شينحۋا اگەنتتىگىنىڭ 5 ـ ايدىڭ 3 ـ كۇنى بەيجيڭنەن بەرگەن حابارى. «شي جينپيڭ جانە جوعارى مەكتەپ وقۋشىلارى دوستار» اتتى كىتاپتىڭ 2 ـ تومى تاياۋدا جۇڭگو جاستار باسپاسىنان باسىلىپ شىعىپ، بۇكىل ەلدە تاراتىلدى.
2020 ـ جىلى 11 ـ ايدا «شي جينپيڭ جانە جوعارى مەكتەپ وقۋشىلارى دوستار» اتتى كىتاپ باسپادان شىعىپ تاراتىلعاننان كەيىن، قالىڭ جاس وقۋشىلار اراسىندا كۇشتى اڭىس قوزعادى. «شي جينپيڭ جانە جوعارى مەكتەپ وقۋشىلارى دوستار» اتتى كىتاپتىڭ 2 ـ تومىندا بۇرىنعى ۇلگى قولدانىلىپ، 24 سۇحبات ناقتى ەستەلىگى ارقىلى شي جينپيڭ جولداستىڭ جەرگىلىكتى ورىندا جانە ورتالىقتا قىزمەت ىستەگەن كەزىندە جوعارى مەكتەپتەرگە بارىپ تەكسەرۋ ـ زەرتتەۋ جۇرگىزىپ، قىزمەت تەكسەرىپ، جوعارى مەكتەپ وقۋشىلارىنا كوڭىل ٴبولىپ، جەتەكشىلىك ەتكەن جاندى حيكايالارى باياندالىپ، شي جينپيڭ جولداستىڭ جوعارى مەكتەپ وقۋشىلارىنىڭ ەسەيىپ ـ ەرجەتۋىنە، دارىندى بولۋىنا باستان ـ اياق ايرىقشا ٴمان بەرگەندىگى، ونى كوكەيىندە بەرىك ساقتاعاندىعى، بىزگە ”جاس دوستاردىڭ سىرلاسى، جاستار قىزمەتىنىڭ قامقورشىسى، جاستار بۇقاراسىنىڭ جول باستاۋشىسى“ بولۋ سىندى شۇعىلالى ۇلگى ورناتقاندىعى تولىق بەينەلەندى.
