انار بۇلت \ شينجياڭ گازەتىنىڭ ٴتىلشىسى ياۋ گاڭ 6 ـ ايدىڭ 19 ـ كۇنى ۇرىمجىدەن حابارلايدى. ٴتىلشىنىڭ اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىنشا، 6 ـ ايدىڭ 15 ـ كۇنىنەن 19 ـ كۇنىنە دەيىنگى قۇربان ايت دەمالىسى كەزىندە تۇتاس رايون قابىلداعان جالپى ساياحاتشى 10 ميلليون 418 مىڭ 300 (رەت) بولىپ، سايكەس مەزگىلدەگىدەن %9.93 ارتقان؛ ساياحات كىرىسى 10 ميلليارد 642 ميلليون يۋانعا جەتىپ، سايكەس مەزگىلدەگىدەن %15.76 ارتقان.
دەمالىستا تۇتاس رايوننىڭ ساياحات بازارى بارىنشا جاندادى. بۇكىل رايونداعى A دارەجەلى كورىنىس وڭىرلەرى قابىلداعان ساياحاتشى 8 ميلليون 115 مىڭ 600 (رەت) بولىپ، سايكەس مەزگىلدەگىدەن %21.69 ارتتى، كىرىسى 2 ميلليارد 358 ميلليون يۋانعا جەتىپ، سايكەس مەزگىلدەگىدەن %23.12 ارتتى. مۇندا سايرام كولى كورىنىس ٴوڭىرى قابىلداعان ساياحاتشى 317 مىڭ (رەت) بولىپ، سايكەس مەزگىلدەگىدەن %25.27 ارتتى؛ ساياحات كىرىسى 301 ميلليون يۋانعا جەتىپ، سايكەس مەزگىلدەگىدەن %35.7 ارتتى. قاناس كورىنىس ٴوڭىرى قابىلداعان ساياحاتشى 199 مىڭ 700 (رەت) بولىپ، سايكەس مەزگىلدەگىدەن %50.35 ارتتى؛ ساياحات كىرىسى 348 ميلليون يۋان بولىپ، ارتۋ مولشەرى سايكەس مەزگىلدەگىدەن %50تەن استى. نارات كورىنىس ٴوڭىرى قابىلداعان ساياحاتشى 171 مىڭ 900 (رەت) بولىپ، سايكەس مەزگىلدەگىدەن %54.92 ارتتى؛ ساياحات كىرىسى 152 ميلليون يۋان بولىپ، سايكەس مەزگىلدەگىدەن %38.92 ارتتى.
اۆتونوميالى رايوندىق مادەنيەت جانە ساياحات مەڭگەرمەسى جەر ـ جەردەگى مادەنيەت ـ ساياحات تاراۋلارىنىڭ، كورىنىس وڭىرلەرىنىڭ، كورىنىس تۇيىندەرىنىڭ ٴتۇرلى تيىمدىلىك جاساپ، ساياحاتشى ەنگىزۋ ۇلگىسىن قولدانۋىنا جەتەكشىلىك ىستەپ، جاڭا ساياحات ونىمدەرىن، كاسىپ كۇيىن ۇزدىكسىز جاڭالاپ، ٴبىر توپ ”شاعىن ٴارى كوركەم، شاعىن ٴارى سارا، ەرەكشەلىككە يە“ تەرەڭدەي سەزىنەتىن ساياحات جەلىسىن ۇسىنىپ، ٴتىپتى دە كوپ ساياحاتشىلاردىڭ كورىكتى شينجياڭدى تولىق تۇسىنۋىنە مۇمكىندىك جاسادى. نارات كورىنىس ٴوڭىرى قاۋىرت كەزدەن باسقا ۋاقىتتا ساياحاتتاۋ ۇسىنىسىن تاراتىپ، ساياحاتشىلاردى ىلە اڭعارى ساياحات اينالما جەلىسى، شاشى مەملەكەتتىك ورمان باقشاسى، توعىراسۋ جايلاۋى سياقتى كورىنىس وڭىرلەرىن، كورىنىس تۇيىندەرىن ساياحاتتاۋعا جەتەكشىلىك ىستەدى. جانبۇلاق كورىنىس ٴوڭىرى، پامير ساياحات كورىنىس ٴوڭىرى ەسىك بەلەتىن كەشىرىم ەتۋ، ايرىقشا تيىمدىلىك جاساۋ ساياحاتى، ٴىرى كولەمدى كونسەرتتە تيىمدىلىك جاساۋ سياقتى مەكتەپ ٴبىتىرۋ مەزگىلىنە باعىتتالعان قيمىلداردى ۇسىندى.
شينجياڭنىڭ جەر ـ جەرى ادەبيەت ـ كوركەمونەر كونسەرتى، مەرەكەنى قۇتتىقتاۋ قيمىلى سياقتىلاردى ۇسىنىپ، قۋانىشتى دا بەرەكەلى مەرەكە رايىن قالىپتاستىردى. تۇتاس رايوندا 443 رەت كونسەرت قيمىلى وتكىزىلىپ، يگىلىگىن كورگەن بۇقارا 447 مىڭ 100عا (رەت) جەتتى. ٴار ۇلت بۇقاراسى ٴان ايتىپ، بيگە باسىپ، مەرەكەنى تويلاپ، شينجياڭنىڭ ”ٴان ـ ٴبي مەكەنى“ كەرەمەتىن تولىق ايگىلەدى.
دەمالىس كەزىندە، ٴار دارەجەلى مادەنيەت جانە ساياحات تاراۋلارى زاڭنىڭ اتقارىلۋىن باقىلاۋ ـ باسقارۋدى كۇشەيتىپ، قىزمەت وتەۋ ساپاسىن جوعارىلاتىپ، ۇگىتتەۋ، جەتەكتەۋ تەبىنىن ارتتىردى. مادەنيەت جانە ساياحات تاراۋلارى ىلە قازاق اۆتونوميالى وبلىسى، التاي ايماعى سياقتى قىزۋ ٴتۇيىندى كورىنىس وڭىرلەرىنە بارىپ، ناقتى ورىندا تەكسەرۋ جۇرگىزىپ، جەتەكشىلىك ەتتى. جەر ـ جەر قىزمەت وتەۋمەن قامتاماسىز ەتۋدى كۇشەيتىپ، ساياحاتشىلاردىڭ ساياحات اسەرىن كۇشەيتتى، اقسۋ، تارباعاتاي سياقتى جەرلەر مايتاۋ _ كۇشار تاس جولى جەلىسى بويىنداعى دارەتحانا، اۆتوكولىك توقتاتۋ الاڭى، كورىنىس تاماشالاۋ تەكشەسى، حالىقتىق تۇسەلحانا، ماگازين، اس ـ سۋعا بىرلەسىپ رەتتەۋ ـ وڭاۋ جۇرگىزۋ، دەڭگەيىن جوعارىلاتۋ ارەكەتىن ورىستەتتى. قاناس كورىنىس ٴوڭىرى ساياحاتتىڭ قاۋىرت مەزگىلىندە ساقاداي سايلانىپ، ساياحاتشىلاردى اۆتوكولىكپەن تىكەلەي جەتكىزۋ قىزمەت وتەۋ ورتالىعىن اشىپ، 7 جەردە قىزمەت وتەۋ پۋنكتىن قۇرىپ، ساياحاتشىلاردى جۇك ساقتاۋ قىزمەت وتەۋىمەن قامدادى؛ نارات كورىنىس ٴوڭىرى ٴوز اۆتوكولىگىمەن ساياحاتتاۋ ساياساتى جونىندە رەتتەۋ جۇرگىزىپ، شەكتى مولشەردە كۇنى بۇرىن كەلىسۋدىڭ دارەجەسىن يكەمدى رەتتەۋ ـ مەڭگەرۋگە جوعارىلاتتى.
