6 ـ ايدىڭ 12 ـ كۇنى ساۋدا ىستەرى مينيسترلىگى بەيجيڭدە 8 ـ كەزەكتى جۇڭگو _ ازيا _ ەۆروپا كورمەسىنىڭ اقپار جاريالاۋ ٴماجىلىسىن وتكىزدى، ”جىبەك جولىنداعى جاڭا وراي، ازيا ـ ەۆروپانىڭ جاڭا ومىرشەڭدىك كۇشى“ دەگەندى نەگىزگى تاقىرىپ ەتكەن 8 ـ كەزەكتى جۇڭگو — ازيا - ەۆروپا كورمەسى 6 - ايدىڭ 26 - كۇنىنەن 30 - كۇنىنە دەيىن ءۇرىمجى قالاسىندا وتكىزىلەدى، قازىر دايىندىق جۇمىسى نەگىزىنەن اياقتادى.
وسى رەتكى كورمەنى ساۋدا ىستەرى مينيسترلىگى، سىرتقى ىستەر مينيسترلىگى، جۇڭگو حالىقارالىق ساۋدانى جەبەۋ كوميتەتى، اۆتونوميالى رايوندىق حالىق ۇكىمەتى بىرگە ۇيىمداستىرىپ وتكىزگەن. كورمەنىڭ جالپى اۋدانى 140 مىڭ شارشى مەتر، جالپى 14 ساراي بار، جالپى كورمە سارايىن ەرەكشە اشەكەيلەۋ سالىستىرماسى %77گە جەتىپ، قارجى قوسۋ سەلبەستىگى، حالىقارا، ەرەكشە كاسىپ سالاسى، جابدىق جاساۋ سىندى 4 كورمە اۋماعى ورنالاستىرىلعان.
وسى كەزەكتى كورمەدە كورمەگە قاتىناسۋدىڭ كولەمى كەڭ، دەڭگەيى جوعارى بولدى، قازىرگە دەيىن، جالپى 50 مەملەكەت، ءوڭىر جانە حالىقارالىق ۇيىمنان، 30 ولكە، اۆتونوميالى رايون، توتە قاراستى قالا جانە شينجياڭ ٴوندىرىس ـ قۇرىلىس بيڭتۋانىنان، اۆتونوميالى رايونداعى 14 ايماق، وبلىس، قالادان 1000نان اسا كاسىپورىن مەن قۇرىلىم كورمەگە قاتىناستى.
تىلشىلەر: يىن تۇڭيۋان، گاۋ يۇيگاڭ، حي حۇڭۋي
