شينحۋا اگەنتتىگىنىڭ 5 ـ ايدىڭ 21 ـ كۇنى بەيجيڭنەن بەرگەن حابارى. جۋىقتا مەملەكەت ٴتوراعاسى شي جينپيڭ گوردانا سيليانوۆسكا _ داۆكوۆاعا تەلەگرامما جولداپ، ونىڭ سولتۇستىك ماكەدونيا رەسپۋبليكاسىنىڭ زۇڭتۇڭدىعىنا تاعايىندالعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگونىڭ سولتۇستىك ماكەدونيامەن ٴداستۇرلى دوستىعى تەرەڭ. سوڭعى جىلدارى ەكى ەلدىڭ ناقتى ىستەر سەلبەستىگى تىڭعىلىقتى ىلگەرىلەپ، جەتىستىكتەرى حالىقتى يگىلىككە كەنەلتتى. مەن جۇڭگونىڭ سولتۇستىك ماكەدونيامەن قارىم ـ قاتىناستى دامىتۋىنا ايرىقشا ٴمان بەرەمىن، زۇڭتۇڭ حانىممەن بىرگە قۇلشىنىپ، ساياسي ٴوزارا سەنىمدىلىكتى تەرەڭدەتىپ، اۋىس ـ كۇيىس پەن سەلبەستىكتى كەڭەيتىپ، جۇڭگو مەن سولتۇستىك ماكەدونيانىڭ دوستىق سەلبەستىك قارىم ـ قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتۋدى قالايمىن.
