انار بۇلت \ شينجياڭ گازەتىنىڭ ٴتىلشىسى حي حۇڭۋي 6 ـ ايدىڭ 6 ـ كۇنى ۇرىمجىدەن حابارلايدى. جۇڭگو _ ازيا _ ەۆروپا كورمەسىنىڭ حاتشىلار باسقارماسىنان ۇعىسۋىمىزشا، قازىرگە دەيىن ازيا، وكەانيا، ەۆروپا، افريكا سياقتى وڭىرلەردەگى 40تان استام مەملەكەت جانە رايوننان كەلگەن 100گە جۋىق ساپالى كاسىپورىننىڭ 8 ـ كەزەكتى جۇڭگو _ ازيا _ ەۆروپا كورمەسىنە قاتىناساتىندىعى انىق بولعان، كورمە بۇيىمدارى ساپالى ازىق ـ تۇلىك، توقىما بۇيىمدار، كۇندەلىكتى حيميالىق بۇيىمدار، قولونەر بۇيىمدارى جانە دالالىق سپورتتىق ونىمدەر سياقتىلاردى قامتيدى ەكەن.
كورمە كەزىندە شياڭگاڭ ەرەكشە اكىمشىلىك رايونى ۇكىمەتىنىڭ بەيجيڭدەگى ٴىس باسقارماسى ”تارتىمدىلىققا تولى حالىقارالىق ٴنان قالا“ وبراز كورمەسىن اكەلەدى. بىرلەسكەن مەملەكەتتەر ۇيىمىنىڭ ونەركاسىپتى دامىتۋ ۇيىمى مەن بىرلەسكەن مەملەكەتتەر ۇيىمىنىڭ تۇستىك ەلدەر سەلبەستىگى كەڭسەسى 8 ـ كەزەكتى جۇڭگو _ ازيا _ ەۆروپا كورمەسى كەزىندە بىرلەسىپ كورمەگە قاتىناسىپ، بىرلەسكەن مەملەكەتتەر ۇيىمى قۇرىلىمى قولداۋ كورسەتكەن نىساننىڭ جۋىق جىلداردان بەرى تۇستىك ەلدەر سەلبەستىگىن ىلگەرىلەتۋ جاعىندا قول جەتكىزگەن جەتىستىكتەرىن تانىستىرادى.
وسى كەزەكتى كورمەدە ”ٴبىر بەلدەۋ، ٴبىر جولدى“ بىرگە قۇراتىن ەلدەر مەملەكەت سارايى، حالىقارالىق ەرەكشەلىككە يە تاۋار كورمە رايونى، گۋاڭدۇڭ _ شياڭگاڭ _ اۋمىن ٴوڭىرى كاسىپورىندار كورمە رايونى سياقتىلار ورنالاستىرىلدى. مۇندا حالىقارالىق ەرەكشەلىككە يە تاۋار كورمە رايونىندا گرۋزيانىڭ قىزىل ٴجۇزىم شارابى، ۋرۋگۆايدىڭ كۇلگىن حرۋستالى، تاجىكستاننىڭ قانت ـ كامپيتى، وزبەكستاننىڭ ۆاريناسى، قازاقستاننىڭ ماي ونىمدەرى، ازەربايجاننىڭ ”شاۋنۇيتا“ قوراپتى شايى، يندونەزيانىڭ الوي اعاشى، قىرعىزستاننىڭ گۇلدى ۇزىن شاپانى سياقتى ەرەكشە ونىمدەرى شوعىرلى كورمەلەنەدى.
ايتا كەتۋگە تاتيتىنى، حالىقارالىق كورمە رايونىنداعى ”كونە كوزدەردەن“ تىس، وسى كەزەكتى كورمەدە تاعى ماداگاسكاردىڭ جۇپار ٴيىستى زاتتارى مەن اشەكەي بۇيىمدارى، مالي رەسپۋبليكاسىنىڭ ٴداستۇرلى ماتا سۋرەتى، بانگلادەشتىڭ سارى كەندىر ٴۇي جيھازدارى اشەكەي بۇيىمدارى، گانا رەسپۋبليكاسىنىڭ اعاش ويمالارى جانە افريكانىڭ بارابانى سياقتى ەرەكشە ونىمدەردىڭ كورمەگە قويىلۋى تۇتىنۋشىلاردىڭ ”زات ارباداعى زاتىنىڭ ٴتۇرىن“ مولايتا تۇسەتىن بولادى.
” ’دوستار شەڭبەرىنىڭ‘ ۇزدىكسىز كەڭەيۋى جۇڭگو شينجياڭىنىڭ اشىق قاقپاسىنىڭ بارعان سايىن ايقارا اشىلعاندىعىن كورسەتەدى“. شينجياڭ حالىقارالىق كورمە ىستەرى مەكەمەسى سىرتپەن بايلانىس جاساۋ ٴبولىمىنىڭ كادرى حۋاڭ جيڭ مىنالاردى ٴبىلدىردى: حالىقارانىڭ جانە گۋاڭدۇڭ _ شياڭگاڭ _ اۋمىن كورمە رايونى ورنالاسىمىن ۇزدىكسىز ساپالىلاندىرىپ، حالىقارالانعان، اناعۇرلىم باي مازمۇندى ەلەمەنتتەردى كوپشىلىكتىڭ الدىنا تارتۋ ەتۋگە كۇش سالامىز. سونىمەن بىرگە 3 رەتكى شەكارا سىرتى قارجى قوسۋىن، ساۋدانى جەبەۋ جانە تانىستىرۋ قيمىلىن سايكەستىرە وتكىزىپ، كورمەنىڭ ەكونوميكا ـ ساۋدا اۋىس ـ كۇيىسى، سەلبەستىك تۇعىرى رولىن تولىق ساۋلەلەندىرىپ، حالىقارالىق سيپاتتاعى كورمەنىڭ اشىق، كوپ نەگىزدى، سيىسىمدى ٴداۋىر ەرەكشەلىگىن ايگىلەيتىن بولامىز.
