قىسقا ارالىققا جۇگىرەتىن ”جەلاياق نۇر“
جارىس الاڭىنداعى بۇيرىق ناگانىنىڭ اتىلۋىن كۇتەمىن
□ انار بۇلت \ شينجياڭ گازەتىنىڭ ٴتىلشىسى ۋاڭ جيڭجيڭ
”جەلاياق نۇردىڭ“ اۋىل ـ قىستاقتىڭ لاي ـ باتپاقتى جەرىندە ٴار كۇنى تاباندىلىقپەن فۋتبول تەبۋگە جاتتىققان بەينەجازباسى سانسىز سايتتاستى اسەرلەندىرگەن ەدى. اۋىلدان شىققان دوپشى رەتىندە، ول قىزۋ سۇيىسپەنشىلىگى ارقىلى فۋتبول سپورتىنىڭ بولۋعا ٴتيىستى بەينەسىن كورسەتتى.
بۇگىنگى تاڭدا، شينجياڭنىڭ قىسقا ارالىققا جۇگىرەتىن ”جەلاياق نۇرىنىڭ“ حيكاياسى تاعى دا ايتىلدى، 23 جاستاعى ٴازھار ٴاحتام قىزۋ سۇيىسپەنشىلىگى ارقىلى جەڭىل اتلەتيكا سپورتىندا قۇلشىنا العا ىلگەرىلەگەن بەينەنى كورسەتتى.
قاسىنداعىلاردىڭ ٴبارى 5، 6 جاس كىشى، ناتيجەسى اناعۇرلىم جاقسى كاسىپتىك سپورتشىلار بولسا دا، ٴازھار تيتتەي دە ”ٴوزىن قوراشسىنعان“ جوق. شينجياڭ جەڭىل اتلەتيكا قۇراماسىنداعى ”شتاتتان تىس“ قۇراما مۇشەسى رەتىندە، ول 8 اي ىلەسىپ جاتتىقتى ٴارى ٴوز قاراجاتىمەن ٴتۇرلى جەڭىل اتلەتيكا جارىستارىنا قاتىناسىپ ٴجۇردى.
”جاتتىعۋ ارقىلى مەن قازىر 1 ـ دارەجەلى ورەگە جەتتىم، تەك جارىس الاڭىنداعى بۇيرىق ناگانىنىڭ اتىلۋى عانا كەم بولىپ تۇر، ولشەمگە جەتكەن ناتيجە ارقىلى ٴوزىمنىڭ ’قىڭىرلىعىما‘ قاناعاتتانارلىقتاي نۇكتە قويعىم كەلەدى“، ـ دەدى ٴازھار.
داشۋە وقىپ جۇرگەندە جەڭىل اتلەتيكا بويىنشا مەملەكەتتىك 1 ـ دارەجەلى سپورتشى ولشەمىنە جەتپەگەندىگىنە ول مويىنسال بولمادى! بىلتىر 6 ـ ايدا شينجياڭ شىفان جوعارى دارەجەلى تەحنيكۋم مەكتەبىنەن وقۋ بىتىرگەننەن كەيىن، ساباقتاستارى ىركەس ـ تىركەس جەر ـ جەردەگى مەكتەپتەرگە بارىپ، دەنە تاربيە مۇعالىمى بولعاندا، ول جۇمىس ىزدەۋدەن باز كەشىپ، ”قىڭىرلىقپەن“ جەڭىل اتلەتيكا جاتتىعۋىن جالعاستىردى.
ٴازھاردىڭ اكەسى زەينەتكە شىعۋدان بۇرىن دەنە تاربيە مۇعالىمى ەدى، ورتالاۋ، ورتا مەكتەپ كەزىندە جاتتىعىپ، جوعارىلاپ وقۋعا، كاسىپتىك قۇرامالارعا كىرۋگە بولاتىندىعىن، ۇلى وسى ساتتە داشۋە ٴبىتىرىپ كەتكەندىكتەن، جۇمىس ىزدەمەي كاسىپتىك قۇرامالارعا ىلەسىپ قىرۋار ۋاقىت جۇمساپ جاتتىعۋ جاساۋىنىڭ پالەندەي ٴىس جۇزىندىك ٴمانى جوق ەكەندىگىن ابدەن بىلەتىن. ”كىشكەنتاي كەزىمدە باسكەتبول وينادىم، ورتالاۋ مەكتەپتە بيىككە سەكىرۋگە جاتتىقتىم، ورتا مەكتەپتە قىسقا ارالىققا جۇگىرۋگە جاتتىقتىم، كىشكەنتايىمنان دەنە تاربيەنى ۇناتتىم، باسەكەلى دەنە تاربيەنىڭ ٴوزى وزىڭمەن بەلدەسۋ، مەن ٴوزىمنىڭ ىلگەرگى ناتيجەمنەن اسىپ تۇسكەننەن كەيىنگى سەزىمدى ەرەكشە ۇناتامىن. 20 نەشە جاسىمدا تاباندىلىقپەن جاتتىعۋ جاساماسام، كەيىن ەشقانداي مۇمكىندىك قالمايدى“. ٴازھار اكەسىن يلاندىرىپ، مەملەكەتتىك 1 ـ دارەجەلى سپورتشى ولشەمىنە جەتسە بولعانى، جاقسىلاپ قىزمەت ىستەيتىندىگىن ايتىپ ۋادە بەرەدى.
جان ـ جاقپەن حابارلاسىپ كورگەننەن كەيىن، ول اۆتونوميالى رايوندىق دەنە تاربيە مەكەمەسى دەنە تاربيە، جاتتىعۋ 1 ـ ۇلكەن اترەتى جاتتىقتىرۋ ٴبولىمىنىڭ باستىعى ياڭ ىندياندى تابادى. ”مۇنداي بالا وتە از كەزدەسەدى، ونىڭ بويىنان جەڭىل اتلەتيكاعا كىرشىكسىز قىزۋ سۇيىسپەنشىلىكتى كورۋگە بولادى، مۇنداي ارمانىنان جازباعان ادامعا وراي بەرۋ كەرەك“. ياڭ ىنديان باسشىلاردان نۇسقاۋ سۇراعاننان كەيىن، ولاردىڭ ٴازھاردىڭ كاسىپتىك جەڭىل اتلەتيكا قۇراماسىنا ىلەسىپ جاتتىعۋ جاساۋىنا قوسىلعاندىىعن ايتتى.
2023 ـ جىلى 10 ـ ايدىڭ 1 ـ كۇنىنەن باستاپ ٴازھار ٴار كۇنى تاڭەرتەڭ ٴبىر جارىم ساعات ۋاقىت جۇمساپ اۆتوبۋزدان مەتروعا اۋىسىپ ٴجۇرىپ، اۆتونوميالى رايوندىق دەنە تاربيە مەكەمەسى دەنە تاربيە، جاتتىعۋ 1 ـ ۇلكەن اترەتىنىڭ جەڭىل اتلەتيكا جاتتىعۋ الاڭىنا كەلەدى. قىستا بولمە ىشىندەگى سپورت الاڭىندا جاتتىعادى؛ كوكتەمنەن باستاپ بولمە سىرتىنداعى سپورت الاڭىندا جاتتىعۋ جاسايدى. ەشقاشان جۇيەلى جەڭىل اتلەتيكا جاتتىعۋىن جاساپ كورمەگەن ٴازھار كاسىپتىك قۇراماعا ىلەسىپ، شىدامدىلىق، سايكەستىلىك، جىلدامدىق جانە جوعارى ىرشۋ سياقتى جاقتارداعى جۇيەلى جاتتىعۋلاردى جۇرگىزەدى.
ٴازھار ٴار كۇنگى جاتتىعۋ ورايىن قاستەرلەيدى. قاتتى قالجىراعان كەيبىر قۇراما مۇشەلەرى ونىڭ ٴتىسىن تىسىنە باسا تاباندى جالعاستىرعانىن كورىپ: ”ٴسىزدىڭ بۇلاي شارشاماۋىڭىزعا ابدەن بولادى عوي، نەگە مۇندا جانتالاسىپ ٴجۇرسىز“، ـ دەگەندە، ”سەندەر كىشكەنەسىڭدەر، مەن 23 جاسقا كەلدىم، كاسىپتىك جاتتىعۋدا ٴبىر كۇن جاتتىقسام، ٴبىر كۇنىم ازايا بەرەدى، جارىسقا ٴبىر رەت بارسام، بىرەۋى ازايا بەرەدى، سەندەرگە قىزىعامىن“، ـ دەيدى ٴازھار.
بيىل 3 ـ ايدا ٴبىر قىس جاتتىعۋ جاساعاننان كەيىن ٴازھار 100 مەتر جانە 200 مەتر قىسقا ارالىققا جۇگىرۋدىڭ بارىندە تىڭ ناتيجە جاراتتى، الايدا باسقا قۇراما مۇشەلەرى قول جەتكىزگەن ناتيجەمەن سالىستىرعاندا، ٴالى دە اجەپتاۋىر پارىق جاتقان ەدى. ول ٴوزىنىڭ تاڭداۋىنان كۇماندانىپ: ”مەن تاعى دا زور كۇش سالسام دا جاتتىعۋدان ناتيجە شىعارا المايمىن با؟ مەنىڭ شەگىم مەملەكەتتىك 2 ـ دارەجەلى سپورتشىلاردىڭ ورەسى عانا ما“؟ ـ دەپ ويلايدى.
وسى ساتتە، اۆتونوميالى رايوندىق دەنە تاربيە مەكەمەسى دەنە تاربيە، جاتتىعۋ 1 ـ ۇلكەن اترەتى جەڭىل اتلەتيكا اترەتىنىڭ جاتتىقتىرۋشىسى ٴازھارعا سەنىم سيلايدى. جاتتىقتىرۋشى وعان ٴار رەتكى جاتتىعۋعا زەيىن سالىپ، ٴوزىنىڭ ىلگەرىلەۋشىلىگىنە كوبىرەك كوز جۇگىرتۋدى ايتادى. ”ٴار كۇنى 3 ساعات جول ٴجۇرىپ كەلىپ قىسقى جاتتىعۋعا قاتىناسقانىمدى ويلاسام، ٴوزىم، راسىندا، مىقتى ەكەنمىن، باز كەشسەم ٴوز ٴۇمىتىمدى جەردە قالدىرامىن ەمەس پە. ’جەلاياق نۇر‘ تاباندىلىقپەن جالعاستىرىپ، ەڭ سوڭىندا ارمانىنا جەتىپ، كاسىپتىك فۋتبول قۇراماسىنىڭ ۇسىنىسىن قابىلدادى ٴارى جارىستا ٴبىر دوپ كىرگىزدى. باسقالار ىستەي العان ٴىستى مەن دە ىستەي الامىن عوي“، ـ دەدى ٴازھار.
جەڭىل اتلەتيكا سپورتشىسى، ٴسوز جوق، ۇزدىكسىز جارىسقا قاتىناسسا عانا جاتتىعۋ جەتىستىگىن سىننان وتكىزىپ، كومەسكى كۇشىن قاۋلاتا الادى. 4 ـ ايدا ٴازھار ٴوز قاراجاتىمەن تىزىمدەلىپ، 2024 ـ جىلعى دۇنيە جۇزىلىك جەڭىل اتلەتيكا بىرلەستىگى گاۋھار بىرلەسكەن جارىسى شيامىن بەكەتىنىڭ جارىسىنا قاتىناسىپ، جۇرتشىلىق گرۋپپاسىنىڭ 100 مەترلىك جارىسىندا 11 سەكۋند 05 تاقىلدىق ناتيجەگە قول جەتكىزەدى.
وسى رەتكى جارىستا ٴازھار ٴوزى سياقتى جەڭىل اتلەتيكا ارمانىنان جازباعان كوپتەگەن ادامدارمەن تانىسادى، كەيبىرەۋىنىڭ جاسى ودان ۇلكەن، جەڭىل اتلەتيكا جاتتىقتىرۋشىسى بولا ٴجۇرىپ جاتتىعۋدى جالعاستىرعان ەكەن. وسىلايشا ول بۇدان كەيىنگى ومىرلىك بەتالىسىن تابادى _ اناعۇرلىم تاماشا ناتيجەگە قول جەتكىزىپ، اناعۇرلىم مول جارىس جانە جاتتىعۋ تاجىريبەسىن توپتاپ، ٴوزىنىڭ جەڭىل اتلەتيكا كلۋبىن قۇرماقشى بولادى.
ٴازھار شيامىندا 10 كۇنگە تاياۋ تۇردى، جارىس جوق كەزدەردە حالىقارالىق ايگىلى قىسقا ارالىققا جۇگىرۋ سپورتشىلارىنىڭ جارىسىن كورەدى ٴارى الاڭ شەتىندە جاتتىقتىرۋشىلاردان ٴجون سۇراپ، ٴوزىن ۇزدىكسىز تولىقتىرا تۇسەدى.
شينجياڭعا قايتىپ كەلگەن سوڭ، دوسىنىڭ تانىستىرۋىمەن ٴازھار ٴوزىنىڭ كاسىپتىك ٴبىلىمى مەن جەڭىل اتلەتيكاعا جاتتىعۋ تاجىريبەسىنەن پايدالانىپ، ورتالاۋ جانە ورتا مەكتەپتەردەگى دەنە تاربيەدە ەرەكشەلىگى بار وقۋشىلارعا ۇيرەتەدى. ”وقۋشى وتە از بولعانىمەن، مەنىڭ دە كىرىسىم بار بولدى، وسىلاي بولعاندا جارىسقا قاتىناسۋىمدى قامداي الامىن“، ـ دەدى ول.
5 ـ ايدا ٴازھار ٴوز قاراجاتىمەن چۇڭچيڭگە بارىپ، 2024 ـ جىلعى جەڭىل اتلەتيكا بولىمشە جارىس الاڭى ۇسىنىس ەتۋ جارىسى ەرلەر بۇقارالىق گرۋپپاسىنىڭ 200 مەترلىك جارىسىنا قاتىناسىپ ٴۇشىنشى بولدى. دارەجەگە يە بولعاندىقتان، ول كاسىپتىك گرۋپپا جارىسىنا قاتىناسۋ ورايىنا يە بولادى. 6 ـ ايدىڭ 16 ـ كۇنى ول چىڭدۋعا بارىپ جارىسقا قاتىناسادى. بۇل جولى ونىڭ نىساناسى 200 مەترلىك قىسقا ارالىققا جۇگىرۋدە مەملەكەتتىك 1 ـ دارەجەلى سپورتشى ولشەمىنە اتويلاۋ ەدى.
6 ـ ايدىڭ 12 ـ كۇنى اتتانار الدىندا، ٴازھار اۆتونوميالى رايوندىق دەنە تاربيە جاتتىقتىرۋ 1 ـ ۇلكەن اترەتىنە كەلىپ جارىس الدىنداعى كۇش جاتتىعۋىن جاسايدى، ساپتاستارى ونىمەن ٴبىر ـ بىردەن قول الىستى، جاتتىقتىرۋشى وعان جارىستان بۇرىن قالىپتان تىس جاتتىعۋ جاساماۋدى تاپسىردى. بارلىق دايىندىق جاسالدى، سول ٴبىر بۇيرىق بەرۋ ناگانىنىڭ ٴۇنى عانا كەم بولىپ تۇر، ول ارمانىن ورىنداۋ الدىندا تۇر، سونداي ـ اق ٴتىپتى دە ۇزاق بولاشاققا بەت الماقشى.
ياڭ ىنديان بىلاي دەدى: كاسىپتىك جەڭىل اتلەتيكامەن سالىستىرعاندا بۇقارالىق جەڭىل اتلەتيكا سالاسى تاياۋ جىلداردان بەرى قارىشتاپ دامىدى، ەل ىشىندەگى كوپتەگەن كاسىپتىك جارىستاردا دا بۇقارالىق گرۋپپا جارىسى ورنالاستىرىلدى، جاي ادامدار دا حالىقارالىق قىسقا ارالىققا جۇگىرەتىن جۇلدىزداردىڭ جانىنا بارا الاتىن بولدى، جەڭىل اتلەتيكا مادەنيەتى ادامداردىڭ جۇرەگىنە ٴتىپتى دە تەرەڭ، ٴتىپتى دە كەڭ ۇيالادى. ”ٴازھاردىڭ جاقسى ناتيجەگە قول جەتكىزۋىن تىلەيمىن، سونداي ـ اق ونىڭ اڭگىمەسىنىڭ ’جەلاياق نۇر‘ سياقتى جەڭىل اتلەتيكانى قىزۋ سۇيەتىن ٴتىپتى دە كوپ ادامدى ارماننان جازباۋعا ىنتالاندىرۋىن ٴۇمىت ەتەمىن“، ـ دەدى ول.
