5 - ايدىڭ 27 - كۇنى، ءتىلشى شينجياڭ وقۋ - اعارتۋ ەمتيحانى مەكەمەسىنەن مىنالاردى ۇعىستى: شينجياڭنىڭ جوعارى مەكتەپكە وقۋشى قابىلداۋ ساياساتىن ۇگىتتەۋ، كەڭەس بەرۋ جينالىسى 6 - ايدىڭ 27 - كۇنى ءۇرىمجى قالاسىندا وتكىزىلەدى ەكەن.
شينجياڭ وقۋ - اعارتۋ ەمتيحانى مەكەمەسىنىڭ قاتىستى جاۋاپتىسى مىنانى ءبىلدىردى: شينجياڭنىڭ 2024 - جىلعى تۇڭعىش جوعارى مەكتەپكە وقۋشى قابىلداۋ ساياساتىن ۇگىتتەۋ، كەڭەس بەرۋ جينالىسى 4 - ايدىڭ 14 - كۇنى ءۇرىمجى قالاسىندا وتكىزىلگەن سوڭ جاقسى اڭىس قوزعادى، ەمتيحان تاپسىراتىن وقۋشىلار، اتا - انالار جانە جوعارى مەكتەپتەردىڭ تالابىنا ساي، جوعارى مەكتەپ ەمتيحانىنىڭ ناتيجەسى، ورىن رەتى، ءنومىر شەگى جاريالانعان سوڭ، شينجياڭ تاعى دا ءۇرىمجى قالاسىندا جوعارى مەكتەپكە وقۋشى قابىلداۋ ساياساتىن ۇگىتتەۋ، كەڭەس بەرۋ جينالىسىن وتكىزەدى.
6 - ايدىڭ 27 - كۇنى وتكىزىلەتىن كەڭەس بەرۋ جينالىسىن شينجياڭ وقۋ - اعارتۋ ەمتيحانى مەكەمەسى ۇيىمداستىرادى، شينجياڭ گازەتشىلىك تاراتۋ مەدياسى (توبى) شەكتى سەرىكتەستىگى ۇستىنە الىپ وتكىزەدى. كەڭەس بەرۋ جينالىسىنىڭ ورنى ءۇرىمجى قالاسى سايباق رايونى شين - ي جولى 102 - ءنومىر شينجياڭ شىفان داشۋەسىنە (كۇنلۇن مەكتەپ رايونى) ورنالاستىرىلدى، ۋاقىتى: 6 - ايدىڭ 27 - كۇنى ساعات 10نان 30 مينۋتتان ساعات 18گە دەيىن.
سول كەزدە، ەلىمىزدىڭ جەر - جەرىنەن كەلگەن جوعارى مەكتەپتىڭ وقۋشى قابىلداۋ كەڭسەسىنىڭ وقىتۋشىلارى ناق مايداندا جوعارى مەكتەپكە وقۋشى قابىلداۋ ساياساتى، كاسىپتەر جونىندە تۇسىنىك بەرۋ، باۋلۋ ۇلگىسى، جۇمىستانۋ احۋالى سياقتىلارعا قاتىستى وقۋشى قابىلداۋ ساياساتتاردى تانىستىرادى، ءارى ەمتيحان تاپسىرۋشىلارمەن، اتا - انالارمەن بەتپە - بەت اۋىس - كۇيىس جاساپ، تالاپ تولتىرۋ، قابىلداۋ باسقىشى، كاسىپتەردىڭ ورنالاستىرىلۋى سياقتى جاقتارداعى ماسەلەلەرگە تۇسىنىك بەرەدى.
سول كۇنى شينجياڭ وقۋ - اعارتۋ ەمتيحانى مەكەمەسى ارناۋلى كەڭەس بەرۋ تەكشەسىن قۇرىپ، ەمتيحان تاپسىرۋشىلاردىڭ، اتا - انالاردىڭ جوعارى مەكتەپكە وقۋشى قابىلداۋعا قاتىستى سۇراۋلارىنا جاۋاپ بەرەدى.
”جوعارى مەكتەپ ەمتيحانى ءومىردىڭ ماڭىزدى بۇرىلىسى، جوعارى مەكتەپكە وقۋشى قابىلداۋعا كەڭەس بەرۋ جينالىسى ارقىلى ەمتيحان تاپسىرۋشىلار مەن اتا - انالارعا جان - جاقتىلى، كاسىپتىك نۇسقاۋ كورسەتىپ، ولاردىڭ تالاپتى ءدال تولتىرۋىنا كومەكتەسسەك دەيمىز“،- دەدى شينجياڭ وقۋ - اعارتۋ ەمتيحانى مەكەمەسىنىڭ قاتىستى جاۋاپتىسى.
شينجياڭ وقۋ - اعارتۋ ەمتيحانى مەكەمەسى بارشا ەمتيحان تاپسىرۋشىلار مەن اتا - انالارعا مىنانى ەسكەرتەدى:
جوعارى مەكتەپكە وقۋشى قابىلداۋ ساياساتىن ۇگىتتەۋ، كەڭەس بەرۋ جينالىسى الەۋمەتتىك يگىلىك قيمىلى ەمتيحان تاپسىرۋشىلاردان، اتا - انالاردان ەشقانداي قاراجات جينالمايدى، ەشقانداي تاربيەلەۋ قۇرىلىمىمەن، پىسىقتاۋ قۇرىلىمىمەن، تالاپ تولتىرۋعا نۇسقاۋشىلىق ەتۋ قۇرىلىمىمەن سەلبەستىك ورناتقان ەمەس. ۇيىمداستىرۋشى جاق، ۇستىنە الۋشى جاق، سەلبەسۋشى ورىندار ەشقانداي باسقا قۇرىلىمداردىڭ كەڭەس بەرۋ ءماجىلىسىنىڭ اينالىمىنا ات سالىسۋىنا ۇقىق بەرگەن ەمەس. بۇدان تىس، ءارقايسى ايماقتاعى (وبلىس، قالا) بارشا ەمتيحان تاپسىرۋشىلار مەن اتا - انالاردىڭ جاقىن ماڭداعى جوعارى مەكتەپ وقۋشى قابىلداۋشى وقىتۋشىلارىمەن بەتپە - بەت اۋىس - كۇيىس جاساۋىنا، جوعارى مەكتەپتەردىڭ وقۋشى قابىلداۋ ينفورماتسياسىن قابىلداۋىنا مۇمكىندىك جاساۋ ءۇشىن، ءارقايسى ايماقتىڭ (وبلىس، قالا) وقۋ - اعارتۋ مەكەمەسى ۇيىمداستىرعان، شينجياڭ گازەتشىلىك تاراتۋ مەدياسى (توبى) شەكتى سەرىكتەستىگى ۇستىنە العان، ايماق، وبلىستارداعى جوعارى مەكتەپكە وقۋشى قابىلداۋ ساياساتىن ۇگىتتەۋ، كەڭەس بەرۋ جينالىسىن وڭتۇستىك، سولتۇستىك شينجياڭداعى كوپتەگەن قالالاردا وتكىزۋ جوسپارعا الىندى.
