ەركىن تۇنياز قارامايلى قالاسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
جوعارى ساپالى دامۋدىڭ كوڭىلدەگىدەي جاۋابىن قۇلشىنا تاپسىرۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 6 ـ ايدىڭ 9 ـ كۇنى قارامايلىدان حابارلايدى. 6 ـ ايدىڭ 9 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قارامايلى قالاسىنا كەلىپ، مۇناي، گاز بارلاۋ، جاڭا ەنەرگيا، جاڭا ماتەريال كاسىپ سالاسى، عىلىم ـ تەحنيكادا جاڭالىق اشۋ، ساياحات سياقتىلار جونىندە تەكسەرۋ ـ زەرتتەۋ جۇرگىزدى. ەركىن تۇنياز بىلاي دەپ باسا دارىپتەدى: قارامايلى قالاسى بۇكىل رايوننىڭ دامۋىنداعى ورنىن ٴدال تاۋىپ، كاسىپ سالاسى نەگىزى مەن باسىمدىعىن تياناق ەتىپ، عىلىم ـ تەحنيكادا جاڭالىق اشۋدىڭ ”شەشۋشى اينىمالى شاماسىنان“ ويداعىداي پايدالانىپ، جاڭادان گۇلدەنگەن كاسىپ سالالارىنىڭ ”ساپالى ارتۋ مولشەرىن“ زورايتىپ، تيبىن وزگەرتىپ دامۋ اياق الىسىن جەدەلدەتىپ، الدىڭعى جارتى جىلداعى نىسانا ـ مىندەتتەردى كۇش سالا ويداعىداي ورىنداپ، جوعارى ساپالى دامۋدىڭ كوڭىلدەگىدەي جاۋابىن قۇلشىنا تاپسىرۋى كەرەك.
قارامايلى مەملەكەتتىك جوعارى، جاڭا تەحنيكا كاسىپ سالاسىن اشۋ رايونى شينجياڭ سۋتەگى ەنەرگياسى پورتىندا ەركىن تۇنياز قارامايلى قالاسىنىڭ سۋتەگى ەنەرگياسىن دامىتۋ جوباسى جانە كاسىپ سالاسى تىزبەگىنىڭ جوعارعى، تومەنگى بۋىندارىنىڭ جاعدايى جونىندەگى تانىستىرۋدى تىڭداعاننان كەيىن، سۋتەگى ەنەرگياسى كاسىپ سالاسىن دامىتۋدىڭ تەرەزەلىك مەزگىلىن، وراي مەزگىلىن مىقتى يگەرىپ، ۋاقىتتى ۇتىپ، جارىس جولىن، بازاردى مىقتى يگەرىپ، سۋتەگى ەنەرگياسىنىڭ كوپ نەگىزدى قولدانىلۋ كەڭىستىگىن كەڭەيتىپ، سۋتەگى ەنەرگياسى كاسىپ سالاسىنان ۇلگى كورسەتۋ رايونىن جوعارى باستامادا، جوعارى ولشەممەن قۇرۋ كەرەكتىگىن باسا دارىپتەدى. شينجياڭ جيڭپين جاڭا ەنەرگيا شەكتى سەرىكتەستىگىنىڭ 12GW جوعارى ٴونىمدى جاي كريستالدى كرەمني تاياقشاسى جانە كرەمني جاپىراقشاسى نىسانى (1 ـ مەرزىمدىك) بۇكىل شينجياڭداعى ەڭ ۇلكەن جاي كريستالدى كرەمني كاسىبى نىسانى سانالادى. ”بۇعان قانداي تەحنيكالىق بارىس قولدانىلادى؟ بيىل الدىڭعى 5 ايداعى ٴوندىرىس ـ تيجارات جاعدايى قانداي؟“ ەركىن تۇنياز سەحقا كىرىپ، ٴوندىرىس قۋاتى، ٴونىم مولشەرى، بازار باعاسى، جۇمىسشى ىستەتۋ سياقتى جاعدايلاردى ەگجەي ـ تەگجەيلى ۇعىسىپ، كاسىپورىنداردىڭ تالاپ ـ تىلەكتەرىن تىڭدادى. ول بىلاي دەپ باسا دارىپتەدى: سەنىمدى بەكەمدەپ، ورايدى مىقتى يگەرىپ، عىلىم ـ تەحنيكا ۇسىنىلىمىن ارتتىرىپ، شىن مانىندە وزىندىك قۇندى تومەندەتىپ، ونىمدىلىكتى ارتتىرىپ، 2 ـ مەرزىمدىك نىسان قۇرىلىسىن جەدەل ىلگەرىلەتىپ، ”وزگەلەر تاڭداۋلى بولعاندا مەن ەرەن بولۋىم كەرەك“ دەيتىن ۇزدىك بولۋعا تالپىنۋ رۋحىمەن جاڭا جول اشىپ، شينجياڭنىڭ جاڭا ەنەرگيا، جاڭا ماتەريال كاسىپ سالاسى شوعىرىن قالىپتاستىرۋىنا دەم بەرۋ كەرەك.
قارامايلى قالاسى چىڭتوۋ مۇنايلىق قۇم كەنىن بارلاۋ شەكتى جاۋاپكەرشىلىك سەرىكتەستىگى فىڭچىڭ 1 ـ ٴنومىرلى مۇنايلىق قۇم كەنىندە ەركىن تۇنياز مۇنايلىق قۇم مۇنايىن ٴبىر جاقتى ەتۋ پۋنكتى مەن بۇرعىلاۋ جۇمىس اۋماعىن ۇستىندە كوزدەن كەشىرىپ، تەحنولوگيالىق بارىس، تەحنيكالىق جاڭالىق اشۋ،ٴوندىرىس حاۋىپسىزدىگى سياقتى جاعدايلاردى ەگجەي ـ تەگجەيلى ۇعىستى. ول بىلاي دەپ باسا دارىپتەدى: ٴوندىرىس حاۋىپسىزدىگى العى شارتىندا قارقىندى تەزدەتىپ، ٴوندىرىس قۋاتىن كەڭەيتىپ، مۇناي، گاز قورىن ارتتىرىپ، ٴونىمدى جوعارىلاتۋدى بار كۇشپەن ىلگەرىلەتىپ، عىلىم ـ تەحنيكا ارقىلى مۇناي الابىن زەردەلىلەندىرۋ، جاسىلداندىرۋ قۇرىلىسىن جەبەپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە اناعۇرلىم زور ۇلەس قوسۋ كەرەك.
ورقى حالىقارالىق ۇيشە اۆتوكولىك تۇزگى تۇراق باقشاسىندا جوعارى دارەجەلى اعاش ٴۇي، تاماشا ۇيشە اۆتوكولىك، جەڭىل دە ٴساندى شاتىر ٴۇي جانە تيەۋىش قوراپتى تۇزگى تۇراق سياقتىلار قاز ـ قاتار ورنالاستىرىلىپ، شينجياڭنىڭ ٴىشى ـ سىرتىنان كەلگەن ساياحاتشىلاردىڭ اياعى ۇزىلمەدى. ەركىن تۇنياز جولاۋشى مولشەرى، حالىقتىق تۇسەلحاناعا تاپسىرىس بەرۋ سياقتى جاعدايلاردى ەگجەي ـ تەگجەيلى ۇعىسىپ، وڭىرلىك ورنالاستىرۋدى ساپالىلاندىرىپ، مادەنيەت مازمۇنىن اشىپ، مادەنيەت ويىندارى، قارتتاردى كۇتىمدەۋ، كۇتىنۋ، سالاماتتىق دەنە تاربيە سياقتى جاڭاشا كاسىپ كۇيىن كەڭەيتىپ، ساياحاتشىلارعا دارا، كوپ نەگىزدى، سارالانعان تۇتىنۋ تاڭداۋىن ازىرلەۋدى باسا دارىپتەدى. باتىس بولىك ۋجىن قالاشىعى حالىقارالىق مادەنيەت ـ ساياحات دەمالىس وڭىرىندە ەركىن تۇنياز وسى نىساننىڭ اۋىل ـ قىستاق قورا ـ جايلىق جەرىن اينالىمعا سالۋدى تۇتقا ەتىپ، قىستاق كوللەكتيۆ شارۋاشىلىعىن جانداندىرۋ ٴادىسىن تولىق تۇراقتاندىرىپ، بازارلاندىرۋ، كولەمدەندىرۋ اينالىم مەحانيزمى جونىندە ىشكەرىلەي ىزدەنىس جاساپ، اۋىل ـ قىستاق كاسىپ سالاسىنىڭ گۇلدەنۋىن ىلگەرىلەتىپ، كىرىستى ارتتىرۋ ارناسىن كەڭەيتىپ، جەرگىلىكتى بۇقارانى اناعۇرلىم كوپ تابىس سەزىمىنە كەنەلتۋدى باسا دارىپتەدى.
تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: اۆتونوميالى رايوننىڭ ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتىپ، مۇناي ـ تابيعي گاز كاسىپ سالاسى دامۋىنىڭ ساپاسى مەن ونىمدىلىگىن جوعارىلاتۋ كەرەك. عىلىم ـ تەحنيكا ارقىلى جەتەكشىلىك ەتۋگە تاباندى بولىپ، فوتوۆولتتىق ەنەرگيا، سۋتەگى ەنەرگياسى، ەسەپتەۋ قۋاتى سياقتى بولاشاق كاسىپتەردى بەلسەنە ورنالاستىرىپ، جاڭاشا وندىرگىش كۇشتەردى جەدەل جەتىلدىرۋ جانە دامىتۋ كەرەك. ەكونوميكالىق اينالىمدى رەتتەۋدى مىقتى يگەرىپ، كولەمدەنگەن ونەركاسىپتىڭ، تۇتىنۋ سالاسىنىڭ ورنىقتىلىق بارىسىندا جاقسارۋىن ىلگەرىلەتۋ كەرەك. شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، كاسىپورىندارعا تيىمدىلىك جاساۋ، كاسىپورىندارعا پايدا جەتكىزۋ قىزمەت وتەۋىن كۇشەيتىپ، وقۋ ـ اعارتۋ، عىلىم ـ تەحنيكا، دارىندىلار سياقتىلاردىڭ سايكەستى، توعىسپالى دامۋىن ىلگەرىلەتىپ، بىرەگەي جاڭالىق اشۋ ەكولوگياسىن كۇش سالا قالىپتاستىرۋ كەرەك.
