«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
رەفورما جاساۋدى، ەسىك اشۋدى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋعا ۇزدىكسىز قۋاتتى قوزعاۋشى كۇش ۇستەۋ كەرەك
شينحۋا اگەنتتىگىنىڭ 5 ـ ايدىڭ 15 ـ كۇنى بەيجيڭنەن بەرگەن حابارى. 5 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 10 ـ سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «رەفورما جاساۋدى، ەسىك اشۋدى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋعا ۇزدىكسىز قۋاتتى قوزعاۋشى كۇش ۇستەۋ كەرەك» اتتى ماڭىزدى ماقالاسىن جاريالايدى. وعان باس شۋجي شي جينپيڭنىڭ 2012 ـ جىلى 12 ـ ايدان 2024 ـ جىلى 3 ـ ايعا دەيىنگى مەزگىلدەگى قاتىستى ماڭىزدى بايىمداۋلارىنان ۇزىندىلەر ەنگىزىلگەن.
ماقالادا مىنالار باسا دارىپتەلدى: رەفورما جاساۋ، ەسىك اشۋ _ زامانىمىزداعى جۇڭگونىڭ ارشىندى قاداممەن داۋىرگە ىلەسۋدەگى ماڭىزدى اسىلى، جۇڭگو ۇلگىسىندەگى وسىزامانداندىرۋدىڭ ٴساتتى ـ ٴساتسىز بولۋىن بەلگىلەيتىن شەشۋشى شارا. پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بەرى رەفورمانى جاپپاي تەرەڭدەتۋدە تاريحي سيپاتتى ۇلى تابىستارعا قول جەتتى. وسى جىلدارداعى رەفورما قىزمەتىنە قايىرىلا قاراساق، ٴبىز ورتاعا قويعان ٴبىر قىدىرۋ جاسامپاز نازاريالار، قولدانعان ٴبىر قىدىرۋ كەلەلى شارالار، قول جەتكىزگەن ٴبىر قىدىرۋ كەلەلى سەرپىلىستەر تۇگەلدەي توڭكەرىستىك سيپات الدى، رەفورما جاساۋ، ەسىك اشۋ ارقىلى پارتيا مەن مەملەكەتتىڭ ٴتۇرلى ىستەرىندە تاريحي سيپاتتى تابىسقا قول جەتكىزۋدى، تاريحي سيپاتتى وزگەرىس تۋدىرۋدى جەبەۋ جاڭا جاعدايىن اشتى.
ماقالادا مىنالار اتاپ كورسەتىلدى: جۇڭگوشا سوتسياليزمگە تاباندى بولۋدا جانە ونى دامىتۋدا، ٴسوز جوق، قوعامدىق وندىرگىش كۇشتەردىڭ دامۋىنا ۇزدىكسىز ۇيلەسە وتىرىپ ٴوندىرىس قاتىناسىن رەتتەپ، ەكونوميكالىق بازيستىڭ دامۋىنا ۇزدىكسىز ۇيلەسە وتىرىپ قوندىرمانى كەمەلدەندىرۋ كەرەك. ٴبىزدىڭ رەفورمانى جاپپاي تەرەڭدەتۋدى العا قويۋىمىز ەلىمىز قوعامىنىڭ نەگىزگى قايشىلىقتارىنىڭ قوزعالىس وزگەرىسىنە ۇيلەسە وتىرىپ قوعام دامۋىن ىلگەرىلەتۋ ٴۇشىن بولىپ تابىلادى. رەفورما جاساۋ، ەسىك اشۋ جالعاسا بەرەدى، توقتامايدى. رەفورما جاساۋ، ەسىك اشۋدىڭ دا بەتالىسى، تۇرعىسى، پرينسيبى بولادى. ٴبىزدىڭ بەتالىسىمىز سوتسياليستىك ٴتۇزىمنىڭ ٴوزىن ـ ٴوزى كەمەلدەندىرۋىن جانە دامىتۋىن ۇزدىكسىز ىلگەرىلەتۋ بولىپ تابىلادى. جاڭا ٴداۋىردىڭ جاڭا جورىعىندا نىسانا ـ مىندەتتەردى جۇزەگە اسىرۋدا رەفورمانى جاپپاي تەرەڭدەتۋدى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى قوزعاۋشى كۇشى ەتىپ، كەلەلى جاعدايدى ورنىقتىرۋدىڭ، وزگەرىس جاعدايىنا توتەپ بەرۋدىڭ، جاڭا جاعداي اشۋدىڭ ماڭىزدى تۇتقاسى ەتىپ، باعداردى دالمە ـ ٴدال يگەرىپ، تۋراشىلدىقتان اينىماي جاڭالىق اشىپ، شىنايى يگەرىپ، ناقتى ىستەپ، جاڭا جورىقتا رەفورما جاساۋدىڭ، ەسىك اشۋدىڭ تىڭ تاراۋىن جازۋ كەرەك.
ماقالادا مىنالار اتاپ كورسەتىلدى: جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، رەفورما جاساۋدى، ەسىك اشۋدى ونان ارى جاپپاي تەرەڭدەتىپ، ۇزدىكسىز قوعامدىق وندىرگىش كۇشتەردى ازات ەتۋ جانە دامىتۋ، قوعامدىق ومىرشەڭدىك كۇشتى ازات ەتۋ جانە كۇشەيتۋ كەرەك. پارتيا 20 ـ قۇرىلتايىندا ٴبىر قىدىرۋ كەلەلى رەفورما شارالارى ورتاعا قويىلدى، بۇل _ پارتيا ورتالىق كوميتەتىنىڭ جاڭا داۋىردەگى جاڭا جورىقتا رەفورمانى جاپپاي تەرەڭدەتۋ جونىندە جاساعان كەلەلى ستراتەگيالىق ورنالاستىرۋى. جاپپاي سوتسياليستىك وسىزاماندانعان مەملەكەت قۇرۋ نىساناسىن تىعىز ارقاۋ ەتىپ، ٴبىر توپ ستراتەگيالىق سيپاتتى، جاڭالىق اشۋ سيپاتتى، باستاماشىلدىق سيپاتتى رەفورمانى ورتاعا قويىپ، رەفورمانىڭ جۇيەلى شوعىرلانۋىن، سايكەستى، جوعارى ٴونىمدى بولۋىن كۇشەيتىپ، ماڭىزدى سالالاردا جانە ماڭىزدى بۋىنداردا تىڭ سەرپىلىسكە قول جەتكىزۋ كەرەك. رەفورمانى ونان ارى جاپپاي تەرەڭدەتۋدىڭ كەلەلى شاراسىن جوسپارلاپ، جوعارى ساپالى دامۋدى ىلگەرىلەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە ۇزدىكسىز قۋاتتى قوزعاۋشى كۇش ۇستەۋ كەرەك. ماسەلەنى باعدار ەتۋدى كورنەكتىلەندىرىپ، جاڭا دامۋ ارناسىن قالىپتاستىرۋعا جانە جوعارى ساپالى دامۋدى ىلگەرىلەتۋگە تۇساۋ بولاتىن القىمداعان تۇيىندەر مەن بوگەتتى تۇيىندەر ماسەلەسىن، دامۋ ورتاسى مەن حالىق تۇرمىسى سالاسىنداعى سىزداۋ تۇيىندەرى مەن قيىن تۇيىندەر ماسەلەسىن، قوعامدىق ادىلدىك پەن ادىلەتتىلىككە قايشى كەلەتىن وزەكتى تۇيىندەر مەن قولامتالى تۇيىندەر ماسەلەسىن كۇش سالا شەشىپ، ەلەۋلى حاۋىپ ـ قاتەرلەردەن ٴونىمدى ساقتانىپ جانە ونى جويىپ، ەكونوميكالىق، قوعامدىق دامۋعا ۇزدىكسىز قوزعاۋشى كۇش قوسۋ، ومىرشەڭدىك كۇش ۇستەۋ كەرەك.
