تيانشان تورى - شينجياڭ گازەتىنىڭ ءتىلشسى حي حۇڭۋي حابارلايدى. 6 ـ ايدىڭ 14 ـ كۇنى 8 ـ كەزەكتى جۇڭگو — ازيا - ەۆروپا كورمەسىنىڭ قاعاز بەلەتى ۇرىمجىدەگى شينجياڭ بانكەسى باس بانكەسىنىڭ تيجارات بولىمىندە رەسمي ساتىلا باستادى، بۇل وسى كەزەكتى كورمەنىڭ بەلەتىن الدىن الا ساتۋ قىزمەتىنىڭ جاپپاي باستالعاندىعىن كورسەتەدى.
6 - ايدىڭ 14 - كۇنى ۇرىمجىدەگى شينجياڭ بانكەسى باس بانكەسىنىڭ تيجارات بولىمىندە قالا تۇرعىندارى قىزمەتكەردىڭ كومەگىندە 8 ـ كەزەكتى جۇڭگو — ازيا - ەۆروپا كورمەسىنىڭ قاعاز بەلەتىن ساتىپ الۋدا. سۋرەتتى حي حۇڭۋي تۇسىرگەن
”جىبەك جولىنداعى جاڭا وراي، ازيا ـ ەۆروپانىڭ جاڭا ومىرشەڭدىك كۇشى“ نەگىزگى تاقىرىپ بولعان 8 ـ كەزەكتى جۇڭگو — ازيا - ەۆروپا كورمەسى 6 ـ ايدىڭ 26 ـ كۇنىنەن 30 ـ كۇنىنە دەيىن ۇرىمجىدە وتكىزىلەدى. جۇرتتىڭ كورمەنى تاماشالاۋ ۋاقىتى 6 ـ ايدىڭ 27 ـ كۇنىنەن 30 ـ كۇنىنە دەيىن. 8 ـ كەزەكتى جۇڭگو — ازيا - ەۆروپا كورمەسىنىڭ ەسىك بەلەتى ەلەكتروندى ەسىك بەلەتى جانە قاعاز ەسىك بەلەتى بولىپ بولىنگەن. ەسىك بەلەتىندە ٴبىر ادامعا ٴبىر بەلەت، ٴبىر كۋالىكپەن الاڭعا كىرۋ پرينسيبى اتقارىلىپ، بەلەتى بار ادامدار الاڭ ـ سارايعا كىرگەندە كۇشكە يە ازاماتتىق كۋالىگىن دە كورسەتۋى كەرەك.
وسىدان ىلگەرى، ەلەكتروندى ەسىك بەلەتى الدىمەن ساتىلا باستاعان بولاتىن، جۇرت جۇڭگو — ازيا - ەۆروپا كورمەسى رەسمي سايتى، ۋيشين الەۋمەتتىك ٴنومىرى سياقتى تاسىلدەر ارقىلى ساتىپ الۋىنا بولادى، سونىمەن بىرگە شينجياڭ بانكەسى ۋيشين الەۋمەتتىك ٴنومىرى، شينجياڭ بانكەسى پورتال سايتى، شينجياڭ بانكەسى قول تەلەفون بانكەسى سىندى 3 ارنا ارقىلى سايكەستى بەلەت ساتىپ الۋ ارناۋلى اۋماعىنا كىرىپ بەلەت ساتىپ الۋىنا بولادى.
شينجياڭ بانكەسى 8 ـ كەزەكتى جۇڭگو — ازيا - ەۆروپا كورمەسىنىڭ بىردەن ـ ٴبىر ستراتەگيالىق سەلبەستىك سەرىگى رەتىندە، قاعاز بەلەتتى ساتىپ الۋ ارناسىن اشتى، جۇرتتىڭ شينجياڭ بانكەسىنىڭ ٴۇرىمجى قالا رايونىنداعى 23 تيجارات تور تۇيىنىنە جانە سانجى قالاسىنداعى 3 تيجارات تور تۇيىنىنە بارىپ، قاعاز بەلەت ساتىپ الۋىنا بولادى.
جۇڭگو — ازيا - ەۆروپا كورمەسى حاتشىلار باسقارماسىنىڭ قىزمەتكەرى تاڭ حۇيجۇن مىنالاردى ٴبىلدىردى: وسى كەزەكتى جۇڭگو — ازيا - ەۆروپا كورمەسىندە ينتەرنەت جەلىسىندە، ينتەرنەت جەلىسىنەن تىسقارى سىندى ەكى ٴتۇرلى تاسىلدە بەلەت ساتىلادى، سونىمەن بىرگە كورمە كەزىندە جۇرتتىڭ شينجياڭ حالىقارالىق ٴماجىلىس ـ كورمە ورتالىعىنىڭ كورمەنى تاماشالاۋشىلار كىرەتىن ەسىك اۋزىندا ەكىلىكتى جايمالاۋ ارقىلى ەلەكتروندى بەلەت ساتىپ الۋىنا بولادى.
شينجياڭ بانكەسى سيفرلاندىرا دامىتۋ ٴبولىمىنىڭ باس ديرەكتورى لو حۇڭيىڭ بىلاي دەپ تانىستىردى: 8 ـ كەزەكتى جۇڭگو — ازيا - ەۆروپا كورمەسىن قارسى الۋ ٴۇشىن، شينجياڭ بانكەسى بەلەت ساتىپ الۋعا بولاتىن تيجارات تور تۇيىندەرىندە ”جىبەك جولىنداعى جاڭا وراي، ازيا - ەۆروپانىڭ جاڭا ومىرشەڭدىك كۇشى“ نەگىزگى تاقىرىپ بولعان 8 ـ كەزەكتى جۇڭگو — ازيا - ەۆروپا كورمەسى كورمە اۋماعىن تۇلعالاپ، كوپ ٴتۇرلى جولدارمەن ۇگىت قىزمەتىن ورىستەتتى. سونىمەن بىرگە شينجياڭ بانكەسى وسى كەزەكتى جۇڭگو — ازيا - ەۆروپا كورمەسىنىڭ بەلەتىن ساتۋعا سايكەسۋ ٴۇشىن، بەلگىلەنگەن سوماعا جەتسە باعاسىن ارزانداتۋ قيمىلىن دا ورىستەتتى.
