□ انار بۇلت \ شينجياڭ گازەتىنىڭ ٴتىلشىسى فان چيۇڭيان
شينجياڭعا كومەكتەسۋ سەلبەستىگىن تەرەڭدەتىپ، شينجياڭنىڭ تاماشا بولاشاعىن بىرگە تىلگە تيەك ەتتى. 5 ـ ايدىڭ 13 ـ كۇنى اۆتونوميالى رايوننىڭ كاسىپ سالاسى جاعىنان شينجياڭعا كومەكتەسۋدى شوعىرلى تانىستىرۋ قيمىلى قارامايلى قالاسىنىڭ ٴماجىلىس ـ كورمە ورتالىعىندا وتكىزىلدى.
شينجياڭعا باعىتتامالى كومەكتەسۋدەگى بۇرىنعى جۇپ قۇراۋ قاتىناسىن بۇزىپ، شوعىرلى تانىستىرۋ كولەمى بۇرىن بولىپ كورمەگەن دەڭگەيگە جەتتى... قيمىل ورنىندا جارقىن تۇيىندەر ارت ـ ارتىنان جارىققا شىقتى. اۆتونوميالى رايوننىڭ كاسىپ سالاسى جاعىنان شينجياڭعا كومەكتەسۋدى شوعىرلى تانىستىرۋ قيمىلى شينجياڭنىڭ جەر ـ جەرىنىڭ شينجياڭعا كومەكتەسەتىن ولكە، قالالارمەن كاسىپ سالاسى جانە ەكونوميكا ـ ساۋدا سەلبەستىگىن اناعۇرلىم تەرەڭدەتىپ، بۇكىل شينجياڭ كولەمىندە قارجى قوسىپ، شارۋاشىلىقتى گۇلدەندىرۋدىڭ تۇعىرى مەن مەحانيزمىن ورناتىپ، باسقا ولكە، قالالارداعى اناعۇرلىم كوپ كاسىپورىندى شينجياڭعا كەلىپ قارجى قوسىپ، شارۋاشىلىقتارىن گۇلدەندىرۋگە بەلسەنە جەتەكتەپ، ٴوزارا پايدا جەتكىزىپ، تەڭ يگىلىككە كەنەلۋدىڭ، سايكەستى دامۋدىڭ تىڭ ٴورىسىن اشتى.
شەكتى بۇزۋدى ىلگەرىلەتتى
سەلبەستىكتىڭ جاڭا ورايىن بىرگە جاراتتى
سول كۇنى ساعات 12 مولشەرىندە وسى رەتكى قيمىلدىڭ كوپتەگەن بولىمشە ٴماجىلىس الاڭىنا بارىپ، تانىستىرۋ قيمىلىنىڭ كومەك قابىلداۋشى ەكى جاق قانا ەمەس، قايتا ٴبىر تاراپ پەن كوپ تاراپ، كوپ تاراپ پەن كوپ تاراپ اياسىندا جۇرگىزىلگەنىن بايقادىق. ايتالىق، 3 ـ بولىمشە ٴماجىلىس الاڭىندا سانشي ولكەسىنىڭ، فۋجيان ولكەسىنىڭ، حىنان ولكەسىنىڭ، حۋنان ولكەسىنىڭ، حىبەي ولكەسىنىڭ شينجياڭعا كومەكتەسۋ الدىڭعى، ارتقى شەپ قىزمەت قۇرىلىمدارىنىڭ جانە قاتىستى ورىنداردىڭ ۋاكىلدەرى بار، اۆتونوميالى رايوندىق مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىنىڭ ۋاكىلدەرى، ٴۇرىمجى قالاسىنىڭ، سانجى حۇيزۋ اۆتونوميالى وبلىسىنىڭ، قۇمىل قالاسىنىڭ، تۇرپان قالاسىنىڭ، بايىنعولين موڭعۇل اۆتونوميالى وبلىسىنىڭ قاتىستى ورىندارى نىسانداردى تانىستىردى.
”جۇپ قۇراۋ قاتىناسىمەن شەكتەلىپ قالماي، شينجياڭعا كومەكتەسەتىن ولكە، قالالارداعى كاسىپورىنداردى بۇكىل شينجياڭدا قارجى قوسىپ شارۋاشىلىقتى گۇلدەندىرۋگە جەتەكتەۋ كەرەك“. اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى لۋ پىڭ وسى رەتكى كاسىپ سالاسى جاعىنان شينجياڭعا كومەكتەسۋدى شوعىرلى تانىستىرۋ قيمىلىنىڭ جارقىن تۇيىندەرىن تانىستىرعاندا بىلاي دەدى: جۇپ قۇراۋ قاتىناسىنىڭ شەگىن بۇزىپ، بۇكىل شينجياڭداعى 14 ايماق، وبلىس، قالانىڭ شينجياڭعا كومەكتەسەتىن 19 ولكە، قالامەن قوس باعىتتى ىقپالداساتىن كاسىپ سالاسى جاعىنان شينجياڭعا كومەكتەسۋ جانە كاسىپورىندار تانىستىرۋ قيمىلىن ورىستەتۋ ارقىلى باسقا ولكە، قالالارداعى اناعۇرلىم كوپ كاسىپورىندى شينجياڭعا كەلىپ شارۋاشىلىق قۇرىپ دامۋعا جەتەكتەپ، شينجياڭ ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن كۇش سالا ورناتۋ كەرەك.
”ٴبىز ىقىلاستى، جوعارى ٴونىمدى، ساپالى قىزمەت كورسەتۋگە قۇلشىنىپ، ٴاربىر قارجى قوسۋشىنىڭ وسى ارادا دەن قويا شارۋاشىلىق قۇرۋىنا، الاڭسىز قارجى قوسۋىنا، الاڭسىز دامۋىنا مۇمكىندىك جاسايمىز، كوپشىلىكپەن بىرگە ٴۇرىمجى سىندى وسىزاماندانعان قالانىڭ گۇلدەنۋىنە كۋا بولۋدى ٴۇمىت ەتەمىز“، ـ دەدى ٴۇرىمجى قالالىق پارتكومنىڭ ورىنباسار شۋجيى لان حۇيبين.
”شينجياڭ جوبا شىعارىپ، شينجياڭعا كومەكتەسەتىن ولكە، قالالارداعى كاسىپورىنداردى بۇكىل شينجياڭ كولەمىندە قارجى قوسىپ، شارۋاشىلىقتى گۇلدەندىرۋگە جەتەكتەپ، ٴبىزدىڭ كەلەسى قادامداعى قىزمەتىمىزگە ايقىن بەتالىس كورسەتتى. ٴبىز بەيجيڭنىڭ عىلىم ـ تەحنيكا، دارىندى، فينانس جاقتارىنداعى باسىمدىعىن ساۋلەلەندىرىپ، ساۋداگەر شاقىرىپ قارجى ەنگىزۋ ۇگىت قىزمەتىن ويداعىداي ىستەپ، ’بەيجيڭ كاسىپورىندارى +شينجياڭ بايلىعى‘، ’بەيجيڭ باس شتابى + شينجياڭ بازاسى‘ سەلبەستىك ۇلگىسىن قالىپتاستىرامىز“، ـ دەدى حوتان ايماقتىق پارتكومنىڭ ورىنباسار شۋجيى، بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابى پارتكومىنىڭ شۋجيى، قولباسشىسى لي جىسۇي.
...
ماجىلىسكە قاتىناسقان ۋاكىلدەر جابال مىنالاردى ٴبىلدىردى: شينجياڭنىڭ ستراتەگيالىق ورنىن مىقتاپ كوزدەۋ، كاسىپ سالاسىن شوعىرلاندىرا دامىتۋ، ىشكە، سىرتقا ەسىك اشۋ، بۇكىل ەلدىڭ ٴبىر تۇتاس ٴىرى بازار قۇرىلىسىمەن توعىسۋ سياقتى جوعارى ساپالى دامۋ مەن حالىق تۇرمىسىن جاقسارتۋداعى ٴتۇيىندى مىندەتتەردى ارقاۋ ەتىپ، شينجياڭنىڭ بايلىق ارتىقشىلىعىن، وڭىرلىك ورىن ابزالدىلىعىن جانە كاسىپ سالاسى نەگىزىن تياناق ەتىپ، شينجياڭعا باعىتتامالى كومەكتەسەتىن ولكە، قالالاردىڭ كاسىپ سالاسى ابزالدىلىعىن ونان ارى ساۋلەلەندىرىپ، سەلبەستىكتىڭ جاڭا ورايىن بىرگە جاراتامىز.
ماڭىزدى ٴتۇيىندى ورنالاستىردى
دامۋدىڭ جاڭا جاعدايىن بىرگە قالىپتاستىردى
سول كۇنى اۆتونوميالى رايوننىڭ كاسىپ سالاسى جاعىنان شينجياڭعا كومەكتەسۋدى شوعىرلى تانىستىرۋ قيمىلى ورنىندا 129 كاسىپورىن كەلىسىم جاساستى. مۇنىڭ ىشىندە 63 كاسىپورىن 51 ميلليارد 800 ميلليون يۋان قارجى قوسۋ كەلىسىمىنە قول قويىستى، 66 كاسىپورىن 120 ميلليارد يۋاننان استام نيەتناماعا جانە جۇلگەلىك كەلىسىمگە قول قويىستى، بۇل سيفرلى ەكونوميكا، جاڭا ەنەرگيا، اۋىل شارۋاشىلىق ونىمدەرىن وڭدەۋ، جابدىق جاساۋ سياقتى سالالارعا سايادى، شينجياڭنىڭ كاسىپ سالاسىنىڭ دامۋىنا تىڭ ومىرشەڭدىك كۇش قوستى.
رايونىمىزدىڭ كاسىپ سالاسى جاعىنان شينجياڭعا كومەكتەسۋ ورنالاستىرۋىنىڭ ٴتۇيىنى مىنالاردى قامتيدى: ”سەگىز ٴىرى كاسىپ سالاسى شوعىرى“ قۇرىلىسىن كورنەكتىلەندىرىپ، مۇناي، گاز، كومىر، كەن ونىمدەرى، جاڭا ەنەرگيا، جاڭا ماتەريال، استىق، ماي، ماقتا، جەمىس ـ جيدەك، كوكونىس، مال شارۋاشىلىعى ونىمدەرى سياقتى بايلىقتار مەن كاسىپ سالاسىن ارقاۋ ەتە وتىرىپ، كاسىپ سالاسىنىڭ ويىسۋىن، قابىلدايتىن ٴبىر توپ ۇلگى كورسەتۋ اۋماعىن جەتىلدىرۋ كەرەك. شينجياڭنىڭ ٴداستۇرلى كاسىپ سالاسىنىڭ تيپ جاڭالاپ، دارەجەسىن ٴوسىرۋىن قولداۋ، شينجياڭنىڭ ستراتەگيالىق جاڭادان گۇلدەنگەن كاسىپ سالالارىن بار كۇشپەن دامىتۋىن قولداۋ كەرەك. جىبەك جولى ەكونوميكالىق بەلدەۋى وزەكتى رايونى جانە جۇڭگو (شينجياڭ) ەركىن ساۋدا سىناق رايونى قۇرىلىسىن ٴجىتى قاداعالاپ، شينجياڭنىڭ جوعارى دەڭگەيدە سىرتقا ەسىك اشاتىن كاسىپ سالاسى ورنالاسىمىن قۇرۋىنا قولداۋ كورسەتۋ كەرەك. حالىقتىق قارجى قوسۋ ٴبىرشاما تومەن كاسىپ سالاسىمەن جانە وڭىرلەرمەن ۇشتاستىرىپ، قارجى قوسۋ، قارجى قۇراۋ سالاسىنىڭ ولقىلىقتارىن تولىقتاۋ كەرەك.
سول جەردىڭ وزىندە تەكسەرۋ ـ زەرتتەۋ بارىسىندا ٴبىر ـ بىرلەگەن نىساندار شينجياڭعا كومەكتەسەتىن 19 ولكە، قالانىڭ الدىڭعى، ارتقى شەپ قىزمەت قۇرىلىمدارىنا جانە قاتىستى ورىندارعا، كاسىپورىنداردىڭ ۋاكىلدەرىنە تەرەڭ اسەر قالدىردى. كوپشىلىك جاپپاي بىلاي دەپ قارادى: دامۋدىڭ جاڭا ارناسىن بىرگە قالىپتاستىرۋدا شينجياڭنىڭ كومەسكى كۇشى شەكسىز، كوپشىلىكتىڭ ارمانىن ورىنداۋىنا شەكسىز مۇمكىندىك جاراتتى.
”بۇل ارا كاسىپورىننىڭ قارجى قوسىپ، شارۋاشىلىقتى گۇلدەندىرۋىنە تاماشا نەگىز ازىرلەدى، وسى رەتكى كاسىپ سالاسى جاعىنان شينجياڭعا كومەكتەسۋدى شوعىرلى تانىستىرۋ قيمىلى ارقىلى كوپتەگەن دوستارىمنىڭ شينجياڭعا كەلىپ قارجى قوسۋ سەنىمدەرىنىڭ كۇشەيگەندىگىنە سەنەمىن“. شينجياڭ تيانجين توقىماشىلىق عىلم ـ تەحنيكا شەكتى سەرىكتەستىگىنىڭ القا باستىعى شۇي تىڭيۇن بىلتىر شينجياڭعا كەلىپ قىزمەت تەكسەرگەننەن كەيىن، كاسىپورىندى كۇشار قالاسىنا ورنالاستىرعاندىعىن ايتتى.
توپقا ٴبولىپ جالپىلاستىردى
دامۋدىڭ تىڭ جەتىسكتەرىنەن بىرگە يگىلىكتەندى
اۆتونوميالى رايوننىڭ كاسىپ سالاسى جاعىنان شينجياڭعا كومەكتەسۋدى شوعىرلى تانىستىرۋ تۇڭعىش قيمىلىنىڭ قارامايلى قالاسىندا وتكىزىلگەندىگىنە شاڭحاي قالاسىنان شينجياڭعا كومەككە كەلگەن كادر، قارامايلى قالالىق دامۋ جانە رەفورما كوميتەتىنىڭ ورىنباسار مەڭگەرۋشىسى جىڭ جى ايرىقشا جەلپىندى. ”وسى رەت قارامايلى قالاسى جالپى 20 نىسانعا قول قويىستى، مۇندا شاڭحايدىڭ سۋتەگى ەنەرگياسى سالاسىنداعى تەحنيكا باسىمدىعى مەن قارامايلى قالاسىنىڭ قازىرگى مۇناي، مۇناي حيميا كاسىپ سالاسىنىڭ تيپ جاڭالاۋداعى جاسىل دامۋ سۇرانىسى ٴبىر ـ بىرىنە باپ كەلدى، بۇل شاڭحايدىڭ قارامايلىعا كومەكتەسۋىندەگى ماڭىزدى كاسىپ سالاسىنا اينالادى“، ـ دەدى ول.
تانىستىردى، قول قويىستى، قىزمەت تەكسەردى، تەكسەرۋ ـ زەرتتەۋ جۇرگىزدى... وسى رەتكى اۆتونوميالى رايوندىق دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مەڭگەرمەسى، ساۋدا ىستەرى مەڭگەرمەسى، ساۋدا ـ ونەركاسىپشىلەر بىرلەستىگى بىرگە باستاعان شينجياڭعا كاسىپ سالاسى جاعىنان كومەكتەسۋدى شوعىرلى تانىستىرۋ قيمىلى ىزدەنىس جاساي وتىرىپ قورىتىندىلادى، مۇنداعى ماقساتى كاسىپ سالاسى جاعىنان شينجياڭعا كومەكتەسۋدى ٴبىر تۇتاس جوسپارلاپ سايكەستىرۋدىڭ، ٴتۇيىلىستىرۋدىڭ، بايلانىس جاساۋدىڭ، بىرلەسىپ تانىستىرۋدىڭ جانە قىزمەت وتەۋدى قامتاماسىزداندىرۋدىڭ ٴونىمدى جولىن قالىپتاستىرۋعا ىزدەنىس جاساۋ.
”قاتىستى كەلىسىم جاساسۋ نىساندارىنىڭ ناقتىلانۋىن، تياناقتانۋىن مىقتى يگەرۋ كەرەك“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى چىڭ دوفۋ مىنالاردى ٴبىلدىردى: اۆتونوميالى رايوننىڭ ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتىپ، شينجياڭنىڭ بايلىق ارتىقشىلىعىنا، وڭىرلىك ورىن باسىمدىعىنا جانە كاسىپ سالاسى نەگىزىنە سۇيەنىپ، 3 جاقتاعى قىزمەتتى ويداعىداي ىستەۋ كەرەك: جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالالارىن ٴتۇيىندى قولداۋ؛ ٴداستۇرلى كاسىپ سالاسىنىڭ سيفرلانعان، زەردەلىلەنگەن، جاسىلدانعان جاڭالانۋىن كۇشەيتۋ؛ 14 ايماق، وبلىس، قالانىڭ ەرەكشە باسىمدىعىن ارقاۋ ەتىپ، شينجياڭ ەرەكشەلىگى مەن باسىمدىعىنا يە كاسىپ سالاسى شوعىرىن تۇلعالاۋ كەرەك.
مەملەكەتتىك دامۋ جانە رەفورما كوميتەتىندەگى قاتىستى تاراۋدىڭ جاۋاپتىسى مىنالاردى ٴبىلدىردى: بۇل رەتكى قيمىلدىڭ تابىستى وتكىزىلۋى كاسىپ سالاسى جاعىنان شينجياڭعا كومەكتەسۋگە جاڭا تۇعىر ازىرلەدى، جاڭا بولاشاق اشتى، شينجياڭنان، شينجياڭعا كومەكتەسەتىن ولكە، قالالاردىڭ جانە قالىڭ كاسىپورىنداردىڭ قوس باعىتتى ىقپالداستىق پەن ەكونوميكالىق اۋىس ـ كۇيىستى، سەلبەستىكتى كۇشەيتىپ، كاسىپ سالاسى جاعىنان شينجياڭعا كومەكتەسۋدىڭ باسىمدىقتارى ارقىلى ٴوزارا تولىقتاۋدىڭ، سەلبەسىپ دامۋدىڭ، ٴوزارا پايدا جەتكىزىپ، تەڭ يگىلىككە كەنەلۋدىڭ جاڭا ساتىسىنا ٴوتۋدى ىلگەرىلەتۋىن ٴۇمىت ەتەمىن.
بۇدان كەيىن اۆتونوميالى رايوندىق دامۋ جانە رەفورما كوميتەتى (شينجياڭعا كومەكتەسۋ كەڭسەسى) مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىمەن، ونەركاسىپ جانە ينفورماتسيالاندىرۋ مەڭگەرمەسىمەن، ساۋدا ىستەرى مەڭگەرمەسىمەن، ساۋدا ـ ونەركاسىپشىلەر بىرلەستىگىمەن ”سىرتقا شىعارۋدى“، ”شاقىرىپ اكەلۋدى“ ٴوزارا ۇشتاستىرۋ ٴتاسىلىن قولدانىپ، قاتىستى ايماق، وبلىس، قالالاردى شينجياڭعا كومەكتەسەتىن ولكە، قالالاردىڭ كاسىپ سالاسى بايلىعىمەن بەلسەنە تۇيىلىسۋگە ۇيىمداستىرىپ، توپ ـ رەتكە ٴبولىپ قاتىستى ايماق، وبلىس، قالالاردا جۇپ قۇراۋ قاتىناسىمەن شەكتەلمەيتىن كاسىپ سالاسى جاعىنان شينجياڭعا كومەكتەسۋدى شوعىرلى تانىستىرۋ قيمىلىن ورىستەتەدى.
