![](http://kazakh.ts.cn/pic/003/528/201/00352820171_d17081a4.jpg)
6 - ايدىڭ 3 - كۇنى قالا تۇرعىندارى ٴۇرىمجى قالاسى جاستار جولى حاۋجياشياڭ ەرەن بازارىنان جەمىس - جيدەك تاڭداپ ساتىپ الدى.
انار بۇلت - شينجياڭ گازەتىنىڭ حابارى (سۋرەتىن ءتۇسىرىپ، ماقالاسىن جازعان ءتىلشى لي شيۇڭشين) 6 - اي جەمىس - جيدەكتەردىڭ بازارعا شىعاتىن قاۋىرت مەزگىلى، مايلى شاپتول، ورىك، شيە، قاۋىن - قاربىز سياقتى جەمىس - جيدەكتەر بازارعا شىعارىلىپ، قالا تۇرعىندارىنىڭ تۇرمىسىنا ٴتاتتى ٴدام سيلاپ، ”جەمىس - جيدەك ءتۇرىن“ بارىنشا مولايتتى.
ٴۇرىمجى قالاسى جاستار جولى حاۋجياشياڭ ەرەن بازارى، شينجياڭ حالىقارالىق ۇلكەن بازار كورىنىس رايونى، سونداي - اق، قالا رايونىنداعى كوپتەگەن جەمىس - جيدەك دۇكەندەرىندەگى زات سورەسىنە كوزدىڭ جاۋىن الاتىن جاڭا جەمىس - جيدەكتەر تىزىلگەن، قىزىل، جاسىل، سارى، كۇلگىن ... ءدامىن تاتقىڭ كەلەدى.
![](http://kazakh.ts.cn/pic/003/528/201/00352820172_c6a6e9c3.png)
6 - ايدىڭ 3 - كۇنى قالا تۇرعىندارى ٴۇرىمجى قالاسىنىڭ جاستار جولى حاۋجياشياڭ ەرەن بازارىنان قاربىز تاڭداپ ساتىپ الدى.
ٴتىلشى ٴۇرىمجى قالاسى جاستار جولى حاۋجياشياڭ ەرەن بازارىنان قىزمەتكەرلەردىڭ جەرگىلىكتى قاربىزدى ءتىلىپ ساتىپ جاتقانىن كوردى.
”بۇل قاربىزداردىڭ ٴبارى تۇرپاننان كەلگەن، كيلوگرامى 0.99 يۋان، بىلتىرعى سايكەس مەزگىلدەگىمەن سالىستىرعاندا كوپ ارزان“، ـ دەدى قىزمەتكەرلەر قاربالاستاپ ءجۇرىپ.
ٴتىلشىنىڭ اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىنشا، 2023 - جىلى شينجياڭنىڭ جەمىس - جيدەك ٴونىم مولشەرى 13 ميلليون 780 مىڭ تونناعا جەتكەن. قازىر شينجياڭدا جەمىس ورمانىنىڭ اۋدانى 21 ميلليون 100 مىڭ مۋ بولىپ، بۇكىل ەلدەگى جەمىس ورمانى كولەمىنىڭ شامامەن %13ىن يەلەيدى، مۇنىڭ ىشىندە شىلان، ٴجۇزىم، ورىك، المۇرت، بادام، شينمەي ەگىن كولەمى مەن ٴونىم مولشەرى بۇكىل ەل بويىنشا ٴبىرىنشى ورىندا تۇرادى.
![](http://kazakh.ts.cn/pic/003/528/201/00352820173_0776a70c.jpg)
6 - ايدىڭ 3 - كۇنى ساياحاتشىلار شينجياڭ حالىقارالىق ۇلكەن بازارىنىڭ ٴدامدى تاعامدار كوشەسىنەن قاربىز ساتىپ الدى.
![](http://kazakh.ts.cn/pic/003/528/201/00352820174_5b798e5d.jpg)
6 - ايدىڭ 3 - كۇنى ٴۇرىمجى قالاسى جيانچۋان كوشەسىندەگى جەمىس - جيدەك دۇكەنىنىڭ قوجايىنى بال قاۋىن تىزۋدە.
![](http://kazakh.ts.cn/pic/003/528/201/00352820175_35fe6b6f.jpg)
6 - ايدىڭ 3 - كۇنى ٴۇرىمجى قالاسى تيانشان رايونى رىيۋەشيڭگۋاڭ شاعىن رايونىنا ورنالاسقان جەمىس - جيدەك دۇكەنىنىڭ قوجايىنى جەمىس - جيدەكتىڭ ساپاسىن تەكسەرۋدە.
![](http://kazakh.ts.cn/pic/003/528/201/00352820176_485d4e89.jpg)
6 - ايدىڭ 3 - كۇنى قالا تۇرعىندارى ٴۇرىمجى قالاسى جيانچۋان كوشەسىندەگى جەمىس - جيدەك دۇكەنىنەن جەمىس - جيدەك تاڭداپ ساتىپ الدى.