مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى مىندەتىن ارقالاي الاتىن تىرەكتى دارىندى بولىپ جەتىلۋگە قۇلشىنامىز
باس شۋجي شي جينپيڭنىڭ جىجياڭ باستاۋىش مەكتەبىندەگى وقۋشىلارعا جازعان جاۋاپ حاتى قىزۋ اڭىس قوزعادى
□ شينحۋا اگەنتتىگىنىڭ ٴتىلشىسى
5 ـ ايدىڭ 30 ـ كۇنى، ” 1 ـ ماۋسىم“ حالىقارالىق بالالار مەرەكەسى قارساڭىندا، باس شۋجي شي جينپيڭ سىچۋان ولكەسى نانچۇڭ قالاسى جياليڭ رايونى جىجياڭ باستاۋىش مەكتەبىنىڭ وقۋشىلارىنا جاۋاپ حات جازىپ، ولاردى ىقىلاسپەن جىگەرلەندىردى ٴارى ولاردىڭ جانە بۇكىل ەلدەگى ورەندەر مەن بالالاردىڭ مەرەكەسىن قۇتتىقتادى.
شىنايى سالەم، ىقىلاستى تاپسىرما جەر ـ جەردەگى وقۋشىلار، اتا ـ انالار جانە وقۋ ـ اعارتۋ قىزمەتكەرلەرى اراسىندا قىزۋ اڭىس قوزعادى.
جىجياڭ باستاۋىش مەكتەبى جىجياڭ ولكەسىنىڭ باعىتتامالى كومەكتەسۋ ـ سۇيەمەلدەۋىندە سالىنعان نىسان مەكتەبى. 2004 ـ جىلى 5 ـ ايدا سول كەزدە جىجياڭ ولكەلىك پارتكومنىڭ شۋجيى بولىپ تۇرعان شي جينپيڭ جىجياڭ باستاۋىش مەكتەبىنىڭ جاڭا ورنىنىڭ ىرگەتاسىن ٴوز قولىمەن قالاعان ەدى. تاياۋدا مەكتەپتىڭ 5 ـ جىلدىعىنىڭ 1 ـ كلاسىنداعى بارلىق وقۋشى باس شۋجي شي جينپيڭگە حات جازىپ، ۇيرەنۋ، تۇرمىس احۋالدارىنان مالىمەت بەرىپ، العىس سەزىمدەرى مەن جاڭا ٴداۋىردىڭ جاقسى ورەندەرى بولۋ بەكىمدەرىن بىلدىرگەن بولاتىن.
”وسىنشاما تەز ارادا شي جينپيڭ اتايدىڭ جاۋاپ حاتىن تاپسىرىپ الاتىنىمىزدى ويلاماپپىز، قاتتى قۋاندىم!“. باس شۋجيگە حات جازعان وقۋشى تاڭ حايليڭ تەبىرەنە بىلاي دەدى: ”شي جينپيڭ اتاي حاتىندا ساباقتاستاردىڭ قاجىرلىلىقپەن ۇيرەنىپ، ەڭبەكتى قىزۋ ٴسۇيىپ، سالامات تا كوڭىلدى ەسەيىپ كەلە جاتقاندىعىن تىلگە تيەك ەتىپ، بىزگە ’مەكەندى ويداعىداي گۇلدەندىرۋ‘ جونىندە تاربيە بەردى. قازىرگى ۇيرەنۋىم، تۇرمىسىم توتەنشە باقىتتى، ٴماندى، مەن ۇزدىكسىز قۇلشىنا ۇيرەنىپ، قايراتتانا العا ۇمتىلىپ، بولاشاقتا ارمانداعان داشۋەگە قابىلدانۋعا قۇلشىنامىن، اۋىلعا قايتىپ وقىتۋشى بولىپ، وسى باقىتتى جالعاستىرامىن“.
”باس شۋجي جاۋاپ حاتىندا 20 جىلدىڭ الدىندا مەكتەپتىڭ ىرگەتاسىن قالاعان كورىنىستى ەسكە الىپتى، ٴبىز ايرىقشا اسەرلەندىك“. جىجياڭ باستاۋىش مەكتەبىنىڭ باستىعى چىن جىنيا مىنالاردى ٴبىلدىردى: مەكتەبىمىز جىجياڭنىڭ كومەكتەسىپ ـ سۇيەمەلدەپ قۇرۋ حيكاياسىن ٴتۇيىن ەتىپ، العىس ايتۋ تاربيەسىن ورىستەتىپ، ٴمورال ارقىلى ادام تاربيەلەۋ، باۋلۋ جۇيەسىن ورناتىپ، وسى ارقىلى بالالاردىڭ العىس سەزىمىن، العا باسۋ جىگەرىن جانە وتانشىلدىق سەزىمىن ۇزدىكسىز تاسقىنداتىپ كەلەدى.
كومەكتەسىپ سالۋدان بۇرىنعى مەكتەپ ۇيلەرى كونە، ەسكى، تاۋى بيىك، جولى كۇدىر ەدى، قازىر كىتاپحانا، ەگىنشىلىك باقشاسى، پلاستماسسالى جۇگىرۋ جولى سياقتى قاتتى بولشەك قۇرىلعىلارى تولىق.
باس شۋجيدىڭ جاۋاپ حاتىنداعى ”مەكتەپ بارعان سايىن جاقسى باسقارىلدى“ دەگەن ٴسوزى مەكتەپتىڭ وزگەرىسىنە كۋا بولعان ساقا وقىتۋشى جيا شياۋجۇندى ايرىقشا اسەرلەندىردى: ”باس شۋجيدىڭ تۇراقتاندىرۋى مەن شابىتتاندىرۋى وقىتۋشىلاردىڭ دا ٴىس تىندىرىپ، ناتيجە جاراتۋ بەتالىسىن ايقىنداۋىنا مۇمكىندىك جاسادى. قازىر وقىتۋ شارت ـ جاعدايىنىڭ جاقسارۋى مىندەتتى وقۋ ـ اعارتۋدىڭ ساپالى، بىركەلكى دامۋىنا قانات ٴبىتىردى. ٴبىز ۇزدىكسىز تامىر تارتىپ، دەن قويا وقىتۋ جۇرگىزىپ، بالالاردىڭ ەسەيىپ ـ ەرجەتۋىنە ويداعىداي جول باستاۋشى بولامىز“، ـ دەدى ول.
سىچۋان مەن جىجياڭ ەكى جەر كومەكتەسىپ ـ سۇيەمەلدەپ قۇرۋ دوستىق سۇيىسپەنشىلىگىن ۇزبەي جالعاستىرىپ كەلەدى. نيڭبو قالاسىنىڭ بەيلۇن رايونى سىچۋان ولكەسىنىڭ مەيگۋ اۋدانىمەن 2021 ـ جىلى شىعىس، باتىس بولىكتەردىڭ سەلبەستىگىن ورىستەتكەننەن بەرى ىلگەرىندى ـ كەيىندى 20 وقىتۋشى سىچۋانداعى كوپتەگەن باستاۋىش مەكتەپكە كومەككە باردى. باس شۋجيدىڭ جاۋاپ حاتى جىجياڭ ولكەسى نيڭبو قالاسى بەيلۇن رايوندىق وقۋ ـ اعارتۋ مەكەمەسىنىڭ باستىعى لي حايدانىڭ وسى قىزمەتتى اناعۇرلىم ويداعىداي ىستەۋ بەكىمىن اناعۇرلىم كۇشەيتتى.
”وقۋ ـ اعارتۋ ارقىلى كومەكتەسۋ ـ سۇيەمەلدەۋ جالاڭ باعىتتاعى ’كومەكتەسۋ‘ ەمەس، قايتا قوس باعىتتا تىلدەسۋ، سەلبەسۋ، قۋات ۇستەۋ“. لي حايدا بىلاي دەدى: كەلەسى قادامدا كومەككە جىبەرىلەتىن وقىتۋشىلاردى تاڭداۋ سەرپىنىن كۇشەيتىپ، مەكتەپ، وقىتۋشى، كلاس، قوعام جۇپ قۇراۋ سياقتى كوپ ٴتۇرلى كومەكتەسۋ ـ سۇيەمەلدەۋ فورماسى جونىندە ىزدەنىس جاساپ، جۇمساق بولشەك پەن قاتتى بولشەكتەردىڭ بىردەي جوعارىلاۋىن قۇلشىنا جۇزەگە اسىرىپ، تاۋلى وڭىردەگى بالالاردىڭ اقاۋسىز ەسەيىپ ـ ەرجەتۋىنە اناعۇرلىم جاقسى ورتا ازىرلەيمىز.
جاڭا ٴداۋىردىڭ شۇعىلاسىنا شومىلعان ورەندەر مەن بالالار قايراتتانا العا ۇمتىلىپ، كۇن شۋاعىنا بولەنە ەسەيىپ ـ ەرجەتۋدە.
تاۋ قويناۋىندا، شانشي جاۋجين بەيلياڭ قىزىل ارميا باستاۋىش مەكتەبىنەن اۋىق ـ اۋىق كىتاپ وقىعان ۇندەر ەستىلدى. ”1 ـ ماۋسىم“ «ەسكەرتكىشتى» مانەرلەپ وقۋ نومىرىنە قاتىناسقان وقۋشى ۋاڭ يليڭ وقىتۋشىسىنىڭ بايانداۋىندا شي جينپيڭ اتاسىنىڭ ىقىلاستى تاپسىرماسىن تىڭدادى. ”شي جينپيڭ اتاي ’اسقاق مۇرات ورناتىپ، تاماشا شاقتى قاستەرلەۋ‘ دەپتى، مەن قىزىل اڭگىمە ايتۋ كۋرجەگىنە قاتىناسۋ ارقىلى بۇگىنگى باقىتتى تۇرمىستىڭ وڭاي ـ وسپاق كەلمەگەنىن ٴتۇسىندىم. مەن تاريح پەن مادەنيەت بىلىمدەرىن جاقسى ۇيرەنىپ، بولاشاقتا مەملەكەتكە، قوعامعا جارامدى ادام بولامىن“، ـ دەدى ۋاڭ يليڭ.
جاۋجين بەيلياڭ قىزىل ارميا باستاۋىش مەكتەبىنىڭ وقىتۋشىسى ۋاڭ ليلي بىلاي دەدى: ٴبىز باس شۋجيدىڭ تاپسىرماسىن ەستە بەرىك ساقتاپ، قىزىل تاربيە ساباعىن ورنالاستىرۋ، قىزىل تاربيە قيمىلىندا جاڭالىق اشۋ ارقىلى وقۋشىلاردىڭ اسقاق مۇرات ورناتىپ، قىزىل گەندى جاقسى جالعاستىرۋشى، امالياتتا ايگىلەۋشى بولۋىنا كومەكتەسەمىز.
”احىلاق، اقىل ـ وي، دەنە، ەستەتيكا، ەڭبەك جاعىنان جان ـ جاقتى جەتىلۋگە تاباندى بولۋ“، بۇل _ باس شۋجي شي جينپيڭنىڭ ورەندەر مەن بالالاردىڭ اقاۋسىز ەسەيىپ ـ ەرجەتۋى جونىندەگى شىنايى ٴۇمىتى.
بىلتىر ” 1 ـ ماۋسىم“ قارساڭىندا باس شۋجي شي جينپيڭ بەيجيڭ يۇييىڭ مەكتەبىندە قىزمەت تەكسەردى. ”سول كەزدە شي جينپيڭ اتاي بىزگە دەنساۋلىق جاقسى بولعاندا عانا، بۇدان بىلايعى ومىردەگى ۇيرەنۋگە، قىزمەتكە جاقسى نەگىز قالاۋعا بولاتىندىعىن ايتتى“. بەيجيڭ يۇييىڭ مەكتەبىنىڭ 5 ـ جىلدىق وقۋشىسى جاۋ چىن ٴبىر جىلدان بەرى ٴوزىنىڭ جۇگىرۋ، جىپتەن سەكىرۋ سياقتى جارىستارعا قاتىناسىپ قانا قويماي، وتباسى جۇمىستارىن دا ىرىقتىلىقپەن ارقالاپ، ەڭبەك ارقىلى دەنە شىنىقتىرعانىن ماقتانىشپەن ايتتى.
جاۋ چىننىڭ شەشەسى زىڭ رۇڭنىڭ قاراۋىنشا، باي مازمۇندى دەنە شىنىقتىرۋ بالاسىندا كوپتەگەن بەلسەندى وزگەرىس تۋدىرعان: ”اتا ـ انا رەتىندە، ەڭ جاقسى تاربيە _ ٴوز باستارىنان ونەگە كورسەتىپ، بالالاردى امالياتتا ايگىلەۋگە ىنتالى ادەت قالىپتاستىرۋعا جەتەكتەپ، ولاردىڭ دەنساۋلىعىنىڭ، جان دۇنيەسىنىڭ اقاۋسىز بولۋىنا، مىنەز ـ قۇلقىنىڭ اشىق ـ جارقىن بولۋىنا، جان ـ جاقتى جەتىلۋىنە مۇمكىندىك جاساۋ“.
جاساندى زەردەلى سۋرەت جاسامپازدىعىنان ەلىتە ٴلاززات الدى، ”اقاۋسىز ۇساق ـ تۇيەك تاعامدار“ شاعىن ساباقحاناسىندا استىق تۇرلەرىن پارىقتادى، حالىق جىرلارىن ايتىپ، حۋاڭحى مادەنيەتىن سەزىندى... بيىل 1” ـ ماۋسىمنىڭ“ الدى ـ ارتىندا جۇڭگو بالالار ورتالىعى ٴبىر قىدىرۋ قيمىل ورىستەتىپ، بالالارعا سەرىك بولىپ، ٴماندى دە ٴساندى مەرەكە وتكىزدى.
”احىلاق، اقىل ـ وي، دەنە، ەستەتيكا، ەڭبەك جاعىنان جان ـ جاقتى جەتىلگەن جاقسى بالالاردى باۋلۋ _ ٴبىزدىڭ جاۋاپكەرشىلىگىمىز“. جۇڭگو بالالار ورتالىعى اۋەستى جەتىلدىرۋ ٴبولىمىنىڭ باسقارما باستىعى گاۋ يۇن بىلاي دەدى: ”ٴبىز باس شۋجيدىڭ ماڭىزدى نۇسقاۋى بويىنشا ساباق فورماسىن اناعۇرلىم ساپالىلاندىرىپ، عىلىم ـ تەحنيكا، ەستەتيكالىق تاربيە، دەنە تاربيە سياقتى سالالارداعى 100 نەشە ٴتۇرلى اۋەس گرۋپپاسىنىڭ ساباعىن زەرتتەپ اشىپ، ورەندەر مەن بالالاردىڭ جالپىلىق ساپاسىن جەتىلدىرەمىز“.
باس شۋجي شي جينپيڭ بالالاردىڭ ”پارتيانى سۇيەتىن، وتاندى سۇيەتىن، ٴوز كۇشىنە سۇيەنىپ ٴوزىن الۋەتتەندىرەتىن، قايراتتانا ورگە ۇمتىلاتىن جاڭا ٴداۋىردىڭ جاقسى ورەندەرى بولۋعا تالپىنۋىن“ ٴۇمىت ەتتى، بۇل چۇڭچيڭ قالاسى شىجۋ تۋجيا اۆتونوميالى اۋدانى جۇڭ ـ ي اۋىلدىق باستاۋىش مەكتەپتىڭ باستىعى موۋ شياۋياڭعا ارقالاعان جاۋاپكەرشىلىگىنىڭ اۋىر ەكەنىن تەرەڭ سەزىندىردى.
”وقۋشىلاردىڭ ەسەيىپ ـ ەرجەتۋى، دامۋى باستان ـ اياق مەكتەپتىڭ وزەكتى قىزمەتى. مەكتەبىمىز بەس تاربيەنى قاتار جۇرگىزۋدى تياناقتاندىرىپ، وقۋ ـ اعارتۋدىڭ ساباق جۇيەسىن ۇزدىكسىز بايىتىپ، ساباقتان كەيىنگى قىزمەت وتەۋ ۇلگىسى جونىندە ىزدەنىس جاساپ، اناعۇرلىم جوعارى ساپالى نەگىزدىك وقۋ ـ اعارتۋدىڭ بالالارعا ٴومىر نەگىزىن قالاۋىنا، ٴوسىپ ـ جەتىلۋ جولىن سالۋىنا مۇمكىندىك جاسايدى“، ـ دەدى موۋ شياۋياڭ.
ورەندەر مەن بالالاردىڭ اقاۋسىز ەسەيىپ ـ ەرجەتۋى تۇتاس قوعامنىڭ بىرگە ات سالىسۋىنان، كوڭىل بولۋىنەن، قولداۋىنان ايرىلا المايدى.
كوممۋنيستىك جاستار وداعى سىچۋان ولكەلىك كوميتەتى ورەندەر ٴبولىمىنىڭ باستىعى شۇي تۇڭ بىلاي دەدى: ”باس شۋجيدىڭ تالابىن تياناقتاندىرۋدا ٴبىز ورەندەر مەن بالالارعا يدەيالىق ـ ساياسي جەتەكشىلىك ەتۋدى ماڭداي الدى ورىنعا قويىپ، ٴمورال ارقىلى ادام تاربيەلەۋ ٴتۇبىرلى مىندەتىنە تاباندى بولىپ، پارتيا، وداق، وتريادتى ٴبىر تۇلعالاندىرۋ قۇرىلىسىن ۇزدىكسىز كۇشەيتىپ، جازعى، قىسقى لاگەر، ورەندەر اسكەري مەكتەبى سياقتى امالياتتىق قيمىلداردى ورىستەتىپ، جەر جاعدايىنا، ادامعا قاراي ساتىلى جەتىلدىرۋ، شابىتتاندىرۋ جۇيەسىنەن ويداعىداي پايدالانىپ، قالىڭ ورەندەر مەن بالالاردى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى مىندەتىن ارقالاي الاتىن تىرەكتى دارىندى بولىپ جەتىلۋگە قۇلشىنۋعا جەتەكتەيمىز“.
(شينحۋا اگەنتتىگىنىڭ 5 ـ ايدىڭ 31 ـ كۇنى بەيجيڭنەن بەرگەن حابارى)
