باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ ورنالاستىرۋلارىن، تالاپتارىن دايەكتىلەندىردى، تياناقتاندىردى
ٴوندىرىس حاۋىپسىزدىگى قىزمەتتەرىن تيتتەي دە بوساڭسىماي ويداعىداي يگەرىپ، بۇقارانىڭ ٴومىرى مەن مال ـ مۇلكىنىڭ حاۋىپسىزدىگىنە، قوعامدىق كەلەلى جاعدايدىڭ ورنىقتىلىعىنا شىنايـى كەپىلدىك ەتۋ كەرەك
ما شيڭرۇي اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسىنە بارىپ تەكسەرۋ ـ زەرتتەۋ جۇرگىزدى، جەتەكشىلىك ەتتى، اۆتونوميالى رايوننىڭ بەينە ەكران ماجىلىسىندە ناقتى ورنالاستىرۋ جاسادى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 5 ـ ايدىڭ 3 ـ كۇنى ۇرىمجىدەن حابارلايدى. باس شۋجي شي جينپيڭ 5 ـ ايدىڭ 2 ـ كۇنى گۋاڭدۇڭنىڭ مەيجوۋ قالاسى مەيجوۋ _ دابۋ جوعارى قارقىندى تاس جولىنىڭ چاياڭ بولىگىندەگى وپىرىلىپ ٴتۇسۋ اپاتى جونىندە ماڭىزدى نۇسقاۋ بەرگەننەن، لي چياڭ زۇڭلي بەكىتۋ جازعاننان كەيىن، اۆتونوميالى رايوندىق پارتكوم مەن ۇكىمەت ايرىقشا ٴمان بەرىپ، دەرەۋ تياناقتاندىرىپ، شينجياڭنىڭ ٴوندىرىس حاۋىپسىزدىگى قىزمەتىن كۇشەيتۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى ما شيڭرۇي 5 ـ ايدىڭ 2 ـ كۇنى كەشتە اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسىنە بارىپ تەكسەرۋ ـ زەرتتەۋ جۇرگىزىپ، جەر ـ جەردىڭ، تاراۋلاردىڭ باس شۋجي شي جينپيڭنىڭ جانە پارتيا ورتالىق كوميتەتىنىڭ ورنالاستىرۋلارىن، تالاپتارىن باتىل دايەكتىلەندىرىپ، ٴوندىرىس حاۋىپسىزدىگى قىزمەتىن تيتتەي دە بوساڭسىماي ويداعىداي يگەرۋىنە جەتەكشىلىك جانە قۋزاۋشىلىق ەتتى. 5 ـ ايدىڭ 3 ـ كۇنى تۇستەن بۇرىن اۆتونوميالى رايون ارناۋلى بەينە ەكران ٴماجىلىسىن اشىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن جەتكىزدى، ۇيرەندى، لي چياڭ زۇڭليدىڭ بەكىتۋىنىڭ رۋحىن جانە مەملەكەتتىك كەڭەس ٴوندىرىس حاۋىپسىزدىگى كوميتەتى كەڭسەسىنىڭ شۇعىل حابارلاندىرۋىنىڭ تالاپتارىن دايەكتىلەندىردى، تياناقتاندىردى، تۇتاس رايوننىڭ شۇعىل جاعدايعا توتەپ بەرۋدى باسقارۋ جانە ٴوندىرىس حاۋىپسىزدىگى قىزمەتىن ەگجەي ـ تەگجەيلى ورنالاستىرىپ، جەر ـ جەردىڭ، تاراۋلاردىڭ ”ٴاردايىم قام جەپ تۇراتىن“ جاۋاپكەرشىلىك سەزىممەن ٴوندىرىس حاۋىپسىزدىگىن كۇشەيتۋىن، حاۋىپ ـ قاتەرلەردەن، كومەسكى كىناراتتاردان ساقتانۋىن جانە ونى جويۋىن ىلگەرىلەتىپ، تۇتاس شينجياڭنىڭ ٴوندىرىس حاۋىپسىزدىگى جاعدايىنىڭ ورنىقتىلىعىنا شىنايى كەپىلدىك ەتتى، ٴار ۇلت بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىنە جانە قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتتى.
اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسىندە ما شيڭرۇي تۇتاس رايوننىڭ شۇعىل جاعدايعا توتەپ بەرۋدى باسقارۋ جۇيەسىنىڭ ٴوندىرىس حاۋىپسىزدىگى قىزمەتى جونىندەگى تانىستىرۋدى تىڭداپ، ٴوندىرىس حاۋىپسىزدىگىن ناقتى ۋاقىتتا باقىلاۋ، باسقارۋ جاعدايىن تەكسەرىپ كورىپ، قاتىستى جولداستارمەن ىشكەرىلەي پىكىر اۋىستىردى. ول بىلاي دەپ باسا دارىپتەدى: گۋاڭدۇڭنىڭ مەيجوۋ قالاسى مەيجوۋ _ دابۋ جوعارى قارقىندى تاس جولىنىڭ چاياڭ بولىگىندەگى وپىرىلىپ ٴتۇسۋ اپاتىندا اۋىر ٴولىم ـ ٴجىتىم جاعدايى تۋىلدى، بۇل ادامدى اشىندىرادى، ادامدى ٴتىپتى دە سەرگەك بولۋعا شاقىرادى. جەر ـ جەر، تاراۋلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، مەملەكەتتىك كەڭەستىڭ قىزمەت ورنالاستىرۋىن ىشكەرىلەي دايەكتىلەندىرىپ، تياناقتاندىرىپ، اپاتتان تەرەڭ ساباق الىپ، ەلەۋلى حاۋىپسىزدىك حاۋىپ ـ قاتەرلەرىنەن ساقتانۋ جانە ونى جويۋ ساياسي جاۋاپكەرشىلىگىن باتىل ارقالاۋى كەرەك. ”پارتكوم مەن ۇكىمەت بىردەي جاۋاپتى بولۋدى، ٴبىر قىزمەت ورنىندا قوس جاۋاپكەرشىلىك ارقالاۋدى“ قاتاڭ تياناقتاندىرىپ، قاراستى جەر، تاراۋ، كاسىپورىن سياقتى ٴارقايسى جاقتىڭ جاۋاپكەرشىلىگىن كۇشەيتىپ، كومىر كەن ٴوندىرىسى، جول قاتىناسى سياقتى سالالاردى ٴتۇيىن ەتىپ، ٴارقايسى كاسىپتىڭ حاۋىپسىزدىك كومەسكى كىناراتتارىن جاپپاي، ىشكەرىلەي، ٴبىر ـ بىردەن اداقتاپ، ٴتۇيىندى الاڭ ـ ورىن، اپات وڭاي تۋىلاتىن ٴوڭىر جانە كليمات، سۋ جاعدايى سياقتىلاردى باقىلاۋ ـ تەكسەرۋدى، الدىن الا ساقتاندىرۋدى كۇشەيتىپ، ٴتۇرلى حاۋىپسىزدىك ساقتىق شارالارىن ناقتى، ەگجەي ـ تەگجەيلى تياناقتاندىرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك. قوعامدىق كەلەلى جاعدايدىڭ ورنىقتىلىعىن شىنايى قورعاپ، نەگىزگى ساتى قوعامدىق باسقارۋىن كۇشەيتىپ، ٴار ۇلت بۇقاراسىنىڭ مەرەكەنى امان ـ ەسەن وتكىزۋىنە، ەكونوميكانىڭ، قوعامنىڭ جوعارى ساپالى دامۋىنا تىنىش، ٴتارتىپتى ورتا ازىرلەۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت بەينە ەكران ماجىلىسىنە قاتىناستى ٴارى ٴسوز سويلەدى. ٴماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، شينجياڭنىڭ ٴوندىرىس حاۋىپسىزدىگى ٴدوپ كەلگەن قاتاڭ دا كۇردەلى جاعدايدى سەرگەكتىكپەن تانىپ، ەڭ قاتاڭ تالاپ، ەڭ ناقتى شارا ارقىلى ٴتۇرلى قىزمەتتەردى ويداعىداي ىستەۋ كەرەك. كومەسكى كىناراتتاردى ٴبىر ـ بىردەن اداقتاۋدى، رەتتەۋ ـ وڭاۋدى جاپپاي ورىستەتىپ، حاۋىپ ـ قاتەرى جوعارى جول بولىكتەرى، تۇنگى جول قاتىناسى سياقتىلاردى شارلاپ تەكسەرۋدى كۇشەيتىپ، جول قاتىناس حاۋىپسىزدىگىنە شىنايى كەپىلدىك ەتۋ كەرەك؛ جەر سىلكىنىسى، قار ەرۋ سيپاتتى تاسقىن، قاتتى نوسەر، تاسقىن، لاي ـ شاعىل كوشكىنى سياقتى ٴتۇرلى اپات حاۋىپ ـ قاتەرلەرىنەن بار كۇشپەن ساقتانۋ كەرەك؛ ٴورت ٴسوندىرۋ، ورتتەن ساقتانۋ حاۋىپسىزدىك كومەسكى كىناراتتارىن شوعىرلى رەتتەۋ ـ وڭاۋ سەرپىنىن زورايتىپ، بۇقارانىڭ ورتتەن ساقتانۋ حاۋىپسىزدىگىن باتىل ساقتاۋ كەرەك؛ قاتەرلى حيميالىق بۇيىم، قۇرىلىس جۇرگىزۋ، كەن، قالا ـ قالاشىق جانار گازى، كولەمدى بۇقارالىق سيپاتتى قيمىل سياقتى سالالاردى ٴجىتى قاداعالاپ، ٴوندىرىس حاۋىپسىزدىگى ساقتىق شارالارىن جاپپاي تياناقتاندىرىپ، مەرەكە كەزىندەگى ٴتۇرلى ساياحات كاسىپورىندارى، كورىنىس ٴوڭىرى، كورىنىس ٴتۇيىنى، ساياحات الاڭ ـ ورىن قۇرىلعىلارى، ساياحات اۆتوكولىگى سياقتىلاردىڭ حاۋىپسىزدىگىن تەكسەرۋدى كۇشەيتىپ، شىن مانىندەگى حاۋىپسىزدىك دەڭگەيىن شىنايى جوعارىلاتۋ كەرەك.
اۆتونوميالى رايوننىڭ ورىنباسار ٴتوراعاسى ٴماردان مۇحيت تۇتاس رايوننىڭ جول قاتىناسى، كەن، ٴورت ٴسوندىرۋ، ورتتەن ساقتانۋ، قاتەرلى حيميالىق بۇيىم، قۇرىلىس جۇرگىزۋ، جانار گاز، ساياحات، جاراتىلىستىق اپات سياقتى سالالارداعى حاۋىپسىزدىك بويىنشا ساقتانۋ قىزمەتى جونىندە ناقتى ورنالاستىرۋ جاسادى. اۆتونوميالى رايوندىق قاتىناس ـ تاسىمال مەڭگەرمەسىندەگى، جاراتىلىستىق بايلىق مەڭگەرمەسىندەگى، شۇعىل جاعدايعا توتەپ بەرۋدى باسقارۋ مەڭگەرمەسىندەگى، مادەنيەت جانە ساياحات مەڭگەرمەسىندەگى، سۋ يگىلىگى مەڭگەرمەسىندەگى جانە شينجياڭ قاتىناسقا قارجى قوسۋ توبىنداعى جاۋاپتى جولداستار پىكىر اۋىستىرىپ، لەبىز ٴبىلدىردى. اۆتونوميالى رايوندىق ٴوندىرىس حاۋىپسىزدىگى كوميتەتىنە مۇشە قاتىستى ورىنداردىڭ جاۋاپتى جولداستارى، قاتىستى كاسىپورىنداردىڭ جاۋاپتىلارى نەگىزگى ٴماجىلىس الاڭىندا ماجىلىسكە قاتىناستى. ٴماجىلىس ٴارقايسى ايماق، وبلىس، قالالارعا، اۋدان، قالا، رايوندارعا دەيىن اشىلدى.
