جاستىق جالىنىمىزبەن كورىكتى شينجياڭنىڭ ٴداۋىر كارتيناسىن كەسكىندەيىك
گازەتىمىزدىڭ شولۋشىسى
جاستىق كوكتەم شەكسىز ۇمىتكە تولى، جاستار كوركەم بولاشاق جاراتادى. جۇڭگو ۇلگىسىندەگى وسىزامانداندىرۋدىڭ جالىندى امالياتىندا ٴبىز تاعى ٴبىر رەتكى 4 ـ مامىر جاستار مەرەكەسىن قارسى الىپ وتىرمىز. 4 ـ مامىر رۋحى قاي ـ قاشان دا ۇلتتىڭ گۇلدەنۋ جولىن نۇرلاندىرادى، سونداي ـ اق زامانىمىزداعى جاستاردى جاڭا جورىقتا ەكپىندەي ىلگەرىلەۋگە، جاڭا داۋىرگە ۇلەس قوسۋعا جەتەكتەيدى، ىنتالاندىرادى.
ٴداۋىر ۇقساماعانىمەن، جاستىق كوكتەم تامىرلاس. جاستار مۇراتتى، قابىلەتتى بولىپ، جاۋاپكەرشىلىك ارقالاسا، مەملەكەتتە بولاشاق، ۇلتتا ٴۇمىت بولادى، مەيلى وتكەندە، قازىر، الدە بولاشاقتا بولسىن، جۇڭگو جاستارى باستان ـ اياق جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ اۆانگارد كۇشى، كۇرەس جۇرگىزىپ جاۋاپكەرشىلىك ارقالاۋ باستان ـ اياق جالعاسىپ كەلە جاتقان جاستىق بورىش. بۇگىن ٴبىز جاستىق كوكتەمگە قۇرمەت بىلدىرەمىز، ونان دا ماڭىزدىسى، باتىلدىقپەن كۇرەس جاسايتىن كۇرەسكەرلىك بەينەگە، جالىندى دا ايبىندى داۋىرگە قۇرمەت بىلدىرەمىز.
جاڭا ٴداۋىر _ جاستىق كوكتەمنىڭ ساحناسى. جۋىقتا كوممۋنيستىك جاستار وداعى ورتالىق كوميتەتى، مەملەكەتتىك جاستار بىرلەستىگى 28 ـ كەزەكتى ”جۇڭگو جاستار 4 ـ مامىر مەدالىن“ تاراتتى، مۇندا شينجياڭنان ٴبىر جەكە، ٴبىر كوللەكتيۆ سيلىققا يە بولدى. بۇل داڭقتىڭ ايگىلەگەنى جاستىق كوكتەمگە دەم بەرەتىن تاسقىنداعان جاستىق جىگەر، جاستىق جالىنمەن كورىكتى شينجياڭ قۇرۋ ٴۇشىن كەسكىندەلگەن ٴداۋىر كارتيناسى. سونىمەن بىرگە بۇل داڭق زامانىمىزداعى جاستاردىڭ جەكەنىڭ مۇراتى مەن مەملەكەتتىڭ باعدارىن تىعىز ۇشتاستىرۋىنىڭ، قۇن تالپىنىسى مەن ٴداۋىردىڭ قاجەتىن بارىنشا سايكەستىرۋىنىڭ جاندى تۇسىندىرمەسى. بۇل مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاستىق شاققا بەرگەن انىقتاماسى، ونان دا ماڭىزدىسى، جاستىق كوكتەمنىڭ كۇش ـ قۋاتىن ۇيىستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋدىڭ قاجەتتى تالابى.
كۇرەس _ جاستىق كوكتەمنىڭ ەڭ كوز تارتاتىن نەگىزگى قاسيەتى. دابىرالى وسىزامانداندىرۋ قۇرىلىسىندا تيانشان الابىنا كوز جىبەرسەك، كوپتەگەن تاڭداۋلى جاس بەرىك مۇرات ـ سەنىممەن، جالىندى جاس داۋرەنىمەن مەملەكەتتىڭ قاجەتىن، ٴداۋىر جاۋاپكەرشىلىگىن ارقالاپ، جاۋاپكەرشىلىك ارقالاپ ۇلەس قوسۋ ارقىلى شينجياڭنىڭ بايتاق دالاسىندا تەرەڭ دە جالىندى جاستىق شاقتىڭ ماداق جىرىن جازۋدا. جۇڭگو عىلىم اكادەمياسى شينجياڭ فيزيكا ـ حيميا تەحنيكا زەرتتەۋ ورنىنىڭ فوتو ەلەكترلىك يقۋاتتىق كريستال ماتەريالى جاعىندا جاڭالىق اشۋ ۇجىمىنىڭ ورتاشا جاسى 29 جاستا عانا، ولار عىلىم ـ تەحنيكانىڭ الدىڭعى لەگىنە بەت الىپ، دۇنيە ٴجۇزىنىڭ بيىك شىڭىنا ەرلىكپەن شىعىپ، وسى رەتكى ”جۇڭگو جاستار 4 ـ مامىر مەدالىنا“ يە بولدى؛ 17 جاستاعى جەلاياق ٴوسپىرىم ٴالشىر ٴومار ارمانعا قۇلاش سەرمەپ، قاجىرلىلىقپەن جاتتىعىپ، ەل ٴىشى ـ سىرتىنداعى جەڭىل اتلەتيكا جارىستارىندا ەرەكشە كوزگە ٴتۇستى؛ 2000 ـ جىلدىڭ تۇلەگى، بوزبالا مۇرادىل ٴتومۇرجان كونچى وزەنىنىڭ جاعاسىنان نانشا ارالىنداعى مارجان قۇزدارعا بارىپ، وتاننىڭ قاسيەتتى تەڭىز ايدىنىن قورعاپ، قاراپايىم قىزمەت ورنىندا كەرەمەت ۇلەس قوستى؛ 95 ـ جىلدىڭ تۇلەگى ”قاقتاما قاقتاۋشى جىگىت“ سەيىتازەز نۇرمامەت سۋعا كەتكەن شوفەردى ەرلىكپەن قۇتقارىپ، ٴىس جۇزىندىك ارەكەتى ارقىلى قوعامدىق سالتتىڭ الدىڭعى لەگىنە جەتەكشىلىك ەتتى؛ 90 ـ جىلداردىڭ تۇلەگى ”قۇندىز حانىشا“ چۋ ۋىنۋىن قالىڭ تىكەندى اعاشقا تولى بيىك تاۋ، بىتىك ورماندا جابايى حايۋاناتتاردى قورعاپ، جاستىق كوكتەمنىڭ دارقاندىعى ارقىلى بارشا تابيعاتتى كوكىرەگىنە سيعىزدى... جاستىق شاق سەرتى مۇرات ـ سەنىمگە تالپىنعاندىقتان بولاتتاي بەرىك بولادى، جاستىق شاق بەينەسى ەرلىكپەن كۇرەس جۇرگىزگەندىكتەن جۇلدىزداي جارقىرايدى. جاستاردىڭ جان قيارلىقپەن كۇرەس جۇرگىزۋى ايبىندى ٴداۋىر اعىمىن ۇيىستىرادى، جاستىق جىگەرگە تولى كورىكتى شينجياڭدى جاراتادى.
ٴداۋىردىڭ ”وڭ جەلىمەن“ جاستىق شاقتىڭ شىڭىنا شىعۋ كەرەك. شينجياڭ جوعارى ساپالى دامۋدىڭ ماڭىزدى ستراتەگيالىق وراي مەزگىلىندە تۇر، جاڭا داۋىردە باتىس بولىكتى قاۋىرت اشۋدى ىلگەرىلەتۋ بورىشى داڭقتى، ماشاقاتتى، ”سەگىز ٴىرى كاسىپ سالاسى شوعىرى“ قۇرىلىسى قارىشتاپ دامىپ، شينجياڭ ەركىن ساۋدا سىناق رايونى قۇرىلىسى شاپشاڭ ىلگەرىلەدى... قازىر شينجياڭنىڭ وسىزامانداندىرۋ قۇرىلىسىنىڭ اياق الىسى ەكپىندى دە پارمەندى، ايبىندى جوبا ٴار ۇلت جاستارىن بار ونەرىن كورسەتىپ، اسقاق ارماندارىن ايگىلەپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋعا شاقىرۋدا. اماليات مىنانى دالەلدەدى: جەكە كۇرەستى ۇلتتى گۇلدەندىرۋدىڭ ٴداۋىر تولقىنىمەن توعىستىرىپ، داۋىرمەن قادامداس، وتانمەن تاعدىرلاس بولىپ، حالىقپەن بىرگە كۇرەس جۇرگىزگەندە عانا، ٴىس تىندىرىپ، ٴومىر قۇنىن اناعۇرلىم ويداعىداي جاراتۋعا بولادى.
جاستىق شاق شۋاقتى، ارايلى بولىپ قانا قويماي، ونان دا ماڭىزدىسى، ىستىق ىقىلاسقا تولى بولىپ، اۋىر مىندەت ارقالايتىن مەزگىل. جاڭا داۋىردە باتىس بولىكتى قاۋىرت اشۋدى ىلگەرىلەتۋ دابىلى جۇرت جۇرەگىن جەلپىندىردى، شينجياڭدا دارىنىن ايگىلەيتىن ساحنا شەكسىز كەڭ، ارماندى ورىنداۋدىڭ بولاشاعى شەكسىز نۇرلى، قالىڭ جاستار، ٴسوز جوق، كەسەك تابىستارعا قول جەتكىزە الادى، بولاشاعى دا، ٴسوز جوق، نۇرلى بولادى. ٴار ۇلت جاستارى كەۋدە كەرە جاۋاپكەرشىلىك ارقالاپ، قۇلشىنا كۇرەس جۇرگىزىپ، جاڭا ٴداۋىردىڭ تىنىستى توپىراعىندا ارمان ارقالاپ، ەڭبەك ٴسىڭىرىپ، ۇلەس قوسسا بولعانى تاسقىنداعان جۇڭگو ۇلگىسىندەگى وسىزامانداندىرۋدىڭ شينجياڭ امالياتى بارىسىندا، ٴسوز جوق، ٴتىپتى دە كوركەم جاستىق شۇعىلاسىن شاشا الادى.
