شينحۋا اگەنتتىگىنىڭ 5 ـ ايدىڭ 22 ـ كۇنى بەيجيڭنەن بەرگەن حابارى. 5 ـ ايدىڭ 22 ـ كۇنى مەملەكەت ٴتوراعاسى شي جينپيڭ سۋلينگە تەلەگرامما جولداپ، ونىڭ ۆيەتنام سوتسياليستىك رەسپۋبليكاسىنىڭ ٴتوراعالىعىنا تاعايىندالعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن ۆيەتنام تاۋ ـ وزەنى تۇتاسقان سوتسياليستىك دوس كورشى ەل. بىلتىر مەن ۆيەتنامدا مەملەكەتتىك ساپاردا بولىپ، باس شۋجي رۋان فۋجۇڭمەن ستراتەگيالىق مانگە يە جۇڭگو _ ۆيەتنام تاعدىرلاس ورتاق تۇلعاسىن قۇرۋدى بىرگە جاريالاپ، جۇڭگو _ ۆيەتنام ەكى پارتيا، ەكى ەل قارىم ـ قاتىناسىنىڭ جاڭا پاراعىن اشتىق. مەن ەكى ەلدىڭ ٴارقايسى تاراۋلارىنىڭ، جەر ـ جەرىنىڭ جۇڭگو _ ۆيەتنام تاعدىرلاس ورتاق تۇلعاسى قۇرىلىسىن قاۋىرت ىلگەرىلەتىپ، بەلسەندى ىلگەرىلەۋشىلىكتەرگە قول جەتكىزىپ جاتقاندىعىن كورىپ قۋاندىم. مەن جۇڭگو _ ۆيەتنام قارىم ـ قاتىناسىنىڭ دامۋىنا ايرىقشا ٴمان بەرەمىن، ٴتوراعا جولداسپەن بىرگە قۇلشىنىپ، ستراتەگيالىق بايلانىستى ساقتاپ، جۇڭگو _ ۆيەتنام تاعدىرلاس ورتاق تۇلعاسى قۇرىلىسىنىڭ تەرەڭدەۋىنە، ناقتىلانۋىنا جەتەكشىلىك ەتىپ، ەكى ەل حالقىنا اناعۇرلىم كوپ قۇت ـ ىرىس اكەلۋدى قالايمىن.
