شينحۋا اگەنتتىگىنىڭ 5 ـ ايدىڭ 4 ـ كۇنى بەيجيڭنەن بەرگەن حابارى. 5 ـ ايدىڭ 4 ـ كۇنى مەملەكەت ٴتوراعاسى شي جينپيڭ تەلەگرامما جولداپ، 15 ـ كەزەكتى ٴىسلام سەلبەستىك ۇيىمى باسشىلار ٴماجىلىسىنىڭ بانجۋلدا اشىلعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: ٴىسلام سەلبەستىك ۇيىمى ٴىسلام مەملەكەتتەرى ىنتىماعىنىڭ، ٴوز ـ وزىنە قوجايىن بولۋىنىڭ سيمۆولى، ٴىسلام مەملەكەتتەرىنىڭ سەلبەستىگىن كۇشەيتۋگە، حالىقارالىق ادىلدىكتى، ادىلەتتىلىكتى قورعاۋعا ماڭىزدى ۇلەس قوستى. جۇڭگو مەن ٴىسلام ەلدەرى جاقسى دوس، ابزال سەرىكتەر، دوستىعى سوناۋ ارىدان باستاۋ العان. سوڭعى جىلدارى جۇڭگو مەن ٴىسلام مەملەكەتتەرى ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴوزارا قولداۋ كورسەتىپ، ناقتى ىستەر سەلبەستىگىندە سۇبەلى جەتىستىكتەرگە قول جەتكىزدى، دوستىق قارىم ـ قاتىناسىنىڭ ساپاسى ۇزدىكسىز جوعارىلاپ، دەڭگەيى كوتەرىلدى، تۇستىك ەلدەر سەلبەستىگىنىڭ تيپتىك ۇلگىسىن ورناتتى. جۇڭگو جاق ٴىسلام مەملەكەتتەرىمەن بىرگە ٴداستۇرلى دوستىقتى ۇزبەي جالعاستىرىپ، ساياسي ٴوزارا سەنىمدىلىكتى كۇشەيتىپ، ناقتى ىستەر سەلبەستىگىن تەرەڭدەتىپ، وركەنيەت اۋىس ـ كۇيىسىن كەڭەيتىپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن بىرگە امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋدى قالايدى.