ەركىن تۇنياز مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە نەگىزگى تاقىرىپتىق اقپار جاريالادى ٴارى تىلشىلەردىڭ سۇراۋلارىنا جاۋاپ بەردى
جوعارى ساپالى دامۋدىڭ جاڭا تابىستارى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتتىك
انار بۇلت \ شينجياڭ گازەتىنىڭ تىلشىلەرى جاڭ يانفاڭ، گو ليڭ 5 ـ ايدىڭ 21 ـ كۇنى بەيجيڭنەن حابارلايدى. 5 ـ ايدىڭ 21 ـ كۇنى مەملەكەتتىك كەڭەس اقپارات كەڭسەسى بەيجيڭدە ”جوعارى ساپالى دامۋدى ىلگەرىلەتۋ“ جەلىلەس نەگىزگى تاقىرىپتىق اقپار جاريالاۋ ٴماجىلىسىن وتكىزدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ”جوعارى ساپالى دامۋدىڭ جاڭا تابىستارى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ“ نەگىزگى تاقىرىبى توڭىرەگىندە رايونىمىزدىڭ جوعارى ساپالى دامۋدى ىلگەرىلەتۋىنىڭ جالپى جاعدايىن تانىستىردى ٴارى مەديا تىلشىلەرىنىڭ سۇراۋلارىنا جاۋاپ بەردى.
ەركىن تۇنياز بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ٴمان بەردى، باس شۋجي 2022 ـ جىلى، 2023 ـ جىلى ٴۇرتىس 2 جىل شينجياڭعا كەلىپ، ماڭىزدى ٴسوز سويلەپ، ماڭىزدى نۇسقاۋ بەرىپ، شينجياڭ قىزمەتىنە باعدار كورسەتىپ، جوبا جاسادى. ٴبىز تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، شينجياڭنىڭ ”بەس ۇلكەن ستراتەگيالىق ورنىن“ مىقتاپ يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، حالىق تۇرمىسىنا تىعىز جاناسا وتىرىپ جوعارى ساپالى دامۋدى ىلگەرىلەتتىك. 2023 ـ جىلى شينجياڭدا 6 ٴتۇيىندى كورسەتكىشتىڭ ارتۋ قارقىنى بۇكىل ەل بويىنشا الدىڭعى بەسكە كىرىپ، تاياۋ جىلداردان بەرگى شينجياڭنىڭ ەكونوميكالىق، قوعامدىق دامۋىنىڭ ساپاسى مەن ونىمدىلىگى ەڭ تاماشا بولعان ٴبىر جىل بولدى.
ەركىن تۇنياز بىلاي دەدى: شينجياڭ جوعارى دەڭگەيدە ىشكە، سىرتقا ەسىك اشۋدى ٴۇرتىس كەڭەيتىپ، ازيا _ ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن تۇلعالاپ، ”ٴبىر بەلدەۋ، ٴبىر جولدى“ بىرگە قۇراتىن ەلدەردىڭ، اسىرەسە، ورتا ازياداعى بەس ەلدىڭ جوعارى جىكتەگىلەرىمەن ٴوزارا ساپاردا بولۋدى جانە ناقتى ىستەر سەلبەستىگىن جاساۋدى كۇشەيتىپ، شينجياڭعا كومەكتەسەتىن ولكە، قالالارمەن، توڭىرەكتەگى ولكە، اۆتونوميالى رايوندارمەن اۋىس ـ كۇيىستى، سەلبەستىكتى تەرەڭدەتىپ، جۇڭگو (شينجياڭ) ەركىن ساۋدا سىناق رايونىن قۇرۋدى جاپپاي باستادى، سوڭعى ەكى جىلدا شينجياڭنىڭ يمپورت ـ ەكسپورت جالپى سوماسى جەكە ـ جەكە %57، %45.9 ارتتى. وسىزاماندانعان كاسىپ سالاسى جۇيەسىن بەلسەنە قۇرىپ، جاڭا دامۋ ارناسىنىڭ ستراتەگيالىق تىرەك ٴتۇيىنىن تۇلعالادى. ”سەگىز ٴىرى كاسىپ سالاسى شوعىرى“ قۇرىلىسىن تەزدەتىپ، تۇتاس رايوندا 100 ميلليارد يۋان دارەجەلى 11 كەلەلى ينجەنەريانىڭ، وڭتۇستىك شينجياڭدا 10 ميلليارد يۋان دارەجەلى 11 كەلەلى ينجەنەريانىڭ تياناقتانىپ اتقارىلۋىن ىلگەرىلەتتى، 2023 ـ جىلى ونەركاسىپتىك كرەمنيدىڭ، كوپ كريستالدى كرەمنيدىڭ ٴونىم مولشەرى سايكەس مەزگىلدەگىدەن جەكە ـ جەكە %27.3 جانە %26.8 ارتتى، ساياحاتتاعان ادام (رەت) تاريحتاعى ەڭ جوعارى دەڭگەيگە جەتتى. ”ٴۇش بازا، ٴبىر ارنا“ قۇرىلىسىن تەرەڭدەتىپ، مەملەكەتتىك ەنەرگيا بايلىعى ستراتەگيالىق قامتاماسىز ەتۋ بازاسىن تۇلعالادى، 2023 ـ جىلى مۇناي ـ گاز ٴوندىرۋ بالاماسى 66 ميلليون 60 مىڭ تونناعا جەتىپ، ٴۇرتىس 3 جىل بۇكىل ەل بويىنشا الدىڭعى ورىندى يەلەدى، ”شينجياڭ ەلەكترىن سىرتقا جەتكىزۋ“ بويىنشا 126 ميلليارد 300 ميلليون كيلوۆات ساعات ەلەكتر جەتكىزىلىپ، مەملەكەتتىڭ ەنەرگيا جانە شەشۋشى كەن بايلىعى حاۋىپسىزدىگىن قامتاماسىز ەتۋگە شينجياڭ ۇلەسىن قوستى. اۋىل شارۋاشىلىعىندا قۋاتتى رايون قۇرۋدى تەزدەتىپ، مەملەكەتتىك ساپالى ەگىن، مال شارۋاشىلىق ونىمدەرىمەن ماڭىزدى قامداۋ بازاسىن تۇلعالادى، 2023 ـ جىلى جاڭادان ارتقان استىق ٴونىم مولشەرى 6 ميلليارد جىڭنان اسىپ، ارتۋ مولشەرى بۇكىل ەلدىڭ %34.4ىن ۇستادى، ماقتانىڭ جالپى ٴونىمى بۇكىل ەلدىڭ %91ىن يەلەپ، مەملەكەتتىڭ استىق جانە ماڭىزدى اۋىل شارۋاشىلىق ونىمدەرىمەن قامداۋ حاۋىپسىزدىگىن قامتاماسىز ەتۋدەگى ۇلەس دەڭگەيى ۇزدىكسىز جوعارىلادى. ۇلتتار ىنتىماعى مەن وتاننىڭ تۇتاستىعىن باتىل قورعاپ، مەملەكەتتىڭ وڭىرلىك حاۋىپسىزدىك ستراتەگيالىق قالتقىسىن تۇلعالادى، شينجياڭنىڭ قوعامدىق كەلەلى جاعدايى ٴۇرتىس ورنىقتى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋ ۇزدىكسىز جۇرت جۇرەگىنە تەرەڭ ۇيالادى.
ەركىن تۇنياز بىلاي دەدى: ٴبىز باس شۋجي شي جينپيڭنىڭ ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ٴۇرتىس ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اناعۇرلىم ويداعىداي حالىق تۇرمىسىنا تىعىز جاناسىپ، جۇرت تىلەگىن توعىستىرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسى ٴۇشىن جاڭا دا اناعۇرلىم زور ۇلەس قوسامىز.
ەركىن تۇنياز جانە اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن، اۆتونوميالى رايوننىڭ ورىنباسار ٴتوراعاسى سۇن حۇڭمەي، اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ۋاڭ كۇيران وسى زامانعى اۋىل شارۋاشىلىعىن دامىتۋ، وسىزاماندانعان كاسىپ سالاسى جۇيەسىن قۇرۋ، جوعارى دەڭگەيدە سىرتقا ەسىك اشۋ، شينجياڭ ەركىن ساۋدا سىناق رايونى قۇرىلىسى، ساياحات كاسىبىن جوعارى ساپالى دامىتۋ، حالىق تۇرمىسىن قامتاماسىز ەتۋ جانە جاقسارتۋ، جاستاردى جۇمىستاندىرۋ، جۇڭحۋا ۇلتى ورتاق تۇلعا تانىمىن بەرىك ورناتۋ، شينجياڭعا باعىتتامالى كومەكتەسۋ سياقتىلار توڭىرەگىندە تىلشىلەردىڭ سۇراۋىنا جاۋاپ قايتاردى.
