انار بۇلت \ شينجياڭ گازەتىنىڭ ءتىلشىسى باي سۋجۇن
”لي پىڭ باۋىرىم كوپ قيىنشىلىعىمدى شەشۋگە كومەكتەسىپ، بۇدان بىلايعى كۇندەرىمە سەنىم سيلادى“،- دەدى 5 - ايدىڭ 16 - كۇنى باقىتقان.
باقىتقان بيىل 48 جاستا، كۇيتۇن قالاسى بەيجيڭ باتىس جولى ءمالىسى يەلينتاۋ الەۋمەتتىك اۋماعىنىڭ تۇرعىنى. ونىڭ تىلشىگە ايتۋىنشا، 5 جىلدىڭ الدىندا كۇيەۋى اياق استىنان سىرقاتتانىپ كوز جۇمعان، قاتتى قايعىرعان ول ومىردەن كۇدەرىن ءۇزىپ، ەشتەڭەگە زاۋقى سوقپاي قالعان ەدى. وسىنداي كۇندەر 2021 - جىلعا دەيىن جالعاستى، ول لي پىڭمەن جۇپ قۇراپ تۋىستاسقان سوڭ ونىمەن قىزىنىڭ تۇرمىسىندا ەلەۋلى وزگەرىس بولدى.
لي پىڭ بيىل 41 جاستا، كۇيتۇن قالالىق پارتكوم پارتيا مەكتەبى جالپىلىق ىستەر ءبولىمىنىڭ مەڭگەرۋشىسى. 2021 - جىلى 1 - ايدا ول كۇيتۇن قالالىق پارتكوم پارتيا مەكتەبىنىڭ يەلينتاۋ الەۋمەتتىك اۋماعىندا تۇراتىن قىزمەت اترەتىنىڭ 1 - شۋجيى رەتىندە تۇرعىن باقىتقانمەن جۇپ قۇراپ، تۋىس بولدى.
”ول شاقتا، جۇبايىمنان ايىرىلىپ قايعى كەشىپ جۇرگەن ەدىم، شيپاحانا وسپەگە شالدىققانىما دياگنوز قويعان سوڭ، تۇرمىستان، بولاشاقتان ءۇمىتىمدى ءۇزدىم“. باقىتقاننىڭ ايتۋىنشا، لي پىڭ احۋالدى ەگجەي - تەگجەيلى ۇعىسقان سوڭ، تورىقپاۋدى تاپسىرعان، ءارى وعان ءتۇرلى كومەك قاراجاتتاردى ءوتىنىش ەتۋگە بەلسەنە كىرىسكەن، ءارى تازالىقشى قىزمەتىن تاۋىپ بەرگەن ەكەن.
”لي شۋجي ماعان ساياساتتاردى سابىرلىلىقپەن ءتۇسىندىرىپ، الەۋمەتتىك اۋماق كادرىن ءار اپتا ۇيىمە كەلىپ مەنىمەن اڭگىمەلەسۋگە ورنالاستىردى، ول مەنى قايسار انا بولۋعا جەبەپ، قىزىما ۇلگى بولۋعا شاقىردى“. باقىتقاننىڭ ايتۋىنشا، مەرەكە - مەيرامداردا حال سۇراۋ بۇيىمدارىنان تىس، لي پىڭ وعان جانە قىزىنا ۇنەمى ۇساق - تۇيەككە جۇمسايتىن اقشا بەرىپ كەتەدى ەكەن.
”جايشىلىقتا ءۇيدىڭ ەلەكترى توقتاپ، سۋى بۇزىلسا، ياكي قۇبىرى بىتەلسە، قوڭىراۋ جالعاسام بولدى، لي شۋجي امالىن تاۋىپ ءبىر جايلى ەتىپ بەرەدى، ءىس ساپارعا شىققان، ياكي جيىن اشىپ جاتقان كەزدەرىندە الەۋمەتتىك اۋماقتىڭ كادرلارىن ماعان كومەكتەسۋگە ورنالاستىراتىن“،-دەيدى باقىتقان.
الەۋمەتتىك اۋماق كادرى نۇرليسا سامار بىلاي دەيدى: باقىتقاننىڭ مىنەزى تۇيىق بولعان سوڭ لي شۋجي وعان ۇنەمى اقىل ايتىپ، الەۋمەتتىك اۋماقتىڭ ءتۇرلى قيمىلدارىنا قاتىناسۋعا ۇگىتتەيدى، جايشىلىقتا الەۋمەتتىك اۋماق كادرلارىن نەمەسە داشۋە وقۋشىلارى ەرىكتىلەرىن ونىڭ قىزىنىڭ ساباعىن پىسىقتاتۋعا ورنالاستىراتىن. قازىر شەشەلى - بالالى ەكەۋىنىڭ جۇزدەرىنە كۇلكى ءۇيىرىلدى، جاقىندا باقىتقان بال كۇلشە جاساپ الەۋمەتتىك اۋماق كادرلارىنا ءدام تاتقىزدى.
”وتباسىمىز ءار جولى تۇزدە تاماقتانعاندا نەمەسە سىرتقا شىعىپ كوڭىل كوتەرگەندە، كولىگىمىزگە باقىتقان مەن قىزىن سالىپ الامىز، باقىتقان بىزگە ەت اسىپ بەرگەندى ۇناتادى، مەنىڭ كەلىنشەگىم ونى ەرتىپ بازار ارالاعاندى جاقسى كورەدى. قازىر ەكى وتباسىمىز ءبىر تۋعانداي بولىپ كەتتىك“. لي پىڭنىڭ ايتۋىنشا، كەلىنشەگى ەكەۋى بۇدان بىلاي دا شەشەلى - بالالى ەكەۋىنەن كومەگىن ايامايدى ەكەن.
باقىتقاننىڭ ايتۋىنشا، الدىڭعى ايدا قىزىنىڭ ەمتيحان ناتيجەسى ويداعىداي بولماي قالىپ كوڭىل - كۇيى تۇسىڭكى بولعان ەكەن. ءوزى قالاي جۇباتارىن بىلمەگەن سوڭ لي پىڭدى كومەككە شاقىرىپ، لي پىڭ مەن كەلىنشەگى كەزەك - كەزەك ونىڭ قىزىمەن اڭگىمەلەسىپتى، قازىر بالانىڭ تۇتاس ۇيرەنۋ كۇيى بىرتىندەپ جاقسارعان ەكەن.
”وسىنداي جاقسى تۋىسىمنىڭ بولعانى مەنىڭ باقىتىم - عوي. ءار كۇنىمدى قاستەرلەيتىن بولدىم، قىزىم داشۋە تاۋىسقان سوڭ بال كۇلشە دۇكەنىن اشىپ، تۇرمىسىمدى جاقسارتا تۇسسەم دەيمىن“،- دەدى باقىتقان جايراڭداي.
