمالىسى كەزىندەگى ساياحاتقا شىعۋدى مەجەلەۋ ساندى مالىمەتىن جاريالادى، ٴۇرىمجى، ىلە قازاق اۆتونوميالى وبلىسى، قاشقار ساياحاتشىلاردىڭ ەڭ قارسى الۋىنا بولەنگەن دۋماندى نىسانالى جەر سانالدى.
گۇل تاماشالاۋ ساياحاتى، سالت ـ سانا ساياحاتى، قۇمدى ٴشول ساياحاتى... شينجياڭنىڭ جەر ـ جەرىندە مادەنيەت ـ ساياحات بازارى جاندانىپ، ونىمدەرمەن قامداۋ مولايدى. ” 1 ـ مامىر“ دەمالىسىندا مادەنيەت ـ ساياحات تۇتىنۋىن ۋاكىل ەتكەن سەيىل ـ سەرۋەن تۇتىنۋ سۇرانىسى قاۋىرت جانداندى. تاۋعا شىعۋ، جاياۋ ٴجۇرۋ، تۇزدە تۇنەۋ سياقتى سەيىل ـ سەرۋەن، كوڭىل اشۋ تاسىلدەرى جاستاردىڭ القاۋىنا بولەندى، ”تۇزدە قاقتاما قاقتاۋ“، ”بالا ـ شاعاسىمەن تۇزدە تۇنەۋ“، ”تۇزدە تۇنەۋ جابدىعى“ سياقتىلار ٴارقايسى ۇلكەن تۇعىرلارداعى ەڭ كوپ ىزدەلەتىن سوزگە اينالدى.
سونىمەن بىرگە تۇزدە تۇنەۋ، جاياۋ ٴجۇرۋ، سپورت، ت.ب جابدىقتار دا ساۋداگەرلەردىڭ دەمالىس كەزىندەگى ساتۋدى جەبەۋ مازمۇندارىنىڭ بىرىنە اينالدى. ٴتىلشى ٴبىرتالاي ساۋدا شەڭبەرىنەن كوپتەگەن ايگىلى ماركا ارناۋلى سورەلەرىنىڭ دالالىق بۇيىمدار ارناۋلى اۋماعىن اشىپ، تاۋعا شىعۋ سومكەسى، تەز اشىلاتىن شاتىر، دالالىق ۇستەل ـ ورىندىق سياقتى دالالىق تاۋارلاردى ساتقاندىعىن كوردى.
ۇعىسۋعا قاراعاندا، بيىل شينجياڭ تۇتىنۋدىڭ دارەجەسىن جوعارىلاتۋ اۋقىمىنا ونان ارى سايكەسىپ، ٴداستۇرلى تۇتىنۋدى جوعارىلاتىپ، جاڭاشا تۇتىنۋدى جەتىلدىرىپ، دارالانعان، الۋان تۇرلىلەنگەن، ساپالىلانعان تۇتىنۋ سۇرانىسىن كۇش سالا قاناعاتتاندىرىپ، تۇتىنۋدىڭ كومەسكى كۇشىن ۇزدىكسىز تاسقىنداتىپ، تۇتىنۋ بازارىنىڭ ۇزدىكسىز دۋماندى بولۋىن جەبەيدى ەكەن.
