5 - ايدىڭ 2 - كۇنى ۇشقىش اپاراتتى مەڭگەرۋشى ما شياۋلين داشۋە وقۋشىلارىنا وسىمدىك قورعاۋ ۇشقىش اپپاراتىن مەڭگەرۋدىڭ ماڭىزدى تۇيىندەرىن تۇسىندىرۋدە. ما شياۋلين سانجى قالاسى ارليۋگۇڭ قالاشىعى حۇڭشيڭ قىستاعىنىڭ تۇرعىنى، ۇڭىلە زەرتتەيتىن تالپىنىسىنىڭ ارقاسىندا وسىمدىك قورعاۋ ۇشقىش اپپاراتىن مەڭگەرۋ شەبەرلىگىن قانىق يگەرىپ، جىلىنا 30 مىڭ مۋ ەگىس اتىزىن باسقارىپ، قورعاپ، قىستاقتاعى ايگىلى ”ۇشقىش“ ەگىنشىگە اينالدى.
□ سۋرەتتى لياڭ حۇڭتاۋ تۇسىرگەن
5 - ايدىڭ 3 - كۇنى كۇشار قالاسى بەيشباق اۋىلى شىنارباق قىستاعىنىڭ جەمىس - جيدەك، كوكونىس جىلىجايىندا ەرىكتىلەر ينتەرنەتتە تىكە تاراتۋ ارقىلى شارۋالاردىڭ كىشكەنە قاربىز ساتۋىنا كومەكتەسىپ، شارۋالاردىڭ كىرىس ارتتىرۋىنا دەم بەردى.
□ سۋرەتتى ۋ لى تۇسىرگەن
4 - ايدىڭ 30 - كۇنى جۇڭگو مۇناي داشۋەسى (بەيجيڭ) قارامايلى مەكتەپ رايونىندا وقۋشىلار كوتەرىڭكى كوڭىلمەن ساباقحانادان شىعىپ كەلەدى. وسى مەكتەپتەن وقۋ تاۋىسقان وقۋشىلاردىڭ ％60تەن استامى مۇناي، مۇناي حيميا سالاسىندا جۇمىسقا ورنالاسادى، ％50كە جۋىعى شينجياڭنىڭ نەگىزگى ساتىسىندا جۇمىسقا ورنالاسۋدى تاڭدايدى.
□ سۋرەتتى سۇي ۋىنجۋان تۇسىرگەن
5 - ايدىڭ 2 - كۇنى 2023 − 2024 جارىس ماۋسىمىنداعى جۇڭگو ەرلەر كاسىپتىك باسكەتبول بىرلەسپە جارىسىنىڭ جارتىلاي شەشۋشى جارىسى ءۇرىمجى وليمپيادا دەنە تاربيە ورتالىعىندا وتكىزىلدى، ءوز الاڭىندا ونەر كورسەتكەن شينجياڭ يليتى كومانداسى سوڭىندا 90: 125 ەسەبىمەن جىجياڭ چوۋجوۋ جينزۋ كومانداسىن ويسىراتا جەڭىپ، العاشقى الاڭداعى جەڭىسكە قول جەتكىزدى.
□ سۋرەتتى انار بۇلت \ شينجياڭ گازەتىنىڭ ءتىلشىسى زوۋ ي تۇسىرگەن
4 - ايدىڭ 30 - كۇنى وقۋ - اعارتۋعا كومەكتەسۋ قىزمەت وتەۋ اترەتىندەگى وقىتۋشى وقۋشىلارعا ساباقتان سىرتقى بىلىمدەردى تۇسىندىرۋدە. 2017 - جىلدان بەرى اۆتونوميالى رايوندىق وداق كوميتەتى ءار جىلى باتىس بولىك جوسپارىنداعى جوعارى مەكتەپ وقۋشىلارى ەرىكتىلەرى مەن وقۋ - اعارتۋعا كومەكتەسەتىن وقىتۋشىلاردى حوتان اۋدانى تاۋاككول اۋىلى باعدوڭ قىستاعى باستاۋىش مەكتەبىنە تاڭداپ جىبەرىپ، وقۋ - اعارتۋعا كومەكتەسۋ، سۇيەمەلدەۋ قىزمەتىن ورىستەتىپ، وسى مەكتەپتىڭ وقۋ - وقىتۋ ساپاسىن كورنەكتى جوعارىلاتتى.
□ سۋرەتتى شۇي شياۋلۇڭ تۇسىرگەن
4 - ايدىڭ 29 - كۇنى زەرتتەۋشىلەر كريستال قۇرىلىمدى تەكسەرۋدە. تاياۋدا جۇڭگو عىلىم اكادەمياسى شينجياڭ فيزيكا - حيميا تەحنيكا زەرتتەۋ ورنى فوتو ەلەكتر يقۋاتتىق كريستال ماتەريالىندا جاڭالىق اشۋ ۇجىمى 28 - كەزەكتى ”جۇڭگو جاستار 4 - مامىر مەدالى كوللەكتيۆى“ دەگەن داڭققا يە بولدى. ۇجىم شينجياڭدا تامىر تارتقان 17 جىلدان بەرى كوپ تولقىندى فوتو ەلەكتر يقۋاتتىق كريستال ماتەريالىن زەرتتەپ، جەتىستىگى دۇنيە جۇزى رەكوردىن جاڭالادى.
□ سۋرەتتى انار بۇلت \ شينجياڭ گازەتىنىڭ ءتىلشىسى ساي زىڭلى تۇسىرگەن
□ انار بۇلت \ شينجياڭ گازەتىنىڭ ٴتىلشىسى شى جيشىن
جاستار مامىردىڭ گۇلىنە ۇقسايدى، كوكتەم قاۋاشاعى العاش اشىلعاندا، الۋان تۇسكە بولەنەدى. شينجياڭنىڭ ٴبىر ميلليون 600 مىڭ شارشى كيلومەتردەن استام دارقان قۇشاعىندا، ولار العاش كوتەرىلگەن كۇندەي جالىندى ومىرشەڭدىك كۇشكە، شەكسىز ۇمىتكە تولى. ولاردىڭ تابانىنىڭ استىندا قۇتتى مەكەننىڭ ىستىق توپىراعى، يىعىندا جۇڭحۋا ۇلتىنىڭ ۇلى گۇلدەنۋى سىندى ارمان بار، ولار جاستىق كوكتەمدەرى ارقىلى جاڭا ٴداۋىردىڭ شۇعىلالى داستانىن جازۋدا.
جاستار مەملەكەتتىڭ جانى. جاستار _ جۇڭحۋانىڭ بولاشاعى، ۇلتتىڭ ٴۇمىتى. جاستار قۇدىرەتتەنسە، مەملەكەت قۇدىرەتتەنەدى. جاڭا داۋىردە ەكپىندەي ىلگەرىلەۋدىڭ قوڭىراۋ ٴۇنى كوتەرىلدى، جاستار اقىل ـ پاراساتى مەن ماڭداي تەرى ارقىلى قۇلاشىن كەڭ جايعان تاريح كارتيناسىندا ايبىندى كورىنىس كەسكىندەدى. ەڭ جاقسى دامۋ كەزەڭىندە تۇرعان ولار ”ۇلى مىندەت ارقالاۋ“ سىندى ٴداۋىر بورىشىن كوكەيىندە ساقتاپ، ەكپىندى قاداممەن جاڭا داۋىرگە ىلەستى.
تيانشان الابىندا جاستىق كوكتەمنىڭ بەينەسى ٴار ٴتۇرلى بولعانىمەن، ەكپىندەي ىلگەرىلەۋ رۋحى، ارمانعا قۇلاش سەرمەۋ بەكىمى ەشقاشان وزگەرگەن ەمەس. شينجياڭنىڭ بايتاق دالاسىندا جاستار تيانشانداي قايسار، اقشا بۇلتتاي ەركىن، كوكتەم سامالىنداي مەيىرلى بولىپ، جۇڭگو ارمانىن ٴبىر نيەت، ٴبىر تىلەكپەن سومداپ، وتانىمىزدىڭ شينجياڭىندا جاستىق كوكتەمنىڭ ەڭ ادەمى كەلبەتىن ايگىلەدى!
