5 - ايدىڭ 18 - كۇنى، شينجياڭ وقۋشى قابىلداۋ ۋيشين الەۋمەتتىك ءنومىرىنىڭ حابارىنا قاراعاندا، اۆتونوميالى رايوننىڭ 2024 - جىلعى ادەتتەگى جوعارى مەكتەپ ەمتيحانى مادەنيەت ساباعىنىڭ ەمتيحانى 6 - ايدىڭ 7 - كۇنىنەن 8 - كۇنى دەيىن وتكىزىلەدى.
جۋىردا، «شينجياڭ ۇيعۇر اۆتونوميالى رايونىنىڭ 2024 - جىلعى ادەتتەگى جوعارى مەكتەپكە وقۋشى قابىلداۋ قىزمەتى بەلگىلەمەسى» (تومەندە قىسقارتىلىپ ”وقۋشى قابىلداۋ بەلگىلەمەسى“ دەلىنەدى) اۆتونوميالى رايوندىق وقۋشى قابىلداۋ كوميتەتىنىڭ تەكسەرۋىنەن ءوتىپ، شينجياڭ وقۋ - اعارتۋ ەمتيحانى مەكەمەسىنىڭ ۇكىمەتتىك تورى ارقىلى (https://www.xjzk.gov.cn) رەسمي جاريالاندى. «وقۋشى قابىلداۋ بەلگىلەمەسى» جوعارى مەكتەپ ەمتيحانىنا تىزىمدەلۋ، ەمتيحان تاپسىرۋشىنىڭ ەلەكتروندى ارحيۆى، يدەيا، ساياسي، ءمورال باعالاۋى، دەنساۋلىق احۋالىنىڭ تەكسەرىلۋى، ەمتيحان تاپسىرۋ جانە ەمتيحان قاعازىن تەكسەرۋ، وقۋشى قابىلداۋ ەرەجەسى، ولكەگە (رايون، قالا) ايىرىپ، كاسىپكە ايىرىپ وقۋشى قابىلداۋ جوسپارى، قابىلداۋ توپ رەتىن ورنالاستىرۋ جانە تالاپ تولتىرۋ - جولداۋ، قابىلداۋ، ينفورماتسيانى اشىق جاريالاۋ، وقۋشى قابىلداۋدى باسقارۋ جاۋاپكەرشىلىگى، وقۋشى قابىلداۋ قاراجاتى، بەلگىلەمەگە قايشى ارەكەتتى ءبىر جاقتى ەتۋ، سونداي - اق قوسىمشا ەرەجە سياقتى تاراپتاردا ايقىن بەلگىلەمە جاساعان.
«وقۋشى قابىلداۋ بەلگىلەمەسىن» شينجياڭ وقۋ - اعارتۋ ەمتيحانى مەكەمەسىنىڭ ۇكىمەتتىك تورىنان تىكە كورە الاسىز.
ىقىلاستى ەسكەرتۋ: اۆتونوميالى رايوندىق وقۋ - اعارتۋ ەمتيحانى مەكەمەسى ەشقانداي جەكە ياكي ارالىق قۇرىلىمعا ۋاكىلاتان وقۋشى قابىلداۋدى ۇگىتتەۋدى تاپسىرماعان، قالىڭ ەمتيحان تاپسىرۋشىلار مەن اتا - انالاردىڭ ساقتىق تانىمىن ارتتىرۋىن، ەشقانداي زاڭسىز ارالىق قۇرىلىم، ياكي جەكەگە سەنبەۋىن، جەكەلىك ينفورماتسيانى بەتالدى اشكەرەلەمەۋىن، جالعان ۇگىت پەن وقۋشى قابىلداۋ الدامكوستىگىنەن ساق بولۋدى ەسكەرتەمىز.
