انار بۇلت \ شينجياڭ گازەتىنىڭ ٴتىلشىسى ۋاڭ يايۇن 6 ـ ايدىڭ 7 ـ كۇنى ۇرىمجىدەن حابارلايدى. جۇڭگو _ ورتا ازيا قالا قۇرىلىسى مەن قۇرىلىس كورمەسى جانە زەرتتەۋ ـ تالقى ٴماجىلىسى دايىندىق كوميتەتىنەن ۇعىسۋىمىزشا، 8 ـ كەزەكتى جۇڭگو _ ازيا _ ەۆروپا كورمەسى قۇرىلىس سالاسىنىڭ ”ساۋلەتتى شەبىن“ قارسى الىپ، بۇكىل ەلدەگى 10 ولكە، اۆتونوميالى رايون، توتە قاراستى قالادان 73 قۇرىلىس كاسىپورنى قۇرىلىس كاسىبى كورمە اۋماعىندا بوي كورسەتەدى ەكەن، مۇنىڭ ىشىندە دۇنيە جۇزىندەگى 500 مىقتى قاتارىنان ورىن العان 12 كاسىپورىن، 22 ورتالىق كاسىپورنى جانە ارنايىلانعان، كەمەلدەنگەن، ەرەكشەلەنگەن، جاڭاشالانعان كاسىپورىن، 39 سالالىق ايگىلى كاسىپورىن بار.
تانىستىرۋعا قاراعاندا، وسى كەزەكتى كورمەدە ”جىبەك جولىن زەردەلى قۇرىپ، بولاشاق سومداۋ“ نەگىزگى تاقىرىپ بولعان قۇرىلىس كاسىبى نەگىزگى تاقىرىپتىق كورمە اۋماعى ەرەكشە ورنالاستىرىلعان، كورمە اۋدانى 3636 شارشى مەتر بولىپ، جياڭسۋ، شاندۇڭ، شانشي سياقتى قۇرىلىستا قۋاتتى ولكەلەردىڭ بارلىعى ۇيىرمە قۇراپ كورمەگە قاتىناسادى ەكەن.
كورمە اۋماعى 4 تاقىرىپتىق بولىككە بولىنگەن، ياعني ”جاقسى ٴۇي“ كورمە اۋماعى، قۇرىلىستى ونەركاسىپتەندىرۋ جانە زەردەلى جاساۋ كورمە اۋماعى، زەردەلى قالا جانە جاسىل، تومەن كومىر قىشقىل گازدى كورمە اۋماعى، قول ۇستاسا بىرگە قۇرۋ كورمە اۋماعى بولىپ، زەردەلى قۇرىلىس سالاتىن قۇلتەمىر، عيمارات سالۋ ماشيناسى، كوپىر سالۋ ماشيناسى سياقتى كوپتەگەن جارقىن تۇيىندەر شوعىرلى كورسەتىلەدى.
ۇعىسۋعا قاراعاندا، وسى كەزەكتى كورمە ساۋداگەر شاقىرۋ باستالىسىمەن، بۇكىل ەلدەن نەشە ٴجۇز قۇرىلىس كاسىبى كاسىپورنىن بەلسەنە تىزىمدەلىپ قاتىناسۋعا باۋراعان، قاتاڭ سۇرىپتاۋ جانە تەكسەرۋ ارقىلى ەڭ سوڭىندا 70تەن استام كاسىپورىننىڭ كورمەگە قاتىناساتىنى تۇراقتاندىرىلعان.
قۇرىلىس سالاسىنداعى كاسىپورىنداردىڭ كورمەگە شوعىرلى قاتىناسۋى جۇڭگو مەن ورتا ازيا ەلدەرىنىڭ قۇرىلىس تەحنيكاسى، قۇرىلىس ولشەمى، قۇرىلىس ماتەريالدارى ونىمدەرى، قونىس ورتاسى جونىندەگى سەلبەستىگىن، اۋىس ـ كۇيىسىن ٴونىمدى جەبەپ، سەلبەسىپ تەڭ يگىلىككە كەنەلۋدى جۇزەگە اسىرىپ، تۇرعىن ٴۇي، قالا ـ اۋىل قۇرىلىسى سالاسىنداعى حالىقارالىق اۋىس ـ كۇيىس تۇعىرىن قۇرۋ جونىندە ىزدەنىس جاساپ، ورتا ازياداعى ٴارقايسى ەلدەرمەن بولعان ۇزاق مەرزىمدىك ناقتى ىستەر سەلبەستىگىن ىلگەرىلەتۋگە جاقسى نەگىز قالايدى.
كورمە كەزىندە تاعى ”قول ۇستاسا بىرگە قۇرۋ، ٴوزارا پايدا جەتكىزىپ بىرگە يگىلىكتەنۋ، جۇڭگو _ ورتا ازيا قۇرىلىسى سەلبەستىگىن ىلگەرىلەتۋ“ ارناۋلى تاقىرىپتىق زەرتتەۋ ـ تالقى ٴماجىلىسى ۇيىمداستىرىپ، ورىستەتىلەدى، سول كەزدە جۇڭگولىق، شەتەلدىك سيلى قوناقتار، مامان ـ وقىمىستىلار، كاسىپورىن جاۋاپتىلارى، ت. ب نازاردى وڭىرلىك قالا قۇرىلىسى مەن قۇرىلىسقا قارجى قوسۋدىڭ دامۋ قاجەتىنە شوعىرلاندىرىپ، قالا قۇرىلىسى مەن قۇرىلىس كاسىبىنىڭ جوعارى ساپالى دامۋىن ارقاۋ ەتىپ، جۇڭگو مەن ازيا _ ەۆروپا ەلدەرىنىڭ، اسىرەسە، شينجياڭ مەن ورتا ازيا ەلدەرىنىڭ ينجەنەريالىق قۇرىلىس پەن قۇرىلىس كاسىبى جونىندەگى اۋىس ـ كۇيىسىن، سەلبەستىگىن بەكەمدەپ جانە تەرەڭدەتىپ، جۇڭگو _ ورتا ازيانىڭ دامۋ بولاشاعىن بىرگە جوسپارلاپ، جۇڭگو _ ورتا ازيا سەلبەستىك ورايىنان بىرگە يگىلىكتەنەدى.
