انار بۇلت \ شينجياڭ گازەتىنىڭ ٴتىلشىسى حي حۇڭۋي 6 ـ ايدىڭ 2 ـ كۇنى ۇرىمجىدەن حابارلايدى. جۇڭگو _ ازيا _ ەۆروپا كورمەسىنىڭ حاتشىلار باسقارماسىنان ۇعىسۋىمىزشا، 8 ـ كەزەكتى جۇڭگو _ ازيا _ ەۆروپا كورمەسىندە 700 ەرىكتى ەرىكتى قىزمەت وتەۋگە قاتىناسادى ەكەن. قازىر 100دەن استام ەرىكتى قىزمەتكە شىعىپ، ەرىكتى قىزمەت وتەدى.
ۇعىسۋىمىزشا، 8 ـ كەزەكتى جۇڭگو _ ازيا _ ەۆروپا كورمەسى اتقارۋ كوميتەتىنىڭ ەرىكتىلەر قىزمەت ٴبولىمى شينجياڭ قازىنا ـ ەكونوميكا داشۋەسى، شينجياڭ شىفان داشۋەسى سىندى 2 جوعارى مەكتەپتەن كەلگەن جالپى 700 ەرىكتىنى قابىلداعان، ولار، نەگىزىنەن، كۋالىك قىزمەت وتەۋى، قاتىناسقا قىزمەت وتەۋ، جول ـ جوسىن قىزمەت وتەۋى، كۇتىپ الۋ قىزمەت وتەۋى، كورمەگە قاتىناسقاندارعا جەتەكشىلىك ەتۋ، سول ورىندا كەڭەس بەرۋ، جينالىسقا قىزمەت وتەۋ سياقتى كوپتەگەن قىزمەت ورىندارىنا قىزمەت وتەيدى ەكەن.
8 ـ كەزەكتى جۇڭگو _ ازيا _ ەۆروپا كورمەسى شينجياڭنىڭ جەرگىلىكتى جوعارى مەكتەپتەرىندەگى جاس وقۋشىلاردىڭ نازارىن اۋداردى، ەرىكتىلەر جىبەرۋگە نەگىزگى جاۋاپتى جوعارى مەكتەپ رەتىندە، شينجياڭ قازىنا ـ ەكونوميكا داشۋەسى مەن شينجياڭ شىفان داشۋەسى مەكتەپ ىشىندە ەرىكتىلەردى جيناۋ بۇيرىعىن جاريالاپ، قالىڭ وقىتۋشى ـ وقۋشىلاردىڭ بەلسەنە ٴۇن قوسۋىنا يە بولدى. 2 مەكتەپتىڭ جاريالاعان قابىلداۋ بۇيرىعىن شولىپ شىققاندار جيىنى 16 مىڭ ادامنان رەت اسقان، سوڭىندا 700 رەسمي ەرىكتى تاڭدالدى.
الدىڭعى مەرزىمدە 8 ـ كەزەكتى جۇڭگو _ ازيا _ ەۆروپا كورمەسى اتقارۋ كوميتەتىنىڭ ەرىكتىلەر قىزمەت ٴبولىمى ەرىكتىلەردى باۋلۋ قولدانباسىن جانە باۋلۋ ساباعىن دايىنداپ، جاساپ، بارلىق ەرىكتىلەرگە باعىتتاي وتىرىپ كوپ ٴتۇرلى جالپىلىق باۋلۋ ساباقتارىن اشىپ، ەرىكتىلەردىڭ جالپىلىق قابىلەتىن، كاسىپتىك ساپاسىن جانە امالياتتىق دەڭگەيىن جوعارىلاتىپ، جۇمىس ورنى قىزمەت وتەۋ ولشەمىنىڭ قاجەتىن قاناعاتتاندىرۋعا كەپىلدىك ەتتى.
ەرىكتىلەر قىزمەتى ٴبولىمىنىڭ قىزمەتكەرى چىن فاڭفاڭ بىلاي دەپ تانىستىردى: 8 ـ كەزەكتى جۇڭگو _ ازيا _ ەۆروپا كورمەسىنىڭ ەرىكتىلەرى كورىكتى شينجياڭ، اشىق شينجياڭ كەلبەتىن ايگىلەيتىن، جاڭا داۋىردەگى شينجياڭ حيكاياسىن جاقسى باياندايتىن، وسى كەزەكتى كورمەنىڭ ٴساتتى، تابىسپەن ورىندالۋىنا شىنايى كەپىلدىك ەتەتىن تىرەكتى كۇش. كورمەنىڭ قىزمەت وتەۋ، كۇتىپ الۋ قىزمەتىن ويداعىداي ىستەۋ ٴۇشىن، ەرىكتىلەر توپقا ٴبولىنىپ شوعىرلى كاسىپتىك باۋلۋدى قابىلداپ، باۋلۋ ساباعىن مۇقيات ۇيرەنىپ، قاي ـ قاشان دا شاقىرۋدى قابىلداۋ، كەز كەلگەن ۋاقىتتا قىزمەت ورنىندا بولىپ قىزمەت وتەۋ دايىندىعىن ويداعىداي ىستەدى.
