![](http://kazakh.ts.cn/pic/003/528/192/00352819203_ce5cae9c.jpg)
5 ـ ايدىڭ 31 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپاردا بولۋ ٴارى جۇڭگو _ اراب ەلدەرى سەلبەستىك تالقى مىنبەرى 10 ـ كەزەكتى مينيستر دارەجەلىلەر ٴماجىلىسىنىڭ اشىلۋ سالتىنا قاتىناسۋ ٴۇشىن كەلگەن تۋنيس زۇڭتۇڭى سايدپەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان سايد جانە حانىمى يشرافپەن بىرگە سۋرەتكە تۇسۋدە.
□ سۋرەتتى شينحۋا اگەنتتىگىنىڭ ٴتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 5 ـ ايدىڭ 31 ـ كۇنى بەيجيڭنەن بەرگەن حابارى (تىلشىلەر جىڭ ميڭدا، ۋاڭ بين). 5 ـ ايدىڭ 31 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپاردا بولۋ ٴارى جۇڭگو _ اراب ەلدەرى سەلبەستىك تالقى مىنبەرى 10 ـ كەزەكتى مينيستر دارەجەلىلەر ٴماجىلىسىنىڭ اشىلۋ سالتىنا قاتىناسۋ ٴۇشىن كەلگەن تۋنيس زۇڭتۇڭى سايدپەن كەڭەس وتكىزدى. ەكى ەلدىڭ مەملەكەت باسشىلارى جۇڭگو مەن تۋنيستىڭ ستراتەگيالىق سەرىكتەستىك قارىم ـ قاتىناس ورناتقانىن جاريالادى.
شي جينپيڭ بىلاي دەپ اتاپ كورسەتتى: جۇڭگو مەن تۋنيس جاقسى دوس، جاقسى باۋىرلاس. ديپلوماتيالىق قارىم ـ قاتىناس ورناتقان 60 جىلدان بەرى، حالىقارالىق جاعداي مەيلى قالاي وزگەرسىن، جۇڭگو _ تۋنيس ەكى جاق باستان ـ اياق ٴوزارا قۇرمەت ەتىپ، تەڭ تۇرعىدا مامىلە جاساپ، ٴوزارا قولداۋ كورسەتىپ، وركەندەپ كەلە جاتقان ەلدەردىڭ تار جول، تايعاق كەشۋدى بىرگە وتكەرگەن، ٴوزارا قارايلاسقان اسەرلى تاراۋىن بىرگە جازدى. جۇڭگو ـ تۋنيس قارىم ـ قاتىناسىن ويداعىداي بەكەمدەۋ، ويداعىداي دامىتۋ ەكى ەل حالقىنىڭ ٴتۇبىرلى مۇددەسىنە جانە ورتاق تىلەگىنە ۇيلەسەدى. جۇڭگو جاق تۋنيس جاقپەن بىرگە ٴداستۇرلى دوستىقتى ۇزبەي جالعاستىرىپ، ٴارقايسى سالاداعى اۋىس ـ كۇيىستى، سەلبەستىكتى تەرەڭدەتىپ، جۇڭگو ـ تۋنيس قارىم ـ قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. ٴبىزدىڭ بۇگىن جۇڭگو ـ تۋنيس ستراتەگيالىق سەرىكتەستىك قارىم ـ قاتىناسىن ورناتۋدى جاريالاۋىمىزدىڭ ەكى ەل قارىم ـ قاتىناسىنىڭ اناعۇرلىم كوركەم بولاشاعىن اشاتىندىعى داۋسىز.
شي جينپيڭ بىلاي دەپ باسا دارىپتەدى: جۇڭگو جاق تۋنيستىڭ ٴوز مەملەكەت جاعدايىنا ۇيلەسەتىن دامۋ جولىمەن ٴجۇرۋىن قولدايدى، تۋنيس جاقتىڭ رەفورما اياق الىسىن دەربەس، ٴوز ـ وزىنە قوجايىن بولا وتىرىپ ىلگەرىلەتۋىن، تاعدىرىن ٴوز قولىندا مىقتاپ يگەرۋىن قولدايدى. جۇڭگو جاق تۋنيس جاقپەن دامۋ ستراتەگياسىن ٴتۇيىلىستىرۋدى كۇشەيتىپ، نەگىزدىك قۇرىلعى قۇرىلىسى، جاڭا ەنەرگيا سياقتى سالالارداعى سەلبەستىكتى تەرەڭدەتىپ، ەمدەۋ ـ دەنساۋلىق ساقتاۋ، جاسىل دامۋ، سۋ بايلىعى، اۋىل شارۋاشىلىعى سياقتى سالالارداعى سەلبەستىكتىڭ جاڭا قوزعالىس قۋاتىن جەتىلدىرىپ، ەكى ەلدىڭ ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋدا اناعۇرلىم مول جەتىستىككە قول جەتكىزۋىن ىلگەرىلەتۋدى قالايدى، تۋنيستىڭ ٴتىپتى دە كوپ ساپالى، ەرەكشە ونىمدەرىنىڭ جۇڭگو بازارىنا كىرۋىن قارسى الادى. جۇڭگو جاق تۋنيسقا جوعارى دەڭگەيدەگى ەمدەۋ اترەتىن ۇزدىكسىز جىبەرىپ، تۋنيس جاقپەن وقۋ ـ اعارتۋ، ساياحات سياقتى سالالارداعى سەلبەستىكتى تەرەڭدەتىپ، گۋمانيتارلىق اۋىس ـ كۇيىستى جيىلەتۋدى قالايدى. ەكى جاق ”الەمنىڭ وڭتۇستىگىندەگى“ مەملەكەتتەرمەن بىرگە ىنتىماقتى، ىستەستىكتى كۇشەيتىپ، ناعىز كوپ جاقتىلىقتى امالياتتا ايگىلەپ، تەپە ـ تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋى مەن جالپىعا ٴتيىمدى، سيىسىمدى ەكونوميكانىڭ جاھاندانۋىن دارىپتەپ، بىرگە دامۋدى جۇزەگە اسىرۋى كەرەك. جۇڭگو جاق تۋنيس جاقپەن بىرگە قۇلشىنىپ، جۇڭگو ـ اراب ەلدەرى سەلبەستىك تالقى مىنبەرىن، جۇڭگو ـ افريكا سەلبەستىك تالقى مىنبەرىن ويداعىداي قۇرىپ، جۇڭگو ـ اراب ەلدەرى قارىم ـ قاتىناسىنىڭ دامۋىنا جاڭا قوزعاۋشى كۇش ۇستەپ، جوعارى دەڭگەيدەگى جۇڭگو ـ افريكا تاعدىرلاس ورتاق تۇلعاسىن قول ۇستاسا قۇرۋدى قالايدى.
سايد مىنالاردى ٴبىلدىردى: تۋنيس پەن جۇڭگونىڭ ديپلوماتيالىق قارىم ـ قاتىناس ورناتقاندىعىنىڭ 60 جىلدىعى ساتىندە جۇڭگودا تاريحي سيپاتتى ساپاردا بولعاندىعىما ٴارى جۇڭگو ـ اراب ەلدەرى سەلبەستىك تالقى مىنبەرى 10 ـ كەزەكتى مينيستر دارەجەلىلەر ٴماجىلىسىنىڭ اشىلۋ سالتىنا قاتىناسقانىما ەرەكشە قۋانامىن. تۋنيس ـ جۇڭگو ەكى ەلدىڭ دوستىعى تەرەڭ، ۇستانىمى توعىسقان، ٴارقايسى سالاداعى سەلبەستىگىنىڭ جەتىستىگى سۇبەلى. تۋنيس جاق مەملەكەتتى دامىتۋ بارىسىندا جۇڭگو جاقتىڭ ٴتىپتى دە كوپ قولداۋىنا يە بولىپ، دەنساۋلىق ساقتاۋ، قاتىناس، جاسىل دامۋ، وقۋ ـ اعارتۋ سياقتى سالالارداعى سەلبەستىكتى جيىلەتىپ، تۋنيس ـ جۇڭگو قارىم ـ قاتىناسىن جاڭا دەڭگەيگە كوتەرۋدى ٴۇمىت ەتەدى. تۋنيس جاق ٴبىر جۇڭگو ساياساتىن تاباندىلىقپەن اتقارىپ، جۇڭگو ۇكىمەتىنىڭ مەملەكەتتىڭ بىرلىككە كەلۋىن جۇزەگە اسىرۋ مەن وزەكتى مۇددەسىن قورعاۋ جاعىندا جاساعان قۇلشىنىسىن باتىل قولدايدى. تۋنيس جاق پەن اراب ەلدەرى جۇڭحۋانىڭ تاڭداۋلى ٴداستۇرلى مادەنيەت ۇستانىمىن القايدى، جۇڭگو جاقتىڭ حالىقارالىق ىستەردە ادىلدىكتى، ادىلەتتىلىكتى جاقتاپ كەلگەنىن القايدى. ٴاربىر ەلدىڭ ٴوزىنىڭ مەملەكەت جاعدايىنا ۇيلەسەتىن دامۋ جولىن دەربەس تاڭداۋ ۇقىعى بار. تۋنيس جاق جۇڭگو جاقپەن بۇكىل ادامزاتتىڭ ورتاق قۇندىلىعىن جاقتاپ، ىنتىماقتى، ىستەستىكتى جيىلەتىپ، زورەكەرلىك پەن توپقا ٴبولىنىپ قارسىلاسۋعا قارسى تۇرىپ، اناعۇرلىم تەپە ـ تەڭ، كوركەم دۇنيە ٴجۇزىن قۇرىپ، دۇنيە جۇزىندەگى ٴار ەل حالقىن ناعىز ادامدىق ۇقىقتان جانە ەركىندىكتەن يگىلىكتەندىرىپ، جاراسىمدى قاتار تۇرىپ، بەيبىتشىلىكتەن، حاۋىپسىزدىكتەن جانە كوركەيىپ ـ گۇلدەنۋدەن بىرگە يگىلىكتەنۋدى قالايدى.
ەكى جاق پالەستينا ـ يزرايل قاقتىعىسى جونىندە دە پىكىر اۋىستىردى. شي جينپيڭ بىلاي دەپ باسا دارىپتەدى: جۇڭگو جاقتىڭ اراب ەلدەرىمەن تۇرعىسى ايرىقشا ساي كەلەدى، تۋنيس سياقتى قالىڭ اراب ەلدەرىمەن بىرگە پالەستينا ماسەلەسىن ”ەكى ەل جوباسىن“ تياناقتاندىرۋ نەگىزىندە جان ـ جاقتى، ٴادىل، باياندى شەشۋدى ىلگەرىلەتۋدى قالايدى.
كەڭەستەن كەيىن، ەكى ەلدىڭ مەملەكەت باسشىلارى جاسىل، تومەن كومىر قىشقىل گازدى دامۋ، قارجى قوسۋ سياقتى سالالارداعى كوپ ٴتۇرلى ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن تۋنيس رەسپۋبليكاسىنىڭ ستراتەگيالىق سەرىكتەستىك قارىم ـ قاتىناس ورناتۋ جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن، شي جينپيڭ مەن حانىمى پىڭ لييۋان حالىق سارايىنىڭ شىعىس قاقپاسىنىڭ سىرتىنداعى الاڭدا سايد پەن حانىمى يشرافتى قارسى الۋ سالتىن وتكىزدى.
سايد كەلگەندە قۇرمەت قاراۋىلى قاتار تۇزەپ قۇرمەت ٴبىلدىردى. ەكى ەلدىڭ مەملەكەت باسشىلارى سالتانات مىنبەسىنە شىقتى، اسكەري وركەستر جۇڭگو مەن تۋنيس ەكى ەلدىڭ مەملەكەت ٴانىن ورىندادى، تيان ـ انمىن الاڭىندا 21 رەت ساليۋت اتىلدى. سايد شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ٴارى قاتارعا ٴبولىنىپ پاراتتان ٴوتۋىن كوردى.
سول كۇنى تۇستە شي جينپيڭ مەن پىڭ لييۋان حالىق سارايىنىڭ جينسى زالىندا سايد پەن ونىڭ حانىمىن قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.