اۆتونوميالى رايوننىڭ ساياحاتتى دامىتۋ جينالىسى جاڭا سيگنال تاراتتى
□ انار بۇلت \ شينجياڭ گازەتىنىڭ ٴتىلشىسى رىن جياڭ
جاڭبىردان كەيىن كۇن شايداي اشىلدى. 5 ـ ايدىڭ 27 ـ كۇنى 2024 ـ جىلعى اۆتونوميالى رايوننىڭ ساياحاتتى دامىتۋ جينالىسى تۇرپان قالاسىندا اشىلىپ، 500گە تارتا جۇڭگولىق، شەتەلدىك سيلى قوناق ”وتتى القاپتا“ باس قوسىپ، ساياحاتتى دامىتۋ ۇلى جوسپارىن بىرگە اقىلداستى. مادەنيەت جانە ساياحات مينيسترلىگى ”شينجياڭ جاقسى جەر“ شينجياڭ ساياحاتتىق تۇتىنۋى ارناۋلى ارەكەت جوسپارىن جاريالادى، بۇكىل شينجياڭداعى 14 ايماق، وبلىس، قالانىڭ نەگىزگى جاۋاپتى جولداستارى شينجياڭنىڭ بايتاق تا كوركەم جەر ـ سۋىن تانىستىردى، اۆتونوميالى رايوننىڭ حالىقارالىق ساياحات ساۋداگەرلەرى جينالىسى وتكىزىلدى، شينجياڭنىڭ مادەنيەت ـ ساياحات ۇگىت جارشىلارىنا اتاق تاقتاسى بەرىلدى... جاز باسى مەزگىلىندە باس قوسىپ، مادەنيەت ـ ساياحات سالتاناتتى ىستەرىنە بىرگە كۇش ۇستەدى. اۆتونوميالى رايوننىڭ ساياحاتتى دامىتۋ جينالىسى شينجياڭدا جىلىنا ٴبىر رەت وتكىزىلەتىن مادەنيەت ـ ساياحات سالتاناتتى جينالىسى بولىپ قانا قويماي، ونان دا ماڭىزدىسى، قوعامداعى ٴار سالانىڭ جاپپاي نازار اۋدارۋىنا بولەنگەن مادەنيەت ـ ساياحات سەلبەستىك، اۋىس ـ كۇيىس تۇعىرى. 2024 ـ جىلعى اۆتونوميالى رايوننىڭ ساياحاتتى دامىتۋ جينالىسى تاعى قانداي جاڭا سيگنالدار تاراتتى؟
نازاردى ارمان القابىنا شوعىرلاندىردى
جوعارى ساپالى دامۋعا دەم بەردى
قويناۋى تەرەڭ قارلى تاۋ، كەڭ كوسىلگەن جايلىم، كوگىلدىر كول، جايقالعان جاسىل القاپ، ۇشى ـ قيىرسىز قۇبا ٴتۇز، كوز جەتكىسىز قۇمدىق، ۇزىننان ـ ۇزاق تارتىلعان بايىرعى جول... بۇكىل شينجياڭداعى 14 ايماق، وبلىس، قالا جانە شينجياڭ ٴوندىرىس ـ قۇرىلىس بيڭتۋانى دەن قويا جوسپارلاپ كەسكىنگە تۇسىرگەن ساياحات تانىستىرۋ قىسقا فيلمىندە بايتاق تا كوركەم شينجياڭ ايشىقتالىپ، اسەم كارتينا جينالىسقا قاتىناسقان سيلى قوناقتاردى تامساندىرسا، ال وسى رەتكى ساياحاتتى دامىتۋ جينالىسىنىڭ شينجياڭ ساياحاتىن جوسپارلاۋى، ورنالاستىرۋى ساياحات كاسىبى سالاسىنداعىلاردىڭ سەنىمىن ەسەلەپ ارتتىردى.
”حوتان ايماعى وسى رەتكى ساياحاتتى دامىتۋ جينالىسىن وراي، كۇنلۇن مادەنيەتى، جۇڭحۋا قاس تاسى مادەنيەتى سياقتىلارى تۇتقا ەتىپ، تاريحي مادەنيەت ٴمانىن تەرەڭ اشىپ، شينجياڭ كۇنلۇن تاۋى 5A دارەجەلى ساياحات كورىنىس اۋماعىن قۇرۋدى ىلگەرىلەتىپ، كۇنلۇن مادەنيەت باقشاسىن، حوتان قاس تاسى مۇراجايىن تۇلعالاپ، مادەنيەت ـ ساياحاتتىڭ دامۋ نەگىزىن ۇزدىكسىز بەكەمدەيدى؛ حوتان قاس تاسى مادەنيەت ـ ساياحات مەرەكەسىن وتكىزۋ، كۇنلۇن مادەنيەت جەلىلەس اۋىس ـ كۇيىس قيمىلىن ورىستەتۋ ارقىلى مادەنيەت ارقىلى ساياحاتقا قۋات ۇستەپ، تۇتاس تۇلعالىق قىزمەتتە ساتىعا كوتەرىلۋدى، ەرەكشەلىككە يە قىزمەتتە بىرەگەيلەردى جاراتۋدى، ٴتۇيىندى قىزمەتتە وزاتتىققا ۇمتىلۋدى جۇزەگە اسىرادى“، ـ دەدى حوتان ايماقتىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى جوۋ نىڭۋىن.
”وسى رەتكى ساياحاتتى دامىتۋ جينالىسىنىڭ اشىلۋى اۆتونوميالى رايوندىق پارتكوم مەن ۇكىمەتتىڭ باس شۋجي شي جينپيڭنىڭ ساياحات قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرگەندىگىن، تياناقتاندىرعاندىعىن، مادەنيەت جانە ساياحات كاسىپ سالاسىنىڭ دامۋىن بۇرىنعىداي مىقتى يگەرەتىن ستراتەگيالىق تاباندىلىعى مەن باتىل بەكىمىن تولىق ايگىلەدى، سونداي ـ اق ٴبىزدىڭ مادەنيەت ـ ساياحات كاسىپ سالاسىن دامىتۋىمىزعا قۋاتتى قوزعاۋشى كۇش ۇستەدى“. تارباعاتاي ايماقتىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى چاي حۇڭحۋا: الداعى جەردە تارباعاتاي ايماعىنىڭ وزەكتى ساياحات كورىنىس اۋماعىن قۇرۋدى ونان ارى ىلگەرىلەتىپ، سارا ساياحات جەلىسىن شىعارىپ، مادەنيەت ـ ساياحات نىساندارى قۇرىلىسىن تەزدەتىپ، ساياحات جەلىسى بويىنداعى جانە كورىنىس اۋماقتارىنداعى نەگىزدىك قۇرىلعىلاردىڭ دەڭگەيىن كوتەرىپ، تارباعاتايدىڭ مادەنيەت جانە ساياحات جاڭا ونىمدەرىن، جاڭا كاسىپ كۇيىن جان ـ جاقتى، كوپ ساتىلى ويداعىداي ۇگىتتەيمىز، ـ دەدى.
”ٴبىز ٴوز كاسىبىمىزدى ۇزدىكسىز تياناق ەتىپ، شينجياڭنىڭ اسا كوركەم وزەن ـ تاۋلارىن ساپالى بەينەجازبا فورماسىمەن ۇگىتتەپ، جالپىلاستىرىپ، مازمۇندى ونىمگە اينالدىرۋدى، جۇيەلىلەندىرۋدى اناعۇرلىم ىلگەرىلەتىپ، جۇڭگونىڭ شينجياڭ حيكاياسىن ويداعىداي بايانداپ، اناعۇرلىم كوپ ادامنىڭ شينجياڭعا كەلۋىنە، شينجياڭدى سۇيۋىنە مۇمكىندىك جاسايمىز“، ـ دەدى شينجياڭ ياسى مادەنيەتتى دامىتۋ شەكتى سەرىكتەستىگىنىڭ ورىنباسار باس ديرەكتورى مەي جىجۇن.
كاسىپ سالاسىنىڭ دامۋىن ارقاۋ ەتتى
وراي مەن سەنىم بىرگە كەلدى
وسى رەتكى ساياحاتتى دامىتۋ جينالىسىندا ادامداردىڭ نازارىن ەڭ اۋدارعان قيمىلداردىڭ ٴبىرى مادەنيەت جانە ساياحات مينيسترلىگى جاريالاعان ”شينجياڭ جاقسى جەر“ شينجياڭ ساياحاتتىق تۇتىنۋى ارناۋلى ارەكەت جوسپارى بولدى، جوسپار ساياحاتشى قاينارى، نىسانالى جەر، ونىممەن قامداۋ، قاتىناس بويىنشا قىزمەت كورسەتۋ، ۇگىتتەۋ ـ جالپىلاستىرۋ سىندى 5 جاقتى ارقاۋ ەتە وتىرىپ قارجى ۇسىنىلىمى مەن بايلىق جاعىنان بەيىمدەلىپ، شينجياڭنىڭ ساياحاتىنا ناقتى ”ۇلكەن سي“ ۇسىندى.
اۆتونوميالى رايوندىق مادەنيەت جانە ساياحات مەڭگەرمەسى كاسىپ سالاسىن دامىتۋ باسقارماسىنىڭ باستىعى تاڭ ۋىن مىنالاردى ٴبىلدىردى: شينجياڭ پارمەندى شارا قولدانىپ، تۇتىنۋدى ونان ارى جانداندىرىپ، ساياحاتتىق تۇتىنۋدىڭ كومەسكى كۇشىن قاۋلاتادى، ”نىسان قۇرىلىسىن مىقتى يگەرىپ، كاسىپ سالاسىنىڭ ورنالاسۋىنا ساي، بۇكىل شينجياڭداعى ٴتۇيىندى مادەنيەت ـ ساياحات نىساندارىن سالالاۋدى ويداعىداي ىستەپ، قوعامدىق كاپيتالدى ەنگىزۋ، سىرتتان ساۋداگەر شاقىرۋ سياقتى تاسىلدەر ارقىلى مادەنيەت ـ ساياحات نىساندارى قۇرىلىسىن ىلگەرىلەتەدى. سونىمەن بىرگە شينجياڭ مادەنيەت پەن ساياحاتتى ىشكەرىلەي توعىستىرۋدى ۇزدىكسىز ىلگەرىلەتىپ، جارىسقا ىلەسە ساياحاتتاۋ، ويىن ـ ساۋىققا ىلەسە ساياحاتتاۋ، كينو ـ تەلەۆيزياعا ىلەسە ساياحاتتاۋ سياقتى قيمىلداردى اناعۇرلىم ىلگەرىلەتىپ، ناعىز جاقسى بايلىقتى جاڭالىق اشاتىن كاسىپ سالاسى ارقىلى جاقسى ونىمگە اينالدىرىپ، قالىڭ ساياحاتشىلاردىڭ قاجەتىن قاناعاتتاندىرىپ، تۇتىنۋدى ٴونىمدى تۇردە جەبەيدى“.
وسى رەتكى ساياحاتتى دامىتۋ جينالىسىنا قاتىناسقان شينجياڭ حۋانلى شىڭديان مادەنيەت ـ ساياحات شەكتى سەرىكتەستىگىنىڭ القا باستىعى لين جۇڭيدە اناعۇرلىم كوپ وي مەن جوسپار بار. بيىلعى جۇڭگو ساياحات كۇنىندە بۇل سەرىكتەستىك ونسۋ اۋدانىندا كولەمدى ساعىم ويىنىن قويدى، العاشقى كۇنى تاماشالاۋشىلار 110 مىڭ ادامعا (رەت) جەتتى. ”بۇل كۇندەرى وڭتۇستىك شينجياڭ ساياحات بازارىنىڭ كومەسكى كۇشىن قالاي اشۋدى ويلاپ كەلدىم“، ـ دەدى لين جۇڭي، ـ قازىر وسى ساياحات ويىن ـ ساۋىق نىسانى ونسۋ اۋدانىنا تياناقتاندى، سەرىكتەستىك ٴتىپتى دە كوپ نىسانداردى وڭتۇستىك شينجياڭنىڭ جەر ـ جەرىنە تياناقتاندىرۋدى جوسپارلاپ وتىر، سونداي ـ اق وڭتۇستىك شينجياڭنىڭ ساپالى ساياحات ويىن ـ ساۋىق بايلىعىن نىسانعا اينالدىرىپ، شينجياڭنان شىعىپ، بۇكىل ەلگە بەت الۋدى جوسپارلاۋدا.
شينجياڭ ساياحات كاسىپ سالاسىنىڭ قارىشتاپ دامىعان جاعدايى كاسىپ سالاسىنداعى قايراتكەرلەردىڭ سەنىمىن ونان ارى بەكەمدەپ، جىگەرىن ونان ارى تاسقىنداتتى. ”جۋىقتا ٴبىز مىنا 3 جاقتاعى قىزمەتتى ٴتۇيىندى تۇردە ويداعىداي ىستەيمىز: ’شينجياڭدى ىركىلىسسىز ساياحاتتاۋ جوسپارىن‘ كۇش سالا ىلگەرىلەتىپ، مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىنداردىڭ رولىن ساۋلەلەندىرىپ، تاماق، جاتىن ورىن، ٴجۇرىس ـ تۇرىس، ساياحات، زات ساتىپ الۋ، كوڭىل اشۋ سياقتى جاقتارداعى فاكتورلار مەن تۇتىنۋ ورتاسىن بازارلاندىرا بىرىكتىرىپ، بۇكىل شينجياڭ ساياحاتىن ٴبىر تۇتاس جۇيە ەتىپ قالىپتاستىرىپ، ساياحاتتىڭ وزىندىك قۇنىن شىن مانىندە تومەندەتىپ، تۇتىنۋعا تۇرتكى بولىپ، بايلىقتىڭ سايكەسۋىن جەبەيمىز؛ ٴوز كولىگىمەن ساياحاتتاۋ، ەركىن ساياحاتتاۋ سالىستىرماسىنىڭ ۇزدىكسىز جوعارىلاۋ بەتالىسىنا مەڭزەس، بۇكىل شينجياڭدا ٴوز كولىگىمەن ساياحاتتاۋ بويىنشا ينتەرنەت جەلىسىندە جانە جەلىدەن تىسقارى قىزمەت وتەۋ تۇعىرىن ورنالاستىرىپ جانە قۇرىپ، ساياحاتشىلاردىڭ ساياحاتتاۋى ٴۇشىن اناعۇرلىم قولايلى، جوعارى ٴونىمدى ٴجۇرىس ـ تۇرىس ونىمدەرىن قالىپتاستىرامىز. سونىمەن بىرگە ساياحاتتىڭ ٴتۇرلى فاكتورلارىن بىرىكتىرىپ، ساياحاتشىلاردىڭ سەزىنۋ اسەرىن كۇشەيتىپ، ساياحاتشىلارعا اناعۇرلىم جوعارى ساپالى قىزمەت وتەۋ ازىرلەيمىز؛ زەردەلى ساياحاتتى كۇش سالا ىلگەرىلەتىپ، ساندى مالىمەتتەردى كادەگە جاراتۋعا، عىلىم ـ تەحنيكانى تىرەك ەتۋگە سۇيەنىپ، شينجياڭ ساياحاتىنىڭ اناعۇرلىم جاقسى دامۋىن ىلگەرىلەتەمىز“، ـ دەدى شينجياڭ مادەنيەت ـ ساياحات قارجى قوسۋ توبى شەكتى سەرىكتەستىگى پارتكومىنىڭ ورىنباسار شۋجيى، باس ديرەكتور ليۋ راڭچۇن.
اۋىس ـ كۇيىستى، سەلبەستىكتى تەرەڭدەتتى
كورىنىس ماڭگى الدىدا
جولداسىڭ بولسا جول الىستىق ەتپەيدى. تۇڭعىش رەت وتكىزىلگەن اۆتونوميالى رايوننىڭ حالىقارالىق ساياحات ساۋدا جينالىسىندا ەل ٴىشى ـ سىرتىنداعى ساياحات ساۋداگەرلەرى ٴبىر ارادا باس قوسىپ، اۋىس ـ كۇيىس، سەلبەستىك ارقىلى ساياحاتتىڭ دامۋىن ىلگەرىلەتۋ ۇلى جوسپارىن بىرگە اقىلداستى.
”وتباسىمداعىلار، دوستارىم جانە كوپتەگەن قوناقتارىمنىڭ ٴبارىنىڭ شينجياڭ سىندى كەرەمەت جەرگە قاتتى كەلگىسى كەلەدى، ولاردى شينجياڭدا كەڭىنەن ساياحاتتاپ، بايىرعى جىبەك جولىنىڭ شۇعىلالى وركەنيەتىن زەردەلىلەۋگە جانە تاريحي ەسكى جۇرتتاردى ارالاۋعا تەزىرەك باستاپ اكەلسەم دەيمىن“. گەرمانيا مايا ساياحات سەرىكتەستىگىنىڭ اتقارۋشى جوراسى جواشىم ماركۇس كاسپاريدىڭ بۇل ٴسوزى سول ورىنداعى جۇڭگولىق، شەتەلدىك ساياحات ساۋداگەرلەرىنىڭ جۇرەك ٴسوزىن جەتكىزگەندەي بولدى.
جينالىستىڭ اۋىس ـ كۇيىس، كەڭەس بۋىنىندا جۇڭگو مەن شەتەلدىڭ ساياحات ساۋداگەرلەرىنىڭ اۋىس ـ كۇيىسى وتە كوڭىلدى بولىپ، بولاشاقتاعى سەلبەستىكتەن زور ٴۇمىت كۇتتى.
”ٴبىز تەز، قولايلى قىزمەت وتەۋ ازىرلەپ، اناعۇرلىم كوپ حالىقارالىق ساياحاتشىلاردى شينجياڭعا كەلۋگە باۋرايمىز“. شيەچىڭ توبىنىڭ ورىنباسار ٴتوراعاسى، ۇكىمەت سەلبەستىك ٴبولىمىنىڭ باس ديرەكتورى جاڭ شۇي وسىنى ٴبىلدىردى. شيەچىڭ توبى ەل ىشىندەگى ينتەرنەت جەلىسى ساياحات تۇعىرلارىنىڭ ىشىندە شينجياڭدا ٴىس باسقارۋ ورنىن قۇرعان بىردەن ـ ٴبىر سەرىكتەستىك. شيەچىڭ توبىنىڭ جاتاق ىستەرى شوعىرى ينتەرنەت جەلىسىنە شىقتى ٴارى بۇكىل شينجياڭداعى 10 مىڭ 276 قوناق ۇيگە، حالىقتىق تۇسەلحاناعا قىزمەت كورسەتەدى، ۇشاق بەلەتى ىستەرى شوعىرى ەل ٴىشى ـ سىرتىنداعى شينجياڭعا قاتىستى 83 اۋە لەنياسىن قامتيدى، ساياحات ىستەرى شوعىرى بۇكىل شينجياڭداعى 356 كورىنىس ٴوڭىرىن، كورىنىس تۇيىندەرىن، شينجياڭ دەمالىس جەلىلەرىمەن قامداۋشى 1080 ساۋداگەردى، ينتەرنەت جەلىسىنە قوسىلعان 29 مىڭ 430 ساياحات جەلىسى ونىمدەرىن قامتيدى، ارنا ىستەرى ٴبولىمى شينجياڭدا 30 ساياحات دۇكەنىن اشتى. شيەچىڭنىڭ جالپى 5 دەمالىس ساياجايى شينجياڭعا ىرگە تەپتى.
”ٴبىز شينجياڭدا ۇزاق بولاشاقتىق ورنالاستىرۋ جاساپ، ساياحات كاسىبىن شينجياڭنىڭ وڭىرلىك تىرەكتى كاسىپ سالاسى ەتىپ قۇرىپ شىعۋداعى كۇش سالۋ ٴتۇيىنىن ارقاۋ ەتىپ، شينجياڭنىڭ مادەنيەت ـ ساياحات تيجاراتى ۇگىتى، كاسىپ سالاسىن ورنالاستىرۋ، تۇتىنۋدى جەبەۋ سياقتىلاردىڭ قارقىندى دامۋىنا دەم بەرەمىز. بىرگە شەتەل ساياحاتشىلارىن بەتكە الىپ جۇڭگونىڭ شينجياڭ حيكاياسىن ويداعىداي بايانداپ، مادەنيەت ـ ساياحات كاسىپ سالاسىنىڭ جاڭاشا وندىرگىش كۇشىن جەدەل جەتىلدىرىپ، شينجياڭنىڭ مادەنيەت ـ ساياحات كاسىپ سالاسىنىڭ جاڭالىق اشا دامۋىن جانە جاپپاي دارەجەسىن جوعارىلاتۋىن جەبەيمىز“، ـ دەدى جاڭ شۇي.
ەل ىشىندەگى وزىق جالپىلىق سيپاتتى ساياحاتقا قىزمەت وتەۋ تۇعىرى رەتىندە، تۇڭچىڭ ساياحات سەرىكتەستىگى دە شينجياڭنىڭ مادەنيەت ـ ساياحات كاسىپ سالاسىنىڭ جوعارى ساپالى دامۋىن بىردەي ۇزاق ۋاقىت قولداپ، شينجياڭنىڭ مادەنيەت ـ ساياحات كاسىپ سالاسىنىڭ ٴار سالاداعى نىساندارىنا بەلسەنە ات سالىستى، قازىر شينجياڭداعى كاسىپتەرى ساياحات ونىمدەرى جەلىسىن اشۋ، نىسانالى جەردە شارۋاشىلىق ـ ساۋدا جۇرگىزۋ، اۋە لەنياسىن ورنالاستىرۋ، قوناق ٴۇي كاسىپ سالاسى تىزبەگىنە قارجى قوسۋ سياقتى كوپ جاقتى قامتيدى. ”ٴبىز قاتىستى نىسانداردى ۇزدىكسىز كەمەلدەندىرەمىز، دامىتامىز. مىسالى، شينجياڭنىڭ بايلىق قاسيەتى نەگىزىندە تۇڭچىڭ ساياحات سەرىكتەستىگى تۇعىر باسىمدىعىنان پايدالانىپ، ەرەكشەلىككە يە ٴبىر توپ سارا جەلى قالىپتاستىردى؛ تۇعىردىڭ الۋان ٴتۇرلى تيجارات باسىمدىعى ارقىلى شينجياڭنىڭ نىسانالى جەرىندەگى مادەنيەت ـ ساياحاتتىق تۇتىنۋىنىڭ دارەجەسىن جوعارىلاتۋعا دەم بەرەمىز؛ شينجياڭعا كىرەتىن كوپتەگەن اۋە لەنيالارىن اشىپ، شينجياڭ ٴوڭىرىنىڭ ەكونوميكالىق قۇرىلىسىنا دەم بەرەمىز؛ قوناق ٴۇي كاسىپ سالاسى تىزبەگىن ورنالاستىرىپ، شينجياڭداعى ساياحاتشىلارعا ٴتىپتى دە جاقسى قونالقى ورىن سەزىنۋىن ازىرلەيمىز“، ـ دەدى تۇڭچىڭ ساياحات سەرىكتەستىگى ۇكىمەت سەلبەستىك ٴبولىمىنىڭ ورىنباسار باس ديرەكتورى شا يۇنحۇي.
شينجياڭنىڭ قارلى شىڭى، ورمانى، جايلىمى، قۇمدى ٴشولى، ەسكى جۇرتى، بايىرعى جولى، سالت ـ ساناسى، ادەت ـ عۇرپى... ٴتىپتى دە كوپ ادامدى ارمان القابىنا كەلۋگە باۋراۋدا، سونداي ـ اق ٴتىپتى دە كوپ ساياحات كاسىپورىندارىنىڭ شينجياڭدى ارماننىڭ باستالعان جەرى، ارماننىڭ جالعاسقان جەرى ەتۋىنە مۇمكىندىك جاساۋدا.
