ۋيۇنچيميك جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ٴتۇرلى فورمالارمەن ۋيۇنچيميك جولداستىڭ قايتىس بولعاندىعىنا قايعىلى ازا ٴبىلدىردى ٴارى ونىڭ تۋىس ـ تۋعاندارىنان شىنايى حال سۇرادى
جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن، جاۋ لىجي قاتارلىلار باباۋشان توڭكەرىستىك قۇرباندار قابىرستانىنا بارىپ سۇيەكپەن قوشتاستى
شينحۋا اگەنتتىگىنىڭ 5 ـ ايدىڭ 6 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ادال كوممۋنيزم جاۋىنگەرى، ەلىمىزدىڭ ۇلت قىزمەتى جانە سوتسياليستىك زاڭ ـ ٴتۇزىم قۇرىلىسىنىڭ كورنەكتى باسشىسى، 10 ـ كەزەكتى، 11 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋيۇنچيميك جولداستىڭ سۇيەگى 5 ـ ايدىڭ 6 ـ كۇنى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى.
ۋيۇنچيميك جولداس ناۋقاس سەبەبىنەن 2024 ـ جىلى 4 ـ ايدىڭ 30 ـ كۇنى ساعات 0دەن 33 مينۋت وتكەندە بەيجيڭدە 81 جاسىندا قايتىس بولدى.
ۋيۇنچيميك جولداس ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ٴتۇرلى فورمالارمەن ۋيۇنچيميك جولداستىڭ قايتىس بولعاندىعىنا قايعىلى ازا ٴبىلدىردى ٴارى ونىڭ تۋىس ـ تۋعاندارىنان شىنايى حال سۇرادى.
جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي قاتارلىلار 5 ـ ايدىڭ 6 ـ كۇنى باباۋشان توڭكەرىستىك قۇرباندار قابىرىستانىنا بارىپ، ۋيۇنچيميك جولداستىڭ سۇيەگىمەن قوشتاستى ٴارى ونىڭ تۋىس ـ تۋعاندارىنان حال سۇرادى.
5 ـ ايدىڭ 6 ـ كۇنى تۇستەن بۇرىن باباۋشان توڭكەرىستىك قۇرباندار قابىرستانىنىڭ زالى قايعىلى جىم ـ جىرت كۇيگە شومىپ، قايعىلى مۋزيكا باياۋ تولقىپ تۇردى. زالدىڭ تورىنە ”ۋيۇنچيميك جولداسقا قايعىلى ازا بىلدىرەمىز“ دەگەن اق ٴتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا ۋيۇنچيميك جولداستىڭ سۋرەتى قويىلعان ەدى. ۋيۇنچيميك جولداستىڭ سۇيەگى گۇل شوقتارىمەن جانە ارشالارمەن قورشالىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان ەدى.
تۇستەن بۇرىن ساعات 9 مولشەرىندە جاۋ لىجي قاتارلىلار قايعىلى مۋزيكا ٴۇنى ىشىندە ۋيۇنچيميك جولداستىڭ سۇيەگىنىڭ الدىنا باياۋ كەلىپ، ٴۇنسىز ازا ٴبىلدىرىپ، ۋيۇنچيميك جولداستىڭ سۇيەگىنە 3 رەت تاعزىم ەتتى ٴارى ۋيۇنچيميك جولداستىڭ تۋىس ـ تۋعاندارىمەن ٴبىر ـ بىرلەپ قول الىسىپ، باس شۋجي شي جينپيڭ قاتارلى ورتالىقتاعى باسشى جولداستاردىڭ شىنايى حال سۇراۋىن جەتكىزدى.
پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ٴتۇرلى تاسىلدەرمەن ازا ٴبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ۋيۇنچيميك جولداستىڭ كوزى تىرىسىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاستى.
