ەركىن تۇنياز قاشقار ايماعىندا جانە ىلە قازاق اۆتونوميالى وبلىسىندا تەكسەرۋ ـ زەرتتەۋ جۇرگىزدى
جوعارى ساپالى دامۋدا جىلدام ىلگەرىلەۋگە قۇلشىنۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 6 ـ ايدىڭ 15 ـ كۇنى قاشقاردان \ قۇلجادان حابارلايدى. تاياۋدا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قاشقار ايماعىنا جانە ىلە قازاق اۆتونوميالى وبلىسىنا بارىپ، كاسىپورىن، اۋىل ـ قىستاق، شەكارا وتكەلى، باقشا رايونى سياقتىلارعا بارىپ تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالاپتارىنا ساي، جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، جوعارى دەڭگەيدە ەسىك اشۋدا ”الدا جۇرۋگە“ قۇلشىنىپ، جوعارى ساپالى دامۋدا جىلدام ىلگەرىلەۋ كەرەك.
شينجياڭ كاگاڭ توبى شەكتى سەرىكتەستىگىندە، تارىم مۇناي الابى تارىم باتىس وڭتۇستىك تابيعي گازدى ٴبىر جاقتى ەتۋ باس زاۆودىنىڭ قاشقار بولىمشە زاۆودىندا ەركىن تۇنياز جابدىقتاردىڭ اينالىم جاعدايىن جۇمىس باسىندا تەكسەرىپ ـ كورىپ، نىساننىڭ اياق الىسىن ۇعىسىپ، بىلاي دەپ باسا دارىپتەدى: ”مەملەكەتتىڭ زور ٴىسىن“ ەستە بەرىك ساقتاپ، سەنىمدى ونان ارى بەكەمدەپ، ”القىمداعان“ قيىن ماسەلەلەردى جەدەل شەشىپ، تابيعي گاز بايلىعىن ىشكەرىلەي وڭدەۋدى جانە جالپىلىق پايدالانۋدى ىلگەرىلەتىپ، بار كۇشپەن جىلدامدىقتى جوعارىلاتىپ، ٴوندىرىس قۋاتىن كەڭەيتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە ۇلەس قوسۋ كەرەك.
ەركىن تۇنياز كونەشار اۋدانى لاڭگار قالاشىعى بيڭتاڭ شاپتول بازاسىنا، قاشقار جياڭنان اۋىل شارۋاشىلىعى قوسىمشا ونىمدەرىن تولايىم ساتۋ بازارىنا، قورعاس اۋدانى لۋساۋگوۋ قالاشىعى سىگۇڭ قىستاعىنا بارىپ، ەگىمشىلىك جانە بازاردىڭ ساتىلىم جاعدايىن ۇعىسىپ، جۇپار ٴشوپ بازاسى مەن ەرەكشە حالىقتىق تۇسەلحانالاردى تەكسەرىپ، بىلاي دەپ باسا دارىپتەدى: اۋىل شارۋاشىلىعى ونىمدەرىنىڭ ساپاسىن جوعارىلاتۋعا، ماركا جاراتۋعا كۇش سالىپ، توڭىرەكتەگى ەلدەردىڭ بازارىن بەلسەنە اشىپ، ەرەكشە، جوعارى ٴونىمدى، اۋىل شارۋاشىلىعىندا كىرىستى ارتتىرۋعا دەم بەرەتىن جاڭا جولمەن ٴجۇرۋ؛ اۋىل شارۋاشىلىعى ـ مادەنيەت ـ ساياحاتتى توعىستىرۋدى كۇشەيتىپ، دەر كەزىندە زەرتتەپ ولشەم شىعارىپ، حالىقتىق تۇسەلحانانىڭ جۇيەلى دامۋىن ىلگەرىلەتۋ كەرەك. قاشقار قالاسى پاقتاكلا اۋىلى سوعۇلىق قىستاعىنىڭ ٴبيداي اتىزىندا جازعى جيىن ـ تەرىن ٴجۇرىلىپ جاتتى، ەركىن تۇنياز شارۋا وتباسىلارىمەن، اۋىل شارۋاشىلىعى ماشينالارى قىزمەتكەرلەرىمەن، قىستاق كادرلارىمەن ىشكەرىلەي پىكىر اۋىستىرىپ، بىلاي دەپ باسا دارىپتەدى: ٴونىم الۋ، تاسىمالداۋ، زاپاس ساقتاۋ، ساتۋ ٴتۇرلى بۋىندارىن ٴجىتى قاداعالاپ، استىقتىڭ ٴونىمىن ورنىقتىرۋعا، ٴونىمىن ارتتىرۋعا بەرىك نەگىز قالاۋ كەرەك.
شينجياڭ ەركىن ساۋدا سىناق رايونىنىڭ قاشقار اۋماعىندا، قورعاس اۋماعىندا، ەركىن تۇنياز شەكارادان كىرىپ ـ شىعۋ، كەدەن، سالىق ىستەرى سياقتى تەرەزەلىك قىزمەتكەرلەرمەن پىكىر اۋىستىردى ٴارى دۇكەندەردى ارالاپ، ”تاس جول شەكارا وتكەلى + قاراستى جەردە توتە قاتىناۋ“ كەدەننەن ٴوتۋدى باقىلاۋ ـ باسقارۋ ۇلگىسىنىڭ اينالىمى جانە تۇتاس اۆتوكولىكتىڭ ەكسپورت ەتىلۋى سياقتى جاعدايلاردى ۇعىستى. ول بىلاي دەپ باسا دارىپتەدى: يدەيانى ونان ارى ازات ەتىپ، كوزقاراستا بۇرىلىس جاساپ، تۇزىمدە جاڭالىق اشۋ وزەكتى مىندەتىن ارقاۋ ەتىپ، جۇرەكتىلىكپەن سىناق جۇرگىزىپ، جۇرەكتىلىكپەن اتويلاپ، دەربەس رەفورما جاساپ، شينجياڭ ەركىن ساۋدا سىناق رايونى قۇرىلىسىنىڭ ٴتۇرلى ٴتۇيىندى مىندەتتەرىن تىڭعىلىقتى ىلگەرىلەتۋ كەرەك.
ەركىن تۇنياز شينجياڭ دىشىڭ عىلىم ـ تەحنيكا شەكتى سەرىكتەستىگىنە، قورعاس ۋاڭ ـ ي بىرلەسىپ جاڭالىق اشۋ ورتالىعىنا كەلىپ، قورعاس ۇلگى جاساۋشى حالىقارالىق باعالى مەتال كاسىپ سالاسى باقشاسى نىسانىن تەكسەرىپ، جاڭا ماتەريال كاسىپ سالاسى، سيفرلى ەكونوميكا، باعالى مەتال كاسىپ سالاسى سياقتىلارعا جۇمىس باسىندا تەكسەرۋ ـ زەرتتەۋ جۇرگىزىپ، نازاردى ٴوزىنىڭ بايلىق باسىمدىعىنا شوعىرلاندىرىپ، جەرگىلىكتى جاعدايعا قاراي جاڭاشا وندىرگىش كۇشتەردى جەتىلدىرۋ جانە دامىتۋ كەرەك دەپ باسا دارىپتەدى.
تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: رەفورما جاساۋدى، جاڭالىق اشۋدى قوزعاۋشى كۇش ەتىپ، جوعارى ەنەرگيالى ەسىك اشۋ تۇعىرىن زورايتىپ، كۇشەيتىپ، ساۋدا مەن قارجى قوسۋدىڭ قولايلىلانۋ دەڭگەيىن جوعارىلاتۋ كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن قالىپتاستىرىپ، ساياسات، زاڭ، فينانس سياقتى شەتەلگە ساياتىن قىزمەت وتەۋ قامتاماسىزدىعىن كۇشەيتىپ، كاسىپورىنداردىڭ ٴىس جۇزىندىك قيىنشىلىقتارىن شەشۋىنە شىنايى كومەكتەسۋ كەرەك. شارۋالاردىڭ كىرىسىن ارتتىرۋدى ماڭىزدىنىڭ ماڭىزدىسى ەتىپ، اۋىل شارۋاشىلىعىنىڭ، اۋىل ـ قىستاقتىڭ ەرەكشە بايلىعىنا سۇيەنىپ، ەرەكشەلىككە يە كاسىپ سالالارىن، شارۋالاردى بايىتاتىن كاسىپ سالالارىن ٴبىر تۇتاس جوسپارلاپ، كۇش سالا دامىتىپ، اۋىل ـ قىستاقتى گۇلدەندىرۋ جەتىستىكتەرىنەن قالىڭ بۇقارانى يگىلىكتەندىرۋ كەرەك. پارتيا ٴتارتىبىن ۇيرەنۋ تاربيەسىن كۇندەلىكتى تۇرمىسپەن توعىستىرىپ، ۇنەمى يگەرىپ، بۇقارانىڭ ماڭايىنداعى ”ميكرو شىرىكتەسۋدى“ كۇش سالا وڭاپ، ستيلدە شىنايى بۇرىلىس جاساپ، تياناقتاندىرۋدى مىقتى يگەرىپ، ٴتۇرلى قىزمەتتەردە تىڭ تابىستارعا قول جەتكىزۋدى بار كۇشپەن ىلگەرىلەتۋ كەرەك.
