□ انار بۇلت \ شينجياڭ گازەتىنىڭ ٴتىلشىسى يۇي جياڭيان
”بۇل مەن تاتىپ كورگەن ەڭ ٴدامدى ايران!“ 5 ـ ايدىڭ 22 ـ كۇنى ”جوعارى ساپالى دامۋ جۇڭگو ساپارى . شينجياڭ تاراۋى“ قيمىلىنا قاتىناسقان ينتەرنەتتە ىقپالدىلار ىلە يمۋشين ٴسۇت شارۋاشىلىعى شەكتى سەرىكتەستىگىنە (تومەندە قىسقارتىلىپ ”يمۋشين ٴسۇت شارۋاشىلىعى“ دەلىنەدى) كەلدى، وسى سەرىكتەستىك وندىرگەن اۋەلگى دامدەگى ايراننان ٴدام تاتقان گۋاڭدۇڭدىق ينتەرنەتتە ىقپالدى ”گۋيان مۋچان“ اۋىز جاپپاي القادى.
شاندۇڭنان كەلگەن «تۋشو شىجيەنىڭ» نەگىزىن قالاۋشى جاڭ جينگاڭ اۋەلگى دامدەگى ايراندى تاتىپ كورگەننەن كەيىن، توقتاماي ارت ـ ارتىنان 6 قالتا ٴىشتى، ول: ”شينجياڭنىڭ سيىر ٴسۇتىنىڭ حوش ٴيىسى وزگەشە“، ـ دەدى.
ينتەرنەتتە ىقپالدىلار جاعىنان ماداقتالعان ايران مەن ٴسۇت ىلە وزەنى اڭعارىندا وندىرىلەدى. يمۋشين ٴسۇت شارۋاشىلىعى جىلجىمالى سيىر ساۋۋ ماشيناسىن دەربەس زەرتتەپ جاساپ، 18 ٴتۇرلى پاتەنت ۇقىعىن ٴوتىنىش ەتىپ، جايلىمدا ساۋىن سيىردى ٴورىس جاڭالاپ باعۋمەن بىرگە ٴجۇرۋدى جۇزەگە اسىردى.
يمۋشين ٴسۇت شارۋاشىلىعى ٴسۇتتىڭ ٴبىر ٴبولىمىن مالشىلاردان ساتىپ الادى، ٴبىر ٴبولىمى وزدەرىنىڭ مال فەرماسىنداعى ساۋىن سيىردان ساۋىلادى. ٴار كۇنى شامامەن 60 توننا جاڭا ساۋىلعان ٴسۇت ٴارقايسى اۋماقتان ٴوندىرىس سەحتارىنا ىركەس ـ تىركەس جەتكىزىلىپ، ايران، ت.ب جاسالىپ، سۋىق تىزبەكتى زات اينالىمى ارقىلى بۇكىل ەلدىڭ جەر ـ جەرىنە ساتىلادى.
”ٴار كۇنى شامامەن 40 توننا ٴسۇت ونىمدەرى شينجياڭ سىرتىنا ساتىلادى، 20 توننا ٴسۇت شينجياڭ ىشىنە ساتىلادى“. يمۋشين ٴسۇت شارۋاشىلىعىنىڭ ورىنباسار باس ديرەكتورى شۇي جيڭ بىلاي دەدى: سەرىكتەستىك جياڭسۋ، شاڭحاي حالىقتىق كاپيتالىمەن بىرگە يمۋشين قامداۋ تىزبەگى (نانجيڭ) شەكتى سەرىكتەستىگىن قۇرىپ، نانجيڭدە الدىڭعى قامبادا ساقتاۋ بازاسىن قۇرىپ، الدىڭعى بازا ارقىلى سيىر ٴسۇتىن بۇكىل ەلگە ساتادى.
يمۋشين ٴسۇت شارۋاشىلىعى 2019 ـ جىلى قۇرىلعان، 2020 ـ جىلدان باستاپ سالىنعان، 2022 ـ جىلى 3 ـ ايدا رەسمي وندىرىسكە قوسىلعان. جۇرتقا ايان، سوڭعى بىرنەشە جىلدا بۇكىل ەل بويىنشا ٴسۇت شارۋاشىلىعى بازارىنىڭ باسەكەسى قيان ـ كەسكى بولدى، تەك شينجياڭنىڭ وزىندە تيانرۇن، شييۇيچۇن، حۋايۋان، رۇييۋان، ناندا سياقتى كوپتەگەن ايگىلى ماركا بار، قۇرىلعانىنا 2 جىل عانا بولعان يمۋشين ٴسۇت شارۋاشىلىعى بۇكىل ەل بازارىنا قالاي تەز قادام تاستادى؟
”بىرىنشىدەن، ىلەدە تابيعي جايلىم بايلىعى باسىمدىعى بار، ەكىنشى، ىلە مال شارۋاشىلىعىن دامىتۋداعى ٴىرى ٴوڭىر، شينجياڭ قوڭىر سيىرى باعىلاتىن ەڭ ۇلكەن باعىمشىلىق ٴوڭىر“، ـ دەپ ٴتۇسىندىردى شۇي جيڭ.
شينجياڭ قوڭىر سيىرى _ ەلىمىز دەربەس سۇرىپتاپ جەتىلدىرگەن جەرگىلىكتى تاڭداۋلى تۇقىم، ٴسۇت، ەت بىردەي الىناتىن اسىل تۇقىمعا جاتادى. ”حولستەين ساۋىن سيىرى، انگۋس سيىرى، سيممەنتال سيىرىمەن سالىستىرعاندا، شينجياڭ قوڭىر سيىرىنىڭ دەنە ٴبىتىمى كىشكەنە، ٴسۇت بەرۋ مولشەرى تومەن، الايدا سيىر سۇتىندەگى ماي مەن بەلوك مولشەرى جوعارى“. اۆتونوميالى رايوننىڭ ٴسۇت كاسىپ سالاسى تەحنيكا جۇيەسىنىڭ باس مامانى گو تۇڭجۇن بىلاي دەپ تانىستىردى: شينجياڭدا 2 ميلليون قوڭىر سيىر بار، ٴسۇت، ەت بىردەي الىناتىنى 600 مىڭنان اسادى، نەگىزىنەن، ىلە، التاي مەن تارباعاتايعا تارالعان. يمۋشين ٴسۇت شارۋاشىلىعى پارىقتى باسەكە ابزالدىلىعىنا ۇمتىلدى، شينجياڭ قوڭىر سيىرىنىڭ سۇتىندە بۇكىل ەل بازارىن يەلەيتىن تاڭداۋلى گەن بار.
كاسىپ سالاسىندا، سوڭعى بىرنەشە جىلدا ەل ىشىندە پارىقتى باسەكەمەن جۇرگەن جۋانشان سيىر ٴسۇتى، قوداس ٴسۇتى، سۋ سيىر ٴسۇتى سياقتىلار تەز ارادا بازار اشتى. ”يمۋشين ٴسۇت شارۋاشىلىعىنىڭ شينجياڭ قوڭىر سيىر بايلىعىنان ويداعىداي پايدالانىپ، ايگىلى ماركا جاڭا باسىمدىعىن ۇزدىكسىز سومداۋىن ٴۇمىت ەتەمىن“، ـ دەدى گو تۇڭجۇن.
شينجياڭ قوڭىر سيىر ٴسۇتى ايگىلى ماركاسىن ويداعىداي سومداۋ ٴۇشىن، يمۋشين ٴسۇت شارۋاشىلىعى ىلە وزەنى اڭعارى وڭىرىندەگى ”شينجياڭ قوڭىر سيىرىن“ ٴوسىرۋ الاڭى مەن اسىل تۇقىم جەتىلدىرۋ الاڭىن بىرىكتىرىپ، قوڭىر سيىر ٴسۇتىنىڭ جەرگىلىكتى ولشەمىن بەلگىلەپ، ”شينجياڭ قوڭىر سيىرى“ جاعراپيالىق بەلگىسىن ٴوتىنىش ەتتى، 2023 ـ جىلى تاعى 1 ـ كەزەكتى ىلە . شينجياڭ قوڭىر سيىرى كاسىپ سالاسىن دامىتۋ جينالىسى وتكىزىلدى.
شينجياڭ قوڭىر سيىرىنىڭ وڭىرلىك ماركاسىن كورنەكتىلەندىرۋ ٴۇشىن، يمۋشين ٴسۇت شارۋاشىلىعى ”شينجياڭ قوڭىر سيىرىن“ زور كۇشپەن ۇگىتتەدى ٴارى ”مەن ىلەدەن كەلدىم“ وڭىرلىك ماركاسىن ٴوتىنىش ەتتى.
قازىر يمۋشين ٴسۇت شارۋاشىلىعى ورتا جازىق، وڭتۇستىك جۇڭگو، سولتۇستىك جۇڭگو، شىعىس وڭتۇستىك جۇڭگو جانە نانجيڭ سىندى 5 ٴىرى ساتۋ ٴوڭىرىن قۇرىپ، بۇكىل ەلدەگى 18 ولكە، اۆتونوميالى رايون، توتە قاراستى قالادا 238 ساۋداگەرى، 30 مىڭنان استام ينتەرنەت جەلىسىنەن تىس ساتۋ دۇكەنى بار.
يمۋشين ٴسۇت شارۋاشىلىعى تاعى ەلەكتروندى ساۋدا ساتۋ ارناسىن مىقتى يگەرىپ، جاڭا مەديالاردىڭ ەلەكتروندى ساۋدا اينالىم ۇجىمىن قۇرىپ، ىلگەرىندى ـ كەيىندى تيانماۋ، جيڭدۇڭ، دوۋيىن جانە الەۋمەتتىك اۋماق توپتىق ساتىپ الۋ سياقتى جاڭا بولشەك ساتۋ ەلەكتروندى ساۋدا ساتۋ تۇعىرلارىندا بايراقتى دۇكەندەرىن اشتى.
ساناققا قاراعاندا، يمۋشين ٴسۇت شارۋاشىلىعى وندىرىسكە قوسىلعاننان بەرى، ٴسۇت ونىمدەرىنىڭ ساتىلۋ سوماسى 134 ميلليون يۋانعا جەتكەن، مۇنىڭ ىشىندە 2022 ـ جىلى ٴسۇت ونىمدەرىنىڭ ساتىلىم سوماسى 36 ميلليون 290 مىڭ يۋانعا، 2023 ـ جىلى ٴسۇت ونىمدەرىنىڭ ساتىلىم سوماسى 66 ميلليون 50 مىڭ يۋانعا، 2024 ـ جىلى 1 ـ ايدان 4 ـ ايعا دەيىن ٴسۇت ونىمدەرىنىڭ ساتىلىم سوماسى 31 ميلليون 940 مىڭ يۋانعا جەتىپ، بىلتىرعى سول تۇستاعىمەن سالىستىرعاندا، %151 ارتقان.
”دۇنيە جۇزىندەگى دامىعان ەلدەرمەن سالىستىرعاندا، جۇڭگولىقتاردىڭ ٴسۇت ونىمدەرىن تۇتىنۋ مولشەرى ٴالى دە وتە تومەن، بولاشاقتا بازاردا ساتۋدا ٴالى دە زور ارتۋ كەڭىستىگى بار“. داشۋە قورەكتىك عىلىمى ماماندىعىنان وقۋ تاۋىسقان ينتەرنەتتە ىقپالدى ”ماشۋ بوبي“ مىنانى ٴبىلدىردى: يمۋشين ٴسۇت شارۋاشىلىعىنىڭ بايلىق ابزالدىلىعى كورنەكتى، پارىقتى باسەكە ارقىلى كاسىپ سالاسىنىڭ جاس ساڭلاعىنا اينالدى، الداعى دامۋ بولاشاعى زور.
