ءۇرىمجى تۇرعىن ءۇي الەۋمەتتىك قورى قارىز اقشاسى جاڭا ءوسىم مولشەرىن اتقارىپ، 0.25 پايىز تومەندەتىلدى. 5 جىلدان تومەن (5 جىلدى قامتيدى) تۇڭعىش جەكەلەر تۇرعىن ءۇي الەۋمەتتىك قورى قارىز اقشاسىنىڭ ءوسىمى %2.35كە رەتتەلدى، 5 جىلدان جوعارىسى %2.85كە رەتتەلدى.
شينجياڭ تۇرعىن ءۇي الەۋمەتتىك قورى تورىنىڭ قيما سۋرەتى
شينجياڭ تۇرعىن ءۇي الەۋمەتتىك قورى تورىنىڭ ەڭ جاڭا حابارلاندىرۋىنا قاراعاندا، 5 - ايدىڭ 17 - كۇنى ءۇرىمجى تۇرعىن ءۇي الەۋمەتتىك قورىن باسقارۋ ورتالىعى ءۇرىمجى جەكەلەر تۇرعىن ءۇي الەۋمەتتىك قورى قارىز اقشاسىنىڭ ءوسىمىن تومەندەتۋ جونىندەگى قۇلاقتاندىرۋىن جاريالاعان.
قۇلاقتاندىرۋدا بىلاي دەلىنگەن: جۇڭگو حالىق بانكەسى 2024 - جىلى 5 - ايدىڭ 18 - كۇنىنەن باستاپ جەكەلەر تۇرعىن ءۇي الەۋمەتتىك قورى قارىز اقشاسىنىڭ ءوسىمىن 0.25 پايىز تومەندەتۋدى ۇيعارعان. «جۇڭگو حالىق بانكەسىنىڭ جەكەلەر تۇرعىن ءۇي الەۋمەتتىك قورى قارىز اقشاسىنىڭ ءوسىمىن تومەندەتۋ جونىندەگى قۇلاقتاندىرۋىنىڭ» تالابىنا ساي، ءۇرىمجى تۇرعىن ءۇي الەۋمەتتىك قورىن باسقارۋ ورتالىعى جەكەلەر تۇرعىن ءۇي الەۋمەتتىك قورى قارىز اقشاسىنىڭ وسىمىنە قاتىستى رەتتەۋ جۇرگىزدى، 5 جىلدان تومەن (5 جىلدى قامتيدى) جانە 5 جىلدان جوعارى تۇڭعىش جەكەلەر تۇرعىن ءۇي الەۋمەتتىك قورى قارىز اقشاسىنىڭ ءوسىمى %2.35 جانە %2.85 كە رەتتەلدى، 5 جىلدان تومەن (5 جىلدى قامتيدى) جانە 5 جىلدان جوعارى ەكىنشى جەكەلەر تۇرعىن ءۇي الەۋمەتتىك قورى قارىز اقشاسىنىڭ ءوسىمى %2.775 جانە %3.325 كە رەتتەلدى.
قۇلاقتاندىرۋدا مىنالار ايقىندالدى: ءوسىم مولشەرى رەتتەلۋدەن ىلگەرى تاراتىلعان تۇرعىن ءۇي الەۋمەتتىك قورى قارىز اقشاسى 2025 - جىلى 1 - ايدىڭ 1 - كۇنىنەن باستاپ جاڭا ءوسىم مولشەرى بويىنشا اتقارىلادى، ءالى تاراتىلماعان تۇرعىن ءۇي الەۋمەتتىك قورى قارىز اقشاسى 5 - ايدىڭ 18 - كۇنىنەن باستاپ جاڭا ءوسىم مولشەرى بويىنشا اتقارىلادى.
اقپارات قۇرالدارىنىڭ مەجە ەسەبى بويىنشا، ءوسىم مولشەرى تومەندەتىلگەننەن كەيىن، 1 ميلليون يۋان قارىزدى 30 جىلعا قارىزعا العان العاشقى ءۇيدى مىسال ەتكەندە، ەركىن تۇردە قايتارۋ ءتاسىلىن قولدانسا، ايىنا قايتاراتىن اقشاسى 3834 يۋاننان 3680 يۋانعا تومەندەيدى، ايىنا 154 يۋان از تاپسىرۋعا بولادى؛ نەگىزگى سوما مەن ءوسىمدى تەڭ ەسەپتەپ قايتارۋ ءادىسىن قولدانعاندا، ايىنا قايتاراتىن سوماسى 4270.16 يۋاننان 4135.57 يۋانعا تومەندەيدى، ايىنا 134.59 يۋان از تاپسىرۋعا بولادى.
