شينحۋا اگەنتتىگىنىڭ 5 ـ ايدىڭ 26 ـ كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 5 ـ ايدىڭ 26 ـ كۇنى مىنانى جاريالادى: جۇڭگو _ اراب ەلدەرى ەكى جاق ورتاق كەلىسۋ ارقىلى جۇڭگو _ اراب ەلدەرى سەلبەستىك تالقى مىنبەرىنىڭ 10 ـ كەزەكتى مينيستر دارەجەلىلەر ٴماجىلىسىن 5 ـ ايدىڭ 30 ـ كۇنى بەيجيڭدە وتكىزۋدى بەكىتتى. مەملەكەت ٴتوراعاسى شي جينپيڭ ٴماجىلىستىڭ اشىلۋ سالتىنا قاتىناسادى ٴارى ارقاۋ ٴسوز سويلەيدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي اراب ەلدەرى جاعىنىڭ ٴتوراعاسى، ماۆريتانيانىڭ سىرتقى ىستەر مينيسترى مارزۋكپەن بىرگە ٴماجىلىستى باسقارادى. اراب ەلدەرىنىڭ سىرتقى ىستەر مينيسترلەرى نەمەسە ۋاكىلدەرى، سونداي ـ اق اراب ەلدەرى وداعىنىڭ باس حاتشىسى ماجىلىسكە قاتىناسادى.
