شينجياڭنىڭ جاس جەمىستەرى ۇشاقپەن بۇقارانىڭ داستارقانىنا جەتكىزىلدى
□ انار بۇلت \ شينجياڭ گازەتىنىڭ ٴتىلشىسى فان چيۇڭيان
اعاش باسىنداعى بال _ بۇگۇردىڭ اق ورىگى ٴسىزدىڭ ٴدام تاتىپ كورۋىڭىزدى كۇتىپ تۇر. 6 ـ ايدىڭ 8 ـ كۇنى بۇگۇر اۋدانى تەرەكبازار اۋىلىندا ”اق ورىكتى جەتكىزۋ . شۇنفىڭ جاس كۇيىندە قابىلداۋ “ 2024 ـ جىلعى بۇگۇر اق ورىگىن تانىستىرۋ جينالىس الاڭى دۋمانعا بولەندى، كوپشىلىك قيمىلعا قاتىناسا ٴجۇرىپ، اق ورىكتىڭ ٴدامىن تاتتى، ونان سوڭ اق ورىك سۇرىپتاۋ ورتالىعىنا كىرىپ، قوراپتاۋ، سۇرىپتاۋ، زات جونەلتۋدى جۇمىس باسىندا كوردى...
قازىر شينجياڭنىڭ جەمىس ـ جيدەكتەرى ىركەس ـ تىركەس بازارعا سالىندى، كىشكەنتاي اق ورىك، قۇمىل قاۋىنى، شيە... ٴسىز تەك ينتەرنەتتە نەمەسە تىكە تاراتۋ بولمەسىندە تاپسىرىس بەرسەڭىز بولعانى، شينجياڭنىڭ جاس جەمىستەرى ۇشاقپەن سىزگە جىلدام جەتىپ كەلەدى.
جەتكىزۋ ارناسىنىڭ باسىمدىعىنان تولىق پايدالاندى
بيىل بۇگۇر اۋدانى تەرەكبازار اۋىلى 1000 شارشى مەترلىك اق ورىك سۇرىپتاۋ ورتالىعىن قۇرىپ، زاتپەن قامداۋ، سۇرىپتاۋ، قوراپتاۋ، زات شىعارۋدى ٴبىر تۇلعالاندىرىپ، سۇرىپتاۋ، قوراپتاۋ قارقىنى مەن ونىمدىلىگىن جوعارىلاتىپ، ەگىمشىلىك وتباسىلارىنىڭ ورىگىنىڭ ٴۇيىلىپ قالۋىنان تۋىلاتىن زياننان ونان ارى ساقتاندى.
6 ـ ايدىڭ 4 ـ كۇنى شينجياڭ شۇنفىڭ تەز تاسىمال شەكتى سەرىكتەستىگىندە اق ورىكتى جەدەل جەتكىزۋى ەڭ جوعارى شەككە جەتىپ، سول كۇنى 39 مىڭ جاشىك، 78 توننا جونەلتىلدى.
”ۇزاق ۋاقىت ساقتاۋعا كەلمەيتىن اق ورىك جونىنەن العاندا، تەز، جوعارى ٴونىمدى تاسىمالداۋ شەشۋشى ٴتۇيىن سانالادى. ساياحاتتىڭ قاۋىرت مەزگىلىندە اۋەجاي بايلىعى شەكتەمەگە ۇشىراعان جاعدايدا دا، ٴبىز ’كىشكەنتاي اق ورىكتەردىڭ شينجياڭنان شىعاتىن‘ جاسىل ارناسىن كۇش سالا اشىپ، جىلدام تىكە جەتكىزۋدى جۇزەگە اسىرىپ، ٴاربىر كىشكەنتاي اق ورىكتىڭ ەڭ قىسقا ۋاقىت ىشىندە ەڭ تاماشا كۇيمەن تۇتىنۋشىلاردىڭ قولىنا جەتكىزىلۋىنە شىنايى كەپىلدىك ەتتىك“، ـ دەدى شينجياڭ شۇنفىڭ تەز تاسىمال شەكتى سەرىكتەستىگىنىڭ ورىنباسار باس ديرەكتورى لي شوۋگو تانىستىرىپ.
بيىل شينجياڭ شۇنفىڭ بۇگۇر اۋدانى ياڭشيا قالاشىعىندا، تەرەكبازار اۋىلىندا، سدايا اۋىلىندا، يەيۇنگوۋ اۋىلىندا 8 توڭازىتىپ ساقتاۋ اۆتوكولىگىن ىسكە قوسىپ، وندىرىلگەن جەرىنەن ٴۇرىمجى ديوپۋ حالىقارالىق اۋەجايىنا توتە جونەلتتى. سونىمەن بىرگە، كوپ جىلدىق كىشكەنتاي اق ورىك تاسىمالىنىڭ تاجىريبەلەرىن قورىتىندىلاۋ نەگىزىندە، شۇنفىڭ توبىمەن الدىن الا بەلسەنە بايلانىس جاساپ، ٴتۇيىلىستى، سونداي ـ اق اۆياتسيا بايلىعىنا بار كۇشپەن قول جەتكىزىپ، كەڭ تۇلعالى تۇتاس جۇك ۇشاعى بايلىعىن كەڭەيتىپ، دارەجەسىن 28 توننا جۇك كوتەرەتىن بوين 757 تۇرپاتتى ۇشاقتان 48 توننا جۇك كوتەرەتىن بوين 767 تۇرپاتتى ۇشاققا جوعارىلاتتى.
بايىنعولين موڭعۇل اۆتونوميالى وبلىستىق پوچتا ىستەرىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى رىن شينيۇڭ مىنالاردى ٴبىلدىردى: بايىنعولين وبلىستىق پوچتا ىستەرىن باسقارۋ مەكەمەسى پوچتا جەدەل جەتكىزۋ كاسىبىنىڭ جەتكىزۋ ارناسىنىڭ باسىمدىعىنان تولىق پايدالانىپ، اۋىل شارۋاشىلىعى ەرەكشە ونىمدەرىن ۇزاق ۋاقىت ورنىقتى ٴوندىرۋ، قامداۋ، ساتۋ، جەتكىزۋ ارناسىن قۇرۋىنا جەتەكشىلىك ەتەدى. سونىمەن بىرگە، پوچتا جەدەل جەتكىزۋ كاسىبىنىڭ اۋىل شارۋاشىلىعى ونىمدەرى سالاسىنداعى تۇلعالارمەن قول ۇستاسا العا باسىپ، شوعىرلى زات اينالىمى، ينفورماتسيا اينالىمى، قارجى اينالىمى، ساۋدا اينالىمى ٴبىر تۇلعالانعان جان ـ جاقتى سەلبەسىپ تەڭ يگىلىككە كەنەلۋ ۇلگىسىن قالىپتاستىرۋىن ٴۇمىت ەتەمىز.
پوچتا جەدەل جەتكىزۋ تورىنىڭ ورنالاسۋىن ساپالىلاندىردى
قازىر قاشقار ايماعىندا 45 مىڭ مۋ جەردەگى شيە ىركەس ـ تىركەس پىسىپ، بازارعا شوعىرلى سالىندى. ياركەن اۋدانى، پوسكام اۋدانى، قاعىلىق اۋدانى شيەدەن مول ٴونىم الۋ ماۋسىمىن قارسى الدى، ٴار كۇنى قىرۋار شيە جەدەل جەتكىزۋ ارقىلى بۇكىل ەلدىڭ جەر ـ جەرىنە جونەلتىلۋدە.
” 4000 نەشە جاشىك شيە جيناپ الدىق، شينجياڭنىڭ جەر ـ جەرىنە ساتۋدان سىرت، تاعى شاڭحاي، بەيجيڭ، جىجياڭ، حىنان، سىچۋان، شانشي، گانسۋ سياقتى جەرلەرگە دە ساتىلادى“، ـ دەدى شينجياڭ شۇنفىڭ تەز تاسىمال شەكتى سەرىكتەستىگى ياركەن اۋداندىق بولىمشە سەرىكتەستىگىنىڭ جاۋاپتىسى حى جىنۋي.
ياركەن اۋدانىنداعى شيە وندىرىلەتىن جەردە شۇنفىڭ توبى 20 نەشە باسقارۋشى مەن جەدەل جەتكىزۋشىنى شىعارىپ شيە تەرۋ اۋماعى، ساتۋ اۋماعى، ساياحاتشىلاردىڭ سەيىل ـ سەرۋەن اۋماعى سىندى 3 جيناۋ ٴتۇيىنىن ورنالاستىرىپ، ەگىمشىلىك وتباسىلارى مەن ساياحاتشىلاردىڭ شيە تەرۋىنە، قوراپتاۋىنا كومەكتەستى.
حى جىنۋي تانىستىرىپ بىلاي دەدى: شيەنىڭ تاسىمال بارىسىندا جاس كۇيىن ساقتاۋىنا شىنايى كەپىلدىك ەتۋ ٴۇشىن، شۇنفىڭ توبى جەتكىزۋ بۋىنىندا جەمىس ـ جيدەك ساپاسىن قاتاڭ تىزگىندەپ، كاسىپتىك قوراپتاۋ ماتەريالدارىمەن قامدادى، ٴبىر ٴبولىم شيە وندىرىلگەن جەردەن تىكە جونەلتىلدى، سونداي ـ اق بىتىراندى اۋە تاسىمالى ارقىلى تولىقتاندى، ٴبىر ٴبولىم شيە شۇنفىڭ توبىنىڭ تۇتاس جۇك ۇشاعى ارقىلى حۋبەي ولكەسىنىڭ ىجوۋ حۋاحۋ حالىقارالىق اۋەجايىنا جونەلتىلدى، ونان سوڭ، ىجوۋ ارقىلى بۇكىل ەلدىڭ جەر ـ جەرىنە جونەلتىلىپ، ەل ىشىندە 72 ساعاتتا جەتكىزۋگە شىنايى كەپىلدىك ەتتى.
قاشقار ايماقتىق پوچتا ىستەرىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ۋاڭ شياۋحۋ مىنالاردى ٴبىلدىردى: قاشقار ايماقتىق پوچتا ىستەرىن باسقارۋ مەكەمەسى پوچتا جەدەل جەتكىزۋ تورىنىڭ ورنالاسۋىن اناعۇرلىم ساپالىلاندىرىپ، جەتكىزۋ قىزمەت وتەۋ ساپاسىن جوعارىلاتىپ، قاتىستى ورىندارمەن، تاراۋلارمەن بايلانىستى، ٴتۇيىلىسۋدى كۇشەيتىپ، پوچتا جەدەل جەتكىزۋ كاسىبىنىڭ قاشقار ايماعىنىڭ ساپالى اۋىل شارۋاشىلىعى ونىمدەرىن ساتۋدى جانە تاسىمالداۋدى قولداۋ سەرپىنىن ارتتىرۋعا باسا ٴمان بەرىپ، اۋىل شارۋاشىلىعى ونىمدەرىنىڭ قىستاقتان شىعىپ قالاعا كىرۋ، تۇتىنۋ بۇيىمدارىن اۋىل ـ قىستاققا جەتكىزۋ سىندى قوس باعىتتى اينالىم ارناسىن ونان ارى ىركىلىسسىزدەندىرىپ، جەرگىلىكتى ورىننىڭ ەرەكشە اۋىل شارۋاشىلىعىنىڭ دامۋى مەن ٴار ۇلت شارۋالارىنىڭ كىرىستەرىن ارتتىرىپ، بايۋىنا اناعۇرلىم ويداعىداي دەم بەرەدى.
قاۋىرت مەزگىلدە جەتكىزۋدىڭ ورنىقتى، ٴتارتىپتى بولۋىنا شىنايى كەپىلدىك ەتتى
6 ـ ايدىڭ 4 ـ كۇنى ٴۇرىمجى پوچتا رايونى ورتالىعىنىڭ پوچتا جولدامالارىن ٴبىر جاقتى ەتۋ مولشەرى قاۋىرت ارتىپ، سول كۇنى جيىنى 385 مىڭ پوچتا جولداماسىن ٴبىر جاقتى ەتتى، الدىڭعى كۇندەگىمەن سالىستىرعاندا جاڭادان 60 مىڭنان استام پوچتا جولداماسى قوسىلدى.
بيىل 18” ـ ماۋسىم“ ەلەكتروندى ساۋدانى قاۋىرت جەبەۋ ىركەس ـ تىركەس باستالدى، شينجياڭنىڭ ولكە دارەجەلى ٴبولۋ ورتالىعى رەتىندە، ٴۇرىمجى پوچتا رايونى ورتالىعىنىڭ كاسىپ مولشەرىندە بىرتىندەپ ارتۋ جاعدايى جارىققا شىقتى.
5 ـ ايدىڭ 30 ـ كۇنى ٴۇرىمجى پوچتا رايونى ورتالىعى ”جاس كۇيىندە ەرەكشە تەز جەتكىزىلەتىن“ قۇمىل قاۋىنى نىسانىن باستادى، سول كۇنى وسى ورتالىق جالپى 17 مىڭ جاشىك قۇمىل قاۋىنىن قابىلدادى. ٴۇرىمجى پوچتا رايونى ورتالىعى ٴوندىرىس باسقارۋ ـ مەڭگەرۋ ٴبولىمىنىڭ ورنالاستىرۋشىسى جىڭ شينۋي بىلاي دەپ تانىستىردى: ” 18 ـ ماۋسىم“ ەلەكتروندى ساۋدانى بارىنشا جەبەۋ جانە ”ەرەكشە جىلدام جولداما“ قۇمىل قاۋىنى نىسانىنىڭ باستالۋىنا تۋرا كەلدى، ٴۇرىمجى پوچتا رايونى ورتالىعى پوچتا جولدامالارىن ٴبىر جاقتى ەتۋ ورتالىعىنىڭ بيىل جىل ورتاسىنداعى قاۋىرت مەزگىلدەگى كاسىپ مولشەرى مەجەمەن %50 ارتادى. 5 ـ ايدىڭ 30 ـ كۇنىنەن 6 ـ ايدىڭ 7 ـ كۇنىنە دەيىن بۇل ورتالىق اۋەجايعا ٴار باعىتتاعى 48 تونناعا تاياۋ 11 مىڭ 379 دوربا (جاشىك) پوچتا جولداماسىن تاسىمالداۋعا تاپسىردى، بۇل بىلتىرعى سول تۇستاعى كۇندىك تاسىمال مولشەرىنەن %50تەن استام ارتقان، مۇنىڭ ىشىندە ”جاس كۇيىندە ەرەكشە تەز جەتكىزىلەتىن“ قۇمىل قاۋىنى نىسانى بويىنشا 25 تونناعا تاياۋ 5090 جاشىك جولداما تاسىمالداۋعا تاپسىرىلعان.
”ٴبىز اۋە اۋماعىنىڭ تاسىمالعا تاپسىرۋعا قولايلى، تەز بولۋ باسىمدىعىن تولىق ساۋلەلەندىرىپ، پوچتا جولدامالارىن قابىلداعاننان كەيىن، اۋە اۋماعىنا تىكەلەي تاپسىرىپ، ۇشاققا تەز شىعاردىق“. جىڭ شينۋي بىلاي دەدى: ” 18 ـ ماۋسىم“ ەلەكتروندى ساۋدانى قاۋىرت جەبەۋگە ٴونىمدى سايكەسۋ ٴۇشىن، ٴبىز سىرتقا كوتەرمەگە بەرۋ سەرىكتەستىگىن سايكەستىرىپ، كەزەكشى ىستەرى مەن قىزمەتكەرلەردى ورنالاستىرۋ قىزمەتىن دەن قويا ويداعىداي ىستەپ، قاۋىرت مەزگىلدە جەتكىزۋدىڭ ورنىقتى، ٴتارتىپتى بولۋىنا شىنايى كەپىلدىك ەتتىك.
