جاستىق ىسكەرلىگىن ايگىلەپ، جاستىق كۇش ـ قۋاتىن ارنايمىز
_ باس شۋجي شي جينپيڭنىڭ شىنايـى ٴۇمىتى شينجياڭداعى ٴار ۇلت جاستارىن كەۋدە كەرە جاۋاپكەرشىلىك ارقالاۋعا ىنتالاندىردى
□ انار بۇلت \ شينجياڭ گازەتىنىڭ تىلشىلەرى
جاستار گۇلدەنسە، مەملەكەت گۇلدەنەدى، جاستار قۇدىرەتتەنسە، مەملەكەت قۇدىرەتتەنەدى. 4 ـ مامىر جاستار مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ جاستاردىڭ مەرەكەسىن قۇتتىقتادى جانە ولارعا ىقىلاستى سالەم جولدادى.
باس شۋجيدىڭ تەرەڭ سۇيىسپەنشىلىككە تولى ٴۇمىتى، ىقىلاستى تاپسىرماسى شينجياڭداعى ٴار ۇلت جاستارىن ايرىقشا جىگەرلەندىردى، كوپشىلىك ٴبىر اۋىزدان مىنالاردى ٴبىلدىردى: باس شۋجي شي جينپيڭنىڭ ىقىلاستى تاپسىرماسىن قاشاندا ەستە بەرىك ساقتاپ، بۇلجىماي پارتيانىڭ سوزىنە قۇلاق اسىپ، پارتياعا ىلەسىپ، ارمانشىل، باتىلدىقپەن جاۋاپكەرشىلىك ارقالايتىن، جاپا ـ ماشاقاتقا شىدامدى، كۇرەس جۇرگىزۋگە پەيىل جاڭا ٴداۋىردىڭ جاقسى جاستارى بولۋعا تالپىنىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن ىلگەرىلەتۋ بارىسىندا جاستىقتىڭ ىسكەرلىگىن ايگىلەپ، جاستىقتىڭ كەلبەتىن كورسەتىپ، جاستىقتىڭ كۇش ـ قۋاتىن ارناپ، جۇڭگو ۇلگىسىندەگى وسىزامانداندىرۋ ٴۇشىن كەۋدە كەرە جاۋاپكەرشىلىك ارقالايتىن جاستىق تاراۋىن قۇلشىنا جازامىز.
باس شۋجي شي جينپيڭ بىلاي دەپ اتاپ كورسەتتى: جاڭا داۋىردەگى جاڭا جورىقتا بۇكىل ەلدەگى ٴار ۇلت جاستارى پارتيا مەن حالىقتىڭ ۇندەۋىنە قۇلاق اسىپ، عىلىم ـ تەحنيكادا جاڭالىق اشۋ، اۋىل ـ قىستاقتى گۇلدەندىرۋ، جاسىل دامۋ، قوعامدىق قىزمەت وتەۋ، وتاندى قورعاپ، شەكارانى كۇزەتۋ سياقتى ٴار سالا، ٴار جاقتاردا باتىلدىقپەن اتويشى جانە جالىندى كۇش بولىپ، وزىنە سەنۋ، ٴوزىن الۋەتتەندىرۋ، قايسار، ىسكەر بولۋ سىندى رۋحاني بەت ـ بەينەنى ايگىلەدى.
بۇل جۇڭگو مۇناي حيميا ونەركاسىبى جارنا شەكتى سەرىكتەستىگى باتىس سولتۇستىك مۇناي الابى بولىمشە سەرىكتەستىگى ”ەرەكشە ناشار ورتادا مۇناي ـ تابيعي گاز الابىنىڭ شىرۋىنەن ساقتانۋ، قورعاۋ ۇجىمىنىڭ“ جەتەكشىسى گاۋ چيۋيىڭدى ايرىقشا جەلپىندىردى. بۇل ۇجىم ۇزاق ۋاقىتتان بەرى مۇناي ـ تابيعي گاز ورتاسىنىڭ شىرۋىنەن ساقتانۋ جانە قورعاۋ سياقتى باعىتى جونىندە زەرتتەۋ جۇرگىزۋگە كۇش سالىپ، اسا تەرەڭ، جابىسقاقتىعى ايرىقشا جوعارى، كۇكىرت قۇرامى جوعارى مۇناي ـ تابيعي گاز الابىن اشۋ، قۇرۋ جاعىندا جەلىلەس جاڭالىق اشۋ جەتىستىگىنە قول جەتكىزدى. 4 ـ ايدىڭ 28 ـ كۇنى ۇجىم 19 ـ كەزەكتى جۇڭگو جاس ايەل عالىمدار سيلىعى كوللەكتيۆ سيلىعىن داڭقپەن يەلەدى.
”باس شۋجيدىڭ مەرەكەلىك سالەمىن قابىلداپ، كوپشىلىكتىڭ كوڭىلى كولدەي تولقىپ، جىگەر ـ قايراتى ونان ارى تاسقىنداي ٴتۇستى“. گاۋ چيۋيىڭ بىلاي دەدى: ٴبىز جالعاستى كۇرەس جاساپ، مۇناي ـ تابيعي گاز الابىنىڭ ٴشىرۋ ماسەلەسىن عىلىم ـ تەحنيكادا جاڭالىق اشۋ ارقىلى شەشىپ، باتىلدىقپەن اتويشى بولىپ، ”ەنەرگيا كەسەسىن مىقتاپ ۇستاۋعا“ جاستىق كۇش ـ قۋاتىمىزدى ارنايمىز.
قازىر ەگىس جۇمىسىنىڭ قاربالاس مەزگىلى، ونسۋ اۋدانى توپقان قالاشىعى تومەنگى توپقان قىستاعىنداعى بايۋعا باستاۋشى امەت كامىل بىرنەشە جاستى باستاپ قاتتى قاربالاسقا ٴتۇستى. قاراپايىم قىستاق بالاسىنان اۋىل شارۋاشىلىعى ماشينالارى ٴىرى وتباسى، بايۋعا باستاماشى بولىپ جەتىلىپ، تاعى داڭقپەن پارتياعا مۇشە بولىپ، قىستاق دارەجەلى زاپاس كادرعا اينالدى، امەت وسىنىڭ بارلىعىندا پارتياعا العىس ايتۋىم كەرەك دەيدى.
”باس شۋجيدىڭ ٴۇمىتى جاستار مەرەكەسىنىڭ ايرىقشا باعالى تارتۋى“. امەت بىلاي دەدى: ”ٴبىز وسى بۋىن جاستار جۇڭحۋا ۇلتىنىڭ دامۋىنداعى ەڭ جاقسى مەزگىلگە كەز بولىپ وتىرمىز، مەن باس شۋجيدىڭ ىقىلاستى ٴتالىمىن، ٴسوز جوق، ەسىمدە بەرىك ساقتاپ، جاستىقتىڭ ٴۇمىتىن جەردە قالدىرماي، بورىشىمدى وتەپ، ەكولوگياسى قونىستانۋعا جايلى اۋىل ـ قىستاق قۇرۋ، اۋىل ـ قىستاقتى گۇلدەندىرۋدى ىلگەرىلەتۋ بارىسىندا جاستارعا تيەسىلى جاۋاپكەرشىلىكتى، مىندەتتى ارقالايمىن.
5 ـ ايدىڭ 3 ـ كۇنى، شينجياڭ اسكەري رايونى بەلگىلى جالپىلىق جاتتىعۋ بازاسىنىڭ اسكەر جاتتىقتىرۋ الاڭىندا، 2024 ـ جىلى كوكتەم مەزگىلىندە قوسىنعا قابىلدانعان نەشە مىڭ جاڭا اسكەر جەدەل جاتتىعۋ جاساپ جاتتى، دۇركىن ـ دۇركىن كوتەرىلگەن ۇران كازارما رايونىن جاڭعىرتتى. باس شۋجيدىڭ ماڭىزدى ٴسوزى وسى بازاداعى وفيتسەر ـ اسكەرلەرگە العا باسۋ بەتالىسىن كورسەتىپ، قۋاتتى قوزعاۋشى كۇش ۇستەدى. ”مەن ۇزدىك جاستاردى ۇلگى ەتىپ، جەكە ارمانىمدى جۇزەگە اسىرۋ مەن قۋاتتى ارميا ارمانىن ٴوزارا ۇشتاستىرىپ، جاڭا داۋىردە قۋاتتى ارميا قۇرۋ جورىعىندا جاستىقتىڭ جالىنىن شاشۋعا قۇلشىنامىن“، ـ دەدى جاڭا اسكەر ەلزات ەركىن.
گۇلدەنگەن زاماندا تۋىپ وسكەن جاستار ىسكەرلىك كورسەتۋ ٴتيىس. قاشقار داشۋەسى گۋمانيتارلىق عىلىمدار شۋەيۋانى وقۋشىلار ۇيىمىنىڭ ٴتوراعاسى حۇي ۋىنجيا باس شۋجي شي جينپيڭنىڭ ماڭىزدى سوزىنەن پارتيا ورتالىق كوميتەتىنىڭ قالىڭ جاستارعا تولىق سەنەتىنىن، زور ٴۇمىت ارتاتىنىن تەرەڭ سەزىندى. ”جاس وقۋشى رەتىندە، ٴبىز 4 ـ مامىر رۋحىنا مۇراگەرلىك ەتىپ جانە ونى ساۋلەلەندىرىپ، وتانشىلدىق سۇيىسپەنشىلىكتى ماڭگى ساقتاپ، ارمانشىل، باتىل جاۋاپكەرشىلىك ارقالايتىن، جاپا ـ ماشاقاتقا شىدامدى، كۇرەس جۇرگىزۋگە پەيىل جاڭا ٴداۋىردىڭ جاقسى جاستارى بولۋعا تالپىنامىز“، ـ دەدى حۇي ۋىنجيا.
باس شۋجي شي جينپيڭ بىلاي دەپ اتاپ كورسەتتى: ٴار دارەجەلى پارتيا ۇيىمى جاستاردى پارتيا باسقارۋ قىزمەت پرينسيبىنە تاباندى بولىپ، جاستار قىزمەتىنە باسشىلىقتى كۇشەيتىپ، جاستاردىڭ ەسەيىپ ـ ەرجەتۋىنە كوڭىل ٴبولىپ، قالىڭ جاستاردىڭ ەڭبەك ٴسىڭىرىپ، ەسە قوسۋىنا قولداۋ كورسەتۋ كەرەك.
”پارتيا ىستەرىنىڭ كوركەيىپ ـ گۇلدەنىپ، باياندى تىنىش بولۋىندا، ٴسوز جوق، ۇرپاقتان ـ ۇرپاققا جالعايتىن ادام بولۋ كەرەك“. شاۋەشەك قالالىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى گو مىڭجاۋ بىلاي دەدى: ٴار دارەجەلى پارتيا ۇيىمدارى جاستارعا ساياسي جاقتان تولىق سەنىم ارتىپ، قىزمەت جاعىنان تولىق قورعاپ، تۇرمىس جاعىنان تولىق كوڭىل ٴبولىپ، نازاردى جاس كادر، دارىندىلاردىڭ اتاق باعالاۋ، قابىلەتىن جوعارىلاتۋ سياقتى سۇرانىسىنا شوعىرلاندىرىپ، قىزمەت وتەۋ كەڭدىگىن ۇزارتىپ، قىزمەت وتەۋ تەرەڭدىگىن كەڭەيتىپ، ٴتۇرلى جاس كادر، دارىندىلاردىڭ تولىسىپ جەتىلۋىنە كومەكتەسۋ كەرەك.
”كوممۋنيستىك جاستار وداعى جاڭا داۋىردەگى جاڭا جورىقتا پارتيا جۇكتەگەن بورىشتى، مىندەتتى ارقالاپ، تاڭداۋلى ٴداستۇردى جالعاستىرىپ، اسقاقتاتىپ، قالىڭ جاستاردى پارتيا مەن حالىق ىستەرى ٴۇشىن قاجىماي ـ تالماي كۇرەس جۇرگىزۋگە ىنتىماقتاستىرۋى، ۇيىستىرۋى كەرەك“. باس شۋجي شي جينپيڭنىڭ سالەمىندە پارتيا ورتالىق كوميتەتىنىڭ جاس بۋىنعا دەگەن ىقىلاستى قامقورلىعى جانە كوممۋنيستىك جاستار وداعى ىستەرىنە دەگەن وسكەلەڭ ٴمان بەرۋى قامتىلعان، بۇل اۆتونوميالى رايوندىق وداق كوميتەتىنىڭ شۋجيى اسەنجان ايتاحۇندى ايرىقشا جىگەرلەندىردى. ول مىنالاردى ٴبىلدىردى: اۆتونوميالى رايوندىق وداق كوميتەتى جاڭا داۋىردەگى جاڭا جورىقتا پارتيا جۇكتەگەن بورىشتى، مىندەتتى ارقالاپ، جاستار مەن ورەندەرگە بولعان يدەيا ـ ساياسي جەتەكشىلىكتى كۇش سالا كۇشەيتىپ، جاستار مەن ورەندەردىڭ جۇڭحۋا ۇلتى ورتاق تۇلعا تانىمىن بەرىك ورناتىپ، تۇتاس رايونداعى ٴار ۇلت وداق مۇشەلەرى مەن جاستاردى ٴارقايسى سالا، ٴارقايسى جاقتاردا كەۋدە كەرە جاۋاپكەرشىلىك ارقالاۋعا ىنتىماقتاستىرىپ، باستاپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا جاستىقتىڭ كۇش ـ قۋاتىن ارنايدى.
(ٴتىلشى جاڭ يۇنمەي، قاتىناسقان تىلشىلەر يۇي جياڭيان، جاڭ جىلي، ياڭ شۋحان، رايدا، يان شياۋتيان، ەرىكتى تىلشىلەر ديڭ لەي، جيا چۇنحۋا)
