انار بۇلت \ شينجياڭ گازەتىنىڭ ٴتىلشىسى حي حۇڭۋي 5 ـ ايدىڭ 30 ـ كۇنى ۇرىمجىدەن حابارلايدى. جۇڭگو _ ازيا _ ەۆروپا كورمەسىنىڭ حاتشىلار باسقارماسىنان ۇعىسۋىمىزشا، ساۋدا ىستەرى مينيسترلىگى، سىرتقى ىستەر مينيسترلىگى، جۇڭگو ساۋدانى جەبەۋ قوعامى، اۆتونوميالى رايوندىق حالىق ۇكىمەتى بىرگە ۇيىمداستىرعان 8 ـ كەزەكتى جۇڭگو _ ازيا _ ەۆروپا كورمەسى 6 ـ ايدىڭ 26 ـ كۇنىنەن 30 ـ كۇنىنە دەيىن شينجياڭ حالىقارالىق ٴماجىلىس ـ كورمە ورتالىعىندا وتكىزىلەدى ەكەن، قازىر ساۋداگەر شاقىرۋ، كورمەگە شاقىرۋ قىزمەتى نەگىزىنەن اياقتاپتى.
وسى كەزەكتى كورمەنىڭ نەگىزگى تاقىرىبى ”جىبەك جولى جاڭا ورايى، ازيا _ ەۆروپا جاڭا ومىرشەڭدىك كۇشى“، ينتەرنەت جەلىسىنەن تىسقارى ناقتى كورمە نەگىز ەتىلىپ، ينتەرنەت جەلىسىندەگى كورمە ٴبىر ۋاقىتتا قاتار وتكىزىلەدى. كورمەنىڭ جالپى اۋماعى 140 مىڭ شارشى مەتر. كورمەدە قارجى قوسىپ سەلبەستىك جاساۋ كورمە اۋماعى، حالىقارالىق كورمە اۋماعى، ەرەكشە كاسىپ سالاسى كورمە اۋماعى جانە ورتالىق كاسىپورىندارى سارايى، ارنايىلانعان، كەمەلدەنگەن، ەرەكشەلەنگەن، جاڭاشالانعان كاسىپورىندار سارايى، گۋاڭدۇڭ ـ شياڭگاڭ ـ اۋمىن ٴوڭىرى كاسىپورىندار سارايى، شينجياڭ ”سەگىز ٴىرى كاسىپ سالاسى شوعىرى“ كاسىپ سالاسى تىزبەگى تىزبەك يەلەرى كاسىپورىندار سارايى ورنالاستىرىلدى. مۇندا ەرەكشە كاسىپ سالاسى كورمە اۋماعىنا ەنەرگيا جانە جابدىق جاساۋ، سيفرلى تەحنيكا، مادەنيەت ـ ساياحات، استىق، ماي، جاسىل، ورگانيكالى جەمىس ـ جيدەك، كوكونىس، ساپالى مال شارۋاشىلىعى ونىمدەرى، ماقتا جانە توقىماشىلىق سياقتى بولىكتەر ورنالاستىرىلدى.
وسى كەزەكتى كورمەدە ”جۇڭگو ـ شەتەل مادەنيەت كورمە اپتالىعى“، ”اشىق بيڭتۋان“ نەگىزگى تاقىرىپتىق قيمىلدارى، ت. ب ٴبىر ۋاقىتتا وتكىزىلەدى. قازىرگە دەيىن ساۋدانى جەبەۋ بويىنشا 50 رەتكى قيمىل تىركەلدى. جالپى 48 مەملەكەتتەن، وڭىردەن جانە حالىقارالىق ۇيىمنان، 30 ولكە، اۆتونوميالى رايون، قالا، شينجياڭ ٴوندىرىس ـ قۇرىلىس بيڭتۋانىنان جانە 14 ايماق، وبلىس، قالادان كەلەتىن كاسىپورىندار مەن قۇرىلىمداردىڭ كورمەگە قاتىناساتىندىعى تۇراقتاندى.
